ཉེ་ཆར། ཀྲུང་དབྱང་གི་སྐོར་གཟིགས་ཚོགས་ཆུང་ཐེངས་བཅུ་པའི་ཚུར་ལན་བསམ་འཆར་དག་ཐེར་ལས་དོན་འགོ་ཁྲིད་ཚོགས་ཆུང་གཞུང་དོན་ཁང་གིས་ཚོགས་འདུ་ཐེངས་གཉིས་པ་འཚོགས་ཏེ། ཧྲུའུ་ཅི་ཝུའུ་དབྱིང་ཅེའི་མཆན་བཀོད་མཛུབ་སྟོན་གྱི་དགོངས་དོན་བརྒྱུད་བསྒྲགས་སློབ་སྦྱོང་བྱས་པ་དང་། ལྗོངས་ཡོངས་ཀྱི་སྐོར་གཟིགས་དག་ཐེར་ལས་དོན་གྱི་འཕེལ་རིམ་གནས་ཚུལ་བརྡ་ཁྱབ་བཏང་བ། ཆེད་དོན་དག་ཐེར་ཚོགས་ཆུང་ཁག་དང་ས་ཨུད་དང་གྲོང་ཨུད་ཁག་གི་གནས་ཚུལ་སྙན་སེང་གསན་པ། གོམ་སྟབས་རྗེས་མའི་ལས་དོན་ལ་སླར་ཡང་བཀོད་སྒྲིག་དང་སླར་ཡང་བླང་བྱ་བཏོན་པ་བཅས་རེད། ལྗོངས་ཏང་ཨུད་ཀྱི་རྒྱུན་ལས་ཧྲུའུ་ཅི་གཞོན་པ་དང་། ལྗོངས་སྲིད་གྲོས་ཀྱི་ཏང་ཙུའི་ཧྲུའུ་ཅི། ཀྲུང་དབྱང་སྐོར་གཟིགས་ཚོགས་ཆུང་ཐེངས་བཅུ་པའི་ཚུར་ལན་བསམ་འཆར་དག་ཐེར་ལས་དོན་འགོ་ཁྲིད་ཚོགས་ཆུང་གཞུང་དོན་ཁང་གི་ཀྲུའུ་རེན་བཅས་ཡིན་པའི་ཀྲོང་ཡན་གྱིས་ཚོགས་འདུ་གཙོ་སྐྱོང་གནང་ནས་གསུང་བཤད་གནང་བ་རེད། ཁོང་གིས་ནན་བཤད་གནང་དོན། སྐོར་གཟིགས་ལས་དོན་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་རྣམ་བཤད་གལ་ཆེན་ལག་བསྟར་གཏིང་ཟབ་དང་སྐབས་བཅུ་དགུ་པའི་ཀྲུང་དབྱང་གི་རེས་སྐོར་དྲུག་པའི་སྐོར་གཟིགས་གནས་ཚུལ་སྙན་སེང་ཞུ་སྐབས་ཀྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསུང་བཤད་གལ་ཆེན་གྱི་དགོངས་དོན་ལག་བསྟར་གཏིང་ཟབ་དང་། སྐབས་བཅུ་དགུ་པའི་ཀྲུང་དབྱང་གི་རེས་སྐོར་དྲུག་པའི་སྐོར་གཟིགས་ཚུར་ལན་གྱི་བརྙན་ལམ་ཚོགས་འདུའི་དགོངས་དོན་ལག་བསྟར་དོན་འཁྱོལ།
སྐོར་གཟིགས་དག་ཐེར་ལས་དོན་ཡག་པོ་སྒྲུབ་རྒྱུའི་སྐོར་གྱི་རང་སྐྱོང་ལྗོངས་ཏང་ཨུད་དང་ཧྲུའུ་ཅི་ཝུའུ་དབྱིང་ཅེའི་བཀོད་སྒྲིག་བླང་བྱ་དོན་འཁྱོལ་ནན་པོ་བཅས་བྱས་ཏེ་ཚད་མཐོའི་ཆབ་སྲིད་ཀྱི་འགན་འཁྲི་ཁུར་སེམས་དང་ལས་འགན་སྒྲུབ་སེམས་ལ་བརྟེན་ནས་དག་ཐེར་ལས་འགན་ཁག་དོན་འཁྱོལ་ཏན་ཏིག་དང་། ཞིབ་ཚགས། གནད་འཁེལ་བཅས་ཡོང་བར་སྐུལ་འདེད་ཏན་ཏིག་བཏང་ཐོག་དག་ཐེར་གྱི་ཕན་འབྲས་ལ་ལག་ལེན་དང་། ལོ་རྒྱུས། མི་དམངས་བཅས་ཀྱི་ཚོད་བགམ་ཐེག་ཐུབ་པའི་འགན་ལེན་བྱེད་དགོས།
