ཉེ་ཆར། ལྗོངས་ཏང་ཨུད་ཀྱི་ཧྲུའུ་ཅི་གཞོན་པ་རང་སྐྱོང་ལྗོངས་ཀྱི་ཀྲུའུ་ཞི་བློ་བཟང་རྒྱལ་མཚན་གྱིས་ཆབ་མདོའི་སྤང་མདའ་གནམ་ཐང་གི་འཕུར་སྐྱོད་ཁུལ་སྒྱུར་བཀོད་ལས་གྲྭ་འཛུགས་སྐྲུན་བྱེད་ཚུལ་ལ་གཟིགས་ཞིབ་གནང་བ་དང་འབྲེལ་རང་སྐྱོང་ལྗོངས་ཏང་ཨུད་དང་སྲིད་གཞུང་གི་ཚབ་ཞུས་ནས་ལས་གྲྭའི་འཛུགས་སྐྲུན་པར་བྱམས་བརྩེའི་ངང་འཚམས་འདྲི་གནང་བ།
ཉེ་ཆར་ལྗོངས་ཏང་ཨུད་ཀྱི་ཧྲུའུ་ཅི་གཞོན་པ་རང་སྐྱོང་ལྗོངས་ཀྱི་ཀྲུའུ་ཞི་བློ་བཟང་རྒྱལ་མཚན་གྱིས་ཆབ་མདོའི་སྤང་མདའ་གནམ་ཐང་གི་འཕུར་སྐྱོད་ཁུལ་སྒྱུར་བཀོད་ལས་གྲྭ་འཛུགས་སྐྲུན་གྱི་འཕེལ་རིམ་གནས་ཚུལ་ལ་གཟིགས་ཞིབ་གནང་བ་དང་འབྲེལ་རང་སྐྱོང་ལྗོངས་ཏང་ཨུད་དང་སྲིད་གཞུང་དང་ཧྲུའུ་ཅི་ཁྲེན་ཆོན་གོའི་ཚབ་ཞུས་ནས་ལས་གྲྭའི་འཛུགས་སྐྲུན་པར་བྱམས་བརྩེའི་ངང་གཟིགས་པ་དང་འཚམས་འདྲི་གནང་ཞིང་། ཁོང་གིས་འཛུཌ་སྐྲུན་ནང་ཞུཌ་མཁན་ཚན་པ་ཁག་གིས་སྤང་མདའ་གནམ་ཐང་གི་འཕུར་སྐྱོད་ཁུལ་སྒྱུར་བཀོད་ལས་གྲྭའི་གལ་ཆེའི་དོན་སྙིང་གསལ་ཤེས་གང་ལེགས་ཐུབ་པ་བྱས་ཏེ་སྤུས་ཚད་ཨང་དང་པོར་འཇོག་རྒྱུ་མཐའ་འཁྱོངས་བྱེད་པ་དང་། སྔ་ཙམ་འཛུཌ་སྐྲུན་དང་སྔ་ཙམ་བེད་སྤྱོད་ཐུབ་པའི་བརྩོན་ལེན་བྱས་ཏེ་ཆབ་མདོ་ལེཌ་ལ་མྱུར་བའི་ངང་འཕེལ་རྒྱས་འགྲོ་ཆེད་མཁའ་འགྲུལ་སྐྱེལ་འདྲེན་གྱི་འགན་ལེན་བརྟན་པོ་བྱས་ཐོག བོད་ཤར་རྒྱུད་ཀྱི་མི་རིགས་ཁག་གི་མི་དམངས་ལ་བདེ་སྐྱིད་སྐྲུན་དགོས་པའི་ནན་བཤད་གནང་བ་རེད།
ལྗོངས་ཏང་ཨུད་ཀྱི་རྒྱུན་ཨུ་ཆབ་མདོ་གྲོང་ཨུད་ཀྱི་ཧྲུའུ་ཅི་ནོར་བུ་དོན་གྲུབ་གཟིགས་ཞིབ་ནང་ལྷན་དུ་ཕེབས་པ་རེད།
