ཚེས་11ཉིན་ལྗོངས་ཏང་ཨུད་ཀྱི་རྒྱུན་ཨུ་དྲིལ་བསྒྲགས་པུའི་པུའུ་ཀྲང་དབང་ཧའེ་ཀྲོའུ་ཡིས་ལྗོངས་ཐད་གཏོགས་དྲིལ་བསྒྲགས་བསམ་བློ་དང་རིག་གནས་ཁོངས་གཏོགས་ཀྱི་ཏང་སྲོལ་སྲིད་གཙང་འཛུགས་སྐྱོང་ལས་དོན་ཚོགས་འདུ་གཙོ་སྐྱོང་གནང་ཞིང་། ཚོགས་འདུའི་ཐོག་ལས་དོན་ལ་ཕྱོཌ་སྡོམ་དང་། དུས་བབ་ལ་དབྱེ་ཞིབ། གནད་དོན་ལ་ཞིབ་འཇུག 2022ལོའི་ཏང་སྲོལ་སྲིད་གཙང་འཛུགས་སྐྱོང་གི་གཙོ་གནད་ལས་དོན་བཀོད་སྒྲིག་བཅས་བྱས་པ་རེད།
དབང་ཧའེ་ཀྲོའུ་ཡིས་བསམ་བློའི་འགོག་སྲུང་འཛིང་རགས་བརྟན་དུ་བཏང་སྟེ་ཕུགས་བསམ་དད་སེམས་ཀྱི་སློབ་གསོ་གཏིང་ཟབ་སྤེལ་བ་དང་། ཉེན་ཟོན་སློབ་གསོ་རྒྱུན་མཐུད་གཏིང་ཟབ་ཏུ་གཏོང་བ། ཏང་ཡོན་ལས་བྱེད་པར་ཡང་དག་པའི་འཇིག་རྟེན་གྱི་ལྟ་བ་དང་། མི་ཚེའི་ལྟ་བ། རིན་ཐང་གི་ལྟ་བ་བཅས་འཛུགས་རྒྱུའི་ཁྲིད་སྟོན་བྱེད་པ། རང་རྟོགས་ངང་ཀྲུང་དབྱང་གི་གཏན་འབེབས་དོན་ཚན་བརྒྱད་དང་དེའི་ལག་བསྟར་ཞིབ་སྲོལ་གྱི་དགོངས་དོན་དང་ལྗོངས་ཏང་ཨུད་ཀྱི་ལག་བསྟར་བྱ་ཐབས་དོན་འཁྱོལ་ནན་པོ་བྱེད་པ། བྱེད་པོའི་འགན་འཁྲི་ནན་དུ་བཏང་སྟེ་ལས་སྒོ་དང་ཏང་སྲོལ་སྲིད་གཙང་འཛུགས་སྐྱོང“ཕྱོགས་གཉིས་ལ་དམ་འཛིན་དང་ཕྱོགས་གཉིས་ལ་དམ་འཛིན་ནན་པོ”བྱེད་པ་དང་། ཏང་ཡོན་འགོ་ཁྲིད་ལས་བྱེད་པས་སྔོན་ལ་མིག་དཔེ་བསྟན་ནས་ཐོག་མཐའ་བར་གསུམ་དུ་ཚད་གཞི་མཐོ་པོ་དང་བླང་བྱ་ནན་པོ་འདོན་ཐུབ་པ་བྱེད་པ། སྒྲིག་སྲོལ་དང་ལམ་ལུགས་འཛུགས་རྒྱུར་མཐོང་ཆེན་བྱས་ཏེ་ལམ་ལུགས་ཀྱི་རླུང་ཙི་སྔར་བས་ཚགས་དམ་དུ་བཏང་ནས་ཚན་རིག་ཅན་དང་ཚད་ལྡན་ཅན་གྱི་ལམ་ལུགས་ནུས་ལྡན་ཞིག་ཟམ་མི་ཆད་པར་ཆགས་པར་བྱེད་པ། ལྟ་སྐུལ་གྱི་ནུས་པར་ཤུགས་སྣོན་བརྒྱབ་སྟེ་འགན་འཁྲི་ལྡོག་བཤེར་བདའ་འདེད་ལམ་ལུགས་འཛུགས་པ་དང་། སྔོན་ལ་ལྟ་སྐུལ་དང་སྔོན་ལ་སློབ་གསོ་གཏོང་རྒྱུར་ཤུགས་སྣོན་རྒྱག་པ། བརྒྱུད་རིམ་ཧྲིལ་པོའི་ལྟ་སྐུལ་ལ་ཤུགས་སྣོན་རྒྱག་པ། སྤྱོད་བཟང་གཞུང་དྲང་གི་ཆབ་སྲིད་ཁོར་ཡུག་ཡག་པོ་གཏོད་པ། ལྷག་བསམ་རྣམ་དག་དང་། སྤྱོད་གཙང་། འགན་འཁྲི་འཁུར་ཕོད་པ་བཅས་ཀྱི་དྲིལ་བསྒྲགས་བསམ་བློ་དང་རིག་གནས་ཀྱི་དཔུང་ཁག་གཏོད་པ་བཅས་བྱས་ཏེ་ཏང་སྲོལ་སྲིད་གཙང་འཛུགས་སྐྱོང་གི་ཕུལ་བྱུང་གྲུབ་འབྲས་ཐོག་ནས་ཏང་གི་ཚོགས་ཆེན་ཉི་ཤུ་པ་རྒྱལ་ཁའི་ངང་འཚོག་རྒྱུར་བསུ་བ་ཞུ་དགོས་པའི་ནན་བཤད་གནང་བ་རེད།