བོད་རང་སྐྱོང་ལྗོངས་མི་དམངས་འཐུས་མི་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གི་སྤྱི་བསྒྲགས།

〔2022〕ཡིག་ཨང་15པ།

《དཔལ་འབྱོར་ལས་དོན་ལ་ལྟ་སྐུལ་བྱེད་ཤུགས་ཆེ་རུ་གཏོང་རྒྱུའི་སྐོར་གྱི་བོད་རང་སྐྱོང་ལྗོངས་མི་དམངས་འཐུས་མི་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གི་ཆོད་དོན》འདི་2022ལོའི་ཟླ་11ཚེས་15ཉིན་བོད་རང་སྐྱོང་ལྗོངས་མི་དམངས་འཐུས་མི་ཚོགས་ཆེན་སྐབས་བཅུ་གཅིག་པའི་རྒྱུན་ལས་ཨུ་ཡོན་ཁང་གི་ཚོགས་འདུ་ཐེངས་ཞེ་གཉིས་པའི་ཐོག་དག་བཅོས་བྱས་ནས་གྲོས་འཆམ་བྱུང་དོན་བཞིན་ད་ལྟ་ཡོངས་བསྒྲགས་བྱ་རྒྱུ་ཡིན་ཞིང་ཁྱབ་བསྒྲགས་བྱས་ཉིན་ནས་བཟུང་ལག་བསྟར་བྱ་རྒྱུར་དམིགས་སུ་སྤྱི་བསྒྲགས་འདི་སྤེལ་བ་ཡིན།

བོད་རང་སྐྱོང་ལྗོངས་མི་དམངས་འཐུས་མི་ཚོགས་ཆེན་རྒྱུན་ལས་ཨུ་ཡོན་ལྷན་ཁང་ནས།

2022ལོའི་ཟླ་11ཚེས་15ལ།

ཀྲུང་དབྱང་གི་མི་དམངས་འཐུས་ཚོགས་ཀྱི་ལས་དོན་ཚོགས་འདུ་དང་རང་སྐྱོང་ལྗོངས་ཏང་ཨུད་ཀྱི་མི་དམངས་འཐུས་ཚོགས་ཀྱི་ལས་དོན་ཚོགས་འདུའི་དགོངས་དོན་ལག་བསྟར་དོན་འཁྱོལ་གཏིང་ཟབ་བྱེད་པ་དང་། རྩ་ཁྲིམས་དང་བཅའ་ཁྲིམས་ཀྱིས་རང་སྐྱོང་ལྗོངས་མི་དམངས་འཐུས་མི་ཚོགས་ཆེན་དང་དེའི་རྒྱུན་ལས་ཨུ་ཡོན་ལྷན་ཁང་ལ་དཀྲིས་པའི་འགན་འཁྲི་ལག་བསྟར་ནན་པོ་བྱས་ནས། དཔལ་འབྱོར་ལས་དོན་ལ་ལྟ་སྐུལ་བྱེད་ཤུགས་སྔར་བས་ཆེ་རུ་གཏོང་བ་དང་། ལྟ་སྐུལ་གྱི་ཕན་འབྲས་ཆེ་རུ་ཏན་ཏིག་བཏང་སྟེ་དུས་རབས་གསར་པར་བོད་ལྗོངས་ཡུན་རིང་བདེ་འཁོད་དང་སྤུས་ཚད་མཐོ་བའི་གོང་འཕེལ་འགྲོ་བར་སྐུལ་འདེད་ཧུར་ཐག་གཏོང་ཆེད། 《དཔལ་འབྱོར་ལས་དོན་ལ་ལྟ་སྐུལ་བྱེད་ཤུགས་ཆེ་རུ་གཏོང་རྒྱུའི་སྐོར་གྱི་རྒྱལ་ཡོངས་མི་དམངས་འཐུས་མི་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གི་ཆོད་དོན》གྱི་དགོངས་དོན་གཞིར་བཟུང་རང་སྐྱོང་ལྗོངས་ཀྱི་དོན་དངོས་དང་ཟུང་འབྲེལ་བྱས་ནས་ཆོད་དོན་བཞག་པ་གཤམ་གསལ།

གཅིག རང་སྐྱོང་ལྗོངས་མི་དམངས་འཐུས་མི་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གིས་རང་སྐྱོང་ལྗོངས་མི་དམངས་སྲིད་གཞུང་གི་དཔལ་འབྱོར་ལས་དོན་ལ་ཁྲིམས་བཞིན་ལྟ་སྐུལ་བྱ་རྒྱུའི་འགན་དབང་སྤྱོད་དགོས། རང་སྐྱོང་ལྗོངས་མི་དམངས་འཐུས་མི་ཚོགས་ཆེན་ནོར་སྲིད་དཔལ་འབྱོར་ཨུ་ཡོན་ལྷན་ཁང་དང་འབྲེལ་ཡོད་ཆེད་དོན་ཨུ་ཡོན་ལྷན་ཁང་གིས་རང་སྐྱོང་ལྗོངས་མི་དམངས་འཐུས་མི་ཚོགས་ཆེན་དང་དེའི་རྒྱུན་ལས་ཨུ་ཡོན་ལྷན་ཁང་གི་འགོ་ཁྲིད་འོག འབྲེལ་ཡོད་ཀྱི་ཞིབ་ཕྲའི་ལས་དོན་སྒྲུབ་འགན་འཁུར་དགོས། རང་སྐྱོང་ལྗོངས་མི་དམངས་སྲིད་གཞུང་དང་དེའི་འབྲེལ་ཡོད་སྡེ་ཚན་གྱིས་ངེས་པར་དུ་མཐུན་སྦྱོར་དང་གཞོགས་འདེགས་ཡག་པོ་བྱེད་དགོས།

གཉིས། རང་སྐྱོང་ལྗོངས་མི་དམངས་འཐུས་མི་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གིས་དཔལ་འབྱོར་ལས་དོན་ལ་ལྟ་སྐུལ་བྱེད་པར་ངེས་པར་དུ་ཀྲུང་གོ་གུང་ཁྲན་ཏང་གི་འགོ་ཁྲིད་མཐའ་འཁྱོངས་དང་། མར་ཁེ་སི་ལེ་ཉིན་རིང་ལུགས་དང་། མའོ་ཙེ་ཏུང་གི་དགོངས་པ། ཏེང་ཞའོ་ཕིང་གི་རིགས་པའི་གཞུང་ལུགས། “མཚོན་བྱེད་གསུམ”གྱི་གལ་ཆེའི་དགོངས་པ། ཚན་རིག་དང་མཐུན་པའི་གོང་འཕེལ་གྱི་ལྟ་བ། ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་བཅས་མཛུབ་ཁྲིད་དུ་བྱ་རྒྱུ་མཐའ་འཁྱོངས་བྱས་ཐོག ཞི་ཅིན་ཕིང་གི་དཔལ་འབྱོར་དགོངས་པ་དང་། ཞི་ཅིན་ཕིང་གི་ཁྲིམས་སྐྱོང་དགོངས་པ། ཞི་ཅིན་ཕིང་གི་སྐྱེ་ཁམས་ཤེས་དཔལ་གྱི་དགོངས་པ་བཅས་ཕྱོགས་ཡོངས་ནས་ལག་བསྟར་དང་། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་བོད་ཀྱི་ལས་དོན་སྐོར་གྱི་གལ་ཆེའི་མཛུབ་སྟོན་དང་དུས་རབས་གསར་པའི་ཏང་གི་བོད་སྐྱོང་མཛད་ཇུས་ཕྱོགས་ཡོངས་ནས་ལག་བསྟར་བྱས་ཏེ། གོང་འཕེལ་གྱི་དུས་མཚམས་གསར་པར་གཞི་ཚུགས་ཤིང་། གོང་འཕེལ་གྱི་འདུ་ཤེས་གསར་པ་ལག་བསྟར་དང་གོང་འཕེལ་གྱི་རྣམ་པ་གསར་པའི་ནང་མཉམ་འདྲེས་ཐུབ་པ་བྱ་རྒྱུ་མ་ཟད། “དོན་ཆེན་བཞི”དང་“འགན་སྲུང་བཞི”ལ་དམ་པོར་དམིགས་པ་དང་། “འཛུགས་གཏོད་བཞི”དང་“མདུན་གྲལ་དུ་སླེབས་པ་བཞིར”ཤུགས་རྒྱག་པ། “མངོན་པ་གསུམ་དང་ཕན་ཡོད་གཅིག”ལ་ཞབས་ཞུ་སྒྲུབ་པ། དུས་རབས་གསར་པའི་ནང་བོད་ལྗོངས་ཡུན་རིང་བདེ་འཁོད་ཡོང་བ་དང་སྤུས་ཚད་མཐོ་བའི་གོང་འཕེལ་འགྲོ་བར་ཞབས་ཞུ་སྒྲུབ་པ། ཏང་ཨུད་ཀྱིས་དཔལ་འབྱོར་ལྟ་སྐུལ་ལས་དོན་ལ་འགོ་ཁྲིད་བྱ་རྒྱུ་མཐའ་འཁྱོངས་བྱེད་པ། དཔལ་འབྱོར་ལས་དོན་ལ་ཁྲིམས་བཞིན་ལྟ་སྐུལ་བྱ་རྒྱུ་མཐའ་འཁྱོངས་བྱེད་པ། མི་དམངས་ལྟེ་བར་འཛིན་རྒྱུ་མཐའ་འཁྱོངས་བྱེད་པ་བཅས་ཀྱི་ཐོག་ནས་ཐོན་ཁུངས་བཀོད་སྒྲིག་ཁྲོད་ཀྱི་ཁྲོམ་རའི་ཐག་གཅོད་རང་བཞིན་གྱི་ནུས་པ་དང་སྲིད་གཞུང་གི་ནུས་པ་སྔར་བས་འདོན་སྤེལ་གང་ལེགས་བྱ་རྒྱུར་འགན་ལེན་དང་སྐུལ་འདེད་བཏང་སྟེ་སྤུས་ཚད་མཐོ་བའི་གོང་འཕེལ་ལ་སྐུལ་སྤེལ་གཏོང་དགོས།

གསུམ། རང་སྐྱོང་ལྗོངས་མི་དམངས་འཐུས་མི་ཚོགས་ཆེན་ནོར་སྲིད་དཔལ་འབྱོར་ཨུ་ཡོན་ལྷན་ཁང་གིས་ངེས་པར་དུ་རང་སྐྱོང་ལྗོངས་མི་དམངས་འཐུས་མི་ཚོགས་ཆེན་གྱི་ཚོགས་འདུ་མ་འཚོགས་གོང་གི་ཉིན་གྲངས་ཞེ་ལྔའི་སྔོན་ལ་འབྲེལ་ཡོད་ཆེད་དོན་ཨུ་ཡོན་ལྷན་ཁང་དང་མཉམ་དུ་རྒྱལ་དམངས་དཔལ་འབྱོར་དང་སྤྱི་ཚོགས་གོང་འཕེལ་གཏོང་ཕྱོགས་ཀྱི་ལོ་འཁོར་འཆར་གཞིར་ཐོག་མའི་ཞིབ་བཤེར་བྱས་ནས་ཞིབ་བཤེར་བསམ་འཆར་རགས་ཙམ་གྲུབ་རྗེས་རང་སྐྱོང་ལྗོངས་མི་དམངས་སྲིད་གཞུང་གི་འབྲེལ་ཡོད་གཙོ་འགན་སྡེ་ཚན་ལ་འབུལ་དགོས། རང་སྐྱོང་ལྗོངས་མི་དམངས་སྲིད་གཞུང་གི་འབྲེལ་ཡོད་གཙོ་འགན་སྡེ་ཚན་གྱིས་ངེས་པར་དུ་ཐག་གཅོད་བྱས་ཚུལ་སྐོར་དུས་ཐོག་ཏུ་རང་སྐྱོང་ལྗོངས་མི་དམངས་འཐུས་མི་ཚོགས་ཆེན་ནོར་སྲིད་དཔལ་འབྱོར་ཨུ་ཡོན་ལྷན་ཁང་ལ་ལན་སྤྲོད་དགོས།

རང་སྐྱོང་ལྗོངས་མི་དམངས་འཐུས་མི་ཚོགས་ཆེན་ནོར་སྲིད་དཔལ་འབྱོར་ཨུ་ཡོན་ལྷན་ཁང་གིས་ཐོག་མའི་ཞིབ་བཤེར་བྱེད་པའི་དུས་མཚམས་སུ་འབྲེལ་ཡོད་ཆེད་དོན་ཨུ་ཡོན་ལྷན་ཁང་གིས་ཆེད་དོན་ཞིབ་བཤེར་བྱེད་དགོས་པ་མ་ཟད། ཆེད་དོན་ཞིབ་བཤེར་གྱི་བསམ་འཆར་བཏོན་ནས་རང་སྐྱོང་ལྗོངས་མི་དམངས་འཐུས་མི་ཚོགས་ཆེན་ནོར་སྲིད་དཔལ་འབྱོར་ཨུ་ཡོན་ལྷན་ཁང་ལ་ཕུལ་ཏེ་ཞིབ་འཇུག་ཐག་གཅོད་བྱེད་དགོས།

