ཟླ་4ཚེས་10ཉིན་ལྗོངས་ཐད་གཏོགས་འཐབ་ཕྱོགས་གཅིག་གྱུར་ཁོངས་གཏོགས་ཀྱི་2020ལོ་འཁོར་གྱི་ཕྱོགས་ཡོངས་ནས་ཏང་ནན་པོས་སྐྱོང་བ་དང་ཏང་སྲོལ་སྲིད་གཙང་འཛུགས་སྐྱོང་གི་ལས་དོན་ཚོགས་འདུ་འཚོགས་པ་རེད། ལྗོངས་ཏང་ཨུད་ཀྱི་རྒྱུན་ཨུ་དང་། ལྗོངས་སྲིད་གྲོས་ཏང་ཙུའི་ཧྲུའུ་ཅི་གཞོན་པ་དང་ཀྲུའུ་ཞི་གཞོན་པ། ལྗོངས་ཏང་ཨུད་འཐབ་ཕྱོགས་གཅིག་གྱུར་པུའི་པུའུ་ཀྲང་བཅས་ཡིན་པའི་བསྟན་ཁོ་ཚོགས་འདུར་ཕེབས་ཤིང་། ཁོང་གིས་ཏང་གི་ཆབ་སྲིད་འཛུགས་སྐྱོང་སྤྱི་འདོམས་སུ་བྱེད་པ་དང་ ཏང་ལ་དོ་དམ་དང་ཏང་བཅོས་སྐྱོང་གི་ཆབ་སྲིད་ཀྱི་འགན་འཁྲི་མཐའ་གཅིག་ཏུ་འཁུར་ནས་ཏང་འཛུགས་སྐྱོང་གི་ལེགས་ཆ་འཐབ་ཕྱོགས་གཅིག་གྱུར་ལས་དོན་གྱི་ནུས་ཕྱོད་ལ་དངོས་འབྲེལ་འགྱུར་བ་བྱེད་དགོས་པའི་ནན་བཤད་གནང་བ་རེད།
བསྟན་ཁོས་ལྗོངས་ཐད་གཏོགས་འཐབ་ཕྱོགས་གཅིག་གྱུར་ཁོངས་གཏོགས་སྡེ་ཚན་གྱི་ཏང་ཨུད(ཏང་ཙུའུ)ཀྱིས་ཏང་འཛུགས་སྐྱོང་ལ་མཐོང་ཆེན་དང་དཔུང་ཁག་ལ་སྣེ་ཁྲིད་བྱེད་རྒྱུ་དེ་ཆབ་སྲིད་ཀྱི་ལས་འགན་ལ་བརྩིས་ནས་དམ་འཛིན་ནན་པོ་དང་ཏན་ཏིག་བྱས་ནས་ཆབ་སྲིད་འཛུགས་སྐྱོང་དང་། རིགས་པའི་གཞུང་ལུགས་ཀྱི་དྲག་ཆས་སྤྲོས་པ། ཆབ་སྲིད་ཀྱི་འགན་འཁྲི་འཁུར་བ། སློབ་གསོ་དོ་དམ་བཅས་བྱེད་ཤུགས་ཆེ་རུ་བཏང་སྟེ་ཏང་ལ་ལྷག་བསམ་རྣམ་དག་དང་ཆབ་སྲིད་ཀྱི་བྱང་ཚད་མཐོ་རུ་གཏོང་དགོས། ཏང་ཀྲུང་དབྱང་དང་ལྗོངས་ཏང་ཨུད་ཀྱིས་གཏན་འཁེལ་བྱས་པའི་ཏང་སྲོལ་སྲིད་གཙང་འཛུགས་སྐྱོང་དང་རུལ་སུངས་ལ་ངོ་རྒོལ་བྱེད་པའི་འཐབ་རྩོད་ཀྱི་ལས་འགན་ཁག་ཐོག་མཐར་བར་གསུམ་དུ་དོན་ཐོག་ཏུ་འཁྱོལ་བ་བྱས་ཏེ། རྒྱུན་སྲིང་ལྷོད་མེད་ཀྱི་སྒོ་ནས་ཏང་སྲོལ་སྲིད་གཙང་སློབ་གསོ་དང་། “སྤྱོད་ཚུལ་བཞི”བཅོས་སྐྱོང་། སྒྲིག་བསྟར་ལྟ་སྐུལ་དང་འགན་འཁྲི་བདའ་འདེད་བཅས་ཀྱི་ལས་དོན་ཁག་ལ་དམ་འཛིན་ཡག་པོ་བྱེད་དགོས། “ཐོག་མའི་བསམ་འདུན་མ་བརྗེད་པར་འགན་འཁྲི་བློ་ལ་བརྟན་པོར་འཆང་བའི”བརྗོད་དོན་གཙོ་བོའི་སློབ་གསོའི་གྲུབ་འབྲས་སྲ་བརྟན་དུ་གཏོང་བ་དང་། “གཞི་རིམ་འཛུགས་སྐྱོང་དང་། རྨང་གཞིའི་ལས་དོན། གཞི་རྩའི་རྩལ་ནུས་བཅས་གསུམ་དང་ཤུགས་སྣོན་གསུམ”གྱི་སློབ་གསོའི་བྱེད་སྒོ་རྒྱུན་ཆད་མེད་པར་གཏིང་ཟབ་སྤེལ་ཏེ་ལྗོངས་ཐད་གཏོགས་འཐབ་ཕྱོགས་གཅིག་གྱུར་ཁོངས་གཏོགས་ཀྱི་ཏང་འཛུགས་སྐྱོང་དང་ཏང་སྲོལ་སྲིད་གཙང་འཛུགས་སྐྱོང་གི་ཆུ་ཚད་རྒྱུན་ཆད་མེད་པར་མཐོ་རུ་གཏོང་དགོས་པའི་ནན་བཤད་གནང་བ་རེད།
ཚོགས་འདུའི་ཐོག བསྟན་ཁོས་ལྗོངས་ཐད་གཏོགས་འཐབ་ཕྱོགས་གཅིག་གྱུར་ཁོངས་གཏོགས་སྡེ་ཚན་གྱི་ཏང་ཨུད(ཏང་ཙུའུ)ཧྲུའུ་ཅི་དང་2020ལོའི་ཏང་འཛུགས་སྐྱོང་དང་ཏང་སྲོལ་སྲིད་གཙང་འཛུགས་སྐྱོང་གི་དམིགས་ཚད་འགན་འཁྲིའི་ཡི་གེར་མིང་རྟགས་བཀོད་པ་དང་། ལྗོངས་ཐད་གཏོགས་འཐབ་ཕྱོགས་གཅིག་གྱུར་ཁོངས་གཏོགས་སྡེ་ཚན་གྱི་ཏང་ཨུད(ཏང་ཙུའུ)ཀྱི་འགན་འཁུར་བ་དང་སྤེལ་རེས་ཀྱང་གནང་བ་རེད།