ཁྲེན་ཡུང་ཆིས་རང་སྐྱོང་ལྗོངས་ཀྱི་ཚོང་གཉེར་ཁོར་ཡུག་ལེགས་གཏོང་ལས་དོན་འགོ་ཁྲིད་ཚོགས་ཆུང་གི་ཆེད་དོན་ཚོགས་འདུ་གཙོ་སྐྱོང་གནང་བ།
ཟླ་6ཚེས་14ཉིན། རང་སྐྱོང་ལྗོངས་ཏང་ཨུད་ཀྱི་ཧྲུའུ་ཅི་གཞོན་པ་དང་རང་སྐྱོང་ལྗོངས་ཀྱི་རྒྱུན་ལས་ཀྲུའུ་ཞི་གཞོན་པ་ཁྲེན་ཡུང་ཆིས་རང་སྐྱོང་ལྗོངས་ཀྱི་ཚོང་གཉེར་ཁོར་ཡུག་ལེགས་གཏོང་ལས་དོན་འགོ་ཁྲིད་ཚོགས་ཆུང་གི་ཆེད་དོན་ཚོགས་འདུ་གཙོ་སྐྱོང་གནང་ནས་ཆེད་དོན་ཚོགས་ཆུང་ཁག་གི་ལས་དོན་སྙན་སེང་གསན་པ་དང་། ལྷགས་པའི་གནད་དོན་ཞིབ་འཇུག་དང་ཐག་གཅོད་གནང་བ། གོམ་སྟབས་རྗེས་མའི་ལས་དོན་བཀོད་སྒྲིག་བཅས་གནང་བ་རེད།
རང་སྐྱོང་ལྗོངས་ཀྱི་དབུ་ཁྲིད་རེན་ཝེ་དང་། ལྕགས་རྭ·བློ་བཟང་བསྟན་འཛིན། ཀྲང་ཧུང་པོ། ཝང་ཡུང་། ཝེ་ཤིའུ་ཁྲང་བཅས་ཚོགས་འདུར་ཞུགས་པ་རེད།
ཁྲེན་ཡུང་ཆིས་ཚོང་གཉེར་ཁོར་ཡུག་ལེགས་སུ་གཏོང་རྒྱུ་ནི་ཁྲོམ་རའི་བྱེད་པོའི་གསོན་ཤུགས་འཕེལ་བར་བྱེད་པའི་བྱེད་ཐབས་གལ་ཆེན་ཞིག་ཡིན་པ་དང་། ཚོང་གཉེར་ཁོར་ཡུག་བཟང་པོ་ནི་དཔལ་འབྱོར་སྤུས་ཚད་མཐོ་པོའི་སྒོ་ནས་འཕེལ་རྒྱས་གཏོང་བའི་འགན་ལེན་གལ་ཆེན་ཞིག་ཀྱང་རེད། ཆེད་དོན་ཚོགས་ཆུང་ཁག་དང་། ས་ཁུལ་དང་གྲོང་ཁྱེར་ཁག སྡེ་ཚན་ཁག་བཅས་ཀྱིས་ཚོང་གཉེར་ཁོར་ཡུག་ལེགས་སུ་གཏོང་བའི་དོན་སྙིང་གལ་ཆེན་ལ་ངོས་འཛིན་གཏིང་ཟབ་བྱས་ནས་འགན་འཁྲིའི་བསམ་པ་དང་། ལས་འགན་སྒྲུབ་སེམས། ཁ་ཚ་དགོས་གཏུགས་ཀྱི་བསམ་པ་བཅས་ཆེ་རུ་ཏན་ཏིག་གཏོང་བ་དང་། ཏང་གི་ཚོགས་ཆེན་ཉི་ཤུ་པའི་དགོངས་དོན་དང་ཚོང་གཉེར་ཁོར་ཡུག་ལེགས་སུ་གཏོང་རྒྱུའི་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མཛུབ་སྟོན་དང་མཆན་འགོད་མཛུབ་སྟོན་གལ་ཆེན་གྱི་དགོངས་དོན་ལག་བསྟར་དོན་འཁྱོལ་གཏིང་ཟབ། རང་སྐྱོང་ལྗོངས་ཏང་ཨུད་དང་སྲིད་གཞུང་གི་ཐབས་ཇུས་བཀོད་སྒྲིག་གཞིར་བཟུང་། རང་སྐྱོང་ལྗོངས་ཀྱི་ཚོང་གཉེར་ཁོར་ཡུག་ལེགས་སུ་གཏོང་བའི་ལས་ཀའི་གཙོ་གནད་དང་བྱ་སྤྱོད་ཇུས་གཞི་དོན་འཁྱོལ་ནན་ཏན་བྱས་ནས་ཚོང་གཉེར་ཁོར་ཡུག་ལེགས་སུ་གཏོང་བའི་ལས་དོན་ཁག་ལ་སྐུལ་འདེད་གཏིང་ཟབ་གཏོང་དགོས་ཞེས་གསུངས་པ་རེད།