བཞི། རྒྱལ་དམངས་དཔལ་འབྱོར་དང་སྤྱི་ཚོགས་གོང་འཕེལ་གཏོང་ཕྱོགས་ཀྱི་ལོ་འཁོར་འཆར་གཞིར་ཐོག་མའི་ཞིབ་བཤེར་བྱེད་སྐབས། རང་སྐྱོང་ལྗོངས་མི་དམངས་སྲིད་གཞུང་གི་འབྲེལ་ཡོད་གཙོ་འགན་སྡེ་ཚན་ནས་ངེས་པར་དུ་གཤམ་གསལ་གྱི་ཡིག་ཆ་ཁག་མཁོ་འདོན་བྱེད་དགོས་པ་སྟེ།

(གཅིག)ལོ་འཁོར་གོང་མའི་རྒྱལ་དམངས་དཔལ་འབྱོར་དང་སྤྱི་ཚོགས་གོང་འཕེལ་གཏོང་ཕྱོགས་ཀྱི་འཆར་གཞི་ལག་བསྟར་བྱས་ཚུལ་དང་ལོ་འཁོར་འདིའི་རྒྱལ་དམངས་དཔལ་འབྱོར་དང་སྤྱི་ཚོགས་གོང་འཕེལ་གཏོང་ཕྱོགས་ཀྱི་འཆར་གཞིའི་འཆར་ཟིན་སྐོར་གྱི་སྙན་ཞུའི་ནང་གི་ལོ་འཁོར་གོང་མའི་རྒྱལ་དམངས་དཔལ་འབྱོར་དང་སྤྱི་ཚོགས་གོང་འཕེལ་གཏོང་ཕྱོགས་ཀྱི་འཆར་གཞིའི་དམིགས་ཚད་གཙོ་བོ་དང་ལས་འགན་ལེགས་སྒྲུབ་བྱས་ཚུལ་དང་། རང་སྐྱོང་ལྗོངས་མི་དམངས་འཐུས་ཚོགས་ཀྱི་གྲོས་ཆོད་ལག་བསྟར་དོན་འཁྱོལ་བྱས་ཚུལ་སྙན་སེང་ཞུ་དགོས་པ་མ་ཟད། ལོ་འཁོར་འདིའི་རྒྱལ་དམངས་དཔལ་འབྱོར་དང་སྤྱི་ཚོགས་གོང་འཕེལ་གཏོང་ཕྱོགས་ཀྱི་འཆར་གཞིའི་དམིགས་ཚད་གཙོ་བོ་དང་ལས་འགན། དེ་བཞིན་བབ་བསྟུན་སྲིད་ཇུས་དང་བྱ་ཐབས་གཙོ་བོ་བཟོ་དགོས་པའི་གཞི་འཛིན་ས་དང་བསམ་གཞིགས་ཐད་གསལ་འགྲེལ་བྱ་རྒྱུ་དང་།

(གཉིས)ལོ་འཁོར་འདིའི་རྒྱལ་དམངས་དཔལ་འབྱོར་དང་སྤྱི་ཚོགས་གོང་འཕེལ་གཏོང་ཕྱོགས་ཀྱི་འཆར་གཞིའི་འཆར་ཟིན་གྱི་ཐོག་མའི་ཇུས་གཞི།

(གསུམ)ལོ་འཁོར་གོང་མའི་རང་སྐྱོང་ལྗོངས་རིམ་པ་འདི་གའི་སྔོན་རྩིས་ནང་གི་མ་འཇོག་འཆར་གཞི་ལག་བསྟར་བྱས་ཚུལ་གྱི་གསལ་བཤད་དང་ལོ་འཁོར་འདིའི་རང་སྐྱོང་ལྗོངས་རིམ་པ་འདི་གའི་སྔོན་རྩིས་ནང་གི་མ་འཇོག་འཆར་གཞི་བཀོད་སྒྲིག་བྱས་ཚུལ།

(བཞི)ཐོག་མའི་ཞིབ་བཤེར་བྱེད་པར་མཁོ་བའི་དཔྱད་ཡིག་གཞན་དག་བཅས་སོ།

ལྔ། རྒྱལ་དམངས་དཔལ་འབྱོར་དང་སྤྱི་ཚོགས་གོང་འཕེལ་གཏོང་ཕྱོགས་ཀྱི་ལོ་འཁོར་འཆར་གཞིར་ཐོག་མའི་ཞིབ་བཤེར་བྱ་རྒྱུའི་གཙོ་གནད་ནི། ལོ་འཁོར་གོང་མའི་རྒྱལ་དམངས་དཔལ་འབྱོར་དང་སྤྱི་ཚོགས་གོང་འཕེལ་གཏོང་ཕྱོགས་ཀྱི་འཆར་གཞི་ལེགས་སྒྲུབ་བྱས་ཚུལ་དང་། ལྷག་པར་དུ་གཙོ་བོའི་དམིགས་ཚད་དང་ལས་འགན་ལེགས་སྒྲུབ་བྱས་ཚུལ། ལོ་འཁོར་འདིའི་རྒྱལ་དམངས་དཔལ་འབྱོར་དང་སྤྱི་ཚོགས་གོང་འཕེལ་གཏོང་ཕྱོགས་ཀྱི་འཆར་གཞི་བཟོ་བའི་མཛུབ་ཁྲིད་བསམ་བློ་དེ་ངེས་པར་དུ་ཏང་ཀྲུང་དབྱང་གི་མཛད་ཇུས་བཀོད་སྒྲིག་དང་ཀྲུང་དབྱང་གི་དཔལ་འབྱོར་ལས་དོན་ཚོགས་འདུའི་དགོངས་དོན་དང་འཚམ་དགོས་པ་མ་ཟད། ལྗོངས་ཏང་ཨུད་ཀྱི་མཛད་ཇུས་བཀོད་སྒྲིག་དང་ལྗོངས་ཏང་ཨུད་ཀྱི་དཔལ་འབྱོར་ལས་དོན་ཚོགས་འདུའི་དགོངས་དོན་དང་འཚམ་དགོས་པ་དང་། རྒྱལ་དམངས་དཔལ་འབྱོར་དང་སྤྱི་ཚོགས་གོང་འཕེལ་གཏོང་ཕྱོགས་ཀྱི་ལོ་ལྔའི་འཆར་འགོད་རྩ་གནད་དང་དུས་ཡུན་རིང་འབྲིང་གི་འཆར་འགོད་རྩ་གནད་དང་འཚམ་དགོས་པ། དམིགས་ཚད་གཙོ་བོ་དང་། གཙོ་གནད་ལས་འགན། གལ་ཆེའི་ལས་གྲྭའི་རྣམ་གྲངས་བཅས་ངེས་པར་དུ་དཔལ་འབྱོར་དང་སྤྱི་ཚོགས་གོང་འཕེལ་གཏོང་ཕྱོགས་ཀྱི་ཆ་རྐྱེན་དང་། ལྷག་པར་དུ་ཐོན་ཁུངས་དང་། འབྱོར་སྟོབས། ཁོར་ཡུག་བཅས་ཀྱི་དངོས་ཡོད་འདེགས་སྐྱོར་ནུས་པ་དང་འཚམ་དགོས་པ། དེ་བཞིན་ཁྲོམ་ར་དང་མང་ཚོགས་ཀྱི་དགོས་མཁོ་དང་འཚམ་དགོས་པ། ལོ་ལྔའི་འཆར་འགོད་རྩ་གནད་ལག་བསྟར་བྱེད་པའི་གཞི་རྩའི་བླང་བྱ་དང་། དཔལ་འབྱོར་དང་སྤྱི་ཚོགས་ཡུན་རིང་སྐྱོན་བྲལ་ངང་གོང་འཕེལ་གཏོང་རྒྱུར་ཕན་འདོགས་པ་དང་འཚམ་དགོས་པ། གཙོ་བོའི་སྲིད་ཇུས་ཀྱི་འགྲོ་ཕྱོགས་དང་བྱེད་ཐབས་བཀོད་སྒྲིག་བྱས་རིགས་ངེས་པར་དུ་སྒྲིག་སྲོལ་ལམ་སྲོལ་འཐུས་ཚང་དུ་གཏོང་བ་དང་ཁྲིམས་ལྟར་སྲིད་འཛིན་གྱི་བླང་བྱ་དང་འཚམ་དགོས་ལ། དམིགས་ཚད་ཀྱི་འཛིན་ཕྱོགས་དང་གནད་དོན་གྱི་འཛིན་ཕྱོགས་རྒྱུན་འཁྱོངས་བྱས་ཏེ་དམིགས་སའི་རང་བཞིན་ཆེ་ལ་སྤྱད་འཐུས་ཆོག་པ་ཡིན་དགོས།

དྲུག རང་སྐྱོང་ལྗོངས་མི་དམངས་འཐུས་མི་ཚོགས་ཆེན་ནོར་སྲིད་དཔལ་འབྱོར་ཨུ་ཡོན་ལྷན་ཁང་གིས་རང་སྐྱོང་ལྗོངས་མི་དམངས་འཐུས་མི་ཚོགས་ཆེན་གྱི་ཀྲུའུ་ཞི་ཚོགས་པར་ལོ་འཁོར་གོང་མའི་རྒྱལ་དམངས་དཔལ་འབྱོར་དང་སྤྱི་ཚོགས་གོང་འཕེལ་གཏོང་ཕྱོགས་ཀྱི་འཆར་གཞི་ལག་བསྟར་བྱས་ཚུལ་དང་ལོ་འཁོར་འདིའི་རྒྱལ་དམངས་དཔལ་འབྱོར་དང་སྤྱི་ཚོགས་གོང་འཕེལ་གཏོང་ཕྱོགས་ཀྱི་འཆར་གཞིའི་འཆར་ཟིན་ལ་ཞིབ་བཤེར་བྱས་འབྲས་ཀྱི་སྙན་ཞུ་འབུལ་དགོས། ཞིབ་བཤེར་བྱས་འབྲས་ཀྱི་སྙན་ཞུའི་ནང་ངེས་པར་དུ་གཤམ་གསལ་ནང་དོན་ཁག་ཚུད་དགོས་པ་སྟེ།

(གཅིག)ལོ་འཁོར་གོང་མའི་རྒྱལ་དམངས་དཔལ་འབྱོར་དང་སྤྱི་ཚོགས་གོང་འཕེལ་གཏོང་ཕྱོགས་ཀྱི་འཆར་གཞི་ལག་བསྟར་བྱས་ཚུལ་སྐོར་གྱི་སྤྱིའི་གདེང་འཇོག་དང་དོ་ཁུར་བྱེད་དགོས་པའི་གནད་དོན་གཙོ་བོ་དང་།

(གཉིས)ལོ་འཁོར་འདིའི་རྒྱལ་དམངས་དཔལ་འབྱོར་དང་སྤྱི་ཚོགས་གོང་འཕེལ་གཏོང་ཕྱོགས་ཀྱི་འཆར་གཞིའི་སྙན་ཞུ་དང་འཆར་གཞིའི་འཆར་ཟིན་ལག་བསྟར་བྱས་འཐུས་ལ་གདེང་འཇོག་བྱ་རྒྱུ་དང་། ལོ་འཁོར་འདིའི་རྒྱལ་དམངས་དཔལ་འབྱོར་དང་སྤྱི་ཚོགས་གོང་འཕེལ་གཏོང་ཕྱོགས་ཀྱི་འཆར་གཞི་ལག་བསྟར་བྱེད་པའི་ལས་དོན་ལ་བསམ་འཆར་དང་གྲོས་འཆར་འདོན་རྒྱུ།

(གསུམ)རང་སྐྱོང་ལྗོངས་མི་དམངས་འཐུས་མི་ཚོགས་ཆེན་གྱི་ཚོགས་འདུས་རྒྱལ་དམངས་དཔལ་འབྱོར་དང་སྤྱི་ཚོགས་གོང་འཕེལ་གཏོང་ཕྱོགས་ཀྱི་ལོ་འཁོར་འཆར་གཞིའི་སྙན་ཞུ་དང་འཆར་གཞིའི་འཆར་ཟིན་ལ་ཆོག་མཆན་སྤྲོད་པར་གྲོས་འགོ་འདོན་རྒྱུ་བཅས་སོ།

བདུན། རང་སྐྱོང་ལྗོངས་མི་དམངས་འཐུས་ཚོགས་རྒྱུན་ལས་ཨུ་ཡོན་ལྷན་ཁང་གིས་ངེས་པར་དུ་རང་སྐྱོང་ལྗོངས་མི་དམངས་འཐུས་མི་ཚོགས་ཆེན་གྱིས་ཆོག་མཆན་སྤྲད་པའི་རྒྱལ་དམངས་དཔལ་འབྱོར་དང་སྤྱི་ཚོགས་གོང་འཕེལ་གཏོང་ཕྱོགས་ཀྱི་ལོ་འཁོར་འཆར་གཞི་ལག་བསྟར་ལ་ལྟ་སྐུལ་བྱེད་པར་ཤུགས་སྣོན་རྒྱག་དགོས།

