ཉེ་ཆར། ལྗོངས་ཏང་ཨུད་ཀྱི་ཧྲུའུ་ཅི་གཞོན་པ་རང་སྐྱོང་ལྗོངས་ཀྱི་རྒྱུན་ལས་ཀྲུའུ་ཞི་གཞོན་པ་ཁྲེན་ཡུང་ཆིས་2022ལོའི་དུས་ཚིགས་དང་པོའི་ལྗོངས་ཡོངས་ཀྱི་དཔལ་འབྱོར་འཁོར་སྐྱོད་དབྱེ་ཞིབ་བཀོད་གཏོང་ཚོགས་འདུ་གཙོ་སྐྱོང་གནང་ནས། རང་ལྗོངས་ཀྱི་དུས་ཚིགས་དང་པོའི་དཔལ་འབྱོར་འཁོར་སྐྱོད་དང་གཙོ་གནད་རྣམ་གྲངས་ཀྱི་འཕེལ་རིམ་གནས་ཚུལ་སྙན་སེང་གསན་པ་དང་གོམ་སྟབས་རྗེས་མའི་ལས་དོན་བཀོད་སྒྲིག་གནང་བ་རེད།

རང་སྐྱོང་ལྗོངས་ཀྱི་འགོ་ཁྲིད་རེན་ཝུའེ་དང་། ཤའོ་ཡིའུ་ཚའེ། རྡོ་རྗེ་ཚེ་སྒྲུབ། ཝང་ཡུང་བཅས་ཚོགས་འདུར་ཞུགས་པ་རེད།

ཁྲེན་ཡུང་ཆིས་ནན་བཤད་གནང་དོན། གྲུབ་འབྲས་ལ་ཁས་ལེན་གང་ལེགས་བྱས་ནས་ཡིད་ཆེས་དང་ཆོད་སེམས་བརྟན་དུ་གཏོང་དགོས། འདི་ལོ་ཚུན། “གནོན་ཤུགས་ཆེན་པོ་གསུམ”གྱི་འགྲན་སློང་དྲག་པོ་དང་། ཏོག་གསར་གློ་ཚད་རིམས་ནད་ཚབས་ཆེན་གྱི་རྡབ་རྡེག བརྟན་ལྷིང་དང་། འཕེལ་རྒྱས། སྐྱེ་ཁམས། མཐའ་སྟོབས་བཅས་ཀྱི་ལས་འགན་ལྕི་པོའི་མདུན་དུ། ལྗོངས་ཡོངས་ཀྱི་གོང་འོག་ཚང་མས་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་མཛུབ་ཁྲིད་དུ་བྱེད་རྒྱུ་མཐའ་འཁྱོངས་བྱས་ཏེ། རང་སྐྱོང་ལྗོངས་ཏང་གི་འཐུས་མི་ཚོགས་ཆེན་ཐེངས་བཅུ་པའི་དགོངས་དོན་སློབ་སྦྱོང་དང་ལག་བསྟར་གཏིང་ཟབ་དང་། ལྗོངས་ཏང་ཨུད་ཀྱི་དཔལ་འབྱོར་ལས་དོན་ཚོགས་འདུ་དང་རང་སྐྱོང་ལྗོངས་ཀྱི་ཚོགས་འདུ་གཉིས་ཀྱི་བཀོད་སྒྲིག་ལག་བསྟར་དོན་འཁྱོལ། བརྟན་ལྷིང་གཙོར་བཟུང་དང་བརྟན་ཐོག་ཡར་འཕེལ་ཡོང་རྒྱུ་མཐའ་འཁྱོངས། “དོན་ཆེན་བཞིར”དམིཌ་པ་དང“འཛུགས་གཏོད་བཞིར”ཤུཌ་སྣོན་རྒྱག་པ། “བརྟན་པོ་དྲུག”དང“འགན་ལེན་དྲུག”མངོན་གསལ་དོད་པོ་ཡོང་བ་བྱེད་པ། སྤྱོད་ཚུལ་ལེགས་གཏོང་དང་དོན་འཁྱོལ་ལ་དམ་འཛིན་ནན་པོ་བཅས་བྱས་པས། ལས་དོན་ཁག་ལ་དུས་མཚམས་རང་བཞིན་གྱི་འཕེལ་རིམ་བྱུང་བ་དང་དཔལ་འབྱོར་འཁོར་སྐྱོད་ཀྱི་རྣམ་པ་བཟང་པོ་མུ་མཐུད་རྒྱུན་འཁྱོངས་ཐུབ་ཡོད། 

