ཁྲེན་ཡུང་ཆིས་ཁེན་ནི་ཡའི་གཞོན་ནུ་དང་སྒྱུ་རྩལ་དང་ལུས་རྩལ་པུའི་པུའུ་ཀྲང་ཨ་པ་པུའུ·ན་མུའུ་དབན་པཱ་དང་མཇལ་འཛོམས་གནང་བ།
ཉེ་ཆར། རང་སྐྱོང་ལྗོངས་ཏང་ཨུད་ཀྱི་ཧྲུའུ་ཅི་གཞོན་པ་དང་རང་སྐྱོང་ལྗོངས་ཀྱི་རྒྱུན་ལས་ཀྲུའུ་ཞི་གཞོན་པ་ཁྲེན་ཡུང་ཆིས་ཉིང་ཁྲིའི་ཀླུ་ནང་དུ་ཀྲུང་གོའི་བོད་ལྗོངས“ཧི་མ་ལ་ཡའི་མཐའ་འཁོར”གྱི་རྒྱལ་སྤྱིའི་མཉམ་ལས་གླེང་སྟེགས་སྐབས་གསུམ་པར་ཞུགས་མཁན་ཁེན་ནི་ཡའི་གཞོན་ནུ་དང་སྒྱུ་རྩལ་དང་ལུས་རྩལ་པུའི་པུའུ་ཀྲང་ཨ་པ་པུའུ·ན་མུའུ་དབན་པཱ་བཅས་པ་དང་མཇལ་འཛོམས་གནང་བ་རེད།
ཁྲེན་ཡུང་ཆིས་རང་སྐྱོང་ལྗོངས་ཏང་ཨུད་དང་སྲིད་གཞུང་དང་ཧྲུའུ་ཅི་ཝང་ཅུན་ཀྲེང་དང་། ཀྲུའུ་ཞི་ཡན་ཅིན་ཧའེ། ལྗོངས་ཡོངས་ཀྱི་མི་རིགས་ཁག་གི་མི་དམངས་བཅས་ཀྱི་ཚབ་ཞུས་ཏེ། པུའུ་ཀྲང་ཨ་པ་པུའུ·ན་མུའུ་དབན་པཱ་དང་བཅས་པར་དགའ་བསུ་ཞུས་པ་དང་ཁེན་ནི་ཡའི་འཐུས་མི་ཚོགས་པས་ཀྲུང་གོའི་བོད་ལྗོངས“ཧི་མ་ལ་ཡའི་མཐའ་འཁོར”གྱི་རྒྱལ་སྤྱིའི་མཉམ་ལས་གླེང་སྟེགས་སྐབས་གསུམ་པར་ཧུར་ཐག་ཞུགས་པ་དང་རྒྱབ་སྐྱོར་ཤུགས་ཆེན་གནང་བར་ཐུགས་རྗེ་ཆེ་ཞུས་པ་རེད། (པར་ངོས་གསུམ་པར་གཟིགས)(པར་ངོས་དང་པོར་མཐུད) ཁོང་གིས་བོད་ཞི་བས་བཅིངས་འགྲོལ་བཏང་ནས་ལོ་ངོ་70ལྷག་ཙམ་སོང་རིང་ཀྲུང་གོ་གུང་ཁྲན་ཏང་གི་འགོ་ཁྲིད་འོག་བོད་ཀྱིས“དུས་ཐུང་ལོ་བཅུ་ཕྲག་ནང་ལོ་ངོ་སྟོང་གི་མཆོང་སྐྱོད་བྱུང་བའི”མི་ཡུལ་གྱི་ངོ་མཚར་བཏོད་ཡོད། ལྷག་པར་དུ་ཏང་གི་ཚོགས་ཆེན་བཅོ་བརྒྱད་པ་འཚོགས་ཚུན་གྱི་དུས་རབས་གསར་པའི་ལོ་བཅུའི་ནང་བློ་མཐུན་ཞི་ཅིན་ཕིང་གིས་སྲོག་ཤིང་གནང་བའི་ཏང་ཀྲུང་དབྱང་གི་འགྱུར་མེད་སྟོབས་ལྡན་གྱི་འགོ་ཁྲིད་དང་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ཀྱི་དགོངས་པའི་ཚན་རིག་དང་མཐུན་པའི་མཛུབ་ཁྲིད་འོག