བོད་རང་སྐྱོང་ལྗོངས་མི་དམངས་འཐུས་ཚོགས་སྐབས་བཅུ་གཅིག་པའི་རྒྱུན་ལས་ཨུ་ཡོན་ལྷན་ཁང་གི་ཚོགས་འདུ་ཐེངས་ལྔ་པས་རང་སྐྱོང་ལྗོངས་མི་དམངས་སྲིད་གཞུང་གི་མངགས་བཅོལ་བཞིན་རང་སྐྱོང་ལྗོངས་ནོར་སྲིད་ཐིང་གི་ཐིང་ཀྲང་ལང་ཕུའུ་ཁོན་གྱིས་གནང་བའི《2017ལོའི་རིམ་པ་འདི་གའི་ནོར་སྲིད་ངེས་རྩིས་སྐོར་གྱི་བོད་རང་སྐྱོང་ལྗོངས་མི་དམངས་སྲིད་གཞུང་གི་སྙན་ཞུ》དང་། རང་སྐྱོང་ལྗོངས་མི་དམངས་སྲིད་གཞུང་གི་མངགས་བཅོལ་བཞིན་རང་སྐྱོང་ལྗོངས་རྩིས་བཤེར་ཐིང་གི་ཐིང་ཀྲང་སུན་ཤིའུ་ཁྲུན་གྱིས་གནང་བའི《2017ལོའི་རིམ་པ་འདི་གའི་ནོར་སྲིད་སྔོན་རྩིས་ལག་བསྟར་དང་ནོར་སྲིད་ཀྱི་གཏོང་ཡོང་གཞན་དག་གི་རྩིས་བཤེར་ལས་དོན་སྐོར་གྱི་བོད་རང་སྐྱོང་ལྗོངས་མི་དམངས་སྲིད་གཞུང་གི་སྙན་ཞུ》གསན་པ་རེད། ཚོགས་འདུའི་ཐོག་རྩིས་བཤེར་ལས་དོན་གྱི་སྙན་ཞུ་དང་ཟུང་འབྲེལ་བྱས་ནས་2017ལོའི་རིམ་པ་འདི་གའི་ངེས་རྩིས(འཆར་ཟིན)དང་ངེས་རྩིས་སྙན་ཞུར་ཞིབ་བཤེར་བྱས་པ་རེད། ཚོགས་འདུའི་ཐོག་རང་སྐྱོང་ལྗོངས་མི་དམངས་འཐུས་མི་ཚོགས་ཆེན་ནོར་སྲིད་དཔལ་འབྱོར་ཨུ་ཡོན་ལྷན་ཁང་གིས་བཏོན་པའི་ཞིབ་བཤེར་བྱས་འབྲས་སྙན་ཞུར་མོས་མཐུན་བྱས་པ་དང་སྦྲགས་རང་སྐྱོང་ལྗོངས་ཀྱི་2017ལོའི་རིམ་པ་འདི་གའི་ནོར་སྲིད་ངེས་རྩིས་ལ་ཆོག་མཆན་སྤྲོད་རྒྱུའི་གཏན་འཁེལ་བྱས་པ་རེད།