རང་སྐྱོང་ལྗོངས་མི་དམངས་འཐུས་ཚོགས་རྒྱུན་ལས་ཨུ་ཡོན་ལྷན་ཁང་གིས་ངེས་པར་དུ་ལོ་རེའི་ཟླ་བདུན་པའམ་ཡང་ན་ཟླ་དགུ་པར་ལོ་འཁོར་འདིའི་དུས་མཚམས་གོང་མའི་རྒྱལ་དམངས་དཔལ་འབྱོར་དང་སྤྱི་ཚོགས་གོང་འཕེལ་གཏོང་ཕྱོགས་ཀྱི་འཆར་གཞི་ལག་བསྟར་བྱས་ཚུལ་སྐོར་གྱི་རང་སྐྱོང་ལྗོངས་མི་དམངས་སྲིད་གཞུང་གི་སྙན་ཞུ་ཉན་རྒྱུ་དང་དེར་གྲོས་ཞིབ་བྱེད་དགོས། རྒྱུན་ལས་ཨུ་ཡོན་ལྷན་ཁང་གི་ཁོངས་མིས་གྲོས་ཞིབ་བྱས་པའི་བསམ་འཆར་དེ་རང་སྐྱོང་ལྗོངས་མི་དམངས་སྲིད་གཞུང་ལ་ཕུལ་ནས་ཞིབ་འཇུག་ཐག་གཅོད་བྱེད་དགོས་པ་དང་། རང་སྐྱོང་ལྗོངས་མི་དམངས་སྲིད་གཞུང་གིས་ངེས་པར་དུ་ཞིབ་འཇུག་ཐག་གཅོད་བྱས་ཚུལ་རྒྱུན་ལས་ཨུ་ཡོན་ལྷན་ཁང་ལ་ཡིག་ཐོག་ནས་སྙན་ཞུ་འབུལ་དགོས། རྒྱལ་དམངས་དཔལ་འབྱོར་དང་སྤྱི་ཚོགས་གོང་འཕེལ་གཏོང་ཕྱོགས་ཀྱི་ལོ་འཁོར་འཆར་གཞི་ལག་བསྟར་བྱས་ཚུལ་གྱི་སྙན་ཞུ་དང་། རྒྱུན་ལས་ཨུ་ཡོན་ལྷན་ཁང་གི་ཁོངས་མིའི་གྲོས་ཞིབ་བསམ་འཆར། དེ་བཞིན་རང་སྐྱོང་ལྗོངས་མི་དམངས་སྲིད་གཞུང་གིས་གྲོས་ཞིབ་བསམ་འཆར་ལ་ཞིབ་འཇུག་ཐག་གཅོད་བྱས་ཚུལ་བཅས་རང་སྐྱོང་ལྗོངས་མི་དམངས་འཐུས་མི་ཚོགས་ཆེན་གྱི་འཐུས་མིར་བརྡ་ཁྱབ་གཏོང་རྒྱུ་མ་ཟད། སྤྱི་ཚོགས་ཐོག་ཁྱབ་བསྒྲགས་བྱེད་དགོས།

རང་སྐྱོང་ལྗོངས་མི་དམངས་འཐུས་མི་ཚོགས་ཆེན་ནོར་སྲིད་དཔལ་འབྱོར་ཨུ་ཡོན་ལྷན་ཁང་གིས་ལོ་སྟོད་ཀྱི་དཔལ་འབྱོར་དུས་བབ་ལ་དབྱེ་ཞིབ་བྱ་རྒྱུ་དང་ཟུང་འབྲེལ་བྱས་ཏེ་འབྲེལ་ཡོད་གྲ་སྒྲིག་ལས་དོན་ཡག་པོ་བསྒྲུབས་ནས་རྒྱུན་ལས་ཨུ་ཡོན་ལྷན་ཁང་ལ་དབྱེ་ཞིབ་ཀྱི་སྙན་ཞུ་འབུལ་དགོས།

བརྒྱད། རྒྱལ་དམངས་དཔལ་འབྱོར་དང་སྤྱི་ཚོགས་གོང་འཕེལ་གཏོང་ཕྱོགས་ཀྱི་ལོ་འཁོར་འཆར་གཞི་ལག་བསྟར་བྱས་ཚུལ་ལ་ལྟ་སྐུལ་བྱ་རྒྱུའི་གཙོ་གནད་ནི། རྒྱལ་དམངས་དཔལ་འབྱོར་དང་སྤྱི་ཚོགས་གོང་འཕེལ་གཏོང་ཕྱོགས་ཀྱི་ལོ་འཁོར་འཆར་གཞི་ལག་བསྟར་བྱེད་པར་ངེས་པར་དུ་ཏང་ཀྲུང་དབྱང་གི་ཐབས་ཇུས་བཀོད་སྒྲིག་དང་ཀྲུང་དབྱང་གི་དཔལ་འབྱོར་ལས་དོན་ཚོགས་འདུའི་དགོངས་དོན་ལག་བསྟར་དང་། ལྗོངས་ཏང་ཨུད་ཀྱི་ཐབས་ཇུས་བཀོད་སྒྲིག་དང་ལྗོངས་ཏང་ཨུད་ཀྱི་དཔལ་འབྱོར་ལས་དོན་ཚོགས་འདུའི་དགོངས་དོན་ལག་བསྟར། རང་སྐྱོང་ལྗོངས་མི་དམངས་འཐུས་མི་ཚོགས་ཆེན་གྱི་གྲོས་ཆོད་བླང་བྱ་དོན་འཁྱོལ་བཅས་བྱས་ནས་སྲིད་གཞུང་གི་ལས་དོན་སྙན་སྒྲོན་ནང་བཏོན་པའི་དམིགས་ཚད་ཁག་དང་ལས་འགན་གྱི་བླང་བྱ་དང་འཚམ་པ་བྱེད་དགོས། དམིགས་ཚད་གཙོ་བོ་དང་ལྷག་པར་དུ་ཚོད་འཛིན་རང་བཞིན་གྱི་དམིགས་ཚད་ལེགས་སྒྲུབ་བྱས་ཚུལ་དང་། ལས་འགན་གཙོ་བོ། དེ་བཞིན་གལ་ཆེའི་ལས་གྲྭའི་རྣམ་གྲངས་བཅས་ཀྱི་འཕེལ་རིམ་གནས་ཚུལ་བཅས་ངེས་པར་དུ་རྒྱལ་དམངས་དཔལ་འབྱོར་དང་སྤྱི་ཚོགས་གོང་འཕེལ་གཏོང་ཕྱོགས་ཀྱི་ལོ་འཁོར་འཆར་གཞིའི་འཕེལ་རིམ་བཀོད་སྒྲིག་དང་འཚམ་དགོས། རྒྱལ་དམངས་དཔལ་འབྱོར་དང་སྤྱི་ཚོགས་གོང་འཕེལ་གཏོང་ཕྱོགས་ཀྱི་འཆར་གཞི་ལག་བསྟར་བྱས་ཚུལ་སྐོར་གྱི་སྙན་ཞུའི་ནང་ངེས་པར་དུ་ལྷག་བསྡད་པའི་དཀའ་ངལ་གཙོ་བོ་དང་། གནད་དོན་གཙོ་བོ། དེ་བཞིན་རྒྱུ་རྐྱེན་བཅས་ལ་དབྱེ་ཞིབ་གཏིང་ཟབ་བྱེད་དགོས་པ་དང་། སྔོན་དཔག་གི་འཕེལ་རིམ་དམིགས་ཚད་དང་ལས་འགན་ཐོག་སླེབས་མེད་རིགས་ངེས་པར་དུ་གསལ་འགྲེལ་བྱ་རྒྱུ་མ་ཟད། དམིགས་སའི་རང་བཞིན་ལྡན་པ་དང་ལག་བསྟར་བྱེད་འཐུས་ཀྱི་སྲིད་ཇུས་དང་བྱེད་ཐབས་བཏོན་ནས་རྒྱལ་དམངས་དཔལ་འབྱོར་དང་སྤྱི་ཚོགས་གོང་འཕེལ་གཏོང་ཕྱོགས་ཀྱི་ལོ་འཁོར་འཆར་གཞི་བདེ་བླག་ངང་ལེགས་སྒྲུབ་ཡོང་བར་སྐུལ་འདེད་གཏོང་དགོས།

དགུ། རང་སྐྱོང་ལྗོངས་མི་དམངས་འཐུས་མི་ཚོགས་ཆེན་ནོར་སྲིད་དཔལ་འབྱོར་ཨུ་ཡོན་ལྷན་ཁང་གིས་ལོ་རེའི་ཟླ་ལྔ་པ་དང་། བརྒྱད་པ། བཅུ་གཅིག་པ་བཅས་ལ་དུས་ཚིགས་སོ་སོའི་དཔལ་འབྱོར་གནས་བབ་ཀྱི་དབྱེ་ཞིབ་ཚོགས་འདུ་འཚོགས་ཏེ་དུས་ཚིགས་དང་པོ་དང་། ལོ་སྟོད། སྔོན་གྱི་དུས་ཚིགས་གསུམ་བཅས་ཀྱི་རྒྱལ་དམངས་དཔལ་འབྱོར་གྱི་འཁོར་སྐྱོད་གནས་ཚུལ་སྐོར་གྱི་རང་སྐྱོང་ལྗོངས་མི་དམངས་སྲིད་གཞུང་འབྲེལ་ཡོད་སྡེ་ཚན་གྱི་སྙན་ཞུ་ཉན་ནས་དབྱེ་ཞིབ་དང་ཞིབ་འཇུག་བྱས་ཐོག ཚོགས་འདུའི་ཐོག་རྒྱལ་དམངས་དཔལ་འབྱོར་གྱི་འཁོར་སྐྱོད་གནས་ཚུལ་ལ་དབྱེ་ཞིབ་དང་དེའི་ཐད་ལ་བསམ་འཆར་དང་གྲོས་འགོ་བཏོན་པ་དེ་རྒྱུན་ལས་ཨུ་ལྷན་གྱི་ཀྲུའུ་རེན་ཚོགས་འདུར་སྙན་སེང་ཞུ་དགོས་པ་མ་ཟད། ཚོགས་འདུའི་ཟིན་བྲིས་གནད་བསྡུས་དང་བསྡུས་གསལ་གནས་ཚུལ་གྱི་ཐོག་ནས་རང་སྐྱོང་ལྗོངས་མི་དམངས་སྲིད་གཞུང་དོན་གཅོད་ཐིང་དང་། འབྲེལ་ཡོད་སྡེ་ཚན། གྲོང་ཁྱེར། རྫོང་(ཆུད)ཁག་གི་མི་དམངས་འཐུས་མི་ཚོགས་ཆེན་རྒྱུན་ལས་ཨུ་ཡོན་ལྷན་ཁང་ལ་པར་སྐྱེལ་བྱེད་དགོས།

བཅུ། རྒྱལ་དམངས་དཔལ་འབྱོར་དང་སྤྱི་ཚོགས་གོང་འཕེལ་གཏོང་ཕྱོགས་ཀྱི་ལོ་ལྔའི་འཆར་འགོད་རྩ་གནད་དང་དུས་ཡུན་རིང་འབྲིང་གི་འཆར་འགོད་རྩ་གནད་འཆར་ཟིན་ལ་ཐོག་མའི་ཞིབ་བཤེར་དང་ཞིབ་བཤེར་བྱ་རྒྱུ་དེ་ཆོད་དོན་འདིའི་དོན་ཚན་གསུམ་པ་དང་དྲུག་པའི་གཏན་འབེབས་དཔྱད་གཞིར་བཟུང་ནས་ལག་བསྟར་བྱེད་དགོས།

ལོ་ལྔའི་འཆར་འགོད་རྩ་གནད་དང་དུས་ཡུན་རིང་འབྲིང་གི་འཆར་འགོད་རྩ་གནད་འཆར་ཟིན་ལ་རང་སྐྱོང་ལྗོངས་མི་དམངས་འཐུས་མི་ཚོགས་ཆེན་ནས་ཞིབ་བཤེར་ཆོག་མཆན་གནང་རེ་མ་ཞུས་གོང་གི་ལོ་གཅིག་ནང་རང་སྐྱོང་ལྗོངས་མི་དམངས་འཐུས་མི་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གིས་ལོ་ལྔའི་འཆར་འགོད་རྩ་གནད་དང་དུས་ཡུན་རིང་འབྲིང་གི་འཆར་འགོད་རྩ་གནད་བཟོ་འགོད་བྱེད་པའི་ལས་དོན་ལ་དམིགས་ཏེ་ཆེད་དོན་བརྟག་ཞིབ་བྱེད་དགོས་པ་དང་། བརྟག་ཞིབ་ལས་དོན་སྤེལ་ཚུལ་གྱི་སྙན་ཞུ་ཉན་དགོས་པ་མ་ཟད། བརྟག་ཞིབ་སྙན་ཞུ་དེ་འབྲེལ་ཡོད་ཕྱོགས་ཁག་གིས་ཞིབ་འཇུག་དང་དཔྱད་གཞི་བྱ་རྒྱུར་ཕུལ་ནས་རང་སྐྱོང་ལྗོངས་མི་དམངས་འཐུས་མི་ཚོགས་ཆེན་ནས་ཞིབ་བཤེར་ཆོག་མཆན་ཐོབ་ཆེད་གྲ་སྒྲིག་ལས་དོན་ཡག་པོ་སྒྲུབ་དགོས།