དུས་ཡུན་རིང་པོའི་ནང་ཐག་གཅོད་མི་ཐུབ་པའི་དཀའ་གནད་མང་པོ་ཐག་གཅོད་དང་ཕུགས་དང་འབྲེལ་བའི་དོན་ཆེན་དང་གལ་ཆེའི་བྱ་བ་མང་པོ་ཞིག་བསྒྲུབས་པས། བོད་ཀྱི་བྱ་གཞག་ཁག་ལ་ལོ་རྒྱུས་རང་བཞིན་གྱི་གྲུབ་འབྲས་ཐོབ་པ་དང་ལོ་རྒྱུས་རང་བཞིན་གྱི་འཕོ་འགྱུར་བྱུང་བ་དེ་ནི་འཕེལ་རྒྱས་འགྲོ་མགྱོགས་ཤོས་དང་མང་ཚོགས་ལ་ཕན་པ་ཆེ་ཤོས་ཐོབ་པའི་དུས་སྐབས་ཤིག་རེད། འདི་ལོའི་ལོ་སྟོད་དུ་ལྗོངས་ཡོངས་ཀྱི་ས་ཁུལ་གྱི་ཐོན་སྐྱེད་སྤྱི་འབོར་དང་། གཏན་འཇགས་རྒྱུ་ནོར་གྱི་མ་འཇོག སྒྲིག་སྲོལ་ཐད་ཀྱི་བཟོ་ལས་ཀྱི་འཕར་ཐང་། གྲོང་ཁྱེར་དང་གྲོང་གསེབ་ཀྱི་གྲོང་མི་མི་རེའི་ཆ་སྙོམས་བཀོལ་སྤྱོད་ཆོག་པའི་ཡོང་འབབ་འཕར་ཚད་བཅས་རྒྱལ་ཡོངས་ཀྱི་མདུན་གྲལ་དུ་སླེབས་ནས་མིག་སྔར་བོད་དུ་སྐྱེ་སྟོབས་ཀྱི་དཔལ་འབར་བའི་དར་རྒྱས་ཀྱི་རྣམ་པ་མངོན་ཡོད། པུའུ་ཀྲང་ཨ་པཱ་པུའུ·ནཱ་མུའུ་དབན་པཱ་དང་བཅས་པས་བོད་དུ་མང་ཙམ་སྐྱོད་པ་དང་མང་ཙམ་བལྟས་ནས་དེ་བས་དར་རྒྱས་དང་དེ་བས་སྒོ་དབྱེའི་ཀྲུང་གོའི་བོད་ལྗོངས་ཕྱོགས་ཡོངས་དང་དོན་དངོས་དང་མཐུན་པའི་སྒོ་ནས་ཁེན་ནི་ཡའི་དམངས་ཚོགས་དང་རྒྱལ་སྤྱིའི་སྤྱི་ཚོགས་ལ་ངོ་སྤྲོད་བྱ་རྒྱུའི་རེ་བ་ཡོད་ཅེས་གསུངས་པ་རེད།
པུའུ་ཀྲང་ཨ་པཱ་པུའུ·ནཱ་མུའུ་དབན་པཱ་ཡིས་ཀྲུང་གོའི་བོད་ལྗོངས“ཧི་མ་ལ་ཡའི་མཐའ་འཁོར”གྱི་རྒྱལ་སྤྱིའི་མཉམ་ལས་གླེང་སྟེགས་སྐབས་གསུམ་པ་གྲུབ་འབྲས་ཐོབ་པའི་ངང་གཉེར་བར་བཀྲ་ཤིས་བདེ་ལེགས་ཞུས་པ་དང་བོད་ཀྱི་དཔལ་འབྱོར་དང་སྤྱི་ཚོགས་འཕེལ་རྒྱས་ལ་ཐོབ་པའི་གྲུབ་འབྲས་ལ་ཚད་མཐོའི་བསྔགས་བརྗོད་གནང་བ་རེད། ཁོང་གིས་ཀྲུང་གོའི་བོད་ལྗོངས་དང་སྤེལ་རེས་དང་འགྲོ་འོང་ལ་ཤུགས་སྣོན་བརྒྱབ་ནས་རིག་གནས་དང་། ལུས་རྩལ། དཔལ་འབྱོར་ཚོང་དོན་སོགས་ཁྱབ་ཁོངས་ཀྱི་དངོས་སྒྲུབ་མཉམ་ལས་གཏིང་ཟབ་ཏུ་བཏང་སྟེ་ཐུན་མོང་ཐོག་དར་རྒྱས་གོང་འཕེལ་ཡོང་བ་བྱེད་འདོད་ཡོད་ཅེས་གསུངས་པ་རེད།