ཉེ་ཆར་ལྗོངས་ཏང་ཨུད་ཀྱི་ཧྲུའུ་ཅི་གཞོན་པ་དང་། རང་སྐྱོང་ལྗོངས་ཀྱི་རྒྱུན་ལས་ཀྲུའུ་ཞི་གཞོན་པ། རང་སྐྱོང་ལྗོངས་ལྕགས་ལམ་འཛུགས་སྐྲུན་འགོ་ཁྲིད་ཚོགས་ཆུང་གི་ཙུའུ་ཀྲང་བཅས་ཡིན་པའི་ཀྲོང་ཡན་གྱིས་བརྙན་འཕྲིན་ཁ་པར་ཚོགས་འདུ་གཙོ་སྐྱོང་གནང་བ་དང་། རང་སྐྱོང་ལྗོངས་ཀྱི་2019ལོའི་ལྕགས་ལམ་འཛུགས་སྐྲུན་ལས་དོན་གྱི་སྙན་སེང་གསན་པ། 《རང་སྐྱོང་ལྗོངས་ཀྱི་ལྕགས་ལམ་འཛུགས་སྐྲུན་གྱི་2020ལོའི་ལས་ཀའི་གཙོ་གནད》ལ་གྲོས་ཞིབ་གནང་བ་མ་ཟད། འདི་ལོའི་གཙོ་གནད་ལས་དོན་བཀོད་སྒྲིག་ཀྱང་གནང་བ་རེད།
ཚོགས་འདུའི་ཐོག་རང་སྐྱོང་ལྗོངས་ལྕགས་ལམ་འཛུགས་སྐྲུན་འགོ་ཁྲིད་ཚོགས་ཆུང་དང་། ས་ཁུལ་དང་གྲོང་ཁྱེར། ཚན་པ་ཁག་བཅས་ཀྱིས་2019ལོའི་ལས་དོན་ལ་ཐོབ་པའི་གྲུབ་འབྲས་ལ་ཁས་ལེན་གང་ལེགས་གནང་བ་མ་ཟད། ལྕགས་ལམ་ནི་མི་དམངས་ཀྱི་འཚོ་བ་ལེགས་སུ་གཏོང་བའི་འཕར་རྩ་ཆེན་པོ་ཞིག་དང་། མཐའ་མཚམས་སྟོབས་ཆེར་དང་སྲ་བརྟན་དུ་གཏོང་བའི་འགྱུར་མེད་ཀྱི་རྒྱབ་རྟེན་ཞིག
རང་ལྗོངས“རྒྱུད་གཅིག་ལམ་གཅིག”གི་བཀོད་པ་དང་མཉམ་འདྲེས་ཡོང་བའི་འགྲིམ་འགྲུལ་གྱི་འགན་ལེན་ཞིག་བཅས་རེད། 2020ལོར་ལྗོངས་ཡོངས་ཀྱི་ལྕགས་ལམ་འཛུགས་སྐྲུན་རྣམ་གྲངས་ཁག་མཐའ་མའི་གདོང་མཆོང་དང་འགག་སྒྲོལ་དུས་མཚམས་སུ་སླེབས་པས། འགོ་ཁྲིད་ཚོགས་ཆུང་གི་ཁོངས་མིའི་ཚན་པ་ཁག་དང་། ས་ཁུལ་དང་གྲོང་ཁྱེར་ཁག སྡེ་ཚན་ཁག་བཅས་ཀྱིས་ལྕགས་ལམ་འཛུགས་སྐྲུན་ལ་སྐུལ་འདེད་གཏོང་བའི་ལས་འགན་སྒྲུབ་སེམས་དང་དགོས་གཏུགས་ཀྱི་བསམ་པ་ཆེ་རུ་ཏན་ཏིག་བཏང་ནས་ནུས་ཤུཌ་ཡོད་རྒུས་ལྕགས་ལམ་འཛུཌ་སྐྲུན་གྱི་འབྲེལ་ཡོད་ལས་དོན་ཡག་པོ་སྒྲུབ་དགོས་ཞེས་གསུངས་པ་རེད།
ཚོགས་འདུའི་ཐོག་འགོ་ཁྲིད་ཚོགས་ཆུང་གཞུང་ལས་ཁང་གིས་མཐུན་སྦྱོར་ལྟ་སྐུལ་ལ་ཤུགས་སྣོན་བརྒྱབ་སྟེ“རང་ཉིད་གཙོ་བོར་འཛིན་པ”མཐའ་འཁྱོངས་དང་། བཀོད་གཏོང་ལྟེ་གནས་ཀྱི་ནུས་པ་ཡག་པོ་འདོན་པ། སྤྱི་འདོམས་མཛུབ་ཁྲིད་དང་མཐུན་སྦྱོར་སྐུལ་འདེད་ཀྱི་ལས་དོན་ཡག་པོ་སྒྲུབ་པ། དོན་གནད་གལ་ཆེན་དུས་ཐོག་ཏུ་སྙན་སེང་ཞུ་བའི་ལམ་ལུགས་འཐུས་སྒོ་ཚང་དུ་གཏོང་བ་བཅས་བྱས་ནས་ཚད་གཞི་མཐོ་བ་དང་། སྤུས་ཚད་མཐོ་བ། ལས་ཕྱོད་ཆེ་བ་བཅས་ཀྱི་སྒོ་ནས་ལྕགས་ལམ་འཛུགས་སྐྲུན་གྱི་ལས་དོན་ཁག་ལ་སྐུལ་འདེད་གཏོང་དགོས། རིམ་པ་ཁག་དང་སྡེ་ཚན་ཁག་གིས་དུས་ཚོད་སྐར་ཆ་ཙམ་ཡང་བརྩོན་ལེན་བྱས་ནས་འདི་ལོའི་ལས་འགན་གཙོ་བོ་དོན་འཁྱོལ་ལ་དམ་འཛིན་ཡག་པོ་བྱེད་དགོས་པའི་ནན་བཤད་གནང་བ་རེད།