རང་སྐྱོང་ལྗོངས་མི་དམངས་འཐུས་མི་ཚོགས་ཆེན་རྒྱུན་ལས་ཨུ་ཡོན་ལྷན་ཁང་དོན་གཅོད་ཐིང་དང་རང་སྐྱོང་ལྗོངས་མི་དམངས་འཐུས་མི་ཚོགས་ཆེན་ནོར་སྲིད་དཔལ་འབྱོར་ཨུ་ཡོན་ལྷན་ཁང་གིས་སྒྲིག་འཛུགས་ལས་འགན་ཞིབ་ཕྲ་འཁུར་ནས་བརྟག་ཞིབ་ལས་ཀའི་ཇུས་གཞི་བཟོ་དགོས་ལ། འབྲེལ་ཡོད་ཆེད་དོན་ཨུ་ཡོན་ལྷན་ཁང་དང་རྒྱུན་ལས་ཨུ་ཡོན་ལྷན་ཁང་གི་དོན་བྱེད་ལས་ཁུངས་དང་མཐུན་སྦྱོར་བྱས་ནས་ཆེད་དོན་བརྟག་ཞིབ་བྱས་འབྲས་ཕྱོགས་བསྡུས་བྱེད་དགོས།

བཅུ་གཅིག ལོ་ལྔའི་འཆར་འགོད་རྩ་གནད་དང་དུས་ཡུན་རིང་འབྲིང་གི་འཆར་འགོད་རྩ་གནད་འཆར་ཟིན་ལ་ཐོག་མའི་ཞིབ་བཤེར་བྱེད་སྐབས། རང་སྐྱོང་ལྗོངས་མི་དམངས་སྲིད་གཞུང་འབྲེལ་ཡོད་གཙོ་འགན་སྡེ་ཚན་ནས་ངེས་པར་དུ་གཤམ་གསལ་དཔྱད་ཡིག་ཁག་འདོན་སྤྲོད་བྱེད་དགོས་པ་སྟེ།

(གཅིག)ལོ་ལྔའི་འཆར་འགོད་རྩ་གནད་དང་དུས་ཡུན་རིང་འབྲིང་གི་འཆར་འགོད་རྩ་གནད་ཀྱི་འཆར་ཟིན་དང་།

(གཉིས)ལོ་ལྔའི་འཆར་འགོད་རྩ་གནད་དང་དུས་ཡུན་རིང་འབྲིང་གི་འཆར་འགོད་རྩ་གནད་འཆར་ཟིན་དང་དེ་བཟོ་འགོད་བྱས་ཚུལ་སྐོར་གྱི་གསལ་བཤད་དང་། དེའི་ནང་ངེས་པར་དུ་སྔོན་གྱི་ལོ་ལྔའི་རིང་གི་འཆར་འགོད་རྩ་གནད་ཀྱི་དམིགས་ཚད་གཙོ་བོ་དང་ལས་འགན་ལེགས་སྒྲུབ་བྱས་ཚུལ་དང་། རང་སྐྱོང་ལྗོངས་མི་དམངས་འཐུས་མི་ཚོགས་ཆེན་གྱི་གྲོས་ཆོད་ལག་བསྟར་དོན་འཁྱོལ་བྱས་ཚུལ། ལོ་ལྔ་ཚན་འདིའི་འཆར་འགོད་རྩ་གནད་ཀྱི་དམིགས་ཚད་གཙོ་བོ་དང་གཙོ་གནད་ལས་འགན་བཟོ་བའི་གཞི་འཛིན་ས་དང་བསམ་གཞིགས་བྱ་ཡུལ་སོགས་ལ་གསལ་འགྲེལ་བྱེད་དགོས།

(གསུམ)ལས་གྲྭའི་རྣམ་གྲངས་གལ་ཆེན་བཀོད་སྒྲིག་བྱེད་པའི་སྐོར།

(བཞི)ཐོག་མའི་ཞིབ་བཤེར་བྱེད་པར་མཁོ་བའི་དཔྱད་ཡིག་གཞན་དག་བཅས་སོ།

བཅུ་གཉིས། ལོ་ལྔའི་འཆར་འགོད་རྩ་གནད་དང་དུས་ཡུན་འབྲིང་རིང་གི་འཆར་འགོད་རྩ་གནད་འཆར་ཟིན་ལ་ཐོག་མའི་ཞིབ་བཤེར་བྱེད་པའི་གཙོ་གནད་ནི། སྔོན་གྱི་ལོ་ལྔའི་རིང་གི་འཆར་འགོད་རྩ་གནད་ལག་བསྟར་བྱས་ཚུལ་དང་། ལོ་ལྔ་ཚན་འདིའི་འཆར་འགོད་རྩ་གནད་བཟོ་འགོད་བྱས་པའི་མཛུབ་ཁྲིད་བསམ་བློ་དེ་ངེས་པར་དུ་ལོ་ལྔ་ཚན་འཆར་འགོད་སྐོར་གྱི་ཏང་ཀྲུང་དབྱང་དང་ལྗོངས་ཏང་ཨུད་ཀྱི་གྲོས་འཆར་དགོངས་དོན་དང་འཚམ་པ་བྱས་ནས་འབྱུང་འགྱུར་ལོ་ལྔའི་རིང་གི་བོད་ལྗོངས་གོང་འཕེལ་གཏོང་ཕྱོགས་ཀྱི་འཆར་འགོད་དང་བྱ་སྤྱོད་ཀྱི་རྩ་འཛིན་ནུས་པ་འདོན་སྤེལ་བྱས་ཚུལ། དམིགས་ཚད་གཙོ་བོ་དང་། གཙོ་གནད་ལས་འགན། ལས་གྲྭའི་རྣམ་གྲངས་གལ་ཆེན་བཅས་རང་ལྗོངས་ཀྱི་དོན་དངོས་གནས་ཚུལ་དང་གོང་འཕེལ་དུས་མཚམས་ཀྱི་ཁྱད་ཆོས་དང་འཚམ་པ་དང་། དཔལ་འབྱོར་དང་སྤྱི་ཚོགས་གོང་འཕེལ་གྱི་ཕྱི་རོལ་ཡུལ་གྱི་ཆོས་ཉིད་དང་འཚམ་པ། རང་སྐྱོང་ལྗོངས་དུས་ཡུན་རིང་འབྲིང་གི་གོང་འཕེལ་འཐབ་ཇུས་ཀྱི་དམིགས་ཚད་དང་འཚམ་པ་བཅས་བྱས་ནས། དགོས་ངེས་ཀྱི་རང་བཞིན་དང་སྤྱོད་འཐུས་རང་བཞིན་ལ་དོ་སྣང་བྱས་ཚུལ། གཙོ་བོའི་སྲིད་ཇུས་ཀྱི་འཛིན་ཕྱོགས་དེ་ངེས་པར་དུ་དུས་རབས་གསར་པའི་ཏང་གི་བོད་སྐྱོང་མཛད་ཇུས་དང་ལྗོངས་ཏང་ཨུད་ཀྱི་དཔལ་འབྱོར་ལས་དོན་སྐོར་གྱི་ཐབས་ཇུས་བཀོད་སྒྲིག་དང་འཚམ་པར་བྱས་ནས་དམིགས་སའི་རང་བཞིན་ཆེ་ལ་ལག་བསྟར་ཐུབ་པ་བྱེད་པ་བཅས་སོ།

བཅུ་གསུམ། རང་སྐྱོང་ལྗོངས་མི་དམངས་སྲིད་གཞུང་གིས་ངེས་པར་དུ་ལོ་ལྔའི་འཆར་འགོད་རྩ་གནད་ལག་བསྟར་བྱས་ཚུལ་གྱི་འགྱུར་ལྡན་ལྟ་ཞིབ་དང་། དུས་དཀྱིལ་ཚོད་སྐོར། ཕྱོགས་བསྡོམས་ཚོད་སྐོར་བཅས་ལ་ཤུགས་སྣོན་རྒྱག་དགོས། རང་སྐྱོང་ལྗོངས་མི་དམངས་འཐུས་མི་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གིས་ངེས་པར་དུ་ལོ་ལྔའི་འཆར་འགོད་རྩ་གནད་ལག་བསྟར་བྱས་ཚུལ་ལ་ལྟ་སྐུལ་བྱ་རྒྱུར་ཤུགས་སྣོན་རྒྱག་དགོས།

རང་སྐྱོང་ལྗོངས་མི་དམངས་འཐུས་མི་ཚོགས་ཆེན་ནོར་སྲིད་དཔལ་འབྱོར་ཨུ་ཡོན་ལྷན་ཁང་དང་འབྲེལ་ཡོད་ཆེད་དོན་ཨུ་ཡོན་ལྷན་ཁང་གིས་རང་སྐྱོང་ལྗོངས་མི་དམངས་འཐུས་མི་ཚོགས་ཆེན་དང་དེའི་རྒྱུན་ལས་ཨུ་ཡོན་ལྷན་ཁང་གི་འགོ་ཁྲིད་འོག དམིགས་སའི་རང་བཞིན་ལྡན་པའི་སྒོ་ནས་ལོ་ལྔའི་འཆར་འགོད་རྩ་གནད་ལག་བསྟར་གྱི་ལྟ་སྐུལ་ལས་དོན་ཡག་པོ་བསྒྲུབས་ཏེ་ལོ་ལྔའི་འཆར་འགོད་རྩ་གནད་བདེ་བླག་ངང་ལག་བསྟར་ཐུབ་རྒྱུར་སྐུལ་འདེད་གཏོང་དགོས།

རང་སྐྱོང་ལྗོངས་མི་དམངས་སྲིད་གཞུང་འབྲེལ་ཡོད་གཙོ་འགན་སྡེ་ཚན་གྱིས་ངེས་པར་དུ་ལོ་ལྔའི་འཆར་འགོད་རྩ་གནད་ལག་བསྟར་བྱས་ཚུལ་གྱི་འགྱུར་ལྡན་ལྟ་ཞིབ་དཔྱད་གཞི་དེ་རང་སྐྱོང་ལྗོངས་མི་དམངས་འཐུས་མི་ཚོགས་ཆེན་ནོར་སྲིད་དཔལ་འབྱོར་ཨུ་ཡོན་ལྷན་ཁང་ལ་སྐྱེལ་དགོས།

བཅུ་བཞི། ལོ་ལྔའི་འཆར་འགོད་རྩ་གནད་ལག་བསྟར་བྱེད་པའི་དུས་དཀྱིལ་རིང་རང་སྐྱོང་ལྗོངས་མི་དམངས་སྲིད་གཞུང་གིས་ངེས་པར་དུ་ལོ་ལྔའི་འཆར་འགོད་རྩ་གནད་ལག་བསྟར་བྱས་ཚུལ་གྱི་དུས་དཀྱིལ་ཚོད་སྐོར་སྙན་ཞུ་དེ་རང་སྐྱོང་ལྗོངས་མི་དམངས་འཐུས་མི་ཚོགས་ཆེན་རྒྱུན་ལས་ཨུ་ཡོན་ལྷན་ཁང་ནས་གྲོས་ཞིབ་བྱ་རྒྱུར་འབུལ་དགོས། རྒྱུན་ལས་ཨུ་ཡོན་ལྷན་ཁང་གི་ཁོངས་མིས་གྲོས་ཞིབ་བྱས་པའི་བསམ་འཆར་དེ་རང་སྐྱོང་ལྗོངས་མི་དམངས་སྲིད་གཞུང་ནས་ཞིབ་འཇུག་ཐག་གཅོད་བྱ་རྒྱུར་འབུལ་དགོས་པ་དང་། རང་སྐྱོང་ལྗོངས་མི་དམངས་སྲིད་གཞུང་གིས་ངེས་པར་དུ་ཞིབ་འཇུག་ཐག་གཅོད་བྱས་ཚུལ་དེ་རྒྱུན་ལས་ཨུ་ཡོན་ལྷན་ཁང་ལ་ཡིག་ཐོག་ནས་སྙན་སེང་ཞུ་དགོས། ལོ་ལྔའི་འཆར་འགོད་རྩ་གནད་ལག་བསྟར་བྱས་ཚུལ་གྱི་དུས་དཀྱིལ་ཚོད་སྐོར་སྙན་ཞུ་དང་། རྒྱུན་ལས་ཨུ་ཡོན་ལྷན་ཁང་གི་ཁོངས་མིའི་གྲོས་ཞིབ་བསམ་འཆར། རང་སྐྱོང་ལྗོངས་མི་དམངས་སྲིད་གཞུང་གིས་གྲོས་ཞིབ་བསམ་འཆར་ལ་ཞིབ་འཇུག་དང་ཐག་གཅོད་བྱས་ཚུལ་བཅས་རང་སྐྱོང་ལྗོངས་མི་དམངས་འཐུས་མི་ཚོགས་ཆེན་གྱི་འཐུས་མིར་བརྡ་ཁྱབ་གཏོང་དགོས་པ་མ་ཟད་སྤྱི་ཚོགས་ཐོག་ཁྱབ་བསྒྲགས་བྱེད་དགོས། རང་སྐྱོང་ལྗོངས་མི་དམངས་འཐུས་མི་ཚོགས་ཆེན་ནོར་སྲིད་དཔལ་འབྱོར་ཨུ་ཡོན་ལྷན་ཁང་གིས་འབྲེལ་ཡོད་ཆེད་དོན་ཨུ་ཡོན་ལྷན་ཁང་དང་མཉམ་དུ་ཆེད་དོན་བརྟག་ཞིབ་བྱས་ནས་རྒྱུན་ལས་ཨུ་ཡོན་ལྷན་ཁང་ལ་བརྟག་ཞིབ་བྱས་པའི་སྙན་ཞུ་འབུལ་དགོས།

