ཚེས་12ཉིན་གྱི་ཕྱི་དྲོར་རང་སྐྱོང་ལྗོངས་མི་དམངས་སྲིད་གཞུང་གིས་རྒྱལ་སྲུང་ཚན་རྩལ་བཟོ་ལས་ཅུས་དང་ཀྲུང་གོ་གནམ་གཤིས་ཅུས་དབར་བཞུགས་མོལ་ཚོགས་འདུ་འཚོགས་ཤིང་། རབ་གསལ་ས་ངོས་ལྟ་དཔྱད་ཚད་ལེན་མ་ལག་བོད་ལྗོངས་གཞི་གྲངས་དང་ཉེར་སྤྱོད་ལྟེ་གནས་དངོས་སུ་སྒོ་བྱང་བཀལ་ནས་བཙུགས་པ་རེད།
ལྗོངས་ཏང་ཨུད་ཀྱི་ཧྲུའུ་ཅི་གཞོན་པ་རང་སྐྱོང་ལྗོངས་ཀྱི་ཀྲུའུ་ཞི་བློ་བཟང་རྒྱལ་མཚན་དང་། བཟོ་ལས་དང་ཆ་འཕྲིན་ཅན་པུའི་ཏང་ཙུའུ་ཡི་ཧྲུའུ་ཅི་གཞོན་པ་དང་། པུའུ་ཀྲང་གཞོན་པ། རྒྱལ་སྲུང་ཚན་རྩལ་བཟོ་ལས་ཅུས་ཀྱི་ཅུས་ཀྲང་བཅས་ཡིན་པའི་ཞུས་ཏ་ཀྲེ་དང་། ཀྲུང་གོ་གནམ་གཤིས་ཅུས་ཀྱི་ཏང་ཙུའི་ཧྲུའུ་ཅི་ཅུས་ཀྲང་ཀྲེན་གོ་ཀོང་། ལྗོངས་ཏང་ཨུད་ཀྱི་ཧྲུའུ་ཅི་གཞོན་པ་དང་། རང་སྐྱོང་ལྗོངས་ཀྱི་རྒྱུན་ལས་ཀྲུའུ་ཞི་གཞོན་པ། ལྗོངས་ཏང་ཨུད་སྲིད་ཁྲིམས་ཨུ་ལྷན་གྱི་ཧྲུའུ་ཅི་བཅས་ཡིན་པའི་ཏེང་ཞའོ་ཀང་བཅས་ཀྱིས་འབྱེད་ཕྱོད་མཐོ་བའི་ས་ངོས་ལྟ་དཔྱད་ཚད་ལེན་མ་ལག་བོད་ལྗོངས་ཡན་ལག་ལྟེ་གནས་ཀྱི་ཡོལ་ཁེབས་ཕྱེ་གནང་བ་རེད།
རང་སྐྱོང་ལྗོངས་ཀྱི་ཀྲུའུ་ཞི་གཞོན་པ་རྒྱལ་མཚན་གྱིས་གཙོ་སྐྱོང་གནང་བ་རེད། རང་སྐྱོང་ལྗོངས་ཀྱི་ཀྲུའུ་ཞི་གཞོན་པ་ཝང་ཧའེ་ཀྲོའུ་དང་། བོད་དམག་ཁུལ་ཁང་གི་འགོ་ཁྲིད་ཀུའོ་ཧྥེང་། བོད་ལྗོངས་སྤྱི་བདེ་མཐའ་ཟོན་སྤྱི་ཁྱབ་རུ་ཁག་གི་ཆབ་སྲིད་ཨུ་ཡོན་ཧྥུའུ་ཕུང་བཅས་ཕེབས་ཡོད་པ་རེད།
བློ་བཟང་རྒྱལ་མཚན་གྱིས་རང་སྐྱོང་ལྗོངས་ཏང་ཨུད་དང་སྲིད་གཞུང་དང་། ཧྲུའུ་ཅི་ཁྲེན་ཆོན་གོ་བཅས་ཀྱི་ཚབ་ཞུས་ཏེ་ཞུས་ཏ་ཀྲེ་དང་ཀྲེན་གོ་ཀོང་བཅས་པ་བོད་དུ་རྟོག་ཞིབ་གནང་བར་ཕེབས་པར་སྤྲོ་སེམས་འཁོལ་བའི་དགའ་བསུ་ཞུས་པ་མ་ཟད། རྒྱལ་སྲུང་ཚན་རྩལ་བཟོ་ལས་ཅུས་དང་ཀྲུང་གོ་གནས་གཤིས་ཅུས་ཀྱིས་དུས་ཡུན་རིང་པོར་བོད་ཀྱི་ལས་དོན་ལ་ཐུགས་ཁུར་དང་རྒྱབ་སྐྱོར་གནང་བར་སྙིང་ཐག་པ་ནས་ཐུགས་རྗེ་ཆེའང་ཞུས་པ་རེད།
