ཟླ་12ཚེས་5ཉིན་གྱི་ཕྱི་དྲོ། རང་སྐྱོང་ལྗོངས་ཏང་ཨུད་ཀྱི་རྒྱུན་ཨུ་དང་། རང་སྐྱོང་ལྗོངས་ཀྱི་རྒྱུན་ལས་ཀྲུའུ་ཞི་གཞོན་པ། རང་སྐྱོང་ལྗོངས་སྐྱེ་ཁམས་ཤེས་དཔལ་གྱི་མཐོ་ས་འཛུགས་གཏོད་ཀྱི་ཆེད་དོན་ཚོགས་ཆུང་གི་ཙུའུ་ཀྲང་གཞོན་པ་ཤའོ་ཡིའུ་ཚའེ་ཡིས་རང་སྐྱོང་ལྗོངས་སྐྱེ་ཁམས་ཤེས་དཔལ་གྱི་མཐོ་ས་འཛུགས་གཏོད་ཆེད་དོན་ཚོགས་ཆུང་གི་ཆེད་དོན་ཚོགས་འདུ་གཙོ་སྐྱོང་གནང་ནས། འདི་ལོའི་མཐོ་ས་འཛུགས་གཏོད་ལས་དོན་བཀོད་སྒྲིག་དང་ལྷག་པའི་གནད་དོན་ལ་ཞིབ་འཇུག་དང་དབྱེ་ཞིབ་གནང་བ་མ་ཟད། གོམ་སྟབས་རྗེས་མའི་ལས་དོན་བཀོད་སྒྲིག་ཀྱང་གནང་བ་རེད།

ཤའོ་ཡིའུ་ཚའེ་ཡིས། རིམ་པ་ཁག་དང་སྡེ་ཚན་ཁག་གིས་ཆབ་སྲིད་ཀྱི་ཚུགས་གནས་སྔར་བས་མཐོ་རུ་བཏང་ནས། རྒྱལ་ཁབ་ཀྱི་སྐྱེ་ཁམས་ཤེས་དཔལ་གྱི་མཐོ་ས་འཛུཌ་གཏོད་ཀྱི་དོན་སྙིང་གལ་ཆེན་ལ་ངོས་འཛིན་གང་ལེགས་ཀྱིས་ད་དུང་ལེགས་སྒྲུབ་བྱུང་མེད་པའི་ལས་འགན་ལ་དམིགས་ཏེ། དོན་ཚན་རེ་རེ་བཞིན་གསེད་དཀྲོལ་དང་རེ་རེ་བཞིན་དབྱེ་ཞིབ་བྱེད་པ་དང་། གཙོ་གནད་གནད་དོན་དང་ཉམས་ཞན་ལྷུ་ཚིགས་ལ་དམིགས་པ། དེ་བས་ཚན་རིག་དང་མཐུན་ཞིང་ནུས་ལྡན་གྱི་བྱ་ཐབས་གནད་སྨིན་སྤྱོད་པ་བཅས་བྱས་ནས། དམིགས་ཚད་ལས་འགན་ཁག་དོན་འཁྱོལ་ལ་ནུས་ཤུགས་ཡོད་རྒུས་སྐུལ་འདེད་གཏོང་དགོས་པ་དང་། ཏང་གི་ཚོགས་ཆེན་ཉི་ཤུ་པའི་དགོངས་དོན་མཛུབ་ཁྲིད་དུ་བྱ་རྒྱུ་མཐའ་འཁྱོངས་དང་། རིགས་6གི་དམིགས་ཚད་མ་ལག་32ལ་གཡོ་འགུལ་མི་གཏོང་རྒྱུ་མཐའ་འཁྱོངས། མཐོ་ས་འཛུགས་གཏོད་ཀྱི“བྱ་སྤྱོད་ཆེན་པོ་བཅུ”ཡི་སྤུས་ཚད་མཐོར་གཏོང་ལ་སྐུལ་འདེད་གཏོང་བ། ཞིབ་ཕྲའི་སྐུལ་འདེད་བྱེད་ཐབས་ཚད་འབེབས། ལས་ཀའི་བྱེད་ཐབས་དང་གཙོ་གནད་རྣམ་གྲངས་ཕྱོགས་ཡོངས་ནས་གསལ་པོ་བཟོ་བ་བཅས་བྱས་ཏེ། 2023ལོའི་མཐོ་ས་འཛུགས་གཏོད་ལས་དོན་གྱི་འཆར་འགོད་སྔར་བས་ཚན་རིག་དང་མཐུན་པ་དང་། ཞིབ་ཅིང་ཕྲ་བ། གནད་ལ་འཁེལ་བ་བཅས་འགན་ལེན་བྱེད་དགོས། མུ་མཐུད་སྤྱོད་ཚུལ་ལེགས་གཏོང་དང་དོན་འཁྱོལ་ལ་དམ་འཛིན་བྱས་ཏེ་གསལ་ཐོ་ཅན་གྱི་དོ་དམ་དང་། རྣམ་གྲངས་ཅན་གྱི་དོན་འཁྱོལ། ལས་གྲྭ་ཅན་གྱི་སྐུལ་འདེད་བཅས་མཐོ་ས་འཛུགས་གཏོད་ལས་དོན་གྱི་ཐོག་མཐའ་བར་གསུམ་དུ་ཁྱབ་པར་བྱས་ནས། དམ་པ་དོན་གཉེར་དང་དངོས་འཛིན་དངོས་སྒྲུབ་ཀྱི་སྤྱོད་ཚུལ་ཐོག་ནས་མཐོ་ས་འཛུགས་གཏོད་ལས་དོན་ལ་ཕན་འབྲས་དངོས་ཐོན་པར་སྐུལ་འདེད་གཏོང་དགོས་པའི་ནན་བཤད་གནང་བ་རེད།