ཟླ་6ཚེས་2ཉིན་རང་སྐྱོང་ལྗོངས་སྒྲིག་ཨུད་ལྟ་ཞིབ་ཨུ་ལྷན་གྱིས་སྒྲིག་བཤེར་ལྟ་ཞིབ་ལས་དོན་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བའི་སྐུལ་སློང་བཀོད་སྒྲིག་ཚོགས་འདུ་འཚོགས་ནས་ཀྲུང་དབྱང་སྒྲིག་ཨུད་རྒྱལ་ཁབ་ལྟ་ཞིབ་ཨུ་ལྷན་གྱི་འབྲེལ་ཡོད་བླང་བྱ་སློབ་སྦྱོང་དང་ལག་བསྟར་བྱས་པ་རེད། རང་སྐྱོང་ལྗོངས་ཏང་ཨུད་ཀྱི་རྒྱུན་ཨུ་དང་། སྒྲིག་ཨུད་ཀྱི་ཧྲུའུ་ཅི། ལྟ་ཞིབ་ཨུ་ལྷན་གྱི་ཀྲུའུ་རེན་བཅས་ཡིན་པའི་ཝང་ཝུའེ་ཏུང་ཚོགས་འདུར་ཞུགས་པ་དང་འབྲེལ་གསུང་བཤད་ཀྱང་གནང་བ་རེད།
ཝང་ཝུའེ་ཏུང་གིས་གྱོད་གཞིར་ལྟ་འདོམས་བྱེད་པའི་ལས་དོན་ལ་ཤུགས་སྣོན་བརྒྱབ་ནས་སྒྲིག་སྲོལ་དང་། སྒྲིག་ལམ། བཅའ་ཁྲིམས་བཅས་གཞིར་བཟུང་གནད་དོན་གྱི་ཁུངས་སྣེར་དོ་དམ་དང་ཐག་གཅོད་བྱེད་པ་དང་ཏང་སྲོལ་སྲིད་གཙང་གི་བསམ་འཆར་ལ་ལན་སློག་པའི་གོ་རིམ་ནན་དུ་བཏང་ནས་མཉམ་སྡེབ་ཞིབ་འཇུག་བརྡར་གཅོད་དང་ཚན་རིག་དང་མཐུན་པའི་ཐབས་ཇུས་འདོན་རྒྱུ་མཐའ་འཁྱོངས་ཀྱིས་དོན་དངོས་དང་མཐུན་པ་དང་གནད་སྨིན་ནུས་ལྡན་ཡོང་བ་བྱེད་དགོས། རུལ་སུངས་དང་ལྐོག་ཟར་ཆད་གཅོད་བྱེད་ཤུགས་མུ་མཐུད་ཆེ་རུ་གཏོང་བ་དང་འགག་རྩའི་ཉུང་ཤས་འབུར་དུ་ཐོན་པ་བྱས་ནས་ལྐོག་རྔན་སྤྲོད་ལེན་ལ་མཉམ་དུ་ཞིབ་བཤེར་བྱ་རྒྱུ་མཐའ་འཁྱོངས་ཀྱིས་བཙོག་དངུལ་དང་བཙོག་དངོས་འདེད་ལེན་བྱེད་ཤུགས་ཆེ་རུ་བཏང་ནས་དམ་བསྒྲགས་ཟིལ་གནོན་གྱི་རྣམ་པ་གཞི་རིམ་དུ་ཁྱབ་པ་བྱེད་དགོས་པའི་ནན་བཤད་གནང་བ་རེད།