ཟླ་10ཚེས་27ཉིན། ལྗོངས་ཏང་ཨུད་ཀྱི་རྒྱུན་ཨུ་སྲིད་ཁྲིམས་ཨུ་ལྷན་གྱི་ཧྲུའུ་ཅི་ལིའུ་ཅང་གིས་ལྗོངས་ཏང་ཨུད་སྲིད་ཁྲིམས་ཨུ་ལྷན་གྱི་ཚང་འཛོམས་གྲོས་ཚོགས་གཙོ་སྐྱོང་གནང་ནས། ཏང་གི་ཚོགས་ཆེན་ཉི་ཤུ་པའི་དགོངས་དོན་དང་དེ་བཞིན་ལྗོངས་ཏང་ཨུད་ཀྱི་བཀོད་སྒྲིག་སློབ་སྦྱོང་ལག་བསྟར་བྱས་པ་རེད། ཁོང་གིས་ཏང་གི་ཚོགས་ཆེན་ཉི་ཤུ་པའི་དགོངས་དོན་ལ་བརྟེན་ནས་ཟོལ་མེད་བླ་སྲོག་གཏོད་པ་དང་དམག་དཔུང་ཧྲག་པོ་ཞུན་བརྡར་བྱ་རྒྱུ་མཐའ་འཁྱོངས་བྱས་ཏེ། རྒྱལ་ཁབ་སྟོབས་ཆེར་གཏོང་བའི་བསྐྱར་དར་གྱི་རྒྱང་སྐྱོད་ལམ་བུ་གསར་པར་གཡས་གཞོགས་གཡོན་འདེགས་བྱེད་དགོས་ཞེས་ནན་བཤད་གནང་བ་རེད།
རང་སྐྱོང་ལྗོངས་ཀྱི་ཞིང་ཆེན་དང་ཅུན་རིམ་པའི་འགོ་ཁྲིད་ཀྲང་ཧུང་པོ་དང་། བསོད་དར། ཤཱ་ཁེ་ཆིན། ཧྥང་ཧུང་ཤའོ་བཅས་ཚོགས་འདུར་ཕེབས་ཡོད་པ་རེད།
ལིའུ་ཅང་གིས་བསྟན་དོན། ཏང་དང་རྒྱལ་ཁབ་ཀྱི་འཕེལ་རྒྱས་བརྒྱུད་རིམ་ནང་ཏང་གི་ཚོགས་ཆེན་ཉི་ཤུ་པར་དུས་རབས་འབྱེད་པ་དང་ལམ་ཚད་རྡོ་རིང་གི་དོན་སྙིང་གལ་ཆེན་ལྡན་ཡོད། ལྗོངས་ཡོངས་ཀྱི་སྲིད་ཁྲིམས་ལས་ཁུངས་ཀྱིས“གཏན་འཁེལ་གཉིས”སྲུང་སྐྱོབ་བྱེད་པའི་མཐོ་ཚད་ཐོག་ནས་ཚོགས་ཆེན་དང་ལྷག་པར་དུ་སྙན་སྒྲོན་གྱི་དགོངས་དོན་སློབ་སྦྱོང་དང་། དྲིལ་བསྒྲཌ། ལག་བསྟར་བཅས་གཏིང་ཟབ་བྱས་ཏེ། སྤྱི་ཚོགས་རིང་ལུགས་དེང་རབས་ཅན་གྱི་རྒྱལ་ཁབ་ཕྱོགས་ཡོངས་ནས་བསྐྲུན་པ་དང་ཀྲུང་ཧྭ་མི་རིགས་བསྐྱར་དར་རླབས་པོ་ཆེར་ཕྱོགས་ཡོངས་ནས་སྐུལ་འདེད་གཏོང་ཆེད་གཡས་གཞོགས་གཡོན་འདེཌ་བྱེད་དགོས།
ལིའུ་ཅང་གིས་ནན་བཤད་གནང་དོན། ཏང་གི་ཚོགས་ཆེན་ཉི་ཤུ་པའི་དགོངས་དོན་སློབ་སྦྱོང་དང་། དྲིལ་བསྒྲགས། ལག་བསྟར་བཅས་བྱེད་པར་འགག་རྩ་ནི་དོན་སྙིང་གལ་ཆེན་ཁོང་དུ་ཆུད་པ་དང་། ཟོལ་མེད་བླ་སྲོག་གཏོད་པ། དོན་འཁྱོལ་ལ་དམ་འཛིན་ཡག་པོ་བཅས་བྱེད་དགོས། “ཚོགས་ཆེན་ཉི་ཤུ་པར་སློབ་སྦྱོང་བྱེད། དམག་དཔུང་ཧྲག་པོའི་ཟོལ་མེད་བླ་སྲོག་གཏོད་པའི”བྱེད་སྒོ་སྒྲིག་འཛུགས་བྱས་ནས་སྤེལ་ཏེ། རྒྱ་ཆེའི་སྲིད་ཁྲིམས་ལས་བྱེད་ཉེན་རྟོག་པས་བློ་བརྟན་འགྱུར་མེད་ངང“གཏན་འཁེལ་གཉིས”སྲུང་སྐྱོབ་དང“སྲུང་སྐྱོང་གཉིས”མཐའ་གཅིག་ཏུ་བྱ་རྒྱུར་ཁྲིད་སྟོན་གྱིས། བསམ་བློ་དང་བྱ་སྤྱོད་དང་བློ་གྲོས་དང་སྟོབས་ཤུགས་ཚོགས་ཆེན་གྱི་དགོངས་དོན་དང་ལྷག་དོན་དུ་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་སྙན་སྒྲོན་ཐོག་གཅིག་སྒྲིལ་བྱེད་དགོས། “བློ་དཀར་སེམས་དཀར་གྱིས་སྲོག་ཤིང་ལ་ཕྱོགས་པ་དང་རྒྱང་སྐྱོད་ལམ་བུ་གསར་པར་གཡས་གཞོགས་གཡོན་འདེགས་བྱེད་པའི”སློབ་གསོའི་བྱེད་སྒོ་སྤེལ་ནས། ཏང་གི་འགན་འཁྲི་དང་ལས་འགན་བློ་ལ་བརྟན་པོར་ངེས་ཏེ་རྒྱལ་ཁབ་ཀྱི་སྲིད་དབང་བདེ་འཇགས་དང་། ལམ་ལུགས་བདེ་འཇགས། འདུ་ཤེས་འཛིན་སྟངས་ཀྱི་བདེ་འཇགས་བཅས་སྲུང་སྐྱོང་མཐའ་གཅིག་ཏུ་བྱེད་དགོས། “ངེས་པར་དུ་སྒྲུབ་དགོས་པ་གསུམ”བློ་ལ་བརྟན་པོ་ངེས་ཏེ་ཕྱོགས་ཡོངས་ནས་ཏང་ནན་པོས་སྐྱོང་རྒྱུ་དང་ཉེན་རྟོག་པ་ནན་པོས་སྐྱོང་རྒྱུར་སྐུལ་འདེད་གཏིང་ཟབ་བཏང་སྟེ། ལྷག་བསམ་རྣམ་དག་དང་། སྤྱོད་གཙང་། འགན་འཁུར་ཕོད་པ་བཅས་ཀྱི་སྲིད་ཁྲིམས་དམག་དཔུང་ཧྲག་པོ་ཞིག་ཧུར་ཐག་གཏོད་དགོས།