གཞི་རིམ་རྩ་འཛུགས་འཛུགས་སྐྱོང་ལོའི་ནང་གཞིས་རྩེ་ས་ཁུལ་སྐྱིད་གྲོང་རྫོང་རྫོང་དགའ་ཡུལ་མི་ཨུ་ལྷན་གྱི་ཏང་ཀྲི་པུས་མཐའ་མཚམས་ས་ཁུལ་གྱི་དོན་དངོས་ལ་གཞི་ཚུགས་ཏེ་སྔོན་ཐོན་གཞི་རིམ་ཏང་རྩ་འཛུགས་ཀྱི “བཟང་པོ་ལྔའི ”བླང་བྱ་ལག་བསྟར་ཧུར་ཐག་བྱེད་པ་དང་རིམ་ཁག་ཏང་ཨུད་ཀྱི་བསམ་བློའི་ཐོག་སེམས་པ་གཅིག་མཐུན་དང་། སྐད་ཆ་གཅིག་མཐུན། བྱ་སྤྱོད་ཐོག་གོམ་སྟབས་གཅིག་མཐུན་བཅས་བྱས་ནས་གཞི་རིམ་ཏང་འཛུགས་སྐྱོང་གི་ཆུ་ཚད་མཐོ་རུ་དང་མང་ཚོགས་ཀྱི་འཚོ་བའི་སྤུས་ཚད་ལེགས་སུ་ཤུགས་ཆེན་བཏང་ཐོག་གཞི་རིམ་ཏང་རྩ་འཛུགས་ཀྱི་དམག་འཐབ་མཁར་རྫོང་གི་ནུས་པ་འདོན་སྤེལ་གང་ལེགས་ཐུབ་ཡོད།

    ཆབ་སྲིད་ཀྱི་ཚད་གཞི་མཐའ་འཁྱོངས་བྱེད་པའི་སྔོན་འགྲོའི་ཆ་རྐྱེན་འོག་ཏང་ཀྲི་པུའུ་དེས་མང་ཚོགས་ཀྱི་ལས་དོན་སྒྲུབ་ཤེས་པ་དང་། ཕྱུག་འགྱུར་སྣེ་ཁྲིད་ཀྱི་འཇོན་ཐང་ཆེ་བ། མང་ཚོགས་ཁྲོད་སྙན་གྲགས་ལྡན་པ་བཅས་ཀྱི་མི་སྣ་ཡུལ་མི་ཨུ་ལྷན་གྱི “ཨུ་ལྷན་གཉིས ”ཀྱི་ཚན་ཁག་ནང་འདེམས་རྒྱུར་མཐོང་ཆེན་བྱས་ནས་སྔ་རྗེས་སུ་ཞིང་འབྲོག་པའི་གཞོན་ནུ་ཕུལ་བྱུང་1དང་། ཕྱུག་འགྱུར་སྣེ་ཁྲིད་འཇོན་ཐང་ཅན་3 སློབ་ཆེན་ཐོན་པའི་གྲོང་དཔོན་3བཅས་ཚན་ཁག་ནང་བཅུག་པ་རེད། དུས་བཀག་ལྟར་མང་ཚོགས་དང་འབྲེལ་གཏུག་བྱེད་པ་དང་དུད་ཚང་འགན་ལེན་གྱིས་མང་ཚོགས་ལ་ཞབས་ཞུ་བྱེད་པའི་ལམ་ལུགས་འཛུགས་པ་དང་གྲོང་ཚོ་ཨུ་ལྷན་གྱི “ཨུ་ལྷན་གཉིས ”ཀྱི་ཚན་ཁག་གི་ཁོངས་མི་ཡོངས་སྒྲིག་འཛུགས་བྱས་ཏེ་མི་རེས་དུད་ཚང་དབུལ་པོ་2དང་ཆ་སྒྲིག་བྱས་པར་རིམ་རྩིས་བྱས་ན་མ་དངུལ་སྒོར་ཁྲི་10ཙམ་བཏང་ནས་དུད་ཚང་དབུལ་པོ་14ལ་དབུལ་སྒྲོལ་བྱེད་རོགས་བྱས་པ་དང་། ཡུལ་མི་ཨུ་ལྷན་གྱི་ཏང་ཡོན་སྒྲིག་འཛུགས་བྱས་ཏེ་མི་རེས་དུད་ཚང་གཅིག་གི་མང་ཚོགས་དང་ཆ་སྒྲིག་བྱེད་པ་དང་ཏང་ཡོན་34ཡིས་མང་ཚོགས་ལ་རོགས་སྐྱོར་བྱས་པར་རིམ་རྩིས་བྱས་ན་རིགས་ཁག་གི་དངོས་ཟོག་དང་མ་དངུལ་སྒོར་ཁྲི་15ཙམ་བཏང་ཡོད། རྨང་གཞིའི་སྒྲིག་ཆས་འགའ་ཞིག་ལོ་མང་བེད་སྤྱོད་བཏང་ནས་ཉམས་གསོ་བྱ་རྒྱུ་མ་བྱུང་བའི་གནད་དོན་ལ་དམིགས་ནས་ཡུལ་མི་ཨུ་ལྷན་གྱི་ཏང་ཀྲི་པུའི་རྩ་འཛུགས་ཀྱི་ཏང་ཡོན་གྱིས་འོས་འགན་ངལ་རྩོལ་ནང་མི་ཐེངས་300ལྷག་ཙམ་ཞུགས་ཏེ་འགྲོ་ལམ་དང་ཆུ་ཡུར་ཉམས་གསོ་བྱས་པས་མང་ཚོགས་ཀྱི་ཐོན་སྐྱེད་དང་འཚོ་བའི་ཆ་རྐྱེན་ལེགས་སུ་ཕྱིན་པ་རེད།

