བོད་རང་སྐྱོང་ལྗོངས་མི་དམངས་འཐུས་མི་ཚོགས་ཆེན་སྐབས་བཅུ་གཅིག་པའི་རྒྱུན་ལས་ཨུ་ཡོན་ལྷན་ཁང་གི་ཚོགས་འདུ་ཐེངས་ཞེ་གཉིས་པའི་ཐོག་རང་སྐྱོང་ལྗོངས་ནོར་སྲིད་ཐིང་གི་ཐིང་ཀྲང་གཞོན་པ་ལང་ཧྥུའུ་ཁོན་གྱིས་རང་སྐྱོང་ལྗོངས་མི་དམངས་སྲིད་གཞུང་གི་མངགས་བཅོལ་ལྟར་ཞུས་པའི《2021ལོའི་རིམ་པ་དེ་གའི་ངེས་རྩིས་སྐོར་གྱི་སྙན་ཞུ》དང་རང་སྐྱོང་ལྗོངས་རྩིས་བཤེར་ཐིང་གི་ཐིང་ཀྲང་ཞུས་ཅིང་ཀྲེ་ཡིས་རང་སྐྱོང་ལྗོངས་མི་དམངས་སྲིད་གཞུང་གི་མངགས་བཅོལ་ལྟར་ཞུས་པའི《2021ལོའི་ལོ་འཁོར་གྱི་རིམ་པ་དེ་གའི་སྔོན་རྩིས་ལག་བསྟར་དང་ནོར་སྲིད་ཀྱི་གཏོང་ཡོང་གཞན་དག་སྐོར་གྱི་རྩིས་བཤེར་ལས་དོན་སྙན་ཞུ》ཉན་པ་དང་། ཚོགས་འདུའི་ཐོག་རྩིས་བཤེར་ལས་དོན་གྱི་སྙན་ཞུར་གྲོས་ཞིབ་བྱ་རྒྱུ་དང་ཟུང་འབྲེལ་བྱས་ནས་2021ལོའི་རིམ་པ་དེ་གའི་ངེས་རྩིས(འཆར་ཟིན)དང་ངེས་རྩིས་ཀྱི་སྙན་ཞུར་ཞིབ་བཤེར་བྱས་པ་རེད། ཚོཌ་འདུའི་ཐོག་རང་སྐྱོང་ལྗོངས་མི་དམངས་འཐུས་ཚོགས་ནོར་དཔལ་ཨུ་ཡོན་ལྷན་ཁང་གིས་བཏོན་པའི་ཞིབ་བཤེར་བྱས་འབྲས་ཀྱི་སྙན་ཞུར་མོས་མཐུན་བྱས་པ་དང་། 2021ལོའི་རིམ་པ་དེ་གའི་ངེས་རྩིས་ལ་ཆོག་མཆན་སྤྲོད་རྒྱུའི་གཏན་འབེབས་བྱས་པ་རེད།