སྤང་མདའ་གནམ་ཐང་གི་འཕུར་སྐྱོད་ཁུལ་སྒྱུར་བཀོད་ལས་གྲྭ་2015ལོའི་ཟླ་10པར་དངོས་སུ་སྐྲུན་འགོ་ཚུགས་པ་དང་། འདི་ལོའི་ནང་འཕུར་ལམ་གྱི་ས་རྡོའི་ཨར་ལས་དང་ལེ་ལག་ཚང་བའི་སྒྲིག་བཀོད་འཛུགས་སྐྲུན་ལེགས་འགྲུབ་བྱ་རྒྱུ་ཡིན་ཞིང་། སྔོན་དཔག་ལྟར་ན། ཕྱི་ལོའི་ལོ་སྨད་དུ་བེད་སྤྱོད་གཏོང་ཐུབ་པ་བྱ་རྒྱུ་རེད། ལས་ཡུལ་དུ་ཕེབས་རྗེས་བློ་བཟང་རྒྱལ་མཚན་གྱིས་འཛུགས་སྐྲུན་དང་། ཨར་ལས། ལྟ་ཞིབ་དོ་དམ་བཅས་ཚན་པའི་འཐུས་མི་དང་བྱམས་བརྩེའི་ངང་ཕྱག་བཏང་གནང་བ་དང་འབྲེལ་འཚམས་འདྲི་གནང་ནས་རྣམ་གྲངས་ཇུས་འགོད་དང་། ཨར་ལས་སྒྲིག་འཛུགས། སྤུས་ཚད་འགན་ལེན། ལས་གྲྭའི་འཕེལ་རིམ་སོགས་ཀྱི་གནས་ཚུལ་མཁྱེན་རྟོགས་ཞིབ་ཕྲ་གནང་བ་རེད།
བློ་བཟང་རྒྱལ་མཚན་གྱིས་བོད་ཤར་རྒྱུད་ཀྱི་གཙོ་གནད་གྲོང་ཁྱེར་ཆབ་མདོ་ནི་བོད་ལྗོངས་དང་། ཁྲེང་ཏུའུ། ཁྲུང་ཆིང་བཅས་ཀྱི་དཔལ་འབྱོར་ཁུལ་མཉམ་འདྲེས་བྱ་ཡུལ་གལ་ཆེན་ཞིག་དང་། རང་ལྗོངས་ཀྱི་དབུལ་སྒྲོལ་འགག་སྒྲོལ་གྱི་འཐབ་ས་ཆེན་པོ་གསུམ་ལ་རྒྱལ་ཁ་ཐོབ་ཡུལ་ཞིག ལྗོངས་ཡོངས་ཀྱི་བརྟན་ལྷིང་སྲུང་སྐྱོང་གི་འཐབ་ཇུས་སྲུང་ཡུལ་ཞིག་བཅས་ཡིན་པས་གནས་བབ་གལ་འགངས་ཧ་ཅང་ཆེན་པོ་ཡོད། ཆབ་མདོ་ནི་རི་མཐོ་ལ་གཡང་གཟར་བ་དང་ལམ་ཐག་རིང་བས་སྤོམ་མདའ་གནམ་ཐང་དེ་ཉིད་བདེ་འཇགས་དང་མགྱོགས་ལ་མྱུར་བའི་མཁའ་ཐོག་ཚེ་སྲོག་བགྲོད་ལམ་ཞིག་ཡིན་པས་འཛུགས་སྐྲུན་ཟིན་ཚུན་ས་ཁོངས་འགྲིམ་འགྲུལ་གྱི་ལྟེ་བའི་ནུས་པ་གལ་ཆེན་འདོན་སྤེལ་བྱས་ཡོད། ད་ཡོད་ཀྱི་འཕུར་ལམ་ཞན་ཆ་གཅིག་སྡུད