2016ལོར་བློ་མཐུན་ཞིས་ཅིན་ཕིང་གིས་སྲོག་ཤིང་གནང་བའི་ཏང་ཀྲུང་དབྱང་གི་སྲ་ཞིང་བརྟན་པའི་འགོ་ཁྲིད་འོག་རང་སྐྱོང་ལྗོངས་ཏང་ཨུད་དང་སྲིད་གཞུང་གིས་ལྗོངས་ཡོངས་ཀྱི་རྒྱ་ཆེའི་ཏང་ཡོན་ལས་བྱེད་པ་དང་མི་རིགས་ཁག་གི་མང་ཚོགས་ལ་མཐུན་སྒྲིལ་དང་སྣེ་ཁྲིད་བྱས་ཏེ་སྤྱི་ཁྱབ་ཧྲུའུ་ཅི་ཞིས་ཅིན་ཕིང་གི་གསུང་བཤད་གལ་ཆེན་རབ་དང་རིམ་པའི་དགོངས་དོན་དང་རྒྱལ་སྲིད་སྐྱོང་ལུགས་ཀྱི་འདུ་ཤེས་གསར་པ་དང་།　བསམ་ཕྱོགས་གསར་པ།　འཐབ་ཇུས་གསར་པ་བཅས་ལག་བསྟར་དོན་འཁྱོལ་གཏིང་ཟབ་བྱེད་པ་དང་།　སྤྱི་ཁྱབ་ཧྲུའུ་ཅི་ཞིས་ཅིན་ཕིང་གི་རྒྱལ་ཁབ་སྐྱོང་བར་ངེས་པར་དུ་མཐའ་མཚམས་སྐྱོང་དགོས་པ་དང་མཐའ་མཚམས་སྐྱོང་བར་སྔོན་ལ་བོད་བརྟན་ལྷིང་ཡོང་བ་བྱེད་དགོས་པའི་འཐབ་ཇུས་ཀྱི་དགོངས་པ་གལ་ཆེན་དང་མི་རིགས་མཐུན་སྒྲིལ་ལ་ཤུགས་སྣོན་བརྒྱབ་ནས་མཛེས་སྡུག་ལྡན་པའི་བོད་ལྗོངས་འཛུགས་སྐྲུན་བྱེད་དགོས་པའི་མཛུབ་སྟོན་གལ་ཆེན་ལག་བསྟར་དོན་འཁྱོལ་བྱེད་པ།　བརྟན་ལྷིང་སྲུང་སྐྱོང་བྱ་རྒྱུ་དེ་ཟློག་མེད་ཀྱི་ལས་འགན་དང་འགན་འཁྲི་ཨང་དང་པོར་བརྩིས་ནས་སྤྱི་ཚོགས་བཅོས་སྐྱོང་མ་ལག་གསར་གཏོད་དང་སྤྱི་ཚོགས་བཅོས་སྐྱོང་ནུས་པ་ཆེ་རུ་གཏོང་རྒྱུར་དམིགས་པ།　བརྟན་ལྷིང་སྲུང་སྐྱོང་གི་བྱ་ཐབས་ཁག་བཅུ་དོན་འཁྱོལ་གཏིང་ཟབ་བྱ་རྒྱུ་དེ་དམ་འཛིན་བྱ་གཞིར་བརྩི་བ།　དུས་མཚམས་གལ་ཆེན་དང་ཚོར་སྣང་སྐྱེན་པའི་དུས་ཚིགས་ཀྱི་དུས་བདེ་ཞི་མཐུན་དང་བདེ་འཇགས་གོ་རིམ་ལྡན་པ་ཡོང་བའི་འགན་ལེན་བྱ་རྒྱུ་དམིགས་ཚད་དུ་བྱེད་པ།　ཆེད་དོན་བཅོས་སྐྱོང་དེ་ཁོངས་གཏོགས་བཅོས་སྐྱོང་་དང་།　ཕྱོགས་བསྡུས་བཅོས་སྐྱོང་།　ཁྲིམས་ལྟར་བཅོས་སྐྱོང་།　