ལོ་ལྔའི་འཆར་འགོད་རྩ་གནད་ལག་བསྟར་བྱས་ཚུལ་གྱི་དུས་དཀྱིལ་ཚོད་སྐོར་ལ་ལྟ་སྐུལ་བྱེད་པའི་གཙོ་གནད་ནི། ལོ་ལྔའི་འཆར་འགོད་རྩ་གནད་ལག་བསྟར་བྱེད་པར་ངེས་པར་དུ་ལྗོངས་ཏང་ཨུད་ཀྱི་གྲོས་འཆར་དགོངས་དོན་དང་འཚམ་པར་བྱ་རྒྱུ་མ་ཟད། རང་སྐྱོང་ལྗོངས་མི་དམངས་འཐུས་མི་ཚོགས་ཆེན་གྱི་གྲོས་ཆོད་བླང་བྱ་ལག་བསྟར་དོན་འཁྱོལ་བྱེད་པ་དང་། དམིགས་ཚད་གཙོ་བོ་དང་ལྷག་པར་དུ་ཚོད་འཛིན་རང་བཞིན་གྱི་དམིགས་ཚད་ལེགས་སྒྲུབ་བྱས་ཚུལ་དང་། ལས་འགན་གཙོ་བོ་དང་། ལས་གྲྭའི་རྣམ་གྲངས་གལ་ཆེན་གྱི་འཕེལ་རིམ་གནས་ཚུལ་དེ་ངེས་པར་དུ་ལོ་ལྔའི་འཆར་འགོད་རྩ་གནད་ཀྱི་འཕེལ་རིམ་བཀོད་སྒྲིག་དང་འཚམ་པར་བྱེད་པ། ལོ་ལྔའི་འཆར་འགོད་རྩ་གནད་ལག་བསྟར་བྱས་ཚུལ་གྱི་དུས་དཀྱིལ་ཚོད་སྐོར་སྙན་ཞུའི་ནང་ངེས་པར་དུ་ལྷག་བསྡད་པའི་དཀའ་ངལ་དང་གནད་དོན་གཙོ་བོ། དེ་བཞིན་དེའི་རྒྱུ་རྐྱེན་བཅས་ལ་དབྱེ་ཞིབ་གཏིང་ཟབ་བྱས་ཏེ་སྔོན་དཔག་འཕེལ་རིམ་གྱི་དམིགས་ཚད་དང་ལས་འགན་ཐོག་ལ་སླེབས་མེད་རིགས་ངེས་པར་དུ་གསལ་འགྲེལ་བྱེད་པ་དང་། དམིགས་སའི་རང་བཞིན་ལྡན་ལ་ལག་བསྟར་བྱེད་འཐུས་ཀྱི་སྲིད་ཇུས་དང་བྱ་ཐབས་བཟོས་ནས་ལོ་ལྔའི་འཆར་འགོད་རྩ་གནད་བདེ་བླག་ངང་ལེགས་སྒྲུབ་ཡོང་བར་སྐུལ་འདེད་གཏོང་དགོས་པ་བཅས་སོ།

བཅོ་ལྔ། རང་སྐྱོང་ལྗོངས་མི་དམངས་སྲིད་གཞུང་གིས་ངེས་པར་དུ་སྔོན་གྱི་ལོ་ལྔའི་རིང་གི་འཆར་འགོད་རྩ་གནད་ལག་བསྟར་བྱས་ཚུལ་ལ་ཕྱོགས་བསྡོམས་ཚོད་སྐོར་བྱས་ནས་སྙན་ཞུ་གྲུབ་རྗེས་རང་སྐྱོང་ལྗོངས་མི་དམངས་འཐུས་མི་ཚོགས་ཆེན་ནས་ཞིབ་བཤེར་ཆོག་མཆན་གནང་རྒྱུར་ཕུལ་བའི་ལོ་ལྔའི་འཆར་འགོད་རྩ་གནད་ཀྱི་འཆར་ཟིན་དང་མཉམ་དུ་རང་སྐྱོང་ལྗོངས་མི་དམངས་འཐུས་མི་ཚོགས་ཆེན་གྱི་ཚོགས་འདུར་པར་འགྲེམས་བྱེད་དགོས། ལོ་ལྔའི་འཆར་འགོད་རྩ་གནད་ཀྱི་ཕྱོགས་བསྡོམས་དང་ཚོད་སྐོར་སྙན་ཞུའི་ནང་ངེས་པར་དུ་གཤམ་གསལ་གྱི་ནང་དོན་ཁག་ཚུད་དགོས་པ་སྟེ།

(གཅིག)དམིགས་ཚད་གཙོ་བོ་ལེགས་སྒྲུབ་བྱས་ཚུལ་དང་།

(གཉིས)ལས་འགན་གཙོ་བོ་དོན་འཁྱོལ་བྱས་ཚུལ།

(གསུམ)ལས་གྲྭའི་རྣམ་གྲངས་གལ་ཆེན་ལག་བསྟར་བྱས་ཚུལ།

(བཞི)ལྷག་བསྡད་པའི་དཀའ་ངལ་གཙོ་བོ་དང་གནད་དོན་གཙོ་བོ།

(ལྔ)འབྲེལ་ཡོད་ཀྱི་བསམ་འཆར་དང་གྲོས་འཆར་བཅས་སོ།

བཅུ་དྲུག རང་སྐྱོང་ལྗོངས་མི་དམངས་འཐུས་མི་ཚོགས་ཆེན་གྱིས་ཆོག་མཆན་སྤྲད་པའི་རྒྱལ་དམངས་དཔལ་འབྱོར་དང་སྤྱི་ཚོགས་གོང་འཕེལ་གཏོང་ཕྱོཌ་ཀྱི་ལོ་འཁོར་འཆར་གཞི་དང་། ལོ་ལྔའི་འཆར་འགོད་རྩ་གནད་ལག་བསྟར་བྱེད་པའི་བརྒྱུད་རིམ་ནང་གཤམ་གསལ་གྱི་གནས་ཚུལ་གང་རུང་ཞིག་ཐོན་རིགས་ལེགས་སྒྲིག་བྱས་ཆོག་པ་སྟེ།

(གཅིག)ལྗོངས་ཕྱི་ནང་གི་དཔལ་འབྱོར་དུས་བབ་ལ་འགྱུར་ལྡོག་ཆེན་པོ་བྱུང་རྐྱེན་སྲིད་ཇུས་ཀྱི་འཛིན་ཕྱོགས་དང་། དམིགས་ཚད་གཙོ་བོ། གཙོ་གནད་ལས་འགན་སོགས་ལ་ངེས་པར་དུ་ལེགས་སྒྲིག་ཆེན་པོ་བྱེད་དགོས་རིགས་དང་།

(གཉིས)དམིགས་བསལ་གྱི་གནས་ཚུལ་གཞན་དག་རྐྱེན་པས་རྒྱལ་དམངས་དཔལ་འབྱོར་དང་སྤྱི་ཚོགས་གོང་འཕེལ་གཏོང་ཕྱོགས་ཀྱི་ལོ་འཁོར་འཆར་གཞི་དང་། ལོ་ལྔའི་འཆར་འགོད་རྩ་གནད་རྒྱུན་གཏན་བཞིན་ལག་བསྟར་བྱེད་ཐབས་བྲལ་བའམ་ཡང་ན་ལེགས་སྒྲུབ་བྱེད་མི་ཐུབ་པའི་རིགས།

བཅུ་བདུན། རྒྱལ་དམངས་དཔལ་འབྱོར་དང་སྤྱི་ཚོགས་གོང་འཕེལ་གཏོང་ཕྱོགས་ཀྱི་ལོ་འཁོར་འཆར་གཞི་དང་། ལོ་ལྔའི་འཆར་འགོད་རྩ་གནད་ལ་རང་སྐྱོང་ལྗོངས་མི་དམངས་འཐུས་མི་ཚོགས་ཆེན་གྱིས་ཆོག་མཆན་སྤྲད་རྗེས་ལག་བསྟར་བྱེད་པའི་བརྒྱུད་རིམ་ནང་ཁག་ཅིག་ལེགས་སྒྲིག་བྱེད་དགོས་ཚེ། རང་སྐྱོང་ལྗོངས་མི་དམངས་སྲིད་གཞུང་གིས་ངེས་པར་དུ་ལེགས་སྒྲིག་ཇུས་གཞི་དེ་རང་སྐྱོང་ལྗོངས་མི་དམངས་འཐུས་མི་ཚོགས་ཆེན་རྒྱུན་ལས་ཨུ་ཡོན་ལྷན་ཁང་ནས་ཞིབ་བཤེར་ཆོག་མཆན་གནང་རྒྱུར་འབུལ་དགོས། རྒྱལ་དམངས་དཔལ་འབྱོར་དང་སྤྱི་ཚོགས་གོང་འཕེལ་གཏོང་ཕྱོགས་ཀྱི་ལོ་འཁོར་འཆར་གཞིའི་ལེགས་སྒྲིག་ཇུས་གཞི་བཟོ་འདོན་བྱ་རྒྱུ་དེ་སྤྱིར་བཏང་བྱས་ན་ལོ་དེ་གའི་དུས་ཚིགས་གསུམ་པའི་ཟླ་མཇུག་ལས་ཕྱི་དྲག་རྒྱུ་མེད། ལོ་ལྔའི་འཆར་འགོད་རྩ་གནད་ལེགས་སྒྲིག་གི་ཇུས་གཞི་བཟོ་འདོན་བྱ་རྒྱུ་དེ་སྤྱིར་བཏང་བྱས་ན་དེ་ལག་བསྟར་བྱེད་པའི་ལོ་བཞི་པའི་དུས་ཚིགས་གཉིས་པའི་ཟླ་མཇུག་ལས་ཕྱི་དྲག་རྒྱུ་མེད། དམིགས་བསལ་གྱི་གནས་ཚུལ་ཕུད། རང་སྐྱོང་ལྗོངས་མི་དམངས་སྲིད་གཞུང་གིས་ངེས་པར་དུ་རང་སྐྱོང་ལྗོངས་མི་དམངས་འཐུས་མི་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གི་ཚོགས་འདུ་མ་འཚོགས་གོང་གི་ཉིན་སུམ་ཅུའི་སྔོན་དུ་ལེགས་སྒྲིག་ཇུས་གཞི་དེ་རྒྱུན་ལས་ཨུ་ཡོན་ལྷན་ཁང་ལ་འབུལ་དགོས།

དམིགས་བསལ་གྱི་གནས་ཚུལ་ཕུད། རང་སྐྱོང་ལྗོངས་མི་དམངས་སྲིད་གཞུང་གི་འབྲེལ་ཡོད་གཙོ་འགན་སྡེ་ཚན་གྱིས་ངེས་པར་དུ་རང་སྐྱོང་ལྗོངས་མི་དམངས་འཐུས་མི་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གི་ཚོགས་འདུ་མ་འཚོགས་གོང་གི་ཉིན་ཞེ་ལྔའི་སྔོན་དུ་རང་སྐྱོང་ལྗོངས་མི་དམངས་སྲིད་གཞུང་གི་ལེགས་སྒྲིག་ཇུས་གཞི་དེ་རང་སྐྱོང་ལྗོངས་མི་དམངས་འཐུས་མི་ཚོགས་ཆེན་ནོར་སྲིད་དཔལ་འབྱོར་ཨུ་ཡོན་ལྷན་ཁང་ལ་སྐྱེལ་དགོས། རང་སྐྱོང་ལྗོངས་མི་དམངས་འཐུས་མི་ཚོགས་ཆེན་ནོར་སྲིད་དཔལ་འབྱོར་ཨུ་ཡོན་ལྷན་ཁང་གིས་དེར་ཐོག་མའི་ཞིབ་བཤེར་བྱེད་དགོས་པ་མ་ཟད། རང་སྐྱོང་ལྗོངས་མི་དམངས་འཐུས་མི་ཚོགས་ཆེན་རྒྱུན་ལས་ཨུ་ཡོན་ལྷན་ཁང་ལ་ཞིབ་བཤེར་བྱས་འབྲས་ཀྱི་སྙན་ཞུ་འབུལ་དགོས།

རང་སྐྱོང་ལྗོངས་མི་དམངས་འཐུས་མི་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གིས་ཆོག་མཆན་སྤྲད་པའི་རྒྱལ་དམངས་དཔལ་འབྱོར་དང་སྤྱི་ཚོགས་གོང་འཕེལ་གཏོང་ཕྱོགས་ཀྱི་ལོ་འཁོར་འཆར་གཞི་དང་། ལོ་ལྔའི་འཆར་འགོད་རྩ་གནད་ལེགས་སྒྲིག་བྱ་རྒྱུའི་ཇུས་གཞི་དེ་གཉིས་ངེས་པར་དུ་རང་སྐྱོང་ལྗོངས་མི་དམངས་འཐུས་མི་ཚོགས་ཆེན་གྱི་ཐེངས་རྗེས་མའི་ཚོགས་འདུར་སྙན་སེང་ཞུ་དགོས།