ཁྲེན་ཡུང་ཆིས། རིམ་པ་ཁག་དང་སྡེ་ཚན་ཁག་གིས་ཚད་བསྡུར་བྱ་སྤྱོད་མུ་མཐུད་ཟབ་ཏུ་གཏོང་བ་དང་། གནད་དོན་ཕྱོགས་སྟོན་དུ་མཐའ་འཁྱོངས་འཛིན་པ། སྔོན་ཐོན་ཞིང་ཆེན་དང་། རང་སྐྱོང་ལྗོངས། གྲོང་ཁྱེར་བཅས་དང་ཚོད་ལྟའི་གྲོང་ཁྱེར་གྱི་ཉམས་མྱོང་བྱེད་སྟངས་དང་རང་རྟོགས་ངང་ཞིབ་བསྡུར་བྱེད་པ། གནད་དོན་དང་མི་འདང་ས་གཏིང་ཟབ་འཚོལ་བ། གསལ་ཐོ་བཟོ་བ་དང་། བྱ་ཐབས་ཞིབ་ཕྲ་བཟོ་བ། དུས་བཀག་དག་ཐེར་བཅས་བྱས་ནས“ཆེས་བཞི”དངོས་འབྲེལ་ཐུབ་པར་བྱེད་དགོས། ཡན་ལག་ལས་རིགས་ཀྱི་དྲང་ཕྱོགས་གསལ་ཐོ་དང་ཡན་ལག་ཁྱབ་ཁོངས་ཀྱི་ཚོང་འགུགས་མ་འདྲེན་གྱི་སྲིད་ཇུས་དུས་ཚོད་ལ་དམ་འཛིན་བྱས་ཏེ་བཟོས་ནས་དམིགས་བསལ་གཟིགས་སྐྱོང་སྲིད་ཇུས་ཀྱི་བསྡུར་བའི་ལེགས་ཆ་ཡག་པོ་འདོན་པ་དང་། ཆད་རུང་ཞིབ་མཆན་ལག་བསྟར་ཡག་པོ། ཐོགས་མེད་བགྲོད་ལམ་ཤར་གཏོང་ཐུབ་པ། སྲིད་ཇུས་གསལ་འགྲེལ་དང་དྲིལ་བསྒྲགས་བྱེད་ཤུགས་ཆེ་རུ་གཏོང་བ་བཅས་བྱེད་དགོས། ཀྲེ་ཅང་གི“ལས་གྲྭ་ཁྲི་སྟོང”གི་ཉམས་མྱོང་ལ་སློབ་སྦྱོང་དང་དཔྱད་གཞིར་བཟུང་ནས་རང་འགུལ་ངང་སྒོ་ཁར་ཞབས་འདེགས་ཞུ་བ་དང་། ཁྲོམ་རའི་བྱེད་པོ་དང་ངོ་ཐུག་གདོང་འཕྲད་ཀྱིས་སྤེལ་རེས། དགོས་མཁོ་དང་ཐབས་ཇུས་ཁེ་ལས་དང་། གཞི་རིམ། མང་ཚོགས་བཅས་ལ་འདྲི་བ་བཅས་བྱས་ནས་དམངས་ཀྱི་རེ་འབོད་ལ་ང་ཡིས་བརྡ་ལན་ཞུ་བའི་འགན་ལེན་བྱེད་དགོས། གཞི་རིམ་གྱི་ཚོང་གཉེར་ཁོར་ཡུག་ལེགས་སུ་གཏོང་བའི་ལས་དོན་ལ་མཛུབ་ཁྲིད་བྱེད་པར་ཤུགས་སྣོན་བརྒྱབ་སྟེ་གཅིག་གྱུར་གྱི་ཁྲོམ་ར་ཆེན་པོ་བསྐྲུན་ནས“མི་ཚང་མ་ཁོར་ཡུག་མཉེན་པོ་ཡིན་པའི”འདུ་ཤེས་འཛུགས་པ་དང་། འབྲེལ་ཡོད་སྲིད་ཇུས་དོན་འཁྱོལ་བྱེད་པའི་བརྒྱུད་རིམ་ནང་གི་གནད་དོན་མཁྲེགས་པོ་ཐག་གཅོད་བྱེད་པ། ནུས་ཤུགས་ཡོད་རྒུས་མཐའ་མའི་འགག་གནད་སེལ་བ། སྲིད་ཇུས་གཞི་རིམ་དུ་ཐད་ཀར་ཁྱབ་པ་དང་འཐབ་ཕྱོགས་དང་པོར་ཐད་ཀར་སླེབས་པའི་འགན་ལེན་བྱེད་པ། གོང་འུར་བ་དང་། བར་ལྷོད་པ། འོག་ཉོབ་པ་བཅས་ཀྱི་སྣང་ཚུལ་གཏན་འགོག་མཐའ་གཅིག་ཏུ་བྱེད་དགོས། ལས་ཀའི་སྤྱོད་ཚུལ་ཏན་ཏིག་དང་ཚོང་གཉེར་ཁོར་ཡུག་བཟང་པོར་བརྟེན་ནས་བོད་ཀྱི་དཔལ་འབྱོར་དང་སྤྱི་ཚོགས་ཀྱི་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་བཏང་སྟེ་ཚོང་གཉེར་ཁོར་ཡུག་ལེགས་སུ་གཏོང་བའི་གྲུབ་འབྲས་དཔལ་འབྱོར་གྱི་སྤུས་ཚད་མཐོ་བའི་འཕེལ་རྒྱས་ནས་མངོན་ཐུབ་པར་བྱེད་དགོས་པའི་ནན་བཤད་གནང་ཡོད།