འབྱུང་ཁུངས་བཅོས་སྐྱོང་བཅས་དང་ཟུང་འབྲེལ་བྱ་རྒྱུ་མཐའ་འཁྱོངས་བྱེད་པ།　གྲོང་གསེབ་ཀྱི་ཞབས་ཞུ་དོ་དམ་ལམ་སྲོལ་དང་།　གྲོང་ཁྱེར་དང་གྲོང་རྡལ་གྱི་ཞབས་ཞུ་དོ་དམ་ལམ་སྲོལ།　དགོན་སྡེའི་ཞབས་ཞུའི་དོ་དམ་ལམ་སྲོལ།　སྤྱི་ཚོགས་ཀྱི་ཞབས་ཞུ་དོ་དམ་ལམ་སྲོལ་བཅས་རྒྱུན་ཆད་མེད་པར་འཐུས་ཚང་དུ་གཏོང་བ།　“སྔོན་ཐོན་གཉིས་ལྡན་དུད་སྦྲེལ”གཏོད་པའི་བྱེད་སྒོ་རྒྱུན་ཆད་མེད་པར་གཏིང་ཟབ་ཏུ་གཏོང་བ།　དུས་བདེའི་བོད་ལྗོངས་འཛུགས་སྐྲུན་ཁྱོན་ཡོངས་ནས་གཏིང་ཟབ་ཏུ་གཏོང་བ།　སྤྱི་ཚོགས་བདེ་འཇགས་ཀྱི་སྔོན་འགོག་ཚོད་འཛིན་མ་ལག་འཐུས་སྒོ་ཚང་དུ་གཏོང་བ།　སྤྱི་ཚོགས་བདེ་འཇགས་ཧྲིལ་པོའི་སྔོན་འགོག་ཚོད་འཛིན་ནུས་པ་ཆེ་རུ་གཏོང་བ་བཅས་བྱས་ཏེ་ལྗོངས་ཡོངས་ཀྱི་སྤྱི་ཚོགས་ཁྱོན་ཡོངས་རྒྱུན་མཐུད་ཞི་མཐུན་བརྟན་ལྷིང་ཡོང་བའི་འགན་ལེན་དང་དཔལ་འབྱོར་མགྱོགས་མྱུར་སྐྱོན་བྲལ་ངང་འཕེལ་རྒྱས་འགྲོ་རྒྱུར་སྐུལ་འདེད་གཏོང་ཆེད་འགན་ལེན་ནུས་ལྡན་བྱས་པས།　ལྗོངས་ཡོངས་ཀྱི་མང་ཚོགས་ཀྱི་བདེ་འཇགས་ཚོར་སེམས་དང་ལྷ་ས་གྲོང་ཁྱེར་གྱི་སྤྱི་པའི་བདེ་འཇགས་ཚོར་སེམས་མུ་མཐུད་ཞིང་ཆེན་དང་།　རང་སྐྱོང་ལྗོངས།　གྲོང་ཁྱེར་བཅས་ཁག་དང་རྒྱལ་ཡོངས་ཀྱི་གྲོང་ཁྱེར་གཙོ་བོའི་མདུན་གྲལ་དུ་མུ་མཐུད་གནས་པ་དང་ཕྱོགས་བསྡུས་བཅོས་སྐྱོང་ལས་དོན་གྱི་ཕུལ་བྱུང་ས་ཁུལ་དང་གྲོང་ཁྱེར་དང་།　སྔོན་ཐོན་མཉམ་སྡེབ།　སྔོན་ཐོན་ལས་དོན་པ་བཅས་ཁག་གཅིག་ཐོན་ཡོད་པ་རེད།

སྔོན་ཐོན་ལ་གཟེངས་བསྟོད་དང་སེམས་ཤུགས་འཕེལ་བ་བྱས་ཏེ་རིམ་ཁག་ཏང་སྲིད་རྩ་འཛུགས་དང་མི་རིགས་ཁག་གི་ལས་བྱེད་མང་ཚོགས་ཕྱོགས་བསྡུས་བཅོས་སྐྱོང་ལས་དོན་ནང་མཉམ་དུ་ཞུགས་པའི་འགན་འཁྲིའི་སེམས་པ་དང་ལས་འགན་སྒྲུབ་སེམས་སྔར་བས་ཆེ་རུ་གཏོང་ཆེད།　