བཅོ་བརྒྱད། རང་སྐྱོང་ལྗོངས་མི་དམངས་འཐུས་མི་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གིས་ཁྲིམས་ལྟར་དཔལ་འབྱོར་ལས་དོན་ལ་ལྟ་སྐུལ་བྱེད་ཤུགས་ཆེ་རུ་གཏོང་རྒྱུ་མ་ཟད། བོད་ཀྱི་དོན་དངོས་དང་ཟུང་འབྲེལ་བྱས་ཏེ་གོང་འཕེལ་གཏོང་རྒྱུ་ཚང་མར་མི་རིགས་མཐུན་སྒྲིལ་ཡར་ཐོན་གྱི་དོན་སྙིང་མངོན་དགོས་པ་དང་། ཚང་མར་མེས་རྒྱལ་གཅིག་གྱུར་སྲུང་སྐྱོང་དང་ཁ་ཕྲལ་ལ་ངོ་རྒོལ་བྱེད་པའི་དོན་སྙིང་མངོན་དགོས་པ། ཚང་མར་དམངས་འཚོ་ལེགས་བཅོས་དང་མི་སེམས་གཅིག་ཏུ་སྒྲིལ་བའི་དོན་སྙིང་མངོན་དགོས་པ། ཚང་མར་མི་རིགས་ཁག་གི་མང་ཚོགས་ཀྱི་ཐོབ་སྣང་དང་། སྐྱིད་སྣང་། བདེ་སྣང་བཅས་ཆེ་རུ་འགྲོ་བར་ཕན་འདོགས་དགོས། “འཛུགས་གཏོད་བཞི”དང་“མདུན་གྲལ་དུ་སླེབས་པ་བཞིར”དམིགས་ནས་དཔལ་འབྱོར་སྒྲིག་གཞི་བསྒྱུར་བཅོས་གཏིང་ཟབ་བྱེད་པ་དང་། གཙོ་གནད་རྣམ་གྲངས་འཛུགས་སྐྲུན་བྱེད་པ། ཚོང་གཉེར་ཁོར་ཡུག་ལེགས་སུ་གཏོང་བ། འཐབ་ཇུས་ཐོན་ལས་དང་ཁྱད་ལྡན་ཐོན་ལས་གོང་འཕེལ་གཏོང་བ། མཐའ་མཚམས་ས་ཁུལ་གོང་འཕེལ་གཏོང་བ། ཚན་རྩལ་གསར་གཏོད་ལ་ཤུགས་སྣོན་རྒྱག་པ། ས་ཁོངས་མཐུན་སྦྱོར་ངང་གོང་འཕེལ་ལ་སྐུལ་འདེད་གཏོང་བ། འབྱུང་འཕྲོད་ཐཱན་ཉུང་གི་གོང་འཕེལ་མཐའ་འཁྱོངས་བྱེད་པ། དམངས་འཚོ་འགན་ལེན་དང་ལེགས་སུ་གཏོང་བ། མི་རིགས་ཁག་འགྲོ་འོང་དང་། སྤེལ་རེས། མཉམ་འདྲེས་བཅས་ལ་སྐུལ་འདེད་གཏོང་བ། ཐུན་མོང་ཐོག་ཕྱུག་འགྱུར་ལ་སྐུལ་འདེད་གཏོང་བ། ཆུ་ཚད་མཐོ་བའི་ཕྱི་ཕྱོགས་སྒོ་དབྱེར་སྐུལ་འདེད་གཏོང་བ། དཔལ་འབྱོར་རྒྱུན་མཐུད་དང་སྐྱོན་བྲལ་ངང་གོང་འཕེལ་འགྲོ་རྒྱུར་འགན་ལེན་བྱེད་པ་སོགས་ཐད་ཀྱི་ལས་དོན་བསྒྲུབས་ཚུལ་ལ་གཙོ་གནད་ཐོག་དོ་ཁུར་བྱེད་དགོས། དགོས་ངེས་ཀྱི་སྐབས་སུ་རང་སྐྱོང་ལྗོངས་མི་དམངས་སྲིད་གཞུང་གི་ཆེད་དོན་ལས་དོན་སྙན་ཞུ་ཉན་ནས་གྲོས་ཞིབ་བྱེད་པ་དང་། ཆེད་མངགས་འདྲི་རྩད་བྱེད་པའམ་ཡང་ན་གྲོས་ཆོད་བཞག་ན་ཆོག

རང་སྐྱོང་ལྗོངས་མི་དམངས་འཐུས་མི་ཚོགས་ཆེན་ནོར་སྲིད་དཔལ་འབྱོར་ཨུ་ཡོན་ལྷན་ཁང་དང་། འབྲེལ་ཡོད་ཆེད་དོན་ཨུ་ཡོན་ལྷན་ཁང་། རྒྱུན་ལས་ཨུ་ཡོན་ལྷན་ཁང་གི་འབྲེལ་ཡོད་དོན་བྱེད་ལས་ཁུངས་བཅས་ཀྱིས་རྒྱུན་ལས་ཨུ་ཡོན་ལྷན་ཁང་གི་འགོ་ཁྲིད་འོག་འབྲེལ་ཡོད་ལས་དོན་ཡག་པོ་བསྒྲུབས་ཏེ་རང་སྐྱོང་ལྗོངས་མི་དམངས་སྲིད་གཞུང་འབྲེལ་ཡོད་སྡེ་ཚན་གྱིས་ལས་དོན་སྒྲུབ་པར་སྐུལ་འདེད་གང་ལེགས་གཏོང་དགོས།

བཅུ་དགུ། རང་སྐྱོང་ལྗོངས་མི་དམངས་སྲིད་གཞུང་གིས་རྒྱལ་དམངས་དཔལ་འབྱོར་དང་སྤྱི་ཚོགས་གོང་འཕེལ་གཏོང་ཕྱོགས་ཀྱི་སྤྱི་ཡོངས་དང་འབྲེལ་བ་ཡོད་ལ། མི་དམངས་མང་ཚོགས་ཀྱི་བདེ་རྩར་ཐུག་པའི་ཁེ་ཕན་དང་འབྲེལ་བ་ཡོད་པའི་ཐབས་ཇུས་གལ་ཆེན་རིགས་ཁྲིམས་ལྟར་བཟོ་འདོན་མ་བྱས་གོང་རང་སྐྱོང་ལྗོངས་མི་དམངས་འཐུས་མི་ཚོགས་ཆེན་རྒྱུན་ལས་ཨུ་ཡོན་ལྷན་ཁང་ལ་སྙན་སེང་ཞུ་དགོས།

གཤམ་གསལ་གནས་ཚུལ་གྱི་གྲས་ཤིག་ཐོན་རིགས། རང་སྐྱོང་ལྗོངས་མི་དམངས་སྲིད་གཞུང་ངམ་ཡང་ན་སྲིད་གཞུང་འབྲེལ་ཡོད་སྡེ་ཚན་གྱིས་ངེས་པར་དུ་རང་སྐྱོང་ལྗོངས་མི་དམངས་འཐུས་མི་ཚོགས་ཆེན་རྒྱུན་ལས་ཨུ་ཡོན་ལྷན་ཁང་ངམ་ཡང་ན་རང་སྐྱོང་ལྗོངས་མི་དམངས་འཐུས་མི་ཚོགས་ཆེན་ནོར་སྲིད་དཔལ་འབྱོར་ཨུ་ཡོན་ལྷན་ཁང་དང་འབྲེལ་ཡོད་ཆེད་དོན་ཨུ་ཡོན་ལྷན་ཁང་ལ་སྙན་སེང་ཞུས་ནས་གསལ་བཤད་བྱེད་དགོས་པ་སྟེ།

(གཅིག)དཔལ་འབྱོར་འཁོར་སྐྱོད་བྱེད་རིང་འགྱུར་བ་ཆེན་པོ་བྱུང་བའི་རྐྱེན་གྱིས་དམིགས་ཚད་གཙོ་བོར་ལེགས་སྒྲིག་ཤུགས་ཆེན་བྱེད་དགོས་རིགས་དང་།

(གཉིས)དམངས་འཚོ་དང་། དཔལ་འབྱོར་སྐྱོན་བྲལ་ངང་གོང་འཕེལ། མི་དམངས་མང་ཚོགས་ཀྱི་བདེ་རྩར་ཐུག་པའི་ཁེ་ཕན་བཅས་དང་འབྲེལ་བ་ཡོད་པའི་དཔལ་འབྱོར་སྒྲིག་གཞིར་བསྒྱུར་བཅོས་གལ་ཆེན་བྱེད་དགོས་རིགས་སམ་ཡང་ན་ཕྱི་ཕྱོགས་ལ་སྒོ་མོ་འབྱེད་པའི་ཇུས་གཞི་བཟོ་འདོན་མ་བྱས་གོང་།

(གསུམ)རང་སྐྱོང་ལྗོངས་མི་དམངས་འཐུས་མི་ཚོགས་ཆེན་རྒྱུན་ལས་ཨུ་ཡོན་ལྷན་ཁང་ངམ་ཡང་ན་རང་སྐྱོང་ལྗོངས་མི་དམངས་འཐུས་མི་ཚོགས་ཆེན་ནོར་སྲིད་དཔལ་འབྱོར་ཨུ་ཡོན་ལྷན་ཁང་དང་འབྲེལ་ཡོད་ཆེད་དོན་ཨུ་ཡོན་ལྷན་ཁང་ལ་སྙན་སེང་ཞུ་དགོས་ངེས་ཡིན་པའི་གལ་ཆེའི་དཔལ་འབྱོར་གྱི་དོན་གནད་གཞན་དག་བཅས་སོ།

རང་སྐྱོང་ལྗོངས་མི་དམངས་འཐུས་མི་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གིས་དགོས་པ་ཡོད་པའི་ངོས་འཛིན་བྱས་ཚེ་ཁྲིམས་ལྟར་ཆོད་དོན་དང་གྲོས་ཆོད་བཞག་ཆོག་ལ། གྲོས་བསྡུར་བྱེད་རིང་གི་བསམ་འཆར་དང་གྲོས་འགོ་རང་སྐྱོང་ལྗོངས་མི་དམངས་སྲིད་གཞུང་དང་དེའི་འབྲེལ་ཡོད་སྡེ་ཚན་ནས་ཞིབ་འཇུག་ཐག་གཅོད་བྱ་རྒྱུར་བརྒྱུད་སྤྲོད་བྱས་ཀྱང་ཆོག

ཉི་ཤུ། འབྲེལ་ཡོད་ཀྱི་དོན་གནད་གལ་ཆེན་དང་རྣམ་གྲངས་གལ་ཆེན་རིགས་ལ། རང་སྐྱོང་ལྗོངས་མི་དམངས་སྲིད་གཞུང་གིས་རང་སྐྱོང་ལྗོངས་མི་དམངས་འཐུས་མི་ཚོགས་ཆེན་ནམ་ཡང་ན་རྒྱུན་ལས་ཨུ་ཡོན་ལྷན་ཁང་ལ་གྲོས་གཞི་འདོན་ཆོག་པ་དང་། རང་སྐྱོང་ལྗོངས་མི་དམངས་འཐུས་མི་ཚོགས་ཆེན་ནམ་ཡང་ན་རྒྱུན་ལས་ཨུ་ཡོན་ལྷན་ཁང་གིས་གྲོས་ཞིབ་བྱ་རྒྱུ་དང་འབྲེལ་ཆོད་དོན་བཟོ་དགོས།

རང་སྐྱོང་ལྗོངས་མི་དམངས་འཐུས་མི་ཚོགས་ཆེན་ནམ་ཡང་ན་རྒྱུན་ལས་ཨུ་ཡོན་ལྷན་ཁང་གི་བཀོད་སྒྲིག་གཞིར་བཟུང་། རང་སྐྱོང་ལྗོངས་མི་དམངས་འཐུས་མི་ཚོགས་ཆེན་ནོར་སྲིད་དཔལ་འབྱོར་ཨུ་ཡོན་ལྷན་ཁང་གིས་འབྲེལ་ཡོད་ཆེད་དོན་ཨུ་ཡོན་ལྷན་ཁང་དང་མཉམ་དུ་གོང་གསལ་དོན་ཚན་ནང་འཁོད་པའི་གྲོས་གཞིར་ཐོག་མའི་ཞིབ་བཤེར་བྱ་རྒྱུ་མ་ཟད། རང་སྐྱོང་ལྗོངས་མི་དམངས་འཐུས་མི་ཚོགས་ཆེན་ནམ་ཡང་ན་རྒྱུན་ལས་ཨུ་ཡོན་ལྷན་ཁང་ལ་ཞིབ་བཤེར་སྙན་ཞུ་འབུལ་དགོས།

ཉེར་གཅིག རང་སྐྱོང་ལྗོངས་མི་དམངས་འཐུས་མི་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གིས་རྒྱལ་དམངས་དཔལ་འབྱོར་དང་སྤྱི་ཚོགས་གོང་འཕེལ་གཏོང་ཕྱོགས་ཀྱི་ལོ་འཁོར་འཆར་གཞི་དང་། ལོ་ལྔའི་འཆར་འགོད་རྩ་གནད་ནང་གཏན་འཁེལ་བྱས་པའི་ལས་གྲྭའི་རྣམ་གྲངས་གལ་ཆེན་དང་ཆོད་དོན་འདིའི་དོན་ཚན་ཉི་ཤུ་པའི་ནང་འཁོད་ཀྱི་དོན་གནད་གལ་ཆེན་དང་རྣམ་གྲངས་གལ་ཆེན་སོགས་ཀྱི་དགོས་མཁོར་གཞིགས་ནས་རང་སྐྱོང་ལྗོངས་མི་དམངས་སྲིད་གཞུང་གི་ལས་དོན་སྙན་ཞུ་ཉན་ཏེ་གྲོས་ཞིབ་བྱས་རྗེས་དགོས་པ་ཡོད་པའི་ངོས་འཛིན་བྱས་ཚེ་གྲོས་ཆོད་བཞག་ཆོག

