ཟླ་8ཚེས་29ཉིན་གྱི་སྔ་དྲོ། རང་ལྗོངས་ཀྱིས་ལྗང་མདོག་བཟོ་ལས་ཀྱི་ཆེད་དམིགས་སྐུལ་སྤེལ་ཚོགས་ཆུང་གི་ཆེད་དོན་ཚོགས་འདུ་འཚོགས་ཏེ་ཟླ་དང་པོ་ནས་བདུན་པ་བར་གྱི་བཟོ་ལས་ཀྱི་དཔལ་འབྱོར་འཁོར་སྐྱོད་བྱེད་ཚུལ་ཉན་པ་དང་གོམ་སྟབས་རྗེས་མའི་ལས་དོན་ལ་ཞིབ་འཇུག་བཀོད་སྒྲིག་བྱས་ནས《ལྗོངས་ཡོངས་ཀྱི་ཞིང་འབྲོག་ཐོན་རྫས་ལས་སྣོན་ཕྱོགས་སྒྱུར་རིམ་སྤོར་གྱི་ལོ་གསུམ་གྱི་བྱ་སྤྱོད་ཇུས་གཞི(2020ལོ་ནས་2022ལོ་བར)》ལ་གྲོས་ཞིབ་བྱས་པ་རེད།

ལྗོངས་ཏང་ཨུད་ཀྱི་རྒྱུན་ཨུ་དང་། རང་སྐྱོང་ལྗོངས་ཀྱི་རྒྱུན་ལས་ཀྲུའུ་ཞི་གཞོན་པ། ལྗང་མདོག་བཟོ་ལས་ཆེད་དམིགས་སྐུལ་སྤེལ་ཚོགས་ཆུང་གི་ཙུའུ་ཀྲང་ཅང་ཅེ་ཚོགས་འདུར་ཕེབས་པ་དང་འབྲེལ་གསུང་བཤད་ཀྱང་གནང་བ་རེད། རང་སྐྱོང་ལྗོངས་ཀྱི་ཀྲུའུ་ཞི་གཞོན་པ་ལྗང་མདོག་བཟོ་ལས་ཀྱི་ཆེད་དམིགས་སྐུལ་སྤེལ་ཚོགས་ཆུང་གི་ཙུའུ་ཀྲང་གཞོན་པ་དབང་ཧའེ་ཀྲོའུ་ཡིས་ཚོགས་འདུ་གཙོ་སྐྱོང་གནང་བ་རེད།

ཅང་ཅེས་བླང་བྱ་བཏོན་དོན། ཐོན་ཁུངས་ཀྱི་ལེགས་ཆར་བརྟེན་ནས་ཁྱད་ལྡན་ཐོན་ལས་ལ་དམ་འཛིན་བྱེད་རྒྱུ་མངོན་གསལ་དོད་པོ་ཡོང་བ་བྱེད་པ་དང་། ཞིང་འབྲོག་ཐོན་རྫས་སོགས་ཀྱི་དམངས་ཕྱུག་ཐོན་ལས་སྔར་བས་ཡག་པོ་སྒྲུབ་པ་དང་སྟོབས་ཆེར་གཏོང་བ། ལྗང་མདོག་གཏེར་ཐོན་ལས་རིགས་དང་། ནུས་རྒྱུ། ཨར་སྐྲུན་རྒྱུ་ཆ། རང་བྱུང་འཐུང་ཆུ་སོགས་གཙོ་གནད་རྣམ་གྲངས་དང་གཙོ་གནད་ཁ་ཕྱོགས་ཐོག་ནས་འཕར་གཞི་གསར་པ་སྔོག་འདོན་བྱེད་དགོས། ཐོན་ལས་ཀྱི་རྨང་གཞི་བརྟན་དུ་བཏང་ནས་གླིང་་ཁུལ་གྱི་འཕེལ་རྒྱས་ལ་དམ་འཛིན་བྱེད་པ་དང་། ལྷ་སའི་དཔལ་འབྱོར་གསར་སྤེལ་ཁུལ་གྱི་སྣེ་ཁྲིད་ནུས་པ་འདོན་སྤེལ་གང་ལེགས་བྱེད་པ། མཚོ་བོད་བཟོ་ལས་གླིང་གི་སྐུལ་སྤེལ་ནུས་པ་ཧ་ཅང་ཆེ་རུ་གཏོང་བ། ས་གནས་ཁག་གི་གླིང་ཁུལ་གྱི་ཐོན་ལས་དཔལ་འབྱོར་ཟམ་མི་ཆད་པར་སྟོབས་ཆེར་གཏོང་བ། གླིང་ཁུལ་གྱི་ཐོན་ལས་ཚོགས་པ་ཏན་ཏིག་ཆགས་པ་བཅས་བྱེད་དགོས། འགན་འཁྲི་དཔྱད་ཞིབ་ལམ་སྲོལ་ལ་ཤུགས་སྣོན་བརྒྱབ་ནས་རྣམ་གྲངས་དམིགས་སར་འཁྱོལ་བར་དམ་འཛིན་མངོན་གསལ་དོད་པོ་ཡོང་བ་བྱེད་པ་དང་། རྣམ་གྲངས་ཀྱི་གསལ་ཐོ་འགྲེམ་པ། རང་སྐྱོང་ལྗོངས་དང་ས་ཁུལ་རིམ་པའི་འགན་འཁྲི་ནན་དུ་གཏོང་བ། ལས་ཡུན་ཁ་གསལ་བཟོ་བ། ལས་དོན་གྱི་འཕེལ་རིམ་དང་དཔྱད་ཞིབ་ལ་དམ་འཛིན་བྱེད་དགོས། ཐོན་ཁུངས་བསྡུ་སྒྲིལ་བྱེད་པ་དང་། མཁོ་སྤྲོད་འཁོར་འབྲེལ་དང་ཐོན་ལས་འཁོར་འབྲེལ་འཐུས་སྒོ་ཚང་དུ་གཏོང་བ། ཁྲོམ་རར་དམ་འཛིན་བྱས་ནས་རྒྱ་སྐྱེད་མངོན་གསལ་དོད་པོ་ཡོང་བ་བཅས་བྱེད་དགོས། ཁྲོམ་རའི་ཁོར་ཡུག་བཟང་པོ་ཧུར་ཐག་གཏོད་པ་དང་། ཁེ་ལས་ལ་ཁྲོམ་རའི་འདུ་ཤེས་ཟབ་ཏུ་གཏོང་རྒྱུར་ཁྲིད་སྟོན་བྱེད་པ། དྲ་ཐོག་དང་དྲ་ཕྱིའི་ལས་སྟེགས་གང་ལེགས་སྤྱོད་པ་བཅས་བྱས་ཏེ་བྲིན་ཚོང་ཐབས་ལམ་ཟམ་མི་ཆད་པར་ཡངས་སུ་གཏོང་དགོས། ཁྲོམ་རའི་བྱེད་པོ་དང་ཟུང་འབྲེལ་དམ་ཟབ་བྱས་ཏེ་ཞབས་ཞུར་དམ་འཛིན་བྱེད་ཤུགས་ཆེ་རུ་གཏོང་རྒྱུ་མངོན་གསལ་དོད་པོ་ཡོང་བ་བྱེད་པ་དང་། དངུལ་རྩ་དང་། ཟོག་འགྲེམས། གླིང་ཁུལ་སོགས་ཀྱི་ལེ་ལག་ཚང་བའི་སྒྲིག་བཀོད་དང་ནུས་པའི་ཞབས་ཞུ་ཟམ་མི་ཆད་པར་འཐུས་སྒོ་ཚང་དུ་གཏོང་བ། རོགས་སྐྱོར་སྲིད་ཇུས་གང་ལེགས་སྤྱོད་པ་བཅས་བྱས་ཏེ་རང་ལྗོངས་ཀྱི་བཟོ་ལས་དང་ཁེ་ལས་ལྗང་མདོག་དང་སྐྱོན་བྲལ་སྒོ་ནས་འཕེལ་རྒྱས་འགྲོ་རྒྱུར་སྐུལ་འདེད་གཏོང་དགོས།