རང་སྐྱོང་ལྗོངས་ཏང་ཨུད་དང་སྲིད་གཞུང་གིས་ལྷ་ས་གྲོང་ཁྱེར་དང་།　ལྷོ་ཁ་གྲོང་ཁྱེར།　ཆབ་མདོ་གྲོང་ཁྱེར་བཅས་ལ“2016ལོ་འཁོར་གྱི་ལྗོངས་ཡོངས་ཀྱི་སྤྱི་ཚོགས་བདེ་འཇགས་ཕྱོགས་བསྡུས་བཅོས་སྐྱོང་གི་ཕུལ་བྱུང་ས་ཁུལ་དང་གྲོང་ཁྱེར”གྱི་གཟི་བརྗིད་མཚན་སྙན་གནང་རྒྱུ་དང་།　རང་སྐྱོང་ལྗོངས་དྲ་འཕྲིན་གཞུང་ལས་ཁང་འཕྲལ་སྡོམ་བཀོད་འདོམས་ལྟེ་གནས་སོགས་ཚན་པ་དང་སྡེ་ཚན་10ལ“2016ལོ་འཁོར་གྱི་ལྗོངས་ཡོངས་ཀྱི་སྤྱི་ཚོགས་བདེ་འཇགས་ཕྱོགས་བསྡུས་བཅོས་སྐྱོང་གི་སྔོན་ཐོན་མཉམ་སྡེབ”ཀྱི་གཟི་བརྗིད་མཚན་སྙན་གནང་རྒྱུ།　བསོད་ནམས་ཚེ་རིང་སོགས་བློ་མཐུན་25ལ“2016ལོའི་ལོ་འཁོར་གྱི་ལྗོངས་ཡོངས་ཀྱི་སྤྱི་ཚོགས་བདེ་འཇགས་ཕྱོགས་བསྡུས་བཅོས་སྐྱོང་གི་སྔོན་ཐོན་ལས་དོན་པའི”གཟི་བརྗིད་མཚན་སྙན་གནང་རྒྱུ་བཅས་ཀྱི་གཏན་འབེབས་བྱས་པ་དང་།　གཟེངས་བསྟོད་ཐོབ་པའི་ས་ཁུལ་དང་གྲོང་ཁྱེར་དང་།　མཉམ་སྡེབ།　མི་སྒེར་བཅས་ཀྱིས་གཟི་བརྗིད་ལ་གཅེས་འཛིན་དང་ང་རྒྱལ་དང་འཚབ་འཚུབ་སྤང་ནས་དེ་བས་ཆེ་བའི་སྤྲོ་སེམས་དང་།　དེ་བས་དངོས་སྒྲུབ་ཀྱི་ལས་དོན།　དེ་བས་མངོན་གསལ་དོད་པའི་ལས་རྗེས་བཅས་ཀྱི་ཐོག་ནས་ལྗོངས་ཡོངས་ཀྱི་ཕྱོགས་བསྡུས་བཅོས་སྐྱོང་ལས་དོན་འཕེལ་རྒྱས་གཏིང་ཟབ་འགྲོ་རྒྱུར་སྐུལ་འདེད་གཏོང་དགོས་པའི་ཐུགས་རེ་གནང་བ་རེད།

རང་སྐྱོང་ལྗོངས་ཏང་ཨུད་དང་སྲིད་གཞུང་གིས་འབོད་སྐུལ་གནང་དོན།　ལྗོངས་ཡོངས་ཀྱི་རིམ་ཁག་ཏང་སྲིད་རྩ་འཛུགས་དང་མི་རིགས་ཁག་གི་ལས་བྱེད་མང་ཚོགས་ལ་གཟེངས་བསྟོད་ཐོབ་པའི་ཕུལ་བྱུང་ས་ཁུལ་དང་གྲོང་ཁྱེར་དང་།　སྔོན་ཐོན་མཉམ་སྡེབ།　