རང་སྐྱོང་ལྗོངས་མི་དམངས་འཐུས་མི་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གི་བཀོད་སྒྲིག་གཞིར་བཟུང་རང་སྐྱོང་ལྗོངས་མི་དམངས་འཐུས་མི་ཚོགས་ཆེན་ནོར་སྲིད་དཔལ་འབྱོར་ཨུ་ཡོན་ལྷན་ཁང་གིས་འབྲེལ་ཡོད་ཆེད་དོན་ཨུ་ཡོན་ལྷན་ཁང་དང་རྒྱུན་ལས་ཨུ་ཡོན་ལྷན་ཁང་གི་འབྲེལ་ཡོད་ལས་ཁུངས་དང་མཉམ་དུ་གོང་གསལ་དོན་ཚན་ནང་འཁོད་པའི་རྣམ་གྲངས་ལག་བསྟར་བྱས་ཚུལ་ལ་ཆེད་དོན་བརྟག་ཞིབ་བྱས་ནས་རྒྱུན་ལས་ཨུ་ཡོན་ལྷན་ཁང་ལ་ཆེད་དོན་བརྟག་ཞིབ་ཀྱི་སྙན་ཞུ་འབུལ་ཆོག

རང་སྐྱོང་ལྗོངས་མི་དམངས་སྲིད་གཞུང་འབྲེལ་ཡོད་གཙོ་འགན་སྡེ་ཚན་གྱིས་ངེས་པར་དུ་ལོ་ཕྱེད་རེའི་ནང་རང་སྐྱོང་ལྗོངས་མི་དམངས་འཐུས་མི་ཚོགས་ཆེན་ནོར་སྲིད་དཔལ་འབྱོར་ཨུ་ཡོན་ལྷན་ཁང་ལ་རང་སྐྱོང་ལྗོངས་རིམ་པ་དེ་གའི་སྔོན་རྩིས་ནང་གི་མ་འཇོག་འཆར་གཞི་ལག་བསྟར་བྱས་ཚུལ་གྱི་འབྲེལ་ཡོད་དཔྱད་ཡིག་མཁོ་འདོན་བྱེད་དགོས།

ཉེར་གཉིས། རང་སྐྱོང་ལྗོངས་མི་དམངས་འཐུས་མི་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གིས་ངེས་པར་དུ་དངུལ་རྩའི་ལས་དོན་ལ་ལྟ་སྐུལ་བྱ་རྒྱུར་ཤུགས་སྣོན་རྒྱག་དགོས། རང་སྐྱོང་ལྗོངས་མི་དམངས་སྲིད་གཞུང་གིས་ངེས་པར་དུ་ལོ་རེའི་ཟླ་11པར་རང་སྐྱོང་ལྗོངས་མི་དམངས་འཐུས་མི་ཚོགས་ཆེན་རྒྱུན་ལས་ཨུ་ཡོན་ལྷན་ཁང་ལ་གཤམ་གསལ་གྱི་གནས་ཚུལ་ཁག་སྙན་སེང་ཞུ་དགོས་པ་སྟེ།

(གཅིག)དངུལ་རྩའི་ལས་རིགས་ཀྱི་འཁོར་སྐྱོད་གནས་ཚུལ་དང་ལྟ་སྐུལ་དོ་དམ་ལས་དོན་གྱི་གནས་ཚུལ་དང་།

(གཉིས)དངུལ་རྩས་དངོས་གཞིའི་དཔལ་འབྱོར་ལ་ཞབས་ཞུ་བསྒྲུབས་ཚུལ་དང་། ལྷག་པར་དུ་ཀྲུང་དབྱང་གི་དམིགས་བསལ་གཟིགས་སྐྱོང་སྲིད་ཇུས་ལག་བསྟར་དང་། ཁེ་ལས་འབྲིང་ཆུང་ཕྲན་གསུམ་གོང་འཕེལ་གཏོང་བར་རྒྱབ་སྐྱོར་བྱས་ཚུལ།

(གསུམ) ཀུན་ཕན་དངུལ་རྩ་གོང་འཕེལ་འགྲོ་ཚུལ།

(བཞི) དངུལ་རྩའི་ཉེན་ཁ་འགོག་སེལ་བྱས་ཚུལ་བཅས་སོ།

རང་སྐྱོང་ལྗོངས་མི་དམངས་སྲིད་གཞུང་འབྲེལ་ཡོད་གཙོ་འགན་སྡེ་ཚན་གྱིས་ངེས་པར་དུ་རང་སྐྱོང་ལྗོངས་མི་དམངས་འཐུས་མི་ཚོགས་ཆེན་ནོར་སྲིད་དཔལ་འབྱོར་ཨུ་ཡོན་ལྷན་ཁང་ལ་ཟླ་རེ་དང་། དུས་ཚིགས། ལོ་འཁོར་བཅས་ཀྱི་དངུལ་རྩའི་འཁོར་རྒྱུག་གྲངས་གཞི་དང་འབྲེལ་ཡོད་དཔྱད་ཡིག་དུས་ཐོག་ཏུ་མཁོ་འདོན་བྱས་ནས་མཇུག་འདེད་ལྟ་སྐུལ་ལས་དོན་ལ་གཞོགས་འདེགས་དང་རྒྱབ་སྐྱོར་བྱེད་དགོས།

ཉེར་གསུམ། རང་སྐྱོང་ལྗོངས་མི་དམངས་འཐུས་མི་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གིས་ཆེད་དོན་ལས་དོན་སྙན་ཞུ་དང་། ཁྲིམས་སྒྱུར་ཞིབ་བཤེར། འདྲི་རྩད་དང་བློ་འདྲི། དམིགས་བསལ་གནད་དོན་བརྟག་དཔྱད། ཆེད་དོན་བརྟག་ཞིབ་སོགས་ཉན་ནས་གྲོས་ཞིབ་བྱ་ཐབས་བརྒྱུད་རང་སྐྱོང་ལྗོངས་མི་དམངས་སྲིད་གཞུང་དང་དེའི་འབྲེལ་ཡོད་སྡེ་ཚན་གྱི་དཔལ་འབྱོར་ལས་དོན་ལ་ལྟ་སྐུལ་བྱ་རྒྱུར་ཤུགས་སྣོན་རྒྱག་དགོས།

རང་སྐྱོང་ལྗོངས་མི་དམངས་འཐུས་མི་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གི་བཀོད་སྒྲིག་གཞིར་བཟུང་རང་སྐྱོང་ལྗོངས་མི་དམངས་འཐུས་མི་ཚོགས་ཆེན་ནོར་སྲིད་དཔལ་འབྱོར་ཨུ་ཡོན་ལྷན་ཁང་དང་འབྲེལ་ཡོད་ཆེད་དོན་ཨུ་ཡོན་ལྷན་ཁང་གིས་ཚོགས་འདུ་སྐོང་ཚོགས་བྱས་ནས་རང་སྐྱོང་ལྗོངས་མི་དམངས་སྲིད་གཞུང་འབྲེལ་ཡོད་སྡེ་ཚན་གྱི་ཆེད་དོན་སྙན་ཞུ་ཉན་ཆོག

རང་སྐྱོང་ལྗོངས་མི་དམངས་འཐུས་མི་ཚོགས་ཆེན་རྒྱུན་ལས་ཨུ་ཡོན་ལྷན་ཁང་དང་། རང་སྐྱོང་ལྗོངས་མི་དམངས་འཐུས་མི་ཚོགས་ཆེན་ནོར་སྲིད་དཔལ་འབྱོར་ཨུ་ཡོན་ལྷན་ཁང་། དེ་བཞིན་འབྲེལ་ཡོད་ཆེད་དོན་ཨུ་ཡོན་ལྷན་ཁང་བཅས་ཀྱིས་རྩིས་བཤེར་ལྟ་སྐུལ་དང་། ནོར་རྩིས་ལྟ་སྐུལ། བསྡོམས་རྩིས་ལྟ་སྐུལ་བཅས་ཀྱི་གྲུབ་འབྲས་ལ་བརྟེན་ཞིང་། ཞིབ་འཇུག་ལས་ཁུངས་དང་། རིགས་གཅིག་མཁས་དབང་གདན་ཞུ་བྱེད་པ། ཕྱོགས་གསུམ་པར་མངག་བཅོལ་གྱིས་ཚོད་སྐོར་བྱེད་པ། གྲངས་གཞི་ཆེན་པོའི་ལག་རྩལ་ལ་བརྟེན་པ་སོགས་ཀྱི་ཐོག་ནས་དཔལ་འབྱོར་ལས་དོན་གྱི་ལྟ་སྐུལ་ཕན་ནུས་ཆེ་རུ་བཏང་ཆོག

ཉེར་བཞི། རང་སྐྱོང་ལྗོངས་མི་དམངས་འཐུས་མི་ཚོགས་ཆེན་དང་དེའི་རྒྱུན་ལས་ཨུ་ཡོན་ལྷན་ཁང་གིས་དཔལ་འབྱོར་ལས་དོན་ལ་ལྟ་སྐུལ་བྱེད་སྐབས་བཏོན་པའི་གྲོས་ཆོད་དང་། ཆོད་དོན། གྲོས་ཞིབ་བསམ་འཆར་སོགས་ལ་རྒྱུན་ལས་ཨུ་ཡོན་ལྷན་ཁང་གིས་ངེས་པར་དུ་མཇུག་འདེད་ལྟ་སྐུལ་བྱེད་པར་ཤུགས་སྣོན་རྒྱག་རྒྱུ་དང་། རང་སྐྱོང་ལྗོངས་མི་དམངས་སྲིད་གཞུང་དང་དེའི་འབྲེལ་ཡོད་སྡེ་ཚན་གྱིས་གྲོས་ཆོད་དང་ཆོད་དོན་ལག་བསྟར་དོན་འཁྱོལ་བྱེད་པར་སྐུལ་འདེད་བཏང་ནས་བསམ་འཆར་དང་གྲོས་འགོ་ཞིབ་འཇུག་ཐག་གཅོད་ནན་ཏན་བྱ་རྒྱུ་མ་ཟད་དུས་ཐོག་ཏུ་ལན་སྤྲོད་དགོས། རྒྱུན་ལས་ཨུ་ཡོན་ལྷན་ཁང་གིས་དགོས་པ་འདུག་སྙམ་སྐབས་འབྲེལ་ཡོད་གནས་ཚུལ་སྐོར་གྱི་རང་སྐྱོང་ལྗོངས་མི་དམངས་སྲིད་གཞུང་གི་ཆེད་དོན་ལས་དོན་སྙན་ཞུ་ཉན་རྒྱུ་དང་དེར་གྲོས་ཞིབ་བྱས་ཆོག རང་སྐྱོང་ལྗོངས་མི་དམངས་སྲིད་གཞུང་གིས་ངེས་པར་དུ་གཏན་འབེབས་དུས་བཀག་ནང་ཆོད་དོན་དང་གྲོས་ཆོད་ལག་བསྟར་བྱས་ཚུལ་ལམ་ཡང་ན་གྲོས་ཞིབ་བསམ་འཆར་ཞིབ་འཇུག་ཐག་གཅོད་བྱས་ཚུལ་རང་སྐྱོང་ལྗོངས་མི་དམངས་འཐུས་མི་ཚོགས་ཆེན་རྒྱུན་ལས་ཨུ་ཡོན་ལྷན་ཁང་ལ་སྙན་སེང་ཞུ་དགོས། རང་སྐྱོང་ལྗོངས་མི་དམངས་འཐུས་མི་ཚོགས་ཆེན་ནོར་སྲིད་དཔལ་འབྱོར་ཨུ་ཡོན་ལྷན་ཁང་གིས་མཇུག་འདེད་ལྟ་སྐུལ་གྱི་ཞིབ་ཕྲའི་ལས་དོན་སྒྲུབ་འགན་འཁུར་དགོས།

ཆོད་དོན་གྱི་གྲོས་ཆོད་ལག་བསྟར་མི་བྱེད་པའམ་ཡང་ན་ཆོད་དོན་གྱི་གྲོས་ཆོད་ལག་བསྟར་ཡག་པོ་མ་བྱུང་བའི་རྐྱེན་གྱིས་ཚབས་ཆེའི་མཇུག་འབྲས་ངན་པ་བཟོས་ཚེ། རང་སྐྱོང་ལྗོངས་མི་དམངས་འཐུས་མི་ཚོགས་ཆེན་དང་དེའི་རྒྱུན་ལས་ཨུ་ཡོན་ལྷན་ཁང་གིས་ཆེད་དོན་འདྲི་རྩད་དང་། འདྲི་རྟོགས། དམིགས་བསལ་གནད་དོན་བརྟག་དཔྱད་སོགས་ཀྱི་བྱ་ཐབས་བརྒྱུད་ལྟ་སྐུལ་ལ་ཤུགས་སྣོན་རྒྱག་དགོས།

