དྲ་རྒྱའི་བརྒྱུད་སྤེལ་གྱི་མ་ལག་འཛུགས་སྐྲུན། གསར་འགྱུར་དྲ་ཚིགས་གལ་ཆེན་དང་དྲ་རྒྱའི་རླུང་འཕྲིན་བརྙན་འཕྲིན་སོགས་གཙོ་རྒྱུན་དྲ་ཚིགས་ཁྱུ་ཚོགས་ཀྱི་བརྒྱུད་སྤེལ་ནུས་པ་ཆེ་རུ་གཏོང་རྒྱུར་ཤུགས་སྣོན་བརྒྱབ་སྟེ་སྒུལ་བདེའི་དྲ་སྦྲེལ་གྱི“བརྒྱུད་སྤེལ་ཕྲན་ཚེགས”ཀྱི་མ་ལག་འཕེལ་རྒྱས་གཏོང་དགོས། ཆ་རྐྱེན་དང་མཐུན་པའི་དྲ་ཚིགས་ཁྲོམ་རར་འདོན་རྒྱུར་རྒྱབ་སྐྱོར་བྱེད་དགོས།
གསར་དར་དྲ་རྒྱའི་སྨྱན་སྦྱོར་སྐྱེད་སྲིང་། གཙོ་རྒྱུན་སྨྱན་སྦྱོར་ཁོངས་གཏོགས་ཀྱི་དྲ་ཚིགས་དང་སྨྱན་སྦྱོར་གསར་པ་ཁག་གཅིག་ལ་རོགས་སྐྱོར་བྱས་ཏེ་གཞུང་ཁོངས་རྒྱུ་ནོར་དང་སྤྱི་ཚོགས་སྟོབས་ཤུགས་ཀྱིས་དྲ་སྦྲེལ་རིག་གནས་ཁྱབ་ཁོངས་ལ་མ་འཇོག་བྱ་རྒྱུར་ཁྲིད་སྟོན་དང་ཚད་ལྡན་ཤུགས་ཆེན་ཡོང་བ་བྱེད་དགོས།
དྲ་རྒྱའི་ནང་དོན་འཛུགས་སྐྱོང་འདུ་འགོད། ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ཀྱི་རིགས་པའི་གཞུང་ལུགས་གསར་གཏོད་ཀྱི་གྲུབ་འབྲས་དང་ཕུལ་བྱུང་གི་བསམ་པའི་རིག་གནས་ཀྱི་ཐོན་རྫས་ཁག་དྲ་ཐོག་ཏུ་བརྒྱུད་སྤེལ་ལ་སྐུལ་འདེད་གཏོང་བ་དང་། དྲ་རྒྱའི་རིག་གནས་ཀྱི་ཐོན་རྫས་གསར་གཏོད་དང་ཐོན་སྐྱེད་བྱ་རྒྱུར་སྐུལ་འདེད་གཏོང་བ། གཙོ་རྒྱུན་སྨྱན་སྦྱོར་གྱིས་དྲ་རྒྱའི་ཆ་འཕྲིན་ཞབས་ཞུ་སྤེལ་རྒྱུར་སྐུལ་འདེད་གཏོང་བ་བཅས་བྱེད་དགོས།
སྲིད་དོན་སྨྱན་སྦྱོར་གསར་པ་འཛུགས་སྐྲུན། ཏང་སྲིད་ལས་ཁུངས་དང་། མི་དམངས་ཚོགས་པ། གཞུང་ཁོངས་ཁེ་ལས་དང་བྱ་གཞག་ཚན་པ་སོགས་ཀྱིས་སྲིད་དོན་གྱི་སྨྱན་སྦྱོར་གསར་པའི་རྩིས་ཨང་ངམ་སྤྱོད་སྣེ་བཟོས་ཏེ་ནང་དོན་འཛུགས་སྐྲུན་དང་དོ་དམ་ལ་ཤུགས་སྣོན་རྒྱག་དགོས།
དྲ་རྒྱའི་དཔྱད་གཏམ་མ་ལག་འཛུགས་སྐྲུན། དྲ་རྒྱའི་དཔྱད་གཏམ་གྱི་རིགས་པའི་གཞུང་ལུགས་དང་། རིག་ཚན། བསླབ་གཞི་བཅས་ཀྱི་འཐབ་ས་འཛུགས་སྐྲུན་ལ་སྐུལ་འདེད་བཏང་སྟེ་དྲ་རྒྱའི་བརྩམས་ཆོས་གསར་གཏོད་ཀྱི་སྤུས་ཚད་མཐོ་རུ་གཏོང་དགོས།
དྲ་རྒྱའི་ཤེས་ལྡན་པའི་དཔུང་ཁག་འཛུགས་སྐྱོང་། དྲ་རྒྱའི་རིག་གནས་ཀྱི་གཙོ་གནད་ཁྱབ་ཁོངས་ཀྱི་ཤེས་ལྡན་པ་གསོ་སྐྱོང་འཆར་གཞི་བཟོས་ཏེ་དྲ་རྒྱའི་འཕྲལ་སྡོམ་དང་། དྲ་རྒྱའི་དྲིལ་བསྒྲགས། དྲ་རྒྱའི་དཔྱད་གཏམ། དྲ་རྒྱའི་དོ་དམ། དྲ་རྒྱའི་ཞིབ་འཇུག་སོགས་ཐད་ཀྱི་དཔུང་ཁག་འཛུགས་སྐྱོང་ལ་ཤུགས་སྣོན་བརྒྱབ་ནས་དྲ་དམངས་ཀྱི་ཧུར་སེམས་འཕེལ་རྒྱུར་ཁྲིད་སྟོན་བྱེད་དགོས།