སྔོན་ཐོན་ལས་དོན་པ་བཅས་མིག་དཔེར་འཛིན་ནས་བློ་མཐུན་ཞིས་ཅིན་ཕིང་གིས་སྲོག་ཤིང་གནང་བའི་ཏང་ཀྲུང་དབྱང་གི་མཐའ་འཁོར་དུ་མཐུན་སྒྲིལ་དེ་བས་དམ་ཟབ་བྱས་ཏེ།　ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ཀྱི་རླབས་ཆེན་དར་ཆ་མཐོན་པོར་སྒྲེང་བ་དང་།　ཏང་གི་ཚོགས་ཆེན་བཅོ་བརྒྱད་པ་དང་།　སྐབས་བཅོ་བརྒྱད་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པ་དང་།　བཞི་པ།　ལྔ་པ།　དྲུག་པ།　ཀྲུང་དབྱང་གི་བོད་ཀྱི་ལས་དོན་སྐོར་གྱི་བཞུགས་མོལ་ཚོགས་འདུ་ཐེངས་དྲུག་པ་བཅས་ཀྱི་དགོངས་དོན་ཁྱོན་ཡོངས་ནས་ལག་བསྟར་དོན་འཁྱོལ་བྱེད་པ།　ཏེང་ཞའོ་ཕིང་གི་རིགས་པའི་གཞུང་ལུགས་དང་།　“མཚོན་བྱེད་གསུམ”གྱི་དགོངས་པ་གལ་ཆེན།　ཚན་རིག་དང་མཐུན་པའི་གོང་འཕེལ་ལྟ་བ་བཅས་མཛུབ་ཁྲིད་དུ་བྱེད་པ།　སྤྱི་ཁྱབ་ཧྲུའུ་ཅི་ཞིས་ཅིན་ཕིང་གི་གསུང་བཤད་གལ་ཆེན་རབ་དང་རིམ་པའི་དགོངས་དོན་དང་རྒྱལ་སྲིད་སྐྱོང་ལུགས་ཀྱི་འདུ་ཤེས་གསར་པ་དང་།　བསམ་ཕྱོགས་གསར་པ།　འཐབ་ཇུས་གསར་པ་བཅས་ལག་བསྟར་དོན་འཁྱོལ་གཏིང་ཟབ་བྱེད་པ།　སྤྱི་ཁྱབ་ཧྲུའུ་ཅི་ཞིས་ཅིན་ཕིང་གི་རྒྱལ་ཁབ་སྐྱོང་བར་ངེས་པར་དུ་མཐའ་མཚམས་སྐྱོང་དགོས་པ་དང་།　མཐའ་མཚམས་སྐྱོང་བར་སྔོན་ལ་བོད་བརྟན་ལྷིང་ཡོང་བ་བྱེད་དགོས་པའི་འཐབ་ཇུས་ཀྱི་དགོངས་པ་གལ་ཆེན་དང་།　མི་རིགས་མཐུན་སྒྲིལ་ལ་ཤུགས་སྣོན་རྒྱག་པ་དང་མཛེས་སྡུག་ལྡན་པའི་བོད་ལྗོངས་འཛུགས་སྐྲུན་བྱེད་དགོས་པའི་མཛུབ་སྟོན་གལ་ཆེན་ལག་བསྟར་དོན་འཁྱོལ་བྱེད་པ།　རང་སྐྱོང་ལྗོངས་ཏང་གི་འཐུས་མི་ཚོགས་ཆེན་ཐེངས་དགུ་པའི་དགོངས་དོན་ལག་བསྟར་དོན་འཁྱོལ་བྱེད་པ།　“ཕྱོགས་ལྔ་གཞི་གཅིག”གི་སྤྱིའི་བཀོད་སྒྲིག་དང“ཕྱོགས་ཡོངས་བཞིའི”འཐབ་ཇུས་བཀོད་སྒྲིག་མཐའ་འཁྱོངས་བྱེད་པ།　