དེ་རིང་ཕྱི་དྲོར། བོད་རང་སྐྱོང་ལྗོངས་མི་དམངས་འཐུས་མི་ཚོགས་ཆེན་སྐབས་བཅུ་གཉིས་པའི་ཚོགས་འདུ་ཐེངས་གཉིས་པའི་གྲོས་རིམ་ཁག་ཐུགས་གྲ་ལེགས་འགྲིག་བྱུང་ནས་རྒྱལ་ཁའི་ངང་གྲོལ་བ་རེད།

ཚོགས་རའི་ཕྱི་ནང་།

ཉིན་ཤས་བསྟུད་མའི་རིང་། ཚོགས་འདུར་ཞུགས་མཁན་མི་དམངས་འཐུས་ཚོགས་ཀྱི་འཐུས་མི་ཚོས་སྤྲོ་སེམས་རབ་ཏུ་འཁོལ་བ་དང་། ཆབ་སྲིད་ཀྱི་འགན་འཁྲི་འཁུར་སེམས་ཆེན་པོར་བརྟེན་ནས་ཚོགས་ཆེན་གྱི་བརྗོད་བྱ་གཙོ་བོར་དམིགས་ཏེ་དམངས་འཚོའི་སྐོར་གླེང་བ་དང་འཕེལ་རྒྱས་ཀྱི་ཐབས་ཇུས་བཏོན་ཐོག རང་འགན་གཙང་སྒྲུབ་དང་ཐབས་འདོན་ཇུས་འབུལ་ཧུར་ཐག་གནང་ཡོད། ཚང་མས་འབད་འཐབ་ཀྱི་རྒྱང་ལམ་གསར་པའི་ཐོག་མུ་མཐུད་ཡིད་ཆེས་བརྟན་པོ་དང་དངོས་སྒྲུབ་མདུན་སྐྱོད་ཀྱིས་ཡུན་རིང་བདེ་འཁོད་དང་སྤུས་ཚད་མཐོ་བའི་འཕེལ་རྒྱས་ཀྱི་ལེའུ་གསར་པ་འབད་བརྩོན་ཆེན་པོས་རྩོམ་རྒྱུ་ཡིན་ཞེས་གསུངས།