ཚེས་23ཉིན། རྒྱལ་སྲིད་སྤྱི་ཁྱབ་ཁང་ཞིང་པ་ལས་མིའི་གླ་ཆ་འགྱངས་ཆད་རྩ་བཅོས་ལས་དོན་འགོ་ཁྲིད་ཚོགས་ཆུང་གིས་གླ་ཆ་འགྱངས་ཆད་རྩ་བཅོས་ཀྱི་དགུན་དུས་ཀྱི་ཆེད་དོན་བྱ་སྤྱོད་སྐུལ་སློང་དང་བཀོད་སྒྲིག་གི་བརྙན་འཕྲིན་ཁ་པར་ཚོགས་འདུ་འཚོགས་ཤིང་། ལྗོངས་ཏང་ཨུད་ཀྱི་རྒྱུན་ཨུ་དང་། རང་སྐྱོང་ལྗོངས་ཀྱི་རྒྱུན་ལས་ཀྲུའུ་ཞི་གཞོན་པ། རང་སྐྱོང་ལྗོངས་ཀྱི་ཞིང་པ་ལས་མིའི་གླ་ཆ་འགྱངས་ཆད་རྩ་བཅོས་ལས་དོན་འགོ་ཁྲིད་ཚོགས་ཆུང་གི་ཙུའུ་ཀྲང་བཅས་ཡིན་པའི་ཅང་ཅེ་བོད་ལྗོངས་ཡན་ལག་ཚོགས་རའི་ཚོགས་འདུར་ཞུགས་པ་རེད།
ཅང་ཅེས་གནད་དོན་ཕྱོགས་སྟོན་དུ་འཛིན་རྒྱུ་མཐའ་འཁྱོངས་ཀྱིས་དམིགས་ཚད་ལ་དམ་པོར་དམིགས་ནས་གླ་ཆ་འགྱངས་ཆད་ཀྱི་འཕྲལ་སྡོམ་འཁོར་རྒྱུག་མ་དངུལ་དང་། ཞིང་པ་ལས་མིའི་གླ་ཆའི་ཁག་ཐེག་མ་དངུལ། ཞིང་པ་ལས་མིའི་རང་མིང་འགོད་ལམ། གླ་ཆའི་ཆེད་སྤྱོད་རྩིས་ཕྲ་དོ་དམ་སོགས་ཀྱི་བྱ་ཐབས་ཁག་ཕྱོགས་ཡོངས་ནས་དོན་འཁྱོལ་བྱས་ཏེ། ཚོགས་སྤྱིའི་རང་བཞིན་གྱི་དོན་རྐྱེན་དང་ཚབས་ཆེའི་གྱོད་གཞི་ཐོན་རྒྱུ་གཏན་འགོག་མཐའ་གཅིག་ཏུ་བྱེད་དགོས། སྡེ་ཚན་གྱི་མཐུན་སྦྱོར་ལམ་སྲོལ་ལ་ཤུགས་སྣོན་རྒྱག་པ་དང་། ཁྲིམས་ལྟར་ཞིབ་བཤེར་ཐག་གཅོད་དང་མིང་ཐོ་ནག་པོའི་ལམ་ལུགས་དོ་དམ་ལས་དོན་ལ་ཤུགས་སྣོན་རྒྱག་པ། གླ་ཆ་འགྱངས་ཆད་ཀྱི་ཁྲིམས་འགལ་བྱེད་སྤྱོད་ཚབས་ཆེན་ཡོངས་བསྒྲགས་དང་དམར་རྗེན་དུ་འདོན་ཤུགས་ཆེ་རུ་གཏོང་བ། ཐར་པར་གཏན་ནས་མི་གཏོང་བ། “གཙང་བཤེར་གཉིས”བཅས་བྱས་ནས་ཞིང་པ་ལས་མིའི་ཁྲིམས་མཐུན་ཁེ་དབང་འགན་ལེན་བྱེད་དགོས། རྩ་འཛུགས་ཀྱི་འགོ་ཁྲིད་ལ་ཤུགས་སྣོན་རྒྱག་པ་དང་རིམ་པ་བཞིན་འགན་འཁྲི་ནན་དུ་བཏང་སྟེ་གླ་ཆ་འགྱངས་ཆད་རྩ་བཅོས་ལས་དོན་དེ་མིག་སྔའི་གཙོ་གནད་ལས་འགན་དུ་བརྩིས་ནས་འགན་འཁྲི་ཧུར་ཐག་འཁུར་བ་དང་བྱས་རྗེས་འཇོག་པ་དང་། འགན་འཁྲི་བདའ་འདེད་ནན་པོ་གཏོང་བ། གླ་ཆ་འགྱངས་ཆད་ཀྱི་འགལ་ཟླ་ནུས་ཤུགས་ཡོད་རྒུས་སེལ་བ། ཀྲུང་དབྱང་དང་རང་སྐྱོང་ལྗོངས་ཀྱི་བཀོད་སྒྲིག་བླང་བྱ་ཁག་དོན་ཐོག་ཏུ་འཁྱོལ་བ་བཅས་བྱས་ཏེ་ངལ་རྩོལ་པ་དང་གླ་ཕོགས་དབར་གྱི་འབྲེལ་བ་ཞི་མཐུན་དང་སྤྱི་ཚོགས་ཀྱི་སྤྱི་ཡོངས་བརྟན་ལྷིང་ཡོང་རྒྱུར་སྐུལ་འདེད་གཏོང་དགོས་པའི་བླང་བྱ་བཏོན་གནང་བ་རེད།