ཞི་ཅིན་ཕིང་གི་དམག་དཔུང་སྟོབས་ཆེའི་དགོངས་པ་དང་དུས་རབས་གསར་པའི་ཏང་གི་བོད་སྐྱོང་མཛད་ཇུས་ཕྱོགས་ཡོངས་ནས་ལག་བསྟར་བྱེད་པ་དང་མཐའ་བརྟན་བོད་བརྟན་གྱི་བླ་ན་མེད་པའི་འགན་འཁྲི་མཐའ་གཅིག་ཏུ་སྒྲུབ་ནས་སྤྱི་ཚོགས་རིང་ལུགས་དེང་རབས་ཅན་གྱི་བོད་ལྗོངས་གསར་པ་ཕྱོགས་ཡོངས་ནས་འཛུགས་སྐྲུན་བྱ་ཆེད་ལེགས་སྐྱེས་དེ་བས་ཆེ་བ་འབུལ་དགོས།

ཟླ་1ཚེས་23ཉིན། བོད་དམག་ཁུལ་ཁང་ཏང་ཨུད་སྐབས་བཅུ་གཅིག་པའི་ཚང་འཛོམས(རྒྱ་ཆེ)གྲོས་ཚོགས་ཐེངས་གཉིས་པ་ལྷ་སར་འཚོགས་ཤིང་། རང་སྐྱོང་ལྗོངས་ཏང་ཨུད་ཀྱི་ཧྲུའུ་ཅི་དང་བོད་དམག་ཁུལ་ཁང་ཏང་ཨུད་ཀྱི་ཧྲུའུ་ཅི་དང་པོ་ཝང་ཅུན་ཀྲེང་ཚོགས་འདུར་ཞུགས་ནས་གསུང་བཤད་གནང་ཞིང་། ཁོང་གིས་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ཀྱི་དགོངས་པ་མཛུབ་ཁྲིད་དུ་བྱ་རྒྱུ་མཐའ་འཁྱོངས་ཀྱིས་ཞི་ཅིན་ཕིང་གི་དམག་དཔུང་སྟོབས་ཆེའི་དགོངས་པ་དང་དུས་རབས་གསར་པའི་ཏང་གི་བོད་སྐྱོང་མཛད་ཇུས་ཕྱོགས་ཡོངས་ནས་ལག་བསྟར་བྱེད་པ་དང་། རྒྱལ་སྲུང་དང་དམག་དཔུང་དེང་རབས་ཅན་གྱི་འཛུགས་སྐྲུན་ལ་སྐུལ་འདེད་ཏན་ཏིག་གཏོང་བ། མཐའ་བརྟན་བོད་བརྟན་གྱི་བླ་ན་མེད་པའི་འགན་འཁྲི་མཐའ་གཅིག་ཏུ་སྒྲུབ་པ་བཅས་བྱས་ཏེ། སྤྱི་ཚོགས་རིང་ལུགས་དེང་རབས་ཅན་གྱི་བོད་ལྗོངས་གསར་པ་ཕྱོགས་ཡོངས་ནས་འཛུགས་སྐྲུན་བྱ་ཆེད་ལེགས་སྐྱེས་དེ་བས་ཆེ་བ་འབུལ་དགོས་ཞེས་ནན་བཤད་གནང་བ་རེད།

ཝང་ཅུན་ཀྲེང་གིས་འདས་ཟིན་པའི་ལོ་གཅིག་ནང་། བོད་དམག་ཁུལ་ཁང་ཏང་ཨུད་ཀྱིས་ཏང་ཀྲུང་དབྱང་དང་ཀྲུང་དབྱང་དམག་ཨུད་ཀྱི་ཐབས་ཇུས་བཀོད་སྒྲིག་ལག་བསྟར་དོན་འཁྱོལ་མཐའ་གཅིག་ཏུ་བྱས་ནས་ཆབ་སྲིད་ཀྱི་ཁྲིད་སྟོན་ལ་ཤུགས་སྣོན་རྒྱག་པ་དང་། དམག་དཔུང་དང་ས་གནས་ཀྱི་མཐུན་སྦྱོར་ལ་ཤུགས་སྣོན་རྒྱག་པ། སྤྱོད་བཟང་སྒྲིག་ཁྲིམས་ནན་དུ་གཏོང་བ་བཅས་བྱས་པས། ལས་དོན་ཁག་ལ་གྲུབ་འབྲས་གསར་པ་རྒྱུན་ཆད་མེད་པར་ཐོབ་ཡོད། རྒྱ་ཆེའི་དཔོན་དམག་ཚོས་འགན་འཁྲི་དང་ལས་འགན་བློ་ལ་བརྟན་པོར་བཅངས་ནས་ས་གནས་ཀྱི་དཔལ་འབྱོར་དང་སྤྱི་ཚོགས་འཛུགས་སྐྲུན་ནང་ཧུར་ཐག་ཞུགས་པ་དང་། དཀའ་ཉེན་བྲེལ་ལྕིའི་ལས་འགན་ཁྲོད་རང་འགན་ཐེག་པ་འཁུར་ལེན་བྱེད་པ། བྱ་སྤྱོད་དངོས་ལ་བརྟེན་ནས་ལྷག་བསམ་རྣམ་དག་དང་། ཐོག་མའི་བསམ་འདུན་ལག་བསྟར། འགན་འཁྲི་འཁུར་ཕོད་པ་བཅས་བྱས་ཏེ། མི་དམངས་དམག་དཔུང་གི་ཉམས་འགྱུར་གསར་པ་མངོན་པར་བྱས་ཡོད། 2024ལོ་ནི་རང་སྐྱོང་ལྗོངས་ཏང་གི་འཐུས་མི་ཚོགས་ཆེན་ཐེངས་བཅུ་པའི་བཀོད་སྒྲིག་ལག་བསྟར་དོན་འཁྱོལ་བྱེད་པའི་འགག་སྒྲོལ་ལོ་ཞིག་ཡིན་པས། དམག་དཔུང་སྟོབས་ཆེའི་དགོངས་པ་དང་དུས་རབས་གསར་པའི་ཏང་གི་བོད་སྐྱོང་མཛད་ཇུས་ལག་བསྟར་དོན་འཁྱོལ་གཏིང་ཟབ་བྱས་ཏེ། ཆབ་སྲིད་ཀྱི་ཚུགས་གནས་མཐོ་རུ་གཏོང་བ་དང་འགན་འཁྲི་འཁུར་ཕོད་པ་བྱས་ནས་དམག་དཔུང་སྟོབས་ཆེར་གཏོང་བ་དང་དམག་དཔུང་དར་རྒྱས་གཏོང་བའི་བྱ་གཞག་འཕེལ་རྒྱས་ཀྱི་རྣམ་པ་གསར་པ་ནུས་ཤུགས་ཡོད་རྒུས་གཏོད་དགོས་ཞེས་གསུངས་པ་རེད།

ཆབ་སྲིད་ལ་བརྟེན་ནས་དམག་དཔུང་འཛུགས་སྐྱོང་བྱེད་པའི་ཐབས་ཇུས་མཐའ་འཁྱོངས་བྱས་ཏེ་མཐའ་གཅིག་ཏུ་ལྷག་བསམ་རྣམ་དག་དང་ཉམས་སད་ཐེག་པའི་དམག་དཔུང་ཕྱོགས་ཡོངས་ནས་ཞུན་བརྡར་བྱེད་དགོས། ཏང་གི་གསར་གཏོད་རིགས་པའི་གཞུང་ལུགས་ཀྱིས་བསམ་བློར་དྲག་ཆས་སྤྲོས་ཤུགས་ཆེ་རུ་གཏོང་བ་དང་། ཏང་གི་འགོ་ཁྲིད་གཙང་བཙན་མཐའ་འཁྱོངས། “བཞི་ལྡན”གྱི་དུས་རབས་གསར་པའི་གསར་བརྗེའི་དམག་མི་དང“འགྱུར་མེད་བཞིའི”ཉམས་སད་ཐེག་ཐུབ་པའི་དམག་དཔུང་ཕྱོགས་ཡོངས་ནས་ཞུན་བརྡར་བྱེད་པ། “གཏན་འཁེལ་གཉིས”ལ་མཐའ་གཅིག་ཏུ་བརྩི་སྲུང་ཞུ་བ།“སྲུང་སྐྱོང་གཉིས”མཐའ་གཅིག་ཏུ་ཐུབ་པ་བཅས་བྱས་ཏེ། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་བཀའ་རྒྱ་ཐོག་མཐའ་བར་གསུམ་དུ་དོན་འཁྱོལ་མཐར་ཕྱིན་ཡོང་བར་འགན་ལེན་ཏན་ཏིག་བྱེད་དགོས། ཆབ་སྲིད་དག་ཐེར་སྦྱོང་བརྡར་གཏིང་ཟབ་བྱས་ཏེ་ཆབ་སྲིད་དག་ཐེར་སྦྱོར་བརྡར་དེ་སློབ་སྦྱོང་སློབ་གསོ་དང་སྦྱོང་བརྡར་ལས་འགན་ནང་མཉམ་འདྲེས་བྱེད་པ་དང་། རྒྱུན་འཁྱོངས་ལྷོད་མེད་ངང་བསམ་བློ་དག་ཐེར་དང་། སྤྱོད་ཚུལ་ལེགས་གཏོང་། སྒྲིག་ཁྲིམས་དག་ཐེར་བཅས་བྱས་ནས་རྟག་ཏུ་དམ་འཛིན་དང་། ཡུན་རིང་བཅོས་སྐྱོང་། ནུས་པ་རྒྱུན་ཐོན་བཅས་ཀྱི་དག་ཐེར་སྦྱོང་བརྡར་གྱི་རྣམ་པ་ཞིག་ཆགས་པར་བྱེད་དགོས།

བོད་ཡུན་རིང་བདེ་འཁོད་དང་སྤུས་ཚད་མཐོ་བའི་འཕེལ་རྒྱས་ལ་ཞབས་ཞུ་དང་འགན་ལེན་བྱས་ཏེ་མེས་རྒྱལ་གྱི་ལྷོ་ནུབ་མཐའ་མཚམས་སྲུང་སྐྱོང་མཐའ་གཅིག་ཏུ་བྱེད་དགོས། “དོན་ཆེན་བཞི”དང“འཛུགས་གཏོད་བཞིར”ཞབས་འདེགས་ཧུར་ཐག་ཞུས་ནས་དམག་དཔུང་དང་ས་གནས“བསམ་ཇུས་གཅིག”མཐའ་འཁྱོངས་བྱེད་པ་དང་། ཏང་སྲིད་དམག་ཉེན་དམངས་མཉམ་འགུལ་མཉམ་སྒྲུབ་ཀྱི་ལམ་སྲོལ་འཐུས་སྒོ་ཚང་དུ་གཏོང་བ། དམག་དཔུང་དང་ས་གནས་ཕྱོགས་གཉིས་པོའི་དགེ་མཚན་གསབ་རེས་དང་སྟོབས་ཤུགས་གསབ་རེས་ལ་སྐུལ་འདེད་གཏོང་བ། སྤྱི་ཚོགས་ཀྱི་བཅོས་སྐྱོང་མ་ལག་དང་བཅོས་སྐྱོང་ནུས་པ་དེང་རབས་ཅན་གྱི་ཆུ་ཚད་མཐོ་རུ་གཏོང་བ་བཅས་བྱས་ཏེ་ཡུན་རིང་བདེ་འཁོད་ཀྱི་རྨང་གཞི་རྒྱུན་ཆད་མེད་པར་བརྟན་དུ་གཏོང་དགོས། དམག་དཔུང་དང་ས་གནས་ཀྱི་མཐུན་སྦྱོར་ལམ་སྲོལ་སྔར་བས་འཐུས་སྒོ་ཚང་དུ་གཏོང་བ་དང་དོན་འཁྱོལ་བྱས་ནས་སྤྱི་ཚོགས་ཀྱི་ཞབས་ཞུ་དམག་དམངས་མཉམ་སྤྱོད་དང་། སྤྱི་པའི་བདེ་འཇགས་དམག་དམངས་སྤྱི་འདོམས། མི་ཤུགས་ཐོན་ཁུངས་དམག་དམངས་མཉམ་སྤྱོད་བཅས་ལ་སྐུལ་འདེད་བཏང་ནས་དཔལ་འབྱོར་འཛུགས་སྐྲུན་དང་རྒྱལ་སྲུང་འཛུགས་སྐྲུན་མཉམ་འདྲེས་འཕེལ་རྒྱས་གཏིང་ཟབ་ཡོང་བར་སྐུལ་འདེད་གཏོང་དགོས། དམག་དཔུང་འདུས་སྡོད་དང་མི་དམངས་བདེ་འཁོད་མཉམ་འཛིན་དང་མཐའ་བརྟན་དང་མཐའ་དར་མཉམ་འཛིན་མཐའ་འཁྱོངས་བྱས་ཏེ་མཐའ་སྲུང་སྲ་བརྟན་དང་མཐའ་མཚམས་བདེ་འཇགས་ཡོང་བའི་འགན་ལེན་བྱེད་དགོས།

དམག་དམངས་མཉམ་འདྲེས་ཀྱི་འཕེལ་རྒྱས་གཏིང་ཟབ་ལ་མུ་མཐུད་སྐུལ་འདེད་བཏང་སྟེ་དམག་སྲིད་དང་དམག་དམངས་མཐུན་སྒྲིལ་གྱི་རྣམ་པ་བཟང་པོ་སྲ་བརྟན་དུ་གཏོང་དགོས། སྲོལ་རྒྱུན་བཟང་པོ་རྒྱུན་འཛིན་དང་དར་སྤེལ་བཏང་སྟེ“ལམ་གཉིས”ཀྱི་སྙིང་སྟོབས་དང་བོད་སྐྱོད་པ་རྒན་གྲས་ཀྱི་སྙིང་སྟོབས་རྒྱུན་འཛིན་དང་དམག་དམངས་མཉམ་འདྲེས་བྱ་རྒྱུ་དམ་འཛིན་བྱ་གཞིར་བྱས་ནས་དམག་དམངས་ཀྱི་བསམ་བློ་གཅིག་ཏུ་གཏོང་བ་དང་ངར་ཤུགས་གཅིག་ཏུ་སྒྲིལ་བར་སྐུལ་འདེད་གཏོང་དགོས། གཉིས་བཀུར་མཉམ་སྐྲུན་གྱི་ལས་དོན་གཏིང་ཟབ་སྤེལ་ཏེ“མཉམ་ལྔ་བརྟན་ལྔའི”ཉམས་མྱོང་དང་བྱེད་ཐབས་རྒྱ་ཆེར་གཏོང་བ་དང་། དམངས་ཆེད་དམངས་གཅེས་ཀྱི་བྱ་བ་དངོས་ཡག་པོ་སྒྲུབ་པ། དཔུང་སྡེའི་ནུས་པ་དང་། ས་གནས་ཀྱི་དགོས་མཁོ། མང་ཚོགས་ཀྱི་རེ་བ་བཅས་ཟུང་འབྲེལ་བྱས་ཏེ་ཉེན་སེལ་གུད་སྐྱོབ་དང་། འཕྲལ་སྡོམ་ཐོལ་བྱུང་། གྲོང་གསེབ་དར་རྒྱས། མཛེས་སྡུག་ལྡན་པའི་བོད་ལྗོངས་འཛུགས་སྐྲུན་སོགས་ཀྱི་ཐད་དགེ་མཚན་ལྡན་པའི་ནུས་པ་བཏོན་ནས་ས་གནས་ཀྱི་དཔལ་འབྱོར་དང་སྤྱི་ཚོགས་འཕེལ་རྒྱས་ལ་གཡས་གཞོགས་གཡོན་འདེགས་བྱེད་དགོས། རྒྱལ་སྲུང་དང་དམག་དཔུང་འཛུགས་སྐྱོང་གི་བརྗོད་དོན་གཙོ་བོ་དང་གཙོ་རྐང་ལ་དམ་པོར་དམིགས་ཏེ། དམངས་ཡོངས་ཀྱི་རྒྱལ་སྲུང་སློབ་གསོར་མུ་མཐུད་ཤུགས་སྣོན་རྒྱག་པ་དང་། རྒྱལ་སྲུང་སློབ་གསོ་ལས་ཁུངས་དང་། སློབ་གྲྭ སྡེ་ཁུལ། ཁེ་ལས། ཞིང་འབྲོག་ཁུལ་བཅས་སུ་སྤེལ་རྒྱུར་སྐུལ་འདེད་བཏང་ནས་རྒྱལ་སྲུང་གི་རྗེས་གྲབས་སྟོབས་ཤུགས་འཛུགས་སྐྱོང་གི་རྨང་གཞི་བརྟན་དུ་གཏོང་དགོས།

ཝང་ཅུན་ཀྲེང་གིས་རིམ་ཁག་ཏང་ཨུད་ཀྱིས་ཏང་གིས་དྲག་ཆས་ལ་དོ་དམ་བྱེད་པའི་ཆབ་སྲིད་ཀྱི་འགན་འཁྲི་དོན་འཁྱོལ་ནན་ཏན་བྱས་ཏེ། རྒྱལ་སྲུང་དང་དམག་དཔུང་འཛུགས་སྐྱོང་ལ་ཚད་མཐོའི་མཐོང་ཆེན་དང་དཔུང་སྡེས་དམག་དོན་གྱི་ལས་འགན་ཁག་སྒྲུབ་པར་རྒྱབ་སྐྱོར་བྱས་ནས་ཏང་གིས་དྲག་ཆས་ལ་དོ་དམ་བྱེད་པའི་ལས་ཀའི་སྤུས་ཚད་དང་ཆུ་ཚད་ཟམ་མི་ཆད་པར་མཐོ་རུ་གཏོང་དགོས། ས་གནས་ཁག་དང་སྡེ་ཚན་ཁག་གིས་མི་དམངས་ཀྱི་བུ་ཕྲུག་དམག་ལ་བརྩེ་དུང་ཟབ་མོ་བཅངས་ནས་དམག་བཀུར་ཁྱིམ་སྐྱོང་གི་སྲིད་ཇུས་དོན་འཁྱོལ་ཡག་པོ་བྱེད་པ་དང་། དམག་ཞབས་ཐིམས་པའི་དམག་མིར་ཞབས་ཞུ་དོ་དམ་དང་། དམག་མིའི་ནང་མི་ལས་ཞུགས། བུ་ཕྲུག་སློབ་གྲྭར་སྐྱོད་པ། དམག་བསྒྱུར་བཀོད་སྒྲིག་སོགས་ཀྱི་ལས་དོན་ཡག་པོ་བསྒྲུབས་ཏེ། ཁོང་ཚོ“ཕུགས་ལ་སེམས་ཁྲལ་མེད་པ་དང་། ཁྱིམ་ལ་སེམས་ཁྲལ་མེད་པ། བུ་ཕྲུག་ལ་སེམས་ཁྲལ་མེད་པ”བཅས་བྱེད་དགོས་ཞེས་ནན་བཤད་གནང་བ་རེད།

བོད་དམག་ཁུལ་ཁང་ཏང་ཨུད་ཀྱི་ཧྲུའུ་ཅི་དང་ཆབ་སྲིད་ཨུ་ཡོན་དབྱི་ཧུང་ཤིང་གིས་ཚོགས་འདུ་གཙོ་སྐྱོང་གནང་བ་དང་། བོད་དམག་ཁུལ་ཁང་ཏང་ཨུད་ཀྱི་ཧྲུའུ་ཅི་གཞོན་པ་དང་སི་ལིང་ཡོན་ཝང་ཁའེ་ཕེབས་པ་རེད། ཚོགས་འདུའི་ཐོག་སྔོན་ཐོན་ཚན་པ་དང་སྔོན་ཐོན་མི་སྒེར་གྱི་འཐུས་མིར་བྱ་དགའ་སྤྲད་པ་རེད།