ཚོགས་འདུ་གཉིས་ཀྱི་གསུང་སྙན།
ལྷོ་ཁ་གྲོང་ཁྱེར་སྣེ་གདོང་ཆུས་སྐར་མ་ཆེ་སྡེ་ཁུལ་གྱི་ཧྲུའུ་ཅི་དང་པོ་པད་མ་བདེ་སྐྱིད་ཀྱིས་གསུངས་དོན།
འདས་ཟིན་པའི་ལོ་གཅིག་ནང་རང་རེའི་རྒྱལ་ཁབ་ལ་དགའ་འོས་པའི་འཕེལ་རྒྱས་ཀྱི་གྲུབ་འབྲས་ཐོབ་པར་མི་སེམས་ལ་སྐུལ་མ་ཤུགས་ཆེན་ཐེབས་པ་དང་ལས་ཀ་བྱེད་སེམས་ཀྱང་ཆེ་རུ་ཕྱིན་ཡོད། གཞི་རིམ་གྱི་འགྱུར་ལྡོག་ལས་རྒྱལ་ཁབ་ཀྱི་འཕེལ་རྒྱས་མཚོན་གྱི་ཡོད། སྡེ་ཁུལ་གྱི་ལས་བྱེད་པ་ཞིག་གི་ངོས་ནས་ང་ཚོའི་སྡེ་ཁུལ་གྱི་ཁོར་ཡུག་ཉིན་རེ་ལས་མ་འདས་པར་ལེགས་སུ་འགྲོ་བ་དང་། གྲོང་ཁྱེར་ཅན་གྱི་འཕེལ་རིམ་རྒྱུན་ཆད་མེད་པར་མགྱོགས་སུ་འགྲོ་བ། མང་ཚོགས་ཀྱི་སྐྱིད་སྣང་སྔར་བས་ཆེ་རུ་འགྲོ་བ་བཅས་མཐོང་སྐབས་སེམས་གཏིང་ནས་དགའ་པོ་བྱུང་། སླད་ཕྱིན་ངས་མུ་མཐུད་གཞི་རིམ་དུ་གཞི་ཚུགས་པ་དང་། མང་ཚོགས་ཁྲོད་ཞུགས་པ། མང་ཚོགས་ཀྱི་སེམས་གཏམ་ཉན་པ། ཁོང་ཚོའི་དགོས་མཁོ་ཤེས་རྟོགས་བྱེད་པ། རང་དཔེ་གཞན་སྟོན་གྱིས་མང་ཚོགས་ཀྱི་སེམས་ཁྲལ་དང་དཀའ་ངལ་སེལ་རོགས་བྱེད་པ། བྱ་བ་དངོས་སྒྲུབ་པ་བཅས་བྱས་ནས་དམངས་འཚོའི་ལས་དོན་དེ་མང་ཚོགས་ཀྱི་སེམས་ལ་ཟུག་ཐུབ་པ་དང་སྡེ་ཁུལ་འདི་ཉིད་མི་སེམས་གཅིག་སྒྲིལ་གྱི་བདེ་སྐྱིད་ལྡན་པའི་ཁྱིམ་གཞིས་ཤིག་ཏུ་འགྱུར་བ་བྱ་རྒྱུ་ཡིན།
གཞིས་རྩེ་གྲོང་ཁྱེར་གཏིང་སྐྱེས་རྫོང་འདྲེན་ཐང་གྲོང་རྡལ་ནགས་ཐང་གྲོང་ཚོའི་བུད་མེད་མཉམ་འབྲེལ་ལྷན་ཚོགས་ཀྱི་ཨུ་ཡོན་ཉི་མ་བུ་ཁྲིད་ཀྱིས་གསུངས་དོན།
སྲིད་གཞུང་གི་ལས་དོན་སྙན་སྒྲོན་ནང་རྒྱུན་སྲིང་ལྷོད་མེད་ངང“ཞིང་གསུམ”ལས་དོན་ལ་དམ་འཛིན་ཡག་པོ་བྱས་ནས་གྲོང་གསེབ་ཕྱོགས་ཡོངས་ནས་དར་རྒྱས་འགྲོ་རྒྱུར་སྐུལ་འདེད་ཏན་ཏིག་གཏོང་དགོས་ཞེས་བསྟན་ཡོད། དེ་སྔ་ང་ཚོའི་གྲོང་ཚོར་འགྲིམ་འགྲུལ་སྟབས་བདེ་མེད་པས་འཚོ་བའི་དངོས་ཟོག་དབོར་འདྲེན་བྱེད་དཀའ་བ་དང་། ལྷག་པར་དུ། སྔོ་ཚལ་དང་ཤིང་འབྲས་སོས་པ་དཀོན་པར་བརྟེན་གསོལ་ལྕོག་ཐོག་ཚལ་ཉུང་ཉུང་ཡིན། ཉེ་བའི་ལོ་ཤས་རིང་། རྒྱལ་ཁབ་ཀྱིས་མཐའ་མཚམས་ས་ཁུལ་ལ་སྲིད་ཇུས་ཀྱི་རྒྱབ་སྐྱོར་སྣ་ཚོགས་བཏོན་པས་གྲོང་ཚོ་ཡོངས་ཀྱི་རྨང་གཞིའི་སྒྲིག་བཀོད་རིམ་བཞིན་འཐུས་སྒོ་ཚང་དུ་ཕྱིན་པ་དང་གྲོང་མི་ཚོ་སྔར་བས་ཕྱུག་ཏུ་ཕྱིན་ནས་འཚོ་བའི་སྤུས་ཚད་མངོན་གསལ་དོད་པོས་མཐོ་རུ་ཕྱིན་ཡོད། བུད་མེད་མཉམ་འབྲེལ་ལྷན་ཚོགས་ཀྱི་ཨུ་ཡོན་ཞིག་གི་ངོས་ནས་ངས་ནམ་ཡང་ཏང་གི་བཀའ་ལ་ཉན་པ་དང་། ཏང་གི་བཀའ་དྲིན་ཚོར་བ། ཏང་གི་རྗེས་སུ་འབྲངས་བ་བཅས་ཀྱི་དད་སེམས་བརྟན་པོ་བཅངས་ནས་དམངས་འཚོའི་བྱ་བ་དངོས་ཡག་པོ་སྒྲུབ་པ་དང་། ཡུལ་མི་ཚོའི་སྣེ་ཁྲིད་དེ་ཐོན་སྐྱེད་འཕེལ་རྒྱས་གཏོང་བ། གྲོང་ཚོའི་མཉམ་སྡེབ་དཔལ་འབྱོར་འཕེལ་རྒྱས་གཏོང་བ་བཅས་བྱས་ཏེ་ཕ་ཡུལ་འདི་ཉིད་དེ་བས་ཡག་པ་དང་དེ་བས་མཛེས་སྡུག་ལྡན་པ་ཞིག་ཏུ་བསྐྲུན་རྒྱུ་ཡིན།