དུས་ཚིགས་དང་པོར་GDPསྒོར་དུང་ཕྱུར་516.79ཟིན་པ་དེ་དུས་མཚུངས་ལས་6.4%འཕར་བ་དང་། གྲོང་ཁྱེར་དང་གྲོང་གསེབ་ཀྱི་གྲོང་མི་རེའི་ཆ་སྙོམས་བཀོལ་སྤྱོད་ཆོག་པའི་ཡོང་འབབ་དུས་མཚུངས་ལས་8.7%དང་12.3%སོ་སོར་འཕར་ནས། ཡོང་འབབ་དང་འཕར་ཚད་གཉིས་ཀ་རྒྱལ་ཡོངས་ཀྱི་ཨང་དང་པོར་སླེབས་ཡོད། སྤྱི་ཡོངས་ནས་བལྟས་ན་དཔལ་འབྱོར་འཁོར་སྐྱོད་སྐྱོན་བྲལ་དང་གོ་རིམ་ལྡན་པ་དང་འགོ་བརྟན་པོ་ཞིག་བཙུགས་ཡོད། གོམ་སྟབས་རྗེས་མའི་ལས་དོན་ཡག་པོ་སྒྲུབ་དགོས་ཤིང་། ཏང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་གི་ཐབས་ཇུས་བཀོད་སྒྲིག་དང་ལྗོངས་ཏང་ཨུད་དང་སྲིད་གཞུང་གི་ལས་དོན་བཀོད་སྒྲིག་ལ་ནན་པོར་གཞིགས་ཏེ། རྣམ་གྲངས་འཛུགས་སྐྲུན་མངོན་གསལ་དོད་པོ་དང་མ་འཇོག་ཕན་ནུས་རྒྱ་ཆེར་བཏང་ནས་བརྟན་པོའི་ངང་འཕར་རྒྱུར་འདེགས་སྐྱོར་ཤུགས་ཆེན་བྱེད་དགོས་པ་དང་། གཙོ་གནད་ཐོན་ལས་མངོན་གསལ་དོད་པོ་ཡོང་བ་བྱས་ཏེ་གཞི་ཁྱོན་ཆེ་བ་དང་། གྲུབ་ཆ་ལེགས་སྒྲིག སྤུས་ཚད་མཐོར་གཏོང་དང་ཕན་འབྲས་ཆེར་གཏོང་བཅས་ཡོང་བ་བྱས་ནས་ཐོན་ལས་འཕེལ་རྒྱས་ལ་མཐུན་སྦྱོར་སྐུལ་འདེད་གཏོང་དགོས་པ། སྲིད་ཇུས་དོན་འཁྱོལ་མངོན་གསལ་དོད་པོ་ཡོང་བ་བྱས་ཏེ་ཁེ་ལས་ཀྱི་དཀའ་སེལ་སྲིད་ཇུས་དོན་འཁྱོལ་དང་ཕན་འབྲས་ཐོན་རྒྱུར་སྐུལ་འདེད་གཏོང་བ་དང་ནུས་ཤུགས་ཡོད་རྒུས་ཚོང་གཉེར་ཁོར་ཡུག་ལེགས་སུ་བཏང་ནས་ཁྲོམ་རའི་བྱེད་པོའི་འཕེལ་རྒྱས་ཀྱི་གསོན་ཤུགས་རྒྱུན་ཆད་མེད་པར་འཕེལ་བར་བྱེད་དགོས་པ། དམངས་འཚོའི་འདུ་འགོད་མངོན་གསལ་དོད་པོ་ཡོང་བར་བྱས་ཏེ་མང་ཚོགས་ཉེ་འགྲམ་གྱི་དོན་ཆུང་དག་ཏང་ཨུད་དང་སྲིད་གཞུང་གི་དོན་ཆེན་ལ་བརྩིས་ནས་དམ་འཛིན་བྱས་ཏེ་དམངས་འཚོ་འགན་ལེན་དང་ལེགས་སུ་ཏན་ཏིག་གཏོང་དགོས་པ། རྒྱུ་རྐྱེན་གཙོ་བོ་འགན་ལེན་མངོན་གསལ་དོད་པོ་ཡོང་བ་བྱས་ཏེ་ས་ཆ་སྤྱོད་པ་དང་ཁོར་ཡུག་དཔྱད་དཔོག་གི་དུས་འགོའི་ཞིབ་མཆན་ཞབས་ཞུ་འགན་ལེན་དང་། ནོར་ཁྲལ་དང་དངུལ་རྩའི་གཟིགས་སྐྱོང་སྲིད་ཇུས། བདེ་འཇགས་ཐོན་སྐྱེད་སོགས་རྒྱུ་རྐྱེན་གཙོ་བོ་འགན་ལེན་བྱེད་ཤུགས་ཆེ་རུ་བཏང་ནས་དཔལ་འབྱོར་སྐྱོན་བྲལ་ངང་འཁོར་སྐྱོད་ཐུབ་པའི་འགན་ལེན་བྱེད་དགོས་པ། མཐུན་སྦྱོར་བཀོད་གཏོང་ལ་ཤུགས་སྣོན་རྒྱག་པ་དང་ལྟ་སྐུལ་མཛུབ་ཁྲིད་དང་དཔྱད་ཞིབ་ལ་ཤུགས་སྣོན་རྒྱག་དགོས། བྱེད་ཐབས་འཐུས་སྒོ་ཚང་དུ་གཏོང་བ་དང་འགན་འཁྲི་ནན་དུ་གཏོང་བ། སྤྱོད་ཚུལ་ལེགས་སུ་གཏོང་བ་དང་དོན་འཁྱོལ་ལ་དམ་འཛིན་ནན་པོ་བྱས་ནས་དཔལ་འབྱོར་ལས་དོན་ལ་དམ་འཛིན་བྱེད་པའི་ནུས་པ་དང་ཆུ་ཚད་རྒྱུན་ཆད་མེད་པར་མཐོ་རུ་བཏང་སྟེ། བྱ་སྤྱོད་དངོས་ལ་བརྟེན་ནས་ཏང་གི་ཚོགས་ཆེན་ཉི་ཤུ་པ་རྒྱལ་ཁའི་ངང་འཚོག་རྒྱུར་བསུ་བ་ཞུ་དགོས།