དབུ་ཤོག>སྲིད་དོན།>སྲིད་དོན་གསར་འགྱུར།
  • ཡན་ཅིན་ཧའེ་ཡིས་ལྷ་སར་སྒོ་ར་སྔོ་འགྱུར་ལས་དོན་ལ་བརྟག་ཞིབ་གནང་བ།

  • ཡོང་ཁུངས།  ཀྲུང་གོའི་བོད་ཀྱི་གསར་འགྱུར་དྲ་བ།    |     སྤེལ་དུས།  2024-05-16

    ཚེས་14ཉིན། རང་སྐྱོང་ལྗོངས་ཏང་ཨུད་ཀྱི་ཧྲུའུ་ཅི་གཞོན་པ་རང་སྐྱོང་ལྗོངས་ཀྱི་ཀྲུའུ་ཞི་ཡན་ཅིན་ཧའེ་ཡིས་ལྷ་སར་གྲོང་མིའི་ཁུལ་ཆུང་དང་། སྨན་ཁང་། སློབ་གྲྭ་བཅས་ཀྱི་སྒོ་ར་སྔོ་འགྱུར་ལས་དོན་ལ་སྐུལ་འདེད་གཏོང་ཚུལ་བརྟག་ཞིབ་གནང་བ་རེད།

    རེན་ཝེ་བརྟག་ཞིབ་གནང་བར་ལྷན་དུ་ཕེབས་པ་རེད།

    ལྷ་ཞབས་གླིང་ཕྲན་མེ་ཏོག་ལྡུམ་རའི་ཁུལ་ཆུང་དུ་ཡན་ཅིན་ཧའེ་དང་བཅས་པས་སྔོ་ལྗང་བཀོད་སྒྲིག་བྱ་ཚུལ་དང་རྩྭ་རྩི་ཤིང་སྐྱེ་ཚུལ་སོགས་ལ་ས་གནས་ས་ཐོག་ཏུ་གཟིགས་ཞིབ་གནང་ཞིང་། ཁོང་གིས་སྒོ་ར་སྔོ་འགྱུར་བྱ་རྒྱུ་ནི་རྒྱལ་ཁབ་ཀྱི་སྐྱེ་ཁམས་ཤེས་དཔལ་མཐོ་ས་གཏོད་པའི་བྱེད་ཐབས་གལ་ཆེན་ཞིག་དང་མི་དམངས་མང་ཚོགས་ཀྱི་འཚོ་བའི་ཆུ་ཚད་མཐོ་རུ་གཏོང་བའི་ནང་དོན་གལ་ཆེན་ཞིག་རེད། རང་སྐྱོང་ལྗོངས་ཏང་ཨུད་དང་སྲིད་གཞུང་གིས་ཚད་མཐོའི་མཐོང་ཆེན་བྱས་ནས་འདི་ལོའི་རང་སྐྱོང་ལྗོངས་ཀྱི《སྲིད་གཞུང་གི་ལས་དོན་སྙན་སྒྲོན》ནང་སྒོ་ར་སྔོ་འགྱུར་ལས་དོན་བཀོད་སྒྲིག་བྱས་ཡོད། དེས་ན་མི་དམངས་ལྟེ་བར་འཛིན་པའི་འཕེལ་རྒྱས་ཀྱི་བསམ་བློ་ཐོག་མཐའ་བར་གསུམ་དུ་མཐའ་འཁྱོངས་ཀྱིས་ཡུལ་བབ་དང་བསྟུན་པ་དང“ལས་ཀ་ཞིབ་ཚགས་བྱས་ཏེ་སྟོང་འཇོག་སྔོ་འགྱུར་དང་སྲུབས་མཐོང་སྔོ་འཛུགས་བྱེད་པ། རྩྭ་རྩི་ཤིང་ཡོད་དོ་ཅོག་ལ་གཡོག་བྱེད་ཡག་པོ་བཅས་བྱས་ཏེ། སྔོ་ཁེབས་རྒྱ་ཁྱོན་ཆེ་རུ་གཏོང་གང་ཐུབ་བྱས་ནས་མི་དམངས་མང་ཚོགས་ཀྱི་ཐོབ་སྣང་དང་སྐྱིད་སྣང་རྒྱུན་ཆད་མེད་པར་ཆེ་རུ་གཏོང་དགོས།