ལྗོངས་ཏང་ཨུད་ཀྱི་རྒྱུན་ཨུ་དྲུང་ཆེ་ལིའུ་ཅང་ཕེབས་པ་རེད།
ཚོགས་འདུའི་ཐོག་བསྟན་དོན། ཀྲུང་དབྱང་སྐོར་གཟིགས་ཚོགས་ཆུང་ཐེངས་བཅུ་པའི་ཚུར་ལན་བསམ་འཆར་གྱི་དག་ཐེར་ལས་དོན་སྤེལ་ཚུན་རང་སྐྱོང་ལྗོངས་ཏང་ཨུད་ཀྱིས་ཐོག་མཐའ་བར་གསུམ་དུ་ཚད་མཐོའི་མཐོང་ཆེན་བྱས་ཏེ་སྐོར་གཟིགས་དག་ཐེར་ལ་དམ་འཛིན་བྱེད་པའི་ཆབ་སྲིད་ཀྱི་འགན་འཁྲི་མཐའ་གཅིག་ཏུ་འཁུར་བ་དང་ཀྲུང་དབྱང་སྐོར་གཟིགས་ཚོགས་ཆུང་ཐེངས་བཅུ་པའི་ཚུར་ལན་བསམ་འཆར་ཕྱོགས་ཡོངས་དང་བརྒྱུད་རིམ་ལྡན་པའི་ངང་དག་ཐེར་བྱེད་པར་སྐུལ་འདེད་བརྟན་པོ་བཏང་ཡོད། ཧྲུའུ་ཅི་ཝུའུ་དབྱིང་ཅེས་སྐོར་གཟིགས་དག་ཐེར་ལས་དོན་ལ་བཀོད་སྒྲིག་ཐེངས་མང་གནང་ནས་བླང་བྱ་བཏོན་གནང་བ་དང་གཞི་རིམ་དུ་བརྟག་ཞིབ་གནང་བར་ཐེངས་མང་ཕེབས་ནས་ང་ཚོས་སྐོར་གཟིགས་དག་ཐེར་ལས་དོན་ལ་དམ་འཛིན་ཡག་པོ་བྱ་རྒྱུར་དཔེ་སྟོན་གནང་བ་དང་ཚད་ཤིང་བཙུགས་ཡོད། ཆེད་དོན་དག་ཐེར་ཚོགས་ཆུང་དང་ས་ཁུལ་དང་གྲོང་ཁྱེར་ཁག་གི་སྡེ་ཚན་གྱིས་བྱ་སྤྱོད་མྱུར་དུ་སྤེལ་ནས་བཀོད་སྒྲིག་ཞིབ་ཚགས་བྱེད་པ་དང་། འགན་འཁྲི་དོན་འཁྱོལ་བྱེད་ཤུགས་ཆེ་རུ་གཏོང་བ། ལས་དོན་ལ་མགྱོགས་མྱུར་སྐུལ་འདེད་གཏོང་བ་བཅས་བྱས་ཏེ་དག་ཐེར་ལས་དོན་སྐོར་གྱི་ལྗོངས་ཏང་ཨུད་ཀྱི་བཀོད་སྒྲིག་ཁག་དོན་འཁྱོལ་ནུས་ལྡན་ཡོང་བའི་འགན་ལེན་བྱེད་དགོས།
ཚོགས་འདུའི་ཐོག་ནན་བཤད་བྱས་དོན། བཅུ་ཆ་གཅིག་བཀོད་སྒྲིག་དང་བཅུ་ཆ་དགུ་དོན་འཁྱོལ་ལ་ཐུག་ཡོད་ཅིང་། ཆེད་དོན་དག་ཐེར་ཚོགས་ཆུང་དང་ས་ཁུལ་དང་གྲོང་ཁྱེར་ཁག་གི་སྡེ་ཚན་གྱིས་གཙོ་གནད་ཀྱི་འགག་རྩར་དམ་འཛིན་མཁས་པོ་བྱས་ཏེ་ཞི་ཅིན་ཕིང་གི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་སློབ་སྦྱོང་ལག་བསྟར་གཏིང་ཟབ་བྱ་རྒྱུ་དེ་ཆབ་སྲིད་ལས་འགན་གལ་ཆེ་ཤོས་ལ་བརྩིས་ནས་ཕྱོགས་ཡོངས་ནས་ཏང་ནན་པོས་སྐྱོང་བའི“འགན་འཁྲི་གཉིས”ནན་དུ་ཏན་ཏིག་གཏོང་བ་དང་རིམ་ཁག་ཚན་ཁག་ཡོངས་ཀྱི་ནུས་ཕྱོད་ཆེ་རུ་བཏང་སྟེ་སྐོར་གཟིགས་དག་ཐེར་བྱེད་རིང་གི་སྤྱོད་གོ་ཆོད་པའི་ཉམས་