ཉེ་ཆར། ལྗོངས་ཏང་ཨུད་ཀྱི་རྒྱུན་ཨུ་རང་སྐྱོང་ལྗོངས་ཀྱི་རྒྱུན་ལས་ཀྲུའུ་ཞི་གཞོན་པ་ཅང་ཅེས་རིམས་ནད་སྔོན་འགོག་དང་ཚོད་འཛིན་ལས་དོན་གྱི་ཆེད་དོན་ཚོགས་འདུ་གཙོ་སྐྱོང་གནང་ཞིང་། ཚོགས་འདུའི་ཐོག་རྒྱལ་ཡོངས་ཀྱི་རིམས་ནད་སྔོན་འགོག་དང་ཚོད་འཛིན་ལས་དོན་གྱི་བརྙན་འཕྲིན་ཁ་པར་ཚོཌ་འདུའི་དགོངས་དོན་བརྒྱུད་བསྒྲཌ་དང་སློབ་སྦྱོང་བྱས་པ་དང་། རང་ལྗོངས་ཀྱི་རིམས་ནད་སྔོན་འགོག་དང་ཚོད་འཛིན་གྱི་དུས་བབ་དང་ལྷག་པའི་གནད་དོན་ལ་དབྱེ་ཞིབ་དང་བརྡར་ཤ་བཅད་པ། གོམ་སྟབས་རྗེས་མའི་ལས་དོན་བཀོད་སྒྲིག་བྱས་པ་རེད།
ཅང་ཅེས་གཅིག་ནས་རྒྱལ་སྲིད་སྤྱི་ཁྱབ་ཁང་གི་མཉམ་དུ་སྔོན་འགོག་དང་ཚོད་འཛིན་ལམ་སྲོལ་གྱི་བླང་བྱ་གཞིར་བཟུང་། གནད་དོན་ཕྱོགས་སྟོན་དུ་འཛིན་པ་དང་། ཞན་ཆ་དང་སྐྱོན་ཆ་སེལ་གང་ཐུབ་ཅི་ཐུབ་བྱེད་པ། ཆེད་དོན་བཅོས་སྐྱོང་བྱེད་ཤུགས་ཆེ་རུ་གཏོང་བ་བཅས་བྱས་ནས་ཚད་ལྡན་དོ་དམ་བྱེད་པར་སྐུལ་འདེད་གཏོང་དགོས་པ་དང་། གཉིས་ནས་རྩ་འཛུགས་ཀྱི་འགོ་ཁྲིད་ལ་ཤུགས་སྣོན་རྒྱག་པ་དང་། ལས་ཀའི་ལམ་སྲོལ་གསེད་བཀྲོལ་བྱེད་པ། ཆ་འཕྲིན་མི་མཐུན་པ་དང་རིམས་འགོག་སྨན་ཁབ་རྒྱག་ཚུལ་དོ་མི་སྙོམས་པ་སོགས་ཀྱི་གནད་དོན་ནུས་ཤུགས་ཡོད་རྒུས་ཐག་གཅོད་བྱེད་པ། རིམས་འགོག་སྨན་ཁབ་རྒྱག་པའི་ལས་དོན་གྱི་འཕེལ་རིམ་མགྱོགས་སུ་གཏོང་བ། རིམས་འགོག་སྨན་ཁབ་གཉིས་པ་རྒྱག་པའི་ལས་དོན་གོ་རིམ་ལྡན་པའི་ངང་སྤེལ་བ་བཅས་བྱས་ནས“རིམས་འགོག་སྨན་ཁབ་རྒྱག་དགོས་རིགས་ཚང་མར་རྒྱག་ཐུབ་པ”བྱེད་དགོས། གསུམ་ནས་དྲིལ་བསྒྲགས་སློབ་གསོར་ཤུགས་སྣོན་རྒྱག་པ་དང་། ཚོང་ར་དང་སྒོ་རྩིས་ཚོང་ཁང་སོགས་མི་སྣ་འདུ་འཛོམས་ཆེ་སར་ཁ་རས་རྒྱག་པ་དང་ཚ་བ་ལྟ་བ་སོགས་ཀྱི་བྱེད་ཐབས་དོན་འཁྱོལ་ཡག་པོ་བྱས་ཏེ། མང་ཚོགས་ལ་སྤྱི་ཚོགས་འབྲེལ་བའི་བར་ཐག་ངེས་ཅན་འཇོག་དགོས་པ་དང་མི་མང་པོ་འདུ་འཛོམས་བྱ་རྒྱུ་མེད་པའི་ཁྲིད་སྟོན་བྱེད་དགོས། བཞི་ནས་ལྟ་སྐུལ་དང་། མཛུབ་ཁྲིད། ཞིབ་བཤེར་བཅས་ལ་ཤུགས་སྣོན་བརྒྱབ་སྟེ། ལྟ་སྐུལ་ཞིབ་བཤེར་བྱས་ནས་ཤེས་རྟོགས་བྱུང་བའི་གནད་དོན་ལ་ཟུར་བསྟན་ལེབ་མཐོང་བྱ་རྒྱུ་མཐའ་འཁྱོངས་བྱེད་པ་དང་། གནད་དོན་དག་ཐེར་མཐར་ཕྱིན་དང་ཕན་འབྲས་ཐོན་རྒྱུར་སྐུལ་འདེད་གཏོང་བ། རིམས་ནད་སྔོན་འགོག་དང་ཚོད་འཛིན་གྱི་སྲུང་ཡོལ་ནུས་ཤུགས་ཡོད་རྒུས་སྐྲུན་པ། རིམས་ནད་སྔོན་འགོག་དང་ཚོད་འཛིན་གྱི་ཕན་འབྲས་སྲ་བརྟན་དུ་གཏོང་བ་བཅས་བྱས་ནས། རྟེན་འབྲེལ་ཆེ་མོར་བདེ་འཇགས་དང་བརྟན་ལྷིང་གི་སྤྱི་ཚོགས་ཁོར་ཡུག་ཡག་པོ་ཞིག་གཏོད་དགོས་པའི་ནན་བཤད་གནང་བ་རེད།