ཚེས་10ཉིན་གྱི་ཕྱི་དྲོ་རྒྱལ་ཡོངས་སྲིད་གྲོས་ཀྱི་ཀྲུའུ་ཞི་གཞོན་པ་རང་སྐྱོང་ལྗོངས་སྲིད་གྲོས་ཀྱི་ཀྲུའུ་ཞི་འཕགས་པ་ལྷ་དགེ་ལེགས་རྣམ་རྒྱལ་གྱི་བཀའ་མངགས་ལྟར་རང་སྐྱོང་ལྗོངས་སྲིད་གྲོས་ཀྱི་ཏང་ཙུའི་ཧྲུའུ་ཅི་གཞོན་པ་ཀྲུའུ་ཞི་གཞོན་པ་ཀའོ་དབྱང་གིས་སྲིད་གྲོས་བོད་རང་སྐྱོང་ལྗོངས་སྐབས་བཅུ་གཅིག་པའི་ཨུ་ཡོན་ལྷན་ཁང་གི་ཀྲུའུ་ཞིའི་ཚོགས་འདུ་ཐེངས་27པ་གཙོ་སྐྱོང་གནང་བ་རེད།
རང་སྐྱོང་ལྗོངས་སྲིད་གྲོས་ཀྱི་ཀྲུའུ་ཞི་གཞོན་པ་སྒྲུབ་ཁང་ཐུབ་བསྟན་མཁས་གྲུབ་དང་། ང་ཕོད་འཇིགས་ཡོན། ཝང་ཡ་ལིན། སྒྲོལ་དཀར། ལེ་ཀུའེ་ལུང་། བཀྲ་ཤིས་ཟླ་བ་བཅས་ཕེབས་པ་རེད།
ཚོགས་འདུའི་ཐོག《བོད་རང་སྐྱོང་ལྗོངས་སྲིད་གྲོས་ཀྱི་2020ལོའི་ལམ་ལུགས་འཛུགས་སྐྱོང་ལས་དོན་གྱི་འཆར་གཞི》དང་། 《སྲིད་གྲོས་བོད་རང་སྐྱོང་ལྗོངས་སྐབས་བཅུ་གཅིག་པའི་ཨུ་ཡོན་ལྷན་ཁང་གི་ཚོགས་འདུ་ཐེངས་གསུམ་པའི་ཐོག་འཆར་འགོད་གཏན་འབེབས་བྱས་པའི་གཙོ་གནད་གྲོས་གཞིའི་དཀར་ཆག》《རིག་གནས་ལོ་རྒྱུས་ཀྱི་ཀྲོན་ཡོན་བཀོད་སྒྲིག་བྱ་རྒྱུའི་སྐོར་གྱི་སྲིད་གྲོས་བོད་རང་སྐྱོང་ལྗོངས་ཨུ་ཡོན་ལྷན་ཁང་གི་ཇུས་གཞི》 《2020ལོ་ནས་2022ལོ་བར་གྱི་རིག་གནས་ལོ་རྒྱུས་ཡིག་ཚགས་དཔྱད་གཞིའི་རྒྱུ་ཆ་རྩོམ་སྒྲིག་དང་དཔེ་སྐྲུན་ལས་དོན་གྱི་འཆར་གཞི》 《སྲིད་གྲོས་ཨུ་ཡོན་གྱི་བྱེད་པོའི་ནུས་པ་འདོན་སྤེལ་བྱ་རྒྱུའི་སྐོར་གྱི་སྲིད་གྲོས་བོད་རང་སྐྱོང་ལྗོངས་ཨུ་ཡོན་ལྷན་ཁང་གི་བྱེད་ཐབས(ཚོད་ལྟའི་ལག་བསྟར)》བཅས་ལ་གྲོས་ཞིབ་བྱས་པ་དང་འབྲེལ་རྩ་དོན་ཐོག་ནས་གྲོས་འཆམ་བྱུང་བ་རེད།
ཚོགས་འདུའི་ཐོག་རིག་གནས་ལོ་རྒྱུས་ཡིག་ཚགས་དཔྱད་གཞིའི་རྒྱུ་ཆའི་ལས་དོན་ནི་མི་དམངས་སྲིད་གྲོས་ཀྱི་ཁྱད་ཆོས་ཆེ་ཤོས་ལྡན་པའི་རྨང་གཞིའི་རང་བཞིན་གྱི་ལས་དོན་ཞིག་རེད། རིག་གནས་ལོ་རྒྱུས་ཡིག་ཚགས་དཔྱད་གཞིའི་རྒྱུ་ཆའི་ལས་དོན་སྤེལ་ཐབས་གསར་གཏོད་བྱེད་པ་དང་། རིག་གནས་ལོ་རྒྱུས་ཡིག་ཚགས་དཔྱད་གཞིའི་རྒྱུ་ཆ་འཚོལ་བསྡུའི་ཐབས་ལམ་རྒྱ་ཆེར་གཏོང་བ། རིག་གནས་ལོ་རྒྱུས་ཡིག་ཚགས་དཔྱད་གཞིའི་རྒྱུ་ཆའི་ལས་དོན་པའི་དཔུང་ཁག་སྟོབས་ཆེར་གཏོང་བ་བཅས་བྱས་ནས་བོད་ཀྱི་སྲིད་གྲོས་ཀྱི་རིག་གནས་ལོ་རྒྱུས་ཡིག་ཚགས་དཔྱད་གཞིའི་རྒྱུ་ཆའི་ལས་དོན་ཟམ་མི་ཆད་པར་གསར་གཏོད་དང་འཕེལ་རྒྱས་ཡོང་བར་སྐུལ་འདེད་གཏོང་དགོས་ཞེས་བསྟན་ཡོད།
ཚོགས་འདུའི་ཐོག་རྒྱ་ཆེའི་སྲིད་གྲོས་ཨུ་ཡོན་གྱིས་བྱེད་པོའི་ནུས་པ་འདོན་སྤེལ་བྱས་ཏེ་མི་དམངས་སྲིད་གྲོས་འདི་ཉིད་ཏང་གིས་ལས་དོན་ཁག་ལ་འགོ་ཁྲིད་མཐའ་འཁྱོངས་དང་ཤུགས་སྣོན་རྒྱག་སའི་གཡུལ་ས་གལ་ཆེན་དང་། ཏང་གི་གསར་གཏོད་རིགས་པའི་གཞུང་ལུགས་ལ་བརྟེན་ནས་མི་རིགས་ཁག་དང་ལས་རིགས་ཁག་གི་འཐུས་མིར་མཐུན་སྒྲིལ་དང་། སློབ་གསོ། ཁྲིད་སྟོན་བཅས་བྱེད་སའི་ལས་སྟེགས་གལ་ཆེན། ཐུན་མོང་གི་བསམ་བློ་ཆབ་སྲིད་ཀྱི་རྨང་གཞིའི་འགལ་ཟླ་སེལ་བ་དང་ཐུན་མོང་གི་ངོས་འཛིན་གཅིག་སྡུད་བྱེད་པའི་ཐབས་ལམ་གལ་ཆེན་བཅས་སུ་འགྱུར་བ་བྱས་ནས་མི་དམངས་སྲིད་གྲོས་ཀྱི་ལམ་ལུགས་ཀྱི་ལེགས་ཆ་དེ་མཐའ་སྐྱོང་བོད་བརྟན་གྱི་ནུས་ཕྱོད་དུ་འགྱུར་བ་བྱེད་དགོས་ཞེས་ནན་བཤད་བྱས་པ་རེད།