ཚེས་29ཉིན། ལྗོངས་ཡོངས་ཀྱི་དྲ་རྒྱའི་མི་སྣའི་འཐུས་མིའི་མཐུན་འབྲེལ་ལྷན་ཚོགས་ཀྱི་བཞུགས་མོལ་ཚོགས་འདུ་ལྷ་སར་འཚོགས་པ་དང་ལས་རིགས་ཁག་གི་དྲ་རྒྱའི་སྤྱི་ཚོགས་རྩ་འཛུགས་དང་། དྲ་རྒྱའི་སྨྱན་སྦྱོར། དྲ་རྒྱའི་མི་སྣའི་འཐུས་མི་བཅས་མཉམ་དུ་འཛོམས་ནས་ཉམས་མྱོང་སྤེལ་རེས་དང་མཉམ་དུ་འཕེལ་རྒྱས་སྐོར་གླེང་བ་རེད། ལྗོངས་ཏང་ཨུད་ཀྱི་རྒྱུན་ཨུ་དང་དྲིལ་བསྒྲཌ་པུའི་པུའུ་ཀྲང་དབང་ཧའེ་ཀྲོའུ་ཚོཌ་འདུར་ཕེབས་ནས་གསུང་བཤད་ཀྱང་གནང་བ་རེད།
དབང་ཧའེ་ཀྲོའུ་ཡིས་ས་ཁུལ་ཁག་དང་འབྲེལ་ཡོད་སྡེ་ཚན་ཁག་གིས་དྲ་སྦྲེལ་གྱི་ཆོས་ཉིད་སྟངས་འཛིན་གྱི་འཇོན་ཐང་ཆེ་རུ་བཏང་ནས“སྣེ་ཁྲིད་པ”ཡག་པོ་ཞིག་བྱེད་པ་དང་། དྲ་རྒྱའི་གླེང་ཕྱོགས་ལ་སྣེ་ཁྲིད་ཀྱི་འཇོན་ཐང་ཆེ་རུ་བཏང་ནས“སྒྲིག་འཛུགས་པ”ཡག་པོ་ཞིག་བྱེད་པ། ཆ་འཕྲིན་ཅན་འཕེལ་རྒྱས་ཀྱི་བཀོལ་སྤྱོད་འཇོན་ཐང་ཆེ་རུ་བཏང་ནས“སྣེ་འདྲེན་པ”ཡག་པོ་བྱེད་པ། དྲ་རྒྱའི་བདེ་འཇགས་ཀྱི་རྒྱབ་སྐྱོར་དང་འགན་ལེན་ནུས་པ་ཆེ་རུ་བཏང་ནས“ཞབས་འདེགས་པ”ཡག་པོ་ཞིག་བྱེད་པ། དྲ་རྒྱའི་མི་སྣས་དྲ་ཐོག་གླེང་ཕྱོགས་ལ་སྣེ་ཁྲིད་དང་། དྲ་རྒྱའི་བདེ་འཇགས་སྲུང་སྐྱོང་། དྲ་རྒྱའི་ཤེས་དཔལ་འཛུགས་སྐྱོང་བཅས་ཀྱི་ཁྲོད་རྐང་འཛིན་གྱི་ནུས་པ་འདོན་སྤེལ་བྱེད་པར་མཛུབ་ཁྲིད་དང་རྒྱབ་སྐྱོར་བྱས་ནས་དྲ་རྒྱ་དོ་དམ་དང་། དྲ་རྒྱ་སྤྱོད་པ། དྲ་རྒྱ་བཅོས་སྐྱོང་བཅས་ཀྱི་ཕན་ནུས་འདོན་སྤེལ་བྱེད་དགོས་ཞེས་གསུངས་པ་རེད།
དབང་ཧའེ་ཀྲོའུ་ཡིས་དྲ་རྒྱའི་མི་སྣའི་འཐུས་མིར་ཏང་གཅེས་རྒྱལ་གཅེས་ཀྱི་དྲིལ་བསྒྲགས་པ་ཡག་པོ་བྱས་ནས་བསམ་བློ་དང་། བདེན་དོན། དོན་དངོས་བཅས་ཀྱི་སྟོབས་ཤུགས་ལ་བརྟེན་ཏེ་མི་སེམས་ཀྱི་བློ་སྒོ་འབྱེད་པ་དང་དྲ་དམངས་ལ་ཤུགས་རྐྱེན་ཐེབས་པར་བྱེད་དགོས། བོད་ཀྱི་གཟུགས་བརྙན་གྱི་མགྲིན་ཚབ་པ་བརྩོན་ལེན་བྱས་ནས་དུས་རབས་གསར་པ་དང་བོད་ལྗོངས་གསར་པའི་གཟུགས་བརྙན་བཟང་པོ་དང་མི་རིགས་ཁག་གི་མང་ཚོགས་ཀྱི་བདེ་སྐྱིད་དང་མཛེས་སྡུག་ལྡན་པའི་འཚོ་བ་མི་རྣམས་ལ་མངོན་པར་བྱེད་དགོས། དྲ་རྒྱའི་བར་མཐོངས་གཙང་མ་ཞིག་གཏོད་པ་དང་དྲ་རྒྱའི་ཕྱི་ནང་གཉིས་ཀར་སེམས་པ་གཅིག་མཐུན་ཡོང་བ་བྱས་ཏེ་དུས་རབས་གསར་པའི་བོད་ལྗོངས་ཡུན་རིང་བདེ་འཁོད་དང་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་ཆེད་དྲ་རྒྱའི་དྲང་ནུས་གཅིག་ཏུ་བསྡུ་དགོས་ཞེས་ལྕག་སྐུལ་གནང་བ་རེད།