ཚེས་10ཉིན་གྱི་སྔ་དྲོ། ལྗོངས་ཏང་ཨུད་ཀྱི་ཧྲུའུ་ཅི་གཞོན་པ་རང་སྐྱོང་ལྗོངས་ཀྱི་རྒྱུན་ལས་ཀྲུའུ་ཞི་གཞོན་པ་ཀྲོང་ཡན་གྱིས་བོད་ལྗོངས་ཡན་ལག་ཚོགས་རར་དྲ་སྦྲེལ་ལས་སྟེགས་བརྒྱུད་སྤྲིན་ཚོམ་གྱི་2020ལོའི་ཀྲུང་གོའི་སྤུས་རྟགས་ཉིན་མོའི་བྱེད་སྒོའི་འགོ་ཚུགས་མཛད་སྒོར་ཞུགས་ཏེ། དྲ་ཐོག་ནས“སའི་གོ་ལའི་སྣེ་གསུམ་པའི·བོད་ལྗོངས་སྤྲིན་ཚོམ་འགྲེམས་ཁང”ལ་ལྟ་སྐོར་གནང་བ་དང་སྦྲགས་གསུང་བཤད་ཀྱང་གནང་བ་རེད།
རིམས་ནད་ཀྱིས་རྐྱེན་པས་2020ལོའི་ཀྲུང་གོའི་སྤུས་རྟགས་ཉིན་མོའི་བྱེད་སྒོ་དྲ་ཐོག་ཏུ་ཐེངས་དང་པོ་སྤེལ་བ་རེད། ཀྲོང་ཡན་གྱིས་བྱེད་སྒོའི་འགོ་ཚུགས་མཛད་སྒོར་ཞུགས་ཏེ། དྲ་ཐོག་ནས“སའི་གོ་ལའི་སྣེ་གསུམ་པའི·བོད་ལྗོངས་སྤྲིན་ཚོམ་འགྲེམས་ཁང”ལ་ལྟ་སྐོར་གནང་བ་དང་སྦྲགས་གསུང་བཤད་ཀྱང་གནང་བ་རེད།
ཀྲོང་ཡན་གྱིས་སྤུས་རྟགས་ནི་འཛད་སྤྱོད་པ་དང་ཐོན་སྐྱེད་བྱེདམཁན་གྱིས་ཐུན་མོང་ཐོག་དོན་གཉེར་བྱ་གཞི་ཞིག་ཡིན་ལ། འགྲན་རྩོད་ནུས་པ་དང་ཐོན་སྐྱེད་ནུས་པ་མཚོན་པ་ཞིག་ཀྱང་ཡིན། སྤུས་རྟགས་གཏོད་པའི་ལས་དོན་ཡག་པོ་སྒྲུབ་པར། གཅིག་ནས“སའི་གོ་ལའི་གླིང་སྣེ་གསུམ་པའི”སྤུས་རྟགས་དང་སྲོལ་རྒྱུན་གྱི་གྲགས་ཅན་སྤུས་རྟགས་ཧུར་ཐག་གཏོད་པ་ཟུང་འབྲེལ་མཐའ་འཁྱོངས་བྱས་ནས་ཁྱད་ལྡན་ཐོན་ཁུངས་གཅིག་སྡུད་ཀྱིས“སའི་གོ་ལའི་གླིང་སྣེ་གསུམ་པའི”སྤུས་རྟགས་གཏོད་དགོས་པ་མ་ཟད། དེ་གཅིག་འདོམས་སུ་བྱས་ནས་རང་ལྗོངས་ཀྱི་སྲོལ་རྒྱུན་གྱི་གྲགས་ཅན་སྤུས་རྟགས་མ་ཉམས་གོང་འཕེལ་གཏོང་དགོས། གཉིས་ནས་སྤུས་རྟགས་གཏོད་པ་དང་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བ་ཟུང་འབྲེལ་མཐའ་འཁྱོངས་ཀྱིས་རང་ལྗོངས་ཀྱི་ཐོན་རྫས“སྤུས་དག་དང་གསར་ཤོས”ཀྱི་སྤུས་ཚད་མཐོ་རུ་དང་། གཟུགས་བརྙན་འཆར་འགོད། དྲིལ་བསྒྲགས་ཁྱབ་གདལ་བཅས་ཀྱི་ལས་དོན་ཡག་པོ་སྒྲུབ་པ་དང་གྲགས་ཅན་སྤུས་རྟགས་འབོར་ཆེན་བཏོད་ནས་རང་ལྗོངས་ཀྱི་སྤུས་ཚད་མཐོ་བའི་འཕེལ་རྒྱས་ལ་འདེགས་སྐྱོར་གལ་ཆེན་མཁོ་འདོན་བྱེད་དགོས། གསུམ་ནས་དྲ་ཐོག་ནས་བྲིན་ཚོང་དང་དྲ་ཕྱིར་ཁྱབ་གདལ་གཏོང་བ་ཟུང་འབྲེལ་མཐའ་འཁྱོངས་བྱས་ཏེ། ཁེ་ལས་ཀྱིས་དྲ་ཕྱིའི་སྲོལ་རྒྱུན་གྱི་ཁྱབ་གདལ་གཏོང་སྟངས་ཡག་པོ་སྤྱོད་པ་དང་ཆབས་ཅིག གྲངས་འཛིན་དཔལ་འབྱོར་ལས་བྱུང་བའི་གོ་སྐབས་གསར་པ་དམ་འཛིན་བྱས་ཏེ་དྲ་ཐོག་གི་བྲིན་ཚོང་བརྒྱུད་ནུས་ཤུགས་ཡོད་རྒུས་སྤུས་རྟགས་རྒྱལ་ཡོངས་དང་ཐ་ན་འཛམ་གླིང་ལ་ཁྱབ་གདལ་གཏོང་དགོས། བཞི་ནས་བྱེད་སྒོ་ཁྱབ་གདལ་དང་ཡུན་རིང་འཛུགས་གཏོད་ཟུང་འབྲེལ་མཐའ་འཁྱོངས་ཀྱིས་ཀྲུང་གོའི་སྤུས་རྟགས་ཉིན་མོའི་བྱེད་སྒོ་གོ་སྐབས་སུ་བྱས་ཏེ། ཉམས་མྱོང་ཕྱོགས་སྡོམ་དང་ཤུགས་རྐྱེན་ཐེབས་རྒྱ་ཆེ་རུ་བཏང་ནས་རྒྱུན་རྣམ་ཅན་གྱི་འཛུགས་གཏོད་བརྒྱུད་བོད་ཀྱི་སྤུས་རྟགས་རྒྱ་སྟོབས་ཆེ་རུ་གཏོང་དགོས། ལྔ་ནས་སྲིད་གཞུང་གི་ཁྲིད་སྟོན་སྐུལ་འདེད་དང་ཁེ་ལས་ཀྱི་བྱེད་པོ་འཛུགས་གཏོད་ཟུང་འབྲེལ་ལ་མཐའ་འཁྱོངས་ཀྱིས་རིམ་ཁག་སྲིད་གཞུང་གིས་ཚད་མཐོའི་མཐོང་ཆེན་བྱས་ཏེ་ལས་སྟེགས་གཏོད་པ་དང་ཞབས་འདེགས་ལེགས་པར་ཞུས་ཏེ་ཁེ་ལས་ལ་སྤུས་རྟགས་གཏོད་པ་དང་ཁྲོམ་ར་རྒྱ་སྐྱེད་གཏོང་སའི་ཁོར་ཡུག་ཡག་པོ་ཞིག་མཁོ་འདོན་བྱེད་དགོས་པ་དང་། ཁེ་ལས་ཀྱིས་སྤུས་རྟགས་ཀྱི་འདུ་ཤེས་བརྟན་པོ་འཛུགས་པ་དང་། བཟོ་བོའི་སྙིང་རུས་ལ་བརྟེན་ནས་རྩེ་གྲ་གཏོད་པ་དང་སྤུས་ཚད་ལ་བརྟེན་ནས་སྤུས་རྟགས་གཏོད་པ། སྤུས་རྟགས་ཀྱི་ཆུ་ཚད་དང་སྤུས་ཚད་མཐོ་པོར་དངོས་འབྲེལ་སླེབས་པ་བཅས་བྱས་ནས་ཁྲོམ་རར་འགྲན་རྩོད་བྱེད་རིང་སྤུས་རྟགས་མ་ཉམས་གོང་འཕེལ་ཡོང་བར་བྱེད་དགོས་ཞེས་ནན་བཤད་གནང་བ་རེད།