ཉེ་ཆར་ལྗོངས་ཏང་ཨུད་ཀྱི་རྒྱུན་ཨུ་རང་སྐྱོང་ལྗོངས་ཀྱི་རྒྱུན་ལས་ཀྲུའུ་ཞི་གཞོན་པ་ཤའོ་ཡིའུ་ཚའེ་ཡིས་བཞུགས་མོལ་ཚོགས་འདུ་གཙོ་སྐྱོང་གནང་ནས། ཨན་ཧུའེ་ཧའེ་ལུའོ་ཚོགས་པ་ཚད་ཡོད་འགན་འཁྲི་ཀུང་སི་དང་ཀྲུང་གོ་ཨན་ནེང་ཚོགས་པའི་ལས་གྲྭ་ཅུས་གསུམ་པ་བཅས་པ་དང་རང་ལྗོངས་ཀྱི་བཟོ་ལས་དང་དཔལ་འབྱོར་འཕེལ་རྒྱས་ལ་སྐུལ་འདེད་གཏོང་བའི་ཐད་ངོ་འཕྲད་གྲོས་མོལ་དང་སྤེལ་རེས་གཏིང་ཟབ་གནང་བ་རེད།
ཤའོ་ཡིའུ་ཚའེ་ཡིས། དཔའ་ཤོད་ཧའེ་ལུའོ་ཨར་འདམ་ཚད་ཡོད་འགན་འཁྲི་ཀུང་སི་ནི་ཧའེ་ལུའོ་ཚོགས་པའི་ཐོན་ལས་བོད་སྐྱོར་ཁེ་ལས་ཐོག་མ་དེ་ཡིན་པ་དང་2020ལོར་ཐོན་སྐྱེད་བྱེད་འགོ་བཙུགས་ཚུན། ཨར་འདམ་མཁོ་སྤྲོད་དོ་སྙོམས་ལ་སྐུལ་འདེད་གཏོང་བ་དང་། ས་གནས་ཀྱི་ཁྲལ་འབབ་མང་དུ་གཏོང་བ། ས་གནས་དེ་གའི་ལས་ཞུགས་ཐག་གཅོད་བྱེད་པ། མང་ཚོགས་ཕྱུག་འགྱུར་ལ་སྐུལ་ཁྲིད་བྱེད་པ་སོགས་ལ་དཔེ་སྟོན་སྣེ་ཁྲིད་ཀྱི་ནུས་པ་ཡག་པོ་ཐོན་ཡོད། ཀྲུང་དབྱང་ཁོར་ཡུག་སྲུང་སྐྱོང་ལྟ་བཤེར་ཚོགས་ཆུང་གིས་ཤེས་རྟོགས་བྱུང་བའི་གནད་དོན་ལ་དམིགས་ཏེ་དཔའ་ཤོད་ཧའེ་ལུའོ་ཨར་འདམ་ཚད་ཡོད་འགན་འཁྲི་ཀུང་སིས་རང་འགུལ་ངང་ལས་དོན་ཧུར་ཐག་སྤེལ་ནས་བླང་བྱ་དང་གཏན་འཁེལ་བྱས་པའི་འཆར་གཞི་ལྟར་མུ་མཐུད་དག་ཐེར་ལ་དམ་འཛིན་ཡག་པོ་བྱས་པ་དང་འབྲེལ་ཕན་འབྲས་དངོས་ཐོན་པར་བྱས་ཡོད། ཀྲུང་གོ་ཨན་ནེང་ཚོགས་པའི་ལས་གྲྭ་ཅུས་གསུམ་པས་ཉེན་འགོག་གེགས་སེལ་དང་གཙོ་གནད་ལས་གྲྭ་འཛུགས་སྐྲུན་ཐད་ཀྱི་དམིགས་བསལ་ལེགས་ཆ་འདོན་སྤེལ་གང་ལེགས་ཀྱིས་ཁེ་ལས་ཀྱི་ཐོན་ཁུངས་གང་ལེགས་སྤྱད་དེ་རང་སྐྱོང་ལྗོངས་དང་མཉམ་ལས་གཏིང་ཟབ་བྱས་ནས་འཕེལ་རྒྱས་གཉིས་ཁེ་ཡོང་བར་སྐུལ་འདེད་གཏོང་རྒྱུའི་རེ་བ་ཡོད་ཅེས་གསུངས་པ་རེད།