ལྗོངས་ཏང་ཨུད་ཀྱི་ལས་དོན་བཀོད་སྒྲིག་ལ་གཞིགས་ནས། ཉེ་ཆར་ཀྲུང་དབྱང་སྐོར་གཟིགས་ཚོགས་ཆུང་བཅུ་པའི་ཚུར་ལན་བསམ་འཆར་་དག་ཐེར་ལས་དོན་འགོ་ཁྲིད་ཚོགས་ཆུང་གཞུང་དོན་ཁང་གིས་ཚོགས་འདུ་ཐེངས་དང་པོ་འཚོགས་ནས་ཧྲུའུ་ཅི་ཝུའུ་དབྱིང་ཅེས་ཀྲུང་དབྱང་སྐོར་གཟིགས་ཚོགས་ཆུང་བཅུ་པས་ཚུར་ལན་སྤྲད་པའི་བསམ་འཆར་དག་ཐེར་ལས་དོན་དོན་འཁྱོལ་བྱེད་པའི་སྐུལ་སློང་ཚོགས་ཆེན་ཐོག་གནང་བའི་གསུང་བཤད་ཀྱི་དགོངས་དོན་དང་སྐོར་གཟིགས་དག་ཐེར་ལས་དོན་འགོ་ཁྲིད་ཚོགས་ཆུང་འཛུགས་རྒྱུའི་སྐོར་གྱི་ལྗོངས་ཏང་ཨུད་ཀྱི་བརྡ་ཐོ་བརྒྱུད་བསྒྲགས་དང་སློབ་སྦྱོང་བྱས་པ་དང་འབྲེལ་འགོ་ཁྲིད་ཚོགས་ཆུང་གཞུང་དོན་ཁང་གི་ལས་དོན་ཞིབ་སྲོལ་དང་། ཆེད་དོན་དག་ཐེར་ཚོགས་ཆུང་གི་ལས་དོན་སྒྲིག་སྲོལ། སྐོར་གཟིགས་དག་ཐེར་ལས་དོན་གྱི་ཞིབ་ཕྲའི་བཀོད་སྒྲིག་བཅས་ལ་གྲོས་ཞིབ་བྱས་ནས་གྲོས་འཆམ་བྱུང་བ་རེད། ལྗོངས་ཏང་ཨུད་ཀྱི་རྒྱུན་ལས་ཧྲུའུ་ཅི་གཞོན་པ་ཀྲུང་དབྱང་སྐོར་གཟིགས་ཚོགས་ཆུང་བཅུ་པའི་ཚུར་ལན་བསམ་འཆར་དག་ཐེར་ལས་དོན་འགོ་ཁྲིད་ཚོགས་ཆུང་གཞུང་དོན་ཁང་གི་ཀྲུའུ་རེན་ཀྲོང་ཡན་གྱིས་ཚོགས་འདུ་གཙོ་སྐྱོང་གནང་བ་དང་འབྲེལ་གསུང་བཤད་ཀྱང་གནང་ཞིང་། ཁོང་གིས་སྐོར་གཟིགས་ལས་དོན་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་རྣམ་བཤད་གལ་ཆེན་དང་སྐབས་བཅུ་དགུ་པའི་ཀྲུང་དབྱང་གི་རེས་སྐོར་དྲུག་པའི་སྐོར་གཟིགས་གནས་ཚུལ་སྙན་སེང་གསན་སྐབས་གནང་བའི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསུང་བཤད་གལ་ཆེན་གྱི་དགོངས་དོན་ལག་བསྟར་གཏིང་ཟབ་དང་། ཧྲུའུ་ཅི་ཝུའུ་དབྱིང་ཅེས་ལྗོངས་ཏང་ཨུད་ཀྱིས་ཀྲུང་དབྱང་སྐོར་གཟིགས་ཚོགས་ཆུང་བཅུ་