ཚེས་21ཉིན་ལྗོངས་ཏང་ཨུད་ཀྱི་རྒྱུན་ཨུ་རང་སྐྱོང་ལྗོངས་ཀྱི་རྒྱུན་ལས་ཀྲུའུ་ཞི་གཞོན་པ་ཤའོ་ཡིའུ་ཚའེ་ཡིས་རང་སྐྱོང་ལྗོངས་སྐྱེ་ཁམས་ཁོར་ཡུག་སྲུང་སྐྱོང་ལྟ་ཞིབ་ལས་དོན་འགོ་ཁྲིད་ཚོགས་ཆུང་གི་ཆེད་དོན་ཚན་ཁག་གི་ཆེད་དོན་ཚོགས་འདུ་གཙོ་སྐྱོང་གནང་ནས་འགན་ནུས་ཚོགས་ཆུང་ཁག་གི་ལས་དོན་སྤེལ་ཚུལ་གྱི་སྙན་སེང་གསན་པ་དང་། ཀྲུང་དབྱང་གི་སྐྱེ་ཁམས་ཁོར་ཡུག་སྲུང་སྐྱོང་ལྟ་ཞིབ་ཀྱི་ཞབས་ཞུ་འགན་ལེན་ལས་དོན་ལ་བསྐྱར་དུ་ཞིབ་འཇུག་བྱེད་པ་དང་། བསྐྱར་དུ་བཀོད་སྒྲིག་བྱེད་པ། བསྐྱར་དུ་སྐུལ་འདེད་གཏོང་བ་བཅས་གནང་བ་རེད།
ཤའོ་ཡིའུ་ཚའེ་ཡིས་བོད་ནི་རྒྱལ་ཁབ་ཀྱི་སྐྱེ་ཁམས་བདེ་འཇགས་སྲུང་ཡོལ་གལ་ཆེན་ཞིག་ཡིན་པས། བོད་ཀྱི་རི་ཆུ་ཀླུང་གསུམ་ལ་སྲུང་སྐྱོང་ཡག་པོ་བྱེད་རྒྱུ་ནི་ང་ཚོའི་ཆབ་སྲིད་ཀྱི་འགན་འཁྲི་གལ་ཆེན་ཞིག་རེད། གཅིག་ནས་ཚད་མཐོའི་མཐོང་ཆེན་བྱེད་དགོས་ཤིང་། ཆབ་སྲིད་ཀྱི་ཚུགས་གནས་མཐོ་རུ་གཏོང་བ་དང་འགན་འཁྲི་འཁུར་སེམས་ཆེ་རུ་བཏང་ནས་བསམ་བློ་དང་། བྱ་སྤྱོད། ལས་དོན་དོན་འཁྱོལ་བཅས་ཀྱི་ཐད་ཞི་ཅིན་ཕིང་གི་སྐྱེ་ཁམས་ཤེས་དཔལ་གྱི་དགོངས་པ་ལག་བསྟར་དོན་འཁྱོལ་དང་ལྷག་པར་དུ་བོད་ཀྱི་སྐྱེ་ཁམས་ཤེས་དཔལ་འཛུགས་སྐྱོང་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མཛུབ་སྟོན་གལ་ཆེན་གྱི་དགོངས་དོན་ལག་བསྟར་དོན་འཁྱོལ་བྱས་ཏེ་ཚད་གཞི་དེ་བས་མཐོ་བ་དང་། བླང་བྱ་དེ་བས་ནན་པ། བྱ་ཐབས་དེ་བས་ཏན་ཏིག་བཅས་ཀྱི་ཐོག་ནས་ཞབས་ཞུའི་འགན་ལེན་ལས་དོན་གྱི་ལས་འགན་ཁག་སྤུས་ཚད་མཐོ་པོས་ལེགས་སྒྲུབ་བྱེད་དགོས། གཉིས་ནས་གྲ་སྒྲིག་ཞིབ་ཚགས་བྱེད་དགོས་ཤིང་། ལས་ཀའི་ཇུས་གཞི་སྔར་བས་ཞིབ་ཚགས་སུ་བཏང་སྟེ་ཇུས་འགོད་ཞིབ་ཚགས་དང་། གྲ་སྒྲིག་ཞིབ་ཚགས། བཀོད་སྒྲིག་ཞིབ་ཚགས། ལྟ་ཞིབ་དོན་འཁྱོལ་ཞིབ་ཚགས་བཅས་བྱས་ནས། དམིགས་ཚད་ཁ་གསལ་དང་། ལས་འགན་ཁ་གསལ། འགན་འཁྲི་ཁ་གསལ། དུས་ཚོད་ཁ་གསལ་བཅས་ཡོང་བར་བྱེད་པ་དང་། དོན་འཁྱོལ་ལ་དམ་འཛིན་བྱེད་པའི་བྱ་སྤྱོད་དངོས་དང་ལས་ཀའི་ཕན་འབྲས་ལ་བརྟེན་ནས་ལྗོངས་ཡོངས་ཀྱི་ཞབས་ཞུ་དང་འགན་ལེན་ལས་དོན་སྤེལ་རྒྱུར་སྐུལ་འདེད་ཏན་ཏིག་བཏང་སྟེ་ལྟ་ཞིབ་གྲ་སྒྲིག་ལས་དོན་འཕྱུགས་པ་གཏན་ནས་མེད་པའི་འགན་ལེན་བྱེད་དགོས། གསུམ་ནས་སྒྲིག་ཁྲིམས་ནན་པོ་སྲུང་དགོས་ཤིང་། སྤྱོད་ཚུལ་ལེགས་གཏོང་དང་། ལམ་ལུགས་ཚད་ལྡན། འགན་འཁྲི་སྒྲུབ་པ། གཞོགས་འདེགས་དམ་ཟབ་བཅས་བྱས་ཏེ་འགན་འཁྲི་འཁུར་སེམས་ཆེན་པོ་དང་ཁ་ཚ་དགོས་གཏུགས་ཀྱི་བསམ་བློ་བཅངས་ནས་ལས་དོན་སྒྲུབ་ཤུགས་ཆེ་རུ་གཏོང་བ་དང་མྱུར་ཚད་མགྱོགས་སུ་བཏང་སྟེ་ལས་དོན་ཁག་དོན་འཁྱོལ་གནད་སྨིན་ཡོང་བ་དང་འབྲེལ་ཕན་འབྲས་ཀྱང་ཆེན་པོ་ཐོན་པར་སྐུལ་འདེད་ཤུགས་ཆེན་གཏོང་དགོས་པའི་ནན་བཤད་གནང་བ་རེད།