བློ་བཟང་རྒྱལ་མཚན་གྱིས་རབ་གསལ་ས་ངོས་ལྟ་དཔྱད་ཚད་ལེན་མ་ལག་བོད་ལྗོངས་ཡན་ལག་ལྟེ་གནས་ཀྱི་སྒོ་བྱང་བཀལ་ནས་དངོས་སུ་ཚུགས་པ་ལས་རྒྱལ་སྲུང་ཚན་རྩལ་བཟོ་ལས་ཅུས་དང་ཀྲུང་གོ་གནམ་གཤིས་ཅུས་ཀྱིས་བོད་ཀྱི་ལས་དོན་ལ་མཐོང་ཆེན་དང་རྒྱབ་སྐྱོར་ཤུགས་ཆེན་བྱེད་ལུགས་གང་ལེགས་མངོན་པ་དང་། བོད་ཀྱི་སྲུང་སྐར་རྒྱང་ཚོར་ལས་དོན་ཡང་སྐས་རིམ་གསར་པ་ཞིག་ཏུ་སླེབས་པ་མཚོན་གྱི་ཡོད་ཅིང་། བོད་དུ་བཅོས་སྐྱོང་མ་ལག་དང་བཅོས་སྐྱོང་ནུས་པ་དེང་རབས་ཅན་དུ་འགྱུར་བའི་ཐད་གལ་འགངས་ཧ་ཅང་ཆེ་བའི་ནུས་པ་ལྡན་པ་དང་། བོད་ཀྱི་དཔལ་འབྱོར་དང་སྤྱི་ཚོགས་ལེགས་ལ་མྱུར་བའི་ངང་གོང་འཕེལ་ཡོང་བར་སྐུལ་མ་གཏོང་ཆེད་ཤུགས་རྐྱེན་ཟབ་མོ་ཐེབས་ངེས་རེད་ཅེས་གསུངས།
ཞུས་ཏ་ཀྲེས་རབ་གསལ་ས་ངོས་ལྟ་དཔྱད་ཚད་ལེན་མ་ལག་བོད་ལྗོངས་ཡན་ལག་ལྟེ་གནས་ཀྱི་སྒོ་བྱང་བཀལ་བ་འདི་འགོ་འཛུགས་ས་དང་གོ་སྐབས་བཟང་པོར་བརྩིས་ནས་བོད་ཀྱི་རབ་གསལ་ས་ངོས་ལྟ་དཔྱད་ཚད་ལེན་མ་ལག་ཉེར་སྤྱོད་ཀྱི་རྒྱ་ཆེ་ཚད་དང་གཏིང་ཟབ་ཚད་ཆེ་རུ་ཧུར་ཐག་གཏོང་བ་དང་། བོད་ལྗོངས་རབ་གསལ་ས་ངོས་ལྟ་དཔྱད་ཚད་ལེན་མ་ལག་ལྟེ་གནས་ཀྱི་གོང་འཕེལ་དང་འཛུགས་སྐྱོང་ལ་འགན་ལེན་བྱས་ཏེ་བོད་ཀྱི་དཔལ་འབྱོར་དང་སྤྱི་ཚོགས་གོང་འཕེལ་དང་མི་དམངས་ལ་བདེ་སྐྱིད་ཆེན་པོ་སྐྲུན་ཆེད་ལེགས་སྐྱེས་འབུལ་རྒྱུ་ཡིན་ཞེས་གསུངས་པ་རེད།
ཀྲེན་གོ་ཀོང་གིས་ཀྲུང་གོ་གནམ་གཤིས་ཅུས་ཀྱིས་ལྟེ་གནས་འདི་ཉིད་རྒྱལ་ཁབ་སྲུང་སྐར་གནམ་གཤིས་ལྟེ་གནས་ཀྱི་ཡན་ལག་ལྟེ་གནས་སུ་བརྩིས་ནས་རྒྱལ་ཁབ་རིམ་པའི་ལས་སྒོ་ལྟེ་གནས་འཛུགས་སྐྲུན་མ་ལག་ནང་བཅུག་སྟེ་རྒྱབ་སྐྱོར་བྱེད་པ་དང་། ལྟེ་གནས་སྔར་བས་གཉེར་སྐྱོང་ཡག་པོ་དང་ཆུ་ཚད་མཐོར་གཏོང་ལ་སྐུལ་མ་གཏོང་རྩིས་ཡོད་ཅེས་གསུངས།
ཚོགས་འདུའི་ཐོག“རབ་གསལ་ས་ངོས་ལྟ་དཔྱད་ཚད་ལེན་མ་ལག་གི་སྲུང་སྐར་གཞི་གྲངས་མཉམ་སྤྱོད་དང་ས་ཁོངས་ཉེར་སྤྱོད་ཁྱབ་གདལ་མཉམ་ལས་ཀྱི་ཆེད་དམིགས་གྲོས་མཐུན་གལ་ཆེན”ཡང་བཞག་པ་རེད།