བློ་མཐུན་ལི་ཆང་།

བློ་མཐུན་ཀྲའོ་ལེ་ཅི།

བློ་མཐུན་ཝང་ཧུའུ་ཉིང་།

བློ་མཐུན་ཚའེ་ཆི།

བློ་མཐུན་ཏིང་ཤུའེ་ཞང་།

བློ་མཐུན་ལི་ཞི།

བློ་མཐུན་ཞི་ཅིན་ཕིང་།

ཞི་ཅིན་ཕིང་། སྐྱེས་པ། རྒྱ་རིགས། 1953ལོའི་ཟླ་6པར་འཁྲུངས། ཧྲའན་ཤིས་ཧྥུའུ་ཕིང་བ། 1969ལོའི་ཟླ་དང་པོར་ལས་ཀར་ཞུགས། 1974ལོའི་ཟླ་དང་པོར་ཀྲུང་གོ་གུང་ཁྲན་ཏང་ལ་ཞུགས། ཆིང་ཧྭ་སློབ་ཆེན་མི་ཆོས་རིག་གནས་སྤྱི་ཚོགས་སློབ་གླིང་གི་མར་ཁེ་སི་རིང་ལུགས་རིགས་པའི་གཞུང་ལུགས་དང་བསམ་བློ་ཆབ་སྲིད་སློབ་གསོའི་ཆེད་ལས་ནས་ཐོན། ལས་ཐོག་ཞིབ་འཇུག་སློབ་མའི་སློབ་རྒྱུས་ལྡན། ཁྲིམས་རིག་པའི་འབུམ་རམས་པའི་སློབ་གནས་ཐོབ།

ད་ལྟ་ཀྲུང་གོ་གུང་ཁྲན་ཏང་ཀྲུང་དབྱང་ཨུ་ཡོན་ལྷན་ཁང་གི་སྤྱི་ཁྱབ་ཧྲུའུ་ཅི་དང་། ཀྲུང་གུང་ཀྲུང་དབྱང་དམག་དོན་ཨུ་ཡོན་ལྷན་ཁང་གི་ཀྲུའུ་ཞི། ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ཀྲུའུ་ཞི། ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྲུང་དབྱང་དམག་དོན་ཨུ་ཡོན་ལྷན་ཁང་གི་ཀྲུའུ་ཞི་བཅས་ཀྱི་འགན་བཞེས་བཞིན་ཡོད།

བློ་མཐུན་ལི་ཆང་།

ལི་ཆང་། སྐྱེས་པ། རྒྱ་རིགས། 1959ལོའི་ཟླ་7པར་འཁྲུངས། ཀྲེ་ཅང་རུའེ་ཨན་བ། 1976ལོའི་ཟླ་7པར་ལས་ཀར་ཞུགས། 1983ལོའི་ཟླ་4པར་ཀྲུང་གོ་གུང་ཁྲན་ཏང་ལ་ཞུགས། ཀྲུང་དབྱང་ཏང་གི་སློབ་གྲྭའི་ཞིབ་འཇུག་སློབ་མའི་སློབ་རྒྱུས་ལྡན། མཐོ་རིམ་དོ་དམ་པའི་བཟོ་ཚོང་དོ་དམ་གྱི་རབ་འབྱམས་པའི་སློབ་གནས་ཐོབ།

ད་ལྟ་ཀྲུང་དབྱང་ཆབ་སྲིད་ཅུས་ཀྱི་རྒྱུན་ཨུ་དང་ཧྲང་ཧའེ་གྲོང་ཨུད་ཀྱི་ཧྲུའུ་ཅིའི་འགན་བཞེས་བཞིན་ཡོད།