པས་ཚུར་ལན་སྤྲད་པའི་བསམ་འཆར་དག་ཐེར་ལས་དོན་དོན་འཁྱོལ་བྱེད་པའི་སྐུལ་སློང་ཚོགས་ཆེན་ཐོག་གནང་བའི་གསུང་བཤད་ཀྱི་དགོངས་དོན་ལག་ལེན་མཐའ་གཅིག་ཏུ་བསྟར་ནས་ཕྱོགས་བསྡུས་མཐུན་སྦྱོར་བྱེད་ཤུགས་ཆེ་རུ་གཏོང་བ་དང་། སྤྱི་འདོམས་བཀོད་གཏོང་ཡག་པོ་བྱེད་པ། མཛུབ་ཁྲིད་དང་སྐུལ་འདེད་གཏོང་རྒྱུར་མཐོང་ཆེན་བྱེད་པ། ལྟ་སྐུལ་ཞིབ་བཤེར་ལ་དམ་འཛིན་ནན་པོ་བྱེད་པ་བཅས་བྱས་ཏེ་དུས་བཀག་བཞིན་སྤུས་ཚད་མཐོ་བའི་ངང་སྐོར་གཟིགས་དག་ཐེར་ལས་དོན་ལེགས་སྒྲུབ་ཡོང་བར་འགན་ལེན་བྱེད་དགོས་པའི་ནན་བཤད་གནང་བ་རེད།
ལྗོངས་ཏང་ཨུད་ཀྱི་རྒྱུན་ཨུ་དྲུང་ཆེ་ལིའུ་ཅང་ཚོགས་འདུར་ཞུགས་ཡོད་པ་རེད།
ཚོགས་འདུའི་ཐོག་ཁྱོན་ཡོངས་ཀྱི་འདུ་ཤེས་ལ་བརྟེན་ནས་དག་ཐེར་ཇུས་གཞིར་སྤྱི་འདོམས་དང་། ལས་འགན་ལ་སྤྱི་འདོམས། འཕེལ་ཚུལ་ལ་སྤྱི་འདོམས་བཅས་བྱས་ནས་གཏན་འཁེལ་གྱི་དུས་བཀག་ནང་དག་ཐེར་གྱི་དམིགས་ཚད་ལས་འགན་ལེགས་གྲུབ་ཡོང་བའི་འགན་ལེན་མཐའ་གཅིག་ཏུ་བྱེད་དགོས་པ་དང་། ཁྱོན་ཡོངས་ཀྱི་བླང་བྱ་དེ་ཆེད་དམིགས་རང་བཞིན་གྱི་འགན་འཁྲི་དང་ཟུང་འབྲེལ་དམ་ཟབ་བྱས་ཏེ། ཁྱབ་ཁོངས་འདི་ག་དང་ལས་རིགས་འདི་ག་དང་འབྲེལ་བ་ཡོད་པའི་མངོན་གསལ་དོད་པའི་གནད་དོན་ལ་དམིགས་ནས། གནད་སྨིན་ཤུགས་འདོན་དང་གནད་འཁེལ་བཅོས་སྐྱོང་བྱེད་དགོས། སྐོར་གཟིགས་དག་ཐེར་གཞུང་དོན་ཁང་དང་ཆེད་དོན་དག་ཐེར་ཚོགས་ཆུང་གི་ནུས་པ་ལེགས་པར་བཏོན་ནས་སྐོར་གཟིགས་དག་ཐེར་ལས་དོན་དེ་ལྟེ་བའི་ལས་དོན་ཁྲོད་ཁྱབ་པ་དང་གཙོ་གནད་ལས་དོན་དང་ཟུང་འབྲེལ་ཡག་པོ་བྱས་ཏེ་སྤྱི་འདོམས་ཞིབ་འཇུག་དང་། གཞི་གཅིག་བཅོས་སྒྲིག