ཉེར་ལྔ། རང་སྐྱོང་ལྗོངས་མི་དམངས་འཐུས་མི་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གིས་དཔལ་འབྱོར་ལས་དོན་ལ་ལྟ་སྐུལ་བྱེད་པའི་འགན་དབང་ལག་བསྟར་བྱས་ཚུལ་ངེས་པར་དུ་རང་སྐྱོང་ལྗོངས་མི་དམངས་འཐུས་མི་ཚོགས་ཆེན་ལ་སྙན་སེང་ཞུས་ནས་ལྟ་སྐུལ་དང་ལེན་ཞུ་དགོས། རང་སྐྱོང་ལྗོངས་མི་དམངས་འཐུས་མི་ཚོགས་ཆེན་ནོར་སྲིད་དཔལ་འབྱོར་ཨུ་ཡོན་ལྷན་ཁང་དང་འབྲེལ་ཡོད་ཆེད་དོན་ཨུ་ཡོན་ལྷན་ཁང་གིས་བཏོན་པའི་བསམ་འཆར་དང་གྲོས་འགོ་ཁག་ངེས་པར་དུ་རྒྱུན་ལས་ཨུ་ལྷན་གྱི་ཀྲུའུ་རེན་ཚོགས་འདུར་སྙན་སེང་ཞུ་དགོས་པ་དང་། ཀྲུའུ་རེན་ཚོགས་འདུས་རང་སྐྱོང་ལྗོངས་མི་དམངས་སྲིད་གཞུང་དང་དེའི་འབྲེལ་ཡོད་སྡེ་ཚན་ནས་ཞིབ་འཇུག་ཐག་གཅོད་བྱ་རྒྱུར་མཆན་བཀོད་བརྒྱུད་སྤྲོད་བྱེད་དགོས་མིན་གཏན་འཁེལ་བྱེད་དགོས་པ་མ་ཟད། རང་སྐྱོང་ལྗོངས་མི་དམངས་འཐུས་མི་ཚོགས་ཆེན་རྒྱུན་ལས་ཨུ་ཡོན་ལྷན་ཁང་ལ་ཐག་གཅོད་བྱས་འབྲས་སྙན་སེང་ཞུ་དགོས།

ཉེར་དྲུག རང་སྐྱོང་ལྗོངས་མི་དམངས་འཐུས་མི་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གིས་དཔལ་འབྱོར་ལས་དོན་ལ་ལྟ་སྐུལ་བྱེད་སྐབས་ངེས་པར་དུ་རང་སྐྱོང་ལྗོངས་མི་དམངས་འཐུས་མི་ཚོགས་ཆེན་གྱི་འཐུས་མིའི་ནུས་པ་འདོན་སྤེལ་གང་ལེགས་བྱས་ཏེ་འཐུས་མིའི་བསམ་འཆར་དང་གྲོས་འགོ་ནན་ཏན་ཉན་དགོས་པ་མ་ཟད། རང་འགུལ་ངང་འཐུས་མིས་དོ་ཁུར་བྱེད་སར་ལན་འདེབས་པ་དང་འཐུས་མིས་ཁྲིམས་ལྟར་འགན་འཁྲི་སྒྲུབ་པར་རྒྱབ་སྐྱོར་བྱེད་དགོས།

རང་སྐྱོང་ལྗོངས་མི་དམངས་འཐུས་མི་ཚོགས་ཆེན་ནོར་སྲིད་དཔལ་འབྱོར་ཨུ་ཡོན་ལྷན་ཁང་དང་འབྲེལ་ཡོད་ཆེད་དོན་ཨུ་ཡོན་ལྷན་ཁང་གིས་ངེས་པར་དུ་དཔལ་འབྱོར་ལས་དོན་ལ་ལྟ་སྐུལ་བྱེད་མཁན་འབྲེལ་གཏུག་འཐུས་མིའི་ལས་ཀའི་ལམ་སྲོལ་འཛུགས་པ་དང་འཐུས་ཚང་དུ་གཏོང་དགོས། ལྟ་སྐུལ་རྣམ་གྲངས་གཏན་འཁེལ་བྱེད་པ་དང་ལྟ་སྐུལ་ལས་དོན་སྤེལ་སྐབས་ངེས་པར་དུ་རང་སྐྱོང་ལྗོངས་མི་དམངས་འཐུས་མི་ཚོགས་ཆེན་གྱི་འཐུས་མིའི་བསམ་འཆར་དང་གྲོས་འགོ་ནན་ཏན་ཉན་དགོས། རང་སྐྱོང་ལྗོངས་མི་དམངས་འཐུས་མི་ཚོགས་ཆེན་ནོར་སྲིད་དཔལ་འབྱོར་ཨུ་ཡོན་ལྷན་ཁང་དང་འབྲེལ་ཡོད་ཆེད་དོན་ཨུ་ཡོན་ལྷན་ཁང་གིས་འཐུས་མིའི་གྲོས་གཞི་དང་གྲོས་འཆར་ནང་བཏོན་པའི་འཐུས་མིས་ཡོངས་ཁྱབ་ངང་དོ་ཁུར་བྱེད་སའི་དཔལ་འབྱོར་དང་སྤྱི་ཚོགས་གོང་འཕེལ་གཏོང་ཕྱོགས་ཀྱི་ལས་དོན་ཁྲོད་ཀྱི་མངོན་གསལ་དོད་པའི་གནད་དོན་ལ་དམིགས་ཏེ་ཆེད་དོན་བརྟག་ཞིབ་བྱ་རྒྱུ་སྒྲིག་འཛུགས་བྱེད་དགོས།

རང་སྐྱོང་ལྗོངས་མི་དམངས་འཐུས་མི་ཚོགས་ཆེན་ནོར་སྲིད་དཔལ་འབྱོར་ཨུ་ཡོན་ལྷན་ཁང་གིས་རྒྱལ་དམངས་དཔལ་འབྱོར་དང་སྤྱི་ཚོགས་གོང་འཕེལ་གཏོང་ཕྱོགས་ཀྱི་ལོ་འཁོར་འཆར་གཞི་དང་ལོ་ལྔའི་འཆར་འགོད་རྩ་གནད་འཆར་ཟིན་ལ་ཐོག་མའི་ཞིབ་བཤེར་བྱེད་སྐབས། ངེས་པར་དུ་རང་སྐྱོང་ལྗོངས་མི་དམངས་འཐུས་མི་ཚོགས་ཆེན་གྱི་འཐུས་མི་གདན་འདྲེན་ཞུ་དགོས། ཆོད་དོན་འདིར་འཁོད་པའི་དོན་གནད་གཞན་དག་ཐད་ཀྱི་ལྟ་སྐུལ་ལས་དོན་སྤེལ་རིགས། དགོས་མཁོར་གཞིགས་ནས་འབྲེལ་ཡོད་ཕྱོགས་ཁག་གི་རང་སྐྱོང་ལྗོངས་མི་དམངས་འཐུས་མི་ཚོགས་ཆེན་གྱི་འཐུས་མི་གདན་འདྲེན་ཞུས་ཆོག

དཔལ་འབྱོར་ལས་དོན་ལ་ལྟ་སྐུལ་བྱེད་པའི་འབྲེལ་ཡོད་གནས་ཚུལ་རིགས། ངེས་པར་དུ་འཐུས་མིའི་ལས་དོན་གྱི་ལས་ཁུངས་བརྒྱུད་དུས་ཐོག་ཏུ་རང་སྐྱོང་ལྗོངས་མི་དམངས་འཐུས་མི་ཚོགས་ཆེན་གྱི་འཐུས་མིར་བརྡ་ཁྱབ་གཏོང་དགོས་པ་དང་། འབྲེལ་ཡོད་དཔྱད་ཡིག་ངེས་པར་དུ་འཕྲལ་མར་རང་སྐྱོང་ལྗོངས་མི་དམངས་འཐུས་མི་ཚོགས་ཆེན་གྱི་འཐུས་མིར་སྐྱེལ་དགོས།

ཉེར་བདུན། རང་སྐྱོང་ལྗོངས་མི་དམངས་འཐུས་མི་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གིས་ཆོད་དོན་འདིར་འཁོད་པའི་དོན་གནད་ཉན་པ་དང་། གྲོས་ཞིབ། གྲོས་བསྡུར་བཅས་བྱེད་སྐབས། རང་སྐྱོང་ལྗོངས་མི་དམངས་སྲིད་གཞུང་དང་དེའི་འབྲེལ་ཡོད་སྡེ་ཚན་གྱིས་ངེས་པར་དུ་བླང་བྱ་གཞིར་བཟུང་དུས་ཐོག་ཏུ་འབྲེལ་ཡོད་ཆ་འཕྲིན་གྱི་དཔྱད་ཡིག་མཁོ་འདོན་དང་གནས་ཚུལ་གསལ་བཤད་བྱེད་དགོས་པ་མ་ཟད། རང་སྐྱོང་ལྗོངས་མི་དམངས་སྲིད་གཞུང་གི་འབྲེལ་ཡོད་འགན་འཁུར་བློ་མཐུན་ནམ་ཡང་ན་འབྲེལ་ཡོད་སྡེ་ཚན་གྱི་འགན་འཁུར་བ་ཚོགས་འདུར་མངགས་ནས་གནས་ཚུལ་སྙན་སེང་ཞུ་རྒྱུ་དང་། བསམ་འཆར་ཉན་ནས་འདྲི་བར་ལན་འདེབས་དགོས།

རང་སྐྱོང་ལྗོངས་མི་དམངས་འཐུས་མི་ཚོགས་ཆེན་ནོར་སྲིད་དཔལ་འབྱོར་ཨུ་ཡོན་ལྷན་ཁང་དང་འབྲེལ་ཡོད་ཆེད་དོན་ཨུ་ཡོན་ལྷན་ཁང་གིས་ཆོད་དོན་འདིའི་ནང་འཁོད་པའི་དོན་གནད་ཉན་པ་དང་། གྲོས་ཞིབ། གྲོས་བསྡུར་བཅས་བྱེད་སྐབས་རང་སྐྱོང་ལྗོངས་མི་དམངས་སྲིད་གཞུང་འབྲེལ་ཡོད་སྡེ་ཚན་གྱིས་ངེས་པར་དུ་བླང་བྱ་གཞིར་བཟུང་། དུས་ཐོག་ཏུ་འབྲེལ་ཡོད་ཀྱི་ཆ་འཕྲིན་དཔྱད་ཡིག་མཁོ་འདོན་དང་གནས་ཚུལ་གསལ་བཤད་བྱེད་དགོས་པ་མ་ཟད། སྡེ་ཚན་དེ་གའི་འབྲེལ་ཡོད་འགན་འཁུར་བ་ཚོགས་འདུར་མངགས་ནས་གནས་ཚུལ་སྙན་སེང་ཞུ་རྒྱུ་དང་། བསམ་འཆར་ཉན་ནས་འདྲི་བར་ལན་འདེབས་དགོས།

རང་སྐྱོང་ལྗོངས་མི་དམངས་སྲིད་གཞུང་འབྲེལ་ཡོད་སྡེ་ཚན་གྱིས་རང་སྐྱོང་ལྗོངས་མི་དམངས་འཐུས་མི་ཚོགས་ཆེན་ནོར་སྲིད་དཔལ་འབྱོར་ཨུ་ཡོན་ལྷན་ཁང་དང་འབྲེལ་ཡོད་ཆེད་དོན་ཨུ་ཡོན་ལྷན་ཁང་གི་བླང་བྱ་གཞིར་བཟུང་། དུས་བཀག་ནང་རྒྱལ་དམངས་དཔལ་འབྱོར་དང་སྤྱི་ཚོགས་གོང་འཕེལ་གཏོང་ཕྱོགས་ཀྱི་གཞི་གྲངས་དང་འབྲེལ་ཡོད་དཔྱད་ཡིག་མཁོ་འདོན་བྱེད་དགོས།

ཉེར་བརྒྱད། བཅའ་ཁྲིམས་དང་ཁྲིམས་སྲོལ་ནང་གཏན་འབེབས་གཞན་དག་བྱས་པ་ཕུད། རང་སྐྱོང་ལྗོངས་མི་དམངས་འཐུས་མི་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གིས་དཔལ་འབྱོར་ལས་དོན་ལ་ལྟ་སྐུལ་བྱས་ཚུལ་སྤྱི་ཚོགས་ཐོག་ཡོངས་བསྒྲགས་བྱེད་དགོས།

ཉེར་དགུ། ཆུད་བཙུགས་པའི་གྲོང་ཁྱེར་དང་རྫོང་(ཆུད)མི་དམངས་འཐུས་མི་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གིས་དཔལ་འབྱོར་ལས་དོན་ལ་ལྟ་སྐུལ་བྱེད་པར་ཆོད་དོན་འདི་དཔྱད་གཞིར་བཟུང་ཆོག

ཆོད་དོན་འདི་ཡོངས་བསྒྲགས་བྱས་ཉིན་ནས་བཟུང་ལག་བསྟར་བྱ་རྒྱུ།

(བོད་རང་སྐྱོང་ལྗོངས་མི་དམངས་འཐུས་ཚོགས་རྒྱུན་ཨུད་དོན་གཅོད་ཐིང་ནས་མཁོ་འདོན་བྱས་པ་གཞིར་བཟུང)