    སྐྱེ་ཁམས་ཀྱི་གཞི་མདོག་མངོན་གསལ་ཆེ་རུ་གཏོང་དགོས་ཤིང་། སྒོ་ར་སྔོ་འགྱུར་ལས་དོན་བརྒྱུད་རང་ལྗོངས་སུ་རྩྭ་རྩི་ཤིང་ཁྱབ་ཚད་སྔར་བས་ཆེ་རུ་གཏོང་བ་དང་། སྔོ་ལྗང་བར་མཐོངས་དེ་བས་མང་པོ་གཏོད་པ། གྲོང་ཁྱེར་གྱི་སྔོ་ལྗང་ཡུལ་ལྗོངས་ཕུན་སུམ་ཚོགས་སུ་གཏོང་བ་བཅས་བྱས་ནས་གྲོང་ཁྱེར་འདི་ཉིད“སྔོ་ལྗང་ཅན”དང“མཛེས་སྡུག་ཅན”དུ་འགྱུར་བ་བྱེད་དགོས་ཞེས་བསྟན་གནང་བ་རེད།

    ལྷ་ས་གྲོང་ཁྱེར་ཚོད་ལྟའི་སློབ་ཆུང་དུ་སློབ་གྲྭའི་ཁོར་ཡུག་མཛེས་ཤིང་ལྟ་ན་སྡུག་ལ་གང་སར་སྐྱེ་སྟོབས་དང་གསོན་ཤུགས་ཀྱིས་ཁེངས་ཡོད། ཡན་ཅིན་ཧའེ་ཡིས་གཟིགས་ཞོར་དང་ཕེབས་ཞོར་དུ་སློབ་གྲྭའི་སྔོ་འགྱུར་ལས་དོན་སྐོར་གྱི་སྙན་སེང་གསན་ཞིང་། ཁོང་གིས་སློབ་གྲྭ་སྔོ་འགྱུར་ནི་སློབ་གྲྭའི་གཟུགས་བརྙན་ཡག་པོ་དང་བསམ་པའི་ཉམས་འགྱུར་མངོན་སའི་སྐར་ཁུང་གལ་ཆེན་ཞིག་རེད། དེས་ན་སློབ་གྲྭའི་ཡུལ་ལྗོངས་མཛེས་སུ་བཏང་ནས་ཕྲུ་གུ་ཚོ་ཉི་འོད་དང་ལྗོན་ཤིང་འོག་ཏུ་སྤྲོ་སྣང་ཆེན་པོས་སློབ་ལ་བརྩོན་པ་དང་སྐྱོན་བྲལ་ངང་འཚར་ལོངས་ཡོང་བར་བྱེད་དགོས། རྩྭ་རྩི་ཤིང་ལ་དགའ་ཞེན་དང་། འདེབས་འཛུགས། གཅེས་སྐྱོང་བཅས་བྱེད་པའི་ཤེས་དཔལ་གྱི་སྲོལ་བཟང་དར་སྤེལ་བཏང་ནས་སྤྱི་ཚོགས་ཡོངས་དང་ལྷག་པར་དུ་གཞོན་ནུ་ལོ་ཆུང་གི་སེམས་ངོས་སུ་སྐྱེ་ཁམས་ཤེས་དཔལ་གྱི་རྩ་བ་ཚུགས་པར་བྱས་ཏེ། མི་དང་རང་བྱུང་ཁམས་ཞི་མཐུན་མཉམ་གནས་ཀྱི་མཛེས་སྡུག་ལྡན་པའི་ཁྱིམ་གཞིས་ཐུན་མོང་ཐོག་སྐྲུན་དགོས་ཞེས་བསྟན་གནང་བ་རེད།

    འགན་འཁུར་རྩོམ་སྒྲིག་པ། ནོར་བུ་གཡུ་སྒྲོན།

མཉམ་སྤྱོད།

འབྲེལ་ཡོད་གསར་འགྱུར།