ཁྱོན་ཡོངས་ལ་སྐུལ་འདེད། ཁྱོན་ཡོངས་ལ་བཅོས་སྒྲིག་བཅས་ཐུབ་པར་བྱེད་དགོས། སྐོར་གཟིགས་དག་ཐེར་གྱི་ཕུགས་ཕན་ལམ་སྲོལ་འཛུགས་པ་དང་འཐུས་སྒོ་ཚང་དུ་བཏང་ནས་ལས་ཀའི་ལག་ལེན་ཁྲོད་སྤྱོད་འཐུས་ཀྱི་ཕན་ནུས་ལྡན་པའི་བྱ་ཐབས་དང་བསགས་པའི་ཉམས་མྱོང་བཟང་པོ་དེ་སྲིད་ཇུས་དང་ལམ་ལུགས་སུ་རིམ་འཕར་རྒྱུན་ཆགས་ཡོང་བ་དང་རྩ་ལག་མཉམ་བཅོས་གཏིང་ཟབ་བྱས་ཏེ་མུ་མཐུད་ཕན་ནུས་འདོན་ཐུབ་པར་བྱེད་དགོས་ཞེས་བསྟན་པ་རེད།
ཚོགས་འདུའི་ཐོག་དགོངས་དོན་ལ་གོ་བ་མཐར་ཕྱིན་པ་བླངས་ཏེ་ཞབས་ཞུའི་ཆུ་ཚད་མཐོ་རུ་བཏང་ནས་སྐོར་གཟིགས་དག་ཐེར་ལས་དོན་སྒྲུབ་པའི་ནུས་པ་དང་ཆུ་ཚད་འགན་སྲུང་བྱེད་དགོས་པ་དང་། སྒྲིག་ཁྲིམས་དང་སྒྲིག་ལམ་ནན་དུ་བཏང་ནས་སྒྲིག་ཁྲིམས་སྔོན་ལ་འཇོག་པ་དང་སྒྲིག་ཁྲིམས་ལག་ལེན་ནན་ཏན་མཐའ་གཅིག་ཏུ་བསྟར་དགོས་པ། ལས་ཀའི་འགན་འཁྲི་ནན་དུ་བཏང་ནས“བོད་སྐྱོད་པ་རྒན་གྲས་ཀྱི་སྙིང་སྟོབས”དང་། “ལམ་གཉིས་ཀྱི་སྙིང་སྟོབས”དེ་བཞིན་ཁུང་ཧྥན་སེན་གྱི་སྙིང་སྟོབས་བཅས་དར་སྤེལ་ཏན་ཏིག་གཏོང་དགོས་པ། ལྟ་སྐུལ་ཞིབ་བཤེར་ལ་དམ་འཛིན་ནན་པོ་དང་། ལྟ་སྐུལ་གྱི་བྱེད་ཐབས་གསར་གཏོད། ལྟ་སྐུལ་གྱི་ཕན་འབྲས་མཐོ་རུ་གཏོང་བ་བཅས་བྱེད་དགོས་པ། ཚོགས་པའི་མཐུན་སྦྱོར་ལ་མཐོང་ཆེན་དང་གོ་རིམ་ལྡན་པའི་ངང་ལས་དོན་ཁག་དོན་འཁྱོལ་ཡོང་བར་སྐུལ་འདེད་བཏང་ནས་སྐོར་གཟིགས་དག་ཐེར་ལས་དོན་ལ་ཕན་འབྲས་དེ་བས་ཆེ་བ་དང་དོན་དངོས་དང་མཐུན་པའི་འགན་ལེན་བྱས་ཏེ་ལག་ལེན་དང་། ལོ་རྒྱུས། མི་དམངས་བཅས་ཀྱི་ཞིབ་བཤེར་གྱི་ཉམས་སད་ཐེག་ཐུབ་པའི་འགན་ལེན་བྱས་ཏེ། སྐོར་གཟིཌ་དག་ཐེར་ལས་དོན་ལ་ཕན་འབྲས་དངོས་ཐོན་པའི་ཐོག་ནས་ཏང་ཀྲུང་དབྱང་དང་ལྗོངས་ཏང་ཨུད་བློ་ཡིད་ཚིམས་པའི་རྒྱུགས་ལན་ཞིག་འབུལ་རྒྱུར་འབད་བརྩོན་བྱེད་དགོས་པའི་བླང་བྱ་བཏོན་པ་རེད།