ཉེ་ཆར། རང་སྐྱོང་ལྗོངས་ཏང་ཨུད་ཀྱི་རྒྱུན་ཨུ་དང་། སྒྲིག་ཨུད་ཀྱི་ཧྲུའུ་ཅི། ལྟ་ཞིབ་ཨུ་ལྷན་གྱི་ཀྲུའུ་རེན་བཅས་ཡིན་པའི་ཝང་ཝུའེ་ཏུང་གིས་མངའ་རིས་ས་ཁུལ་སྒར་རྫོང་དང་རུ་ཐོག་རྫོང་དུ་ཕེབས་ནས་སྒྲིག་བཤེར་ལྟ་ཞིབ་ལས་དོན་ལ་བརྟག་ཞིབ་གནང་བ་རེད།
ཝང་ཝུའེ་ཏུང་གིས་བསྟན་དོན། རིམ་ཁག་སྒྲིག་བཤེར་ལྟ་ཞིབ་ལས་ཁུངས་ཀྱིས་རང་སྐྱོང་ལྗོངས་ཏང་ཨུད་རྒྱུན་ལས་ཨུ་ལྷན་གྱི་ཚོགས་འདུའི་ཐོག་བློ་མཐུན་ཝང་ཅུན་ཀྲེང་གི་ཉེ་དུས་ཀྱི་ལས་དོན་བཀོད་སྒྲིག་གནང་སྐབས་ཀྱི་གསུང་བཤད་ཀྱི་དགོངས་དོན་སློབ་སྦྱོང་ལག་བསྟར་ནན་ཏན་བྱེད་པ་དང་། “དོན་ཆེན་བཞིར”དམ་འཛིན་ཡག་པོ་བྱས་ནས་འགན་སྒྲུབ་ཀྱི་འགོ་འཛུགས་ས་དང་ཤུགས་རྒྱག་ས་འཕྱུགས་མེད་འཚོལ་བ། “ཡོད་པ་བདུན”གྱི་གནད་དོན་ལ་དམ་པོར་དམིགས་ཏེ། ཏང་གི་ཆབ་སྲིད་སྒྲིག་ཁྲིམས་དང་ཆབ་སྲིད་སྒྲིག་ལམ་ནན་དུ་བཏང་སྟེ་ཆབ་སྲིད་ཀྱི་ལྟ་སྐུལ་ནུས་ལྡན་ལ་བརྟེན་ནས་དུས་རབས་གསར་པའི་ཏང་གི་བོད་སྐྱོང་མཛད་ཇུས་དོན་ཐོག་ཏུ་འཁྱོལ་བ་བྱེད་དགོས། མི་དམངས་ཀྱི་ལངས་ཕྱོགས་སུ་བརྟན་པོ་ལངས་ནས་དབུལ་སྒྲོལ་འགག་སྒྲོལ་དེ་གྲོང་གསེབ་དར་རྒྱས་དང་སྦྲེལ་མཐུད་ནུས་ལྡན་དང་ཏང་གི་དམངས་ཕན་དམངས་ཕྱུག་སྲིད་ཇུས་དོན་འཁྱོལ་སོགས་མངོན་གསལ་དོད་པོ་ཡོང་བར་བྱས་ཏེ། ལྟ་སྐུལ་ཞིབ་བཤེར་བྱེད་པ་དང་མང་ཚོགས་ཀྱིས་དེ་བས་མཛེས་སྡུག་ལྡན་པའི་འཚོ་བ་བརྩོན་ལེན་བྱེད་པར་ཤུགས་རྐྱེན་ཐེབས་པའི་འཕྲལ་མཁོ་དང་། དཀའ་ངལ། སེམས་ཁྲལ། རེ་སྒུག་བཅས་ཀྱི་གནད་དོན་ཐག་གཅོད་བྱ་རྒྱུར་སྐུལ་འདེད་བཏང་ནས་མི་དམངས་མང་ཚོགས་ཀྱི་ཐོབ་སྣང་དང་། བདེ་སྐྱིད་ཚོར་སྣང་། བདེ་འཇགས་ཚོར་སྣང་བཅས་ཟམ་མི་ཆད་པར་ཆེ་རུ་གཏོང་དགོས།
ཝང་ཝུའེ་ཏུང་གིས་ནན་བཤད་གནང་དོན། སྒྲིག་བཤེར་ལྟ་ཞིབ་ཀྱི་སྒྲིག་སྲོལ་སྒྱུར་བཅོས་ལ་མུ་མཐུད་སྐུལ་འདེད་བཏང་སྟེ། དོན་དངོས་དང་ཟུང་འབྲེལ་བྱས་ནས་འགན་འཁྲི་གཅིག་མཚུངས་ཀྱི་ཁོངས་གཏོགས་སྡེ་ཚན་བསྡུ་སྒྲིལ་འཚོལ་ཞིབ་ཀྱིས་ཕུལ་བྱུང་ལས་བྱེད་པ་དེ་བས་མང་བ་ལྟ་སྐུལ་ཞིབ་བཤེར་དང་ཞིབ་བཤེར་བརྟག་དཔྱད་སོགས་ཀྱི་ལས་གནས་ཐོག་མངགས་ནས་གསོ་སྦྱོང་དང་སྦྱོང་བརྡར་བྱེད་དགོས། ས་ཁུལ་དང་གྲོང་ཁྱེར་གྱི་སྒྲིག་ཨུད་དང་ལྟ་ཞིབ་ཨུ་ལྷན་གྱི་ཞིབ་གཅོད་སྡེ་ཚན་འཛུགས་སྐྱོང་ལ་མུ་མཐུད་ཤུགས་སྣོན་བརྒྱབ་ནས“རྫོང་གི་གྱོད་གཞི་གྲོང་ཁྱེར་དུ་ཞིབ་བཤེར་བྱེད་པའི”ལས་དོན་སྤེལ་སྟངས་ཟམ་མི་ཆད་པར་འཐུས་སྒོ་ཚང་དུ་བཏང་སྟེ་གྱོད་གཞི་ཞིབ་གཅོད་ཀྱི་སྤུས་ཚད་མཐོ་རུ་གཏོང་དགོས།