བློ་མཐུན་ཀྲའོ་ལེ་ཅི།

ཀྲའོ་ལེ་ཅི། སྐྱེས་པ། རྒྱ་རིགས། 1957ལོའི་ཟླ་3པར་འཁྲུངས། ཧྲའན་ཤིས་ཤིས་ཨན་བ། 1974ལོའི་ཟླ་9པར་ལས་ཀར་ཞུགས། 1975ལོའི་ཟླ་7པར་ཀྲུང་གོ་གུང་ཁྲན་ཏང་ལ་ཞུགས། ཀྲུང་དབྱང་ཏང་གི་སློབ་གྲྭའི་ཞིབ་འཇུག་སློབ་མའི་སློབ་རྒྱུས་ལྡན།

ད་ལྟ་ཀྲུང་དབྱང་ཆབ་སྲིད་ཅུས་ཀྱི་རྒྱུན་ཨུའི་འགན་བཞེས་བཞིན་ཡོད།

བློ་མཐུན་ཝང་ཧུའུ་ཉིང་།

ཝང་ཧུའུ་ཉིང་། སྐྱེས་པ། རྒྱ་རིགས། 1955ལོའི་ཟླ་10པར་འཁྲུངས། ཧྲན་ཏུང་ལའེ་ཀྲོའུ་བ། 1977ལོའི་ཟླ་2པར་ལས་ཀར་ཞུགས། 1984ལོའི་ཟླ་4པར་ཀྲུང་གོ་གུང་ཁྲན་ཏང་ལ་ཞུགས། ཕུའུ་ཏན་སློབ་ཆེན་རྒྱལ་སྤྱིའི་ཆབ་སྲིད་ཚན་ཁག་གི་རྒྱལ་སྤྱིའི་ཆབ་སྲིད་ཆེད་ལས་ནས་ཐོན། ཞིབ་འཇུག་སློབ་མའི་སློབ་རྒྱུས་ལྡན། ཁྲིམས་རིག་པའི་རབ་འབྱམས་པའི་སློབ་གནས་ཐོབ། དགེ་རྒན་ཆེ་མོ་བ།

ད་ལྟ་ཀྲུང་དབྱང་ཆབ་སྲིད་ཅུས་ཀྱི་རྒྱུན་ཨུ་དང་ཀྲུང་དབྱང་ཕྱོགས་ཡོངས་ནས་སྒྱུར་བཅོས་ཟབ་གཏོང་ཨུ་ཡོན་ལྷན་ཁང་གཞུང་ལས་ཁང་གི་ཀྲུའུ་རེན་གྱི་འགན་བཞེས་བཞིན་ཡོད།

བློ་མཐུན་ཚའེ་ཆི།

ཚའེ་ཆི། སྐྱེས་པ། རྒྱ་རིགས། 1955ལོའི་ཟླ་12པར་འཁྲུངས། ཧྥུའུ་ཅན་ཡིའུ་ཤིས་བ། 1973ལོའི་ཟླ་3པར་ལས་ཀར་ཞུགས། 1975ལོའི་ཟླ་8པར་ཀྲུང་གོ་གུང་ཁྲན་ཏང་ལ་ཞུགས། ཧྥུའུ་ཅན་དགེ་འོས་སློབ་ཆེན་དཔལ་འབྱོར་བཅའ་ཁྲིམས་སློབ་གླིང་ཆབ་སྲིད་དཔལ་འབྱོར་རིག་པའི་ཆེད་ལས་ནས་ཐོན། ལས་ཐོག་ཞིབ་འཇུག་སློབ་མའི་སློབ་རྒྱུས་ལྡན། དཔལ་འབྱོར་རིག་པའི་འབུམ་རམས་པའི་སློབ་གནས་ཐོབ།

ད་ལྟ་ཀྲུང་དབྱང་ཆབ་སྲིད་ཅུས་ཀྱི་རྒྱུན་ཨུ་དང་། ཀྲུང་དབྱང་ཧྲུའུ་ཅི་ཁྲུའི་ཧྲུའུ་ཅི། པེ་ཅིང་གྲོང་ཨུད་ཀྱི་ཧྲུའུ་ཅི། 2022ལོའི་པེ་ཅིང་དགུན་དུས་ཨའོ་རྩལ་འགྲན་ཚོགས་དང་དགུན་དུས་དབང་སྐྱོན་ཨའོ་རྩལ་འགྲན་ཚོགས་སྒྲིག་འཛུགས་ཨུ་ཡོན་ལྷན་ཁང་གི་ཀྲུའུ་ཞི་དང་ཏང་ཙུའི་ཧྲུའུ་ཅི་བཅས་ཀྱི་འགན་བཞེས་བཞིན་ཡོད།

བློ་མཐུན་ཏིང་ཤུའེ་ཞང་།

ཏིང་ཤུའེ་ཞང་། སྐྱེས་པ། རྒྱ་རིགས། 1962ལོའི་ཟླ་9པར་འཁྲུངས། ཅང་སུའུ་ནན་ཐུང་བ། 1982ལོའི་ཟླ་8པར་ལས་ཀར་ཞུགས། 1984ལོའི་ཟླ་10པར་ཀྲུང་གོ་གུང་ཁྲན་ཏང་ལ་ཞུགས། ཕུའུ་ཏན་སློབ་ཆེན་དོ་དམ་སློབ་གླིང་སྲིད་འཛིན་དོ་དམ་ཆེད་ལས་ནས་ཐོན། ལས་ཐོག་ཞིབ་འཇུག་སློབ་མའི་སློབ་རྒྱུས་ལྡན། གནས་ལུཌ་རིག་པའི་རབ་འབྱམས་པའི་སློབ་གནས་ཐོབ། དགེ་རྒན་ཆེ་མོ་བ་རིམ་པའི་མཐོ་རིམ་བཟོ་བཀོད་ཆེ་མོ་བ།

ད་ལྟ་ཀྲུང་དབྱང་ཆབ་སྲིད་ཅུས་ཀྱི་རྒྱུན་ཨུ་དང་། ཀྲུང་དབྱང་གཞུང་དོན་ཐིང་གི་ཀྲུའུ་རེན། ཀྲུང་དབྱང་དང་རྒྱལ་ཁབ་ལས་ཁུངས་ལས་དོན་ཨུ་ཡོན་ལྷན་ཁང་གི་ཧྲུའུ་ཅི་བཅས་ཀྱི་འགན་བཞེས་བཞིན་ཡོད།

བློ་མཐུན་ལི་ཞི།

ལི་ཞི། སྐྱེས་པ། རྒྱ་རིགས། 1956ལོའི་ཟླ་10པར་འཁྲུངས། ཀན་སུའུ་ལེང་ཏང་བ། 1975ལོའི་ཟླ་7པར་ལས་ཀར་ཞུགས། 1982ལོའི་ཟླ་དང་པོར་ཀྲུང་གོ་གུང་ཁྲན་ཏང་ལ་ཞུགས། ནུབ་བྱང་དགེ་འོས་སློབ་གླིང་རྒྱ་ཡིག་ཚན་ཁག་གི་རྒྱའི་སྐད་ཡིག་རྩོམ་རིག་ཆེད་ལས་ནས་ཐོན། སློབ་ཆེན་གྱི་སློབ་རྒྱུས་ལྡན། མཐོ་རིམ་དོ་དམ་པའི་བཟོ་ཚོང་དོ་དམ་རབ་འབྱམས་པའི་སློབ་གནས་ཐོབ།

ད་ལྟ་ཀྲུང་དབྱང་ཆབ་སྲིད་ཅུས་ཀྱི་རྒྱུན་ཨུ་དང་། ཀྲུང་དབྱང་སྒྲིག་ཁྲིམས་ཞིབ་བཤེར་ཨུ་ཡོན་ལྷན་ཁང་གི་ཧྲུའུ་ཅི། ཀོང་ཏུང་ཞིང་ཨུད་ཀྱི་ཧྲུའུ་ཅི་བཅས་ཀྱི་འགན་བཞེས་བཞིན་ཡོད།