ཏང་གི་བོད་སྐྱོང་མཛད་ཇུས་མཐའ་འཁྱོངས་བྱེད་པ།　ཁྲིམས་བཞིན་བོད་སྐྱོང་དང་།　དམངས་ཕྱུག་བོད་དར།　ཡུན་རིང་བོད་སྐྲུན།　མི་སེམས་གཅིག་སྒྲིལ།　རྨང་གཞི་བརྟན་གཏོང་བཅས་ཀྱི་རྩ་དོན་གལ་ཆེན་མཐའ་འཁྱོངས་བྱེད་པ།　རྒྱལ་ཁབ་བཅོས་སྐྱོང་མ་ལག་དང་བཅོས་སྐྱོང་ནུས་པ་དེང་རབས་ཅན་ལ་སྐུལ་འདེད་གཏོང་བའི་སྤྱིའི་བླང་བྱ་ཁོང་དུ་ཏན་ཏིག་ཆུད་པ་བྱེད་པ།　དེང་སྐབས་ལ་གཞི་ཚུགས་པ་དང་ཕུགས་ལ་བསམ་བློ་གཏོང་བ།　འདུ་ཤེས་དང་།　ལམ་ལུགས།　ལམ་སྲོལ།　བྱ་ཐབས་བཅས་གསར་གཏོད་བྱ་རྒྱུར་སྐུལ་འདེད་ཧུར་ཐག་གཏོང་བ།　གནད་དོན་ཕྱོགས་སྟོན་དུ་འཛིན་རྒྱུ་མཐའ་འཁྱོངས་བྱེད་པ།　གསར་གཏོད་སྣེ་ཁྲིད་ལ་ཤུགས་སྣོན་རྒྱག་པ།　གྲོང་ཁྱེར་དང་གྲོང་གསེབ་བཅོས་སྐྱོང་འཐུས་ཚང་དུ་གཏོང་བ།　མཉམ་འགོག་མཉམ་བཅོས་བྱེད་པ།　དོ་དམ་ཞབས་ཞུར་ཤུགས་སྣོན་རྒྱག་པ།　འགལ་བ་དང་རྩོད་གཞི་སེལ་བ།　བདེ་འཇགས་ཐོན་སྐྱེད་ལ་ཤུགས་སྣོན་རྒྱག་པ་བཅས་བྱས་ཏེ་སྤྱི་ཚོགས་བཅོས་སྐྱོང་སྤྱི་ཚོགས་ཅན་དང་།　ཁྲིམས་སྐྱོང་ཅན།　རིག་ནུས་ཅན།　ཆེད་ལས་ཅན་བཅས་སུ་འགྱུར་བའི་ཆུ་ཚད་རྒྱུན་ཆད་མེད་པར་མཐོ་རུ་གཏོང་བ་དང་།　མི་རིགས་ཁག་གི་མང་ཚོགས་ཀྱི་བདེ་འཇགས་ཚོར་སེམས་དང་བློ་ཡིད་ཚིམ་ཚད་སྔར་བས་ཆེ་རུ་གཏོང་བ།　ཆུ་ཚད་དེ་བས་མཐོ་བའི་དུས་བདེའི་བོད་ལྗོངས་འཛུགས་སྐྲུན་ཧུར་ཐག་བྱེད་པ་བཅས་བྱས་ཏེ་བོད་འཕེལ་རྒྱས་མྱུར་པོ་དང་།　ཡུན་རིང་བདེ་འཁོད།　ཕྱོགས་ཡོངས་ནས་འབྱོར་འབྲིང་སྤྱི་ཚོགས་སྐྲུན་ཐུབ་པར་སྐུལ་འདེད་གཏོང་ཆེད་དེ་བས་ཞི་མཐུན་བརྟན་ལྷིང་གི་སྤྱི་ཚོགས་ཁོར་ཡུག་གཏོད་དེ་ཕུལ་བྱུང་གི་གྲུབ་འབྲས་ཐོག་ནས་ཏང་གི་ཚོགས་ཆེན་བཅུ་དགུ་པ་རྒྱལ་ཁའི་འཚོག་རྒྱུར་བསུ་བ་ཞུ་དགོས།