མྱོང་ཡག་པོ་དང་བྱེད་ཐབས་ཡག་པོ་དེ་དག་ལ་ཕྱོགས་སྡོམ་དང་སྙིང་བསྡུས་བརྒྱུད་ལམ་ལུགས་ལམ་སྲོལ་གྱི་རིམ་ངོས་སུ་རིམ་སྤོར་བྱེད་པ་དང་འབྲེལ་ཡུན་རིང་རྒྱུན་འཁྱོངས་ཀྱིས་ཕུགས་ཕན་ལམ་སྲོལ་ཆགས་པར་བྱས་ཐོག་ལམ་ལུགས་ལ་བརྟེན་ནས་དོན་འཁྱོལ་ལ་སྐུལ་འདེད་གཏོང་བ་དང་ལམ་སྲོལ་ལ་བརྟེན་ནས་ཕན་འབྲས་དངོས་ཐོན་པའི་འགན་ལེན་བྱེད་དགོས། གཙོ་གནད་བསྒྱུར་མགྱོགས་སུ་བཏང་སྟེ་ཕྱོགས་ཡོངས་དང་། རྩོད་སྒྲུབ། རྒྱང་རིང་བཅས་ཀྱི་མིག་རྒྱང་ལ་བརྟེན་ནས་སྐོར་གཟིགས་དག་ཐེར་ལས་དོན་ལ་ལྟ་སྟངས་འཛིན་རྒྱུ་མཐའ་འཁྱོངས་ཀྱིས་དོན་འཁྱོལ་ཡོང་མིན་དེ་དག་ཐེར་གྱི་ཕན་འབྲས་ལ་ཞིབ་དཔྱད་བྱེད་པའི་རྩ་བའི་ཚད་གཞིར་བརྩིས་ཏེ་སྤྱི་འདོམས་བཀོད་སྒྲིག་ཡག་པོ་བྱེད་པ་དང་། ཕྱོགས་བསྡུས་མཐུན་སྦྱོར་བྱེད་ཤུགས་ཆེ་རུ་གཏོང་བ། ལྕག་སྐུལ་མཛུབ་ཁྲིད་ལ་ཤུགས་སྣོན་རྒྱག་པ། དུས་བཀག་ལྟར་ལས་དོན་ལ་ཞིབ་འཇུག་བྱེད་པ། རྒྱུན་གཏན་ལས་དོན་ཐག་གཅོད་ཡག་པོ་བྱེད་པ་དང་སྐོར་གཟིགས་དག་ཐེར་ལ་སྐུལ་འདེད་གཏོང་བའི་འབྲེལ་བ་ཐག་གཅོད་འོས་འཚམ་བཅས་བྱས་ཏེ་སྐོར་གཟིགས་དག་ཐེར་ལས་དོན་གྱི་གཙོ་གནད་དེ་བཀོད་སྒྲིག་སྐུལ་སློང་ནས་དོན་འཁྱོལ་ལ་སྐུལ་འདེད་གཏོང་བའི་བར་དང་། ལས་འགན་ཁག་བགོས་ནས་རིམ་པ་བཞིན་སྐུལ་འདེད་གཏོང་བའི་བར། འཆར་གཞི་འགོད་པ་ནས་ས་གནས་ས་ཐོག་ཏུ་ལས་སྒྲུབ་བྱེད་པའི་བར་བཅས་ལ་བསྒྱུར་རྒྱུའི་འགན་ལེན་བྱེད་དགོས། ལྟ་སྐུལ་ནན་པོ་དང་ཏན་ཏིག་བྱས་ཏེ་གཅིག་ཤེས་ཀུན་གྲོལ་དང་རྩ་ལག་མཉམ་བཅོས་མཐའ་འཁྱོངས་ཀྱིས་གནད་དོན་ལ་ཞིབ་བཤེར་དང་། མྱུར་ཚད་ལ་སྐུལ་གཏོང་། ཞན་ཆ་སེལ་བ། ཕན་འབྲས་མཐོར་གཏོང་བཅས་བྱ་རྒྱུ་དེ་ལྟ་སྐུལ་མཛུབ་ཁྲིད་ལས་དོན་གྱི་ཤུགས་རྒྱག་སར་བརྩིས་ཏེ་བླང་བྱ་ནན་པོ་དང་སྤྱོད་ཚུལ་ཏན་ཏིག་ལ་བརྟེན་ནས་འབྲེལ་ཡོད་འགན་འཁྲིའི་ཚན་པར་ངོས་འཛིན་དང་། བསམ་གཞིག དག་ཐེར། འགན་འཁུར་བཅས་དངོས་སུ་ཐུབ་རྒྱུར་ལྕག་སྐུལ་བྱས་ཐོག་སྐོར་གཟིགས་དག་ཐེར་ལས་འགན་དུས་བཀག་ལྟར་སྤུས་ཚད་མཐོ་བའི་སྒོ་ནས་ལེགས་གྲུབ་ཐུབ་པའི་འགན་ལེན་མཐའ་གཅིག་ཏུ་བྱེད་དགོས།