་ཐོན་པའི་གནད་དོན་ཐག་གཅོད་བྱས་ནས་སྤོམ་མདའ་གནམ་ཐང་གི་མཁྲེགས་ཆས་དང་མཉེན་ཆས་ཀྱི་ཆ་རྐྱེན་ལེགས་སུ་གཏོང་བ་དང་། གནམ་ཐང་གི་ཕྱོགས་བསྡུས་ཞབས་ཞུའི་ནུས་པ་ཆེ་རུ་གཏོང་བ། ཆབ་མདོའི་འཕེལ་རྒྱས་བརྟན་ལྷིང་གི་དགོས་གཏུག་དང་དགོས་མཁོ་འགན་ལེན་བྱེད་པ། བོད་ཤར་རྒྱུད་ཀྱི་མི་དམངས་ཚོའི་རེ་སྒུག་ཆེན་པོ་སྒྲུབ་པ་བཅས་བྱ་ཆེད། རང་སྐྱོང་ལྗོངས་ཏང་ཨུད་དང་སྲིད་གཞུང་དང་རྒྱལ་ཁབ་དམངས་སྤྱོད་མཁའ་འགྲུལ་ཅུས་ཀྱིས་ཚད་མཐོའི་མཐོང་ཆེན་བྱས་ནས་རྒྱལ་ཁབ་འཕེལ་སྒྱུར་ཨུ་ལྷན་སོགས་སྡེ་ཚན་དང་འབྲེལ་གཏུག་མཐུན་སྦྱོར་ཧུར་ཐག་བྱས་ཏེ་སྤོམ་མདའ་གནམ་ཐང་གི་འཕུར་ལམ་རྣམ་གྲངས་གཉིས་པ་ཤུགས་ཆེན་བསྐྲུན་པ་དང་རིགས་པས་ཁུངས་སྐྱེལ་དང་ལས་དོན་ཏན་ཏིག་བསྒྲུབས་པ་བརྒྱུད་ལས་གྲྭ་བདེ་བླག་ངང་སྐྲུན་ཐུབ་པ་བྱུང་ཡོད་ཅེས་མཛུབ་སྟོན་གནང་བ་རེད།
བློ་བཟང་རྒྱལ་མཚན་གྱིས་མིག་སྔར་ལས་གྲྭའི་འཕེལ་རིམ་ཡག་པོ་ཡོད། གོམ་སྟབས་རྗེས་མར་འཛུགས་སྐྲུན་ནང་ཞུགས་མཁན་ཚན་པ་ཁག་དང་འབྲེལ་ཡོད་སྡེ་ཚན་ཁག་གིས་བསམ་བློའི་ངོས་འཛིན་སྔར་བས་མཐོ་རུ་གཏོང་བ་དང་། མཐོང་ཆེན་ཡང་ཡང་བྱེད་པ། སྤུས་ཚད་འགན་ལེན་བྱེད་པ། ལས་དུས་དང་བདེ་འཇགས་འགན་ལེན་བྱེད་པ། ཞབས་ཞུར་ཤུགས་སྣོན་གྱིས་ལས་དོན་ཁག་ལ་དམ་འཛིན་ནན་པོ་བྱེད་པ། ཏན་ཏན་ཏིག་ཏིག་བྱེད་པ། ལས་དོན་ཞིབ་ཕྲ་སྒྲུབ་པ། ཇུས་ཤུགས་མཉམ་འདོན་བྱེད་པ་བཅས་བྱས་ནས་ལས་གྲྭ་རྩེ་གྲ་དང་སྤུས་ལེགས་ལས་གྲྭ་བསྐྲུན་ནས་ལོ་རྒྱུས་དང་མི་དམངས་ཀྱི་ཞིབ་དཔྱད་ཐུབ་པ་བྱེད་དགོས་པའི་ནན་བཤད་གནང་བ་རེད།