    གྲོང་མི་ཨུ་ལྷན་གྱི་ཏང་ཀྲི་པུས་སྣེ་འཁྲིད་དེ་ཞིང་འབྲོག་པའི་ཨར་ལས་རུ་ཁག་འཛུགས་པ་དང་སྔོག་འདོན་འཕྲུལ་ཆས་སོགས་མཁྲེགས་ཆས་སྒྲིག་བཀོད་ཉོས་ནས་བདེ་སྡོད་ལས་གྲྭ་དང་རྨང་གཞིའི་སྒྲིག་བཀོད་འཛུགས་སྐྲུན་སོགས་རྣམ་གྲངས་ཁྲོད་ཞུགས་ཡོད། མིག་སྔར་ཨར་ལས་རུ་ཁག་ལ་ཁྱོན་ཁོངས་མི་42ཡོད་པ་དང་མཉམ་སྡེབ་ཀྱི་གཏན་འཇགས་རྒྱུ་ནོར་སྒོར་ཁྲི་200དང་ལོའི་ཡོང་འབབ་སྒོར་ཁྲི་60ལྷག་ཙམ་ཟིན་ནས་དུད་ཚང་དབུལ་པོ་16དབུལ་སྒྲོལ་ཕྱུག་འགྱུར་ཐུབ་པ་བྱས་ཡོད། དུས་མཚུངས་རིན་ཐང་སྒོར་ཁྲི་10ཟིན་པའི་འཕྲུལ་འཁོར་གྱི་བལ་ཤད་ནང་འདྲེན་བྱས་པ་དང་བལ་ཤད་ཁང་གསར་སྐྲུན་བྱས་པར་མཉམ་སྡེབ་ལ་ཡོང་འབབ་སྒོར་ཁྲི་16.7བྱུང་ཡོད། བོད་སྐྱོར་མ་དངུལ་སྒོར་ཁྲི་30བརྩོན་ལེན་བྱས་ནས་དྲོད་ཁང་ཆེ་མོ་24བསྐྲུན་པ་དང་ཆེད་ལས་མི་སྣ་འདེམས་གཏོང་གིས་མང་ཚོགས་ལ་ཀྲོ་མ་ཀྲུ་དང་། ཧོང་ཀྭ སོ་ལོ་སྔོན་པོ་སོགས་སྔོ་ཚལ་འདེབས་འཛུགས་བྱ་རྒྱུའི་མཛུབ་ཁྲིད་བྱས་པས་དུད་ཚང་རེའི་ལོའི་ཡོང་འབབ་སྒོར་5000ལྷག་ཙམ་ཟིན་ཡོད།

    གྲོང་མི་ཨུ་ལྷན་དེ་རྫོང་གྲོང་དུ་གནས་ཡོད་སྟབས་ཕྱོགས་མི་ཅུང་མང་བ་དང་སྤྱི་ཚོགས་དོ་དམ་གྱི་ལས་འགན་ཪྙོག་འཛིང་ཆེ་ལ་དཀའ་ཚེགས་ཀྱང་ཆེན་པོ་ཡོད་པས་ཏང་ཀྲི་པུའུ་དེས་བརྟན་ལྷིང་སྲུང་སྐྱོང་བྱ་རྒྱུ་དེ་ཐོག་མཐའ་བར་གསུམ་དུ་འགན་འཁྲི་ཨང་དང་པོར་བརྩིས་ནས་ཚན་ཁག་གི་ཁོངས་མི་སྒྲིག་འཛུགས་བྱས་ཏེ་ཡུག་འབྲེལ་འགན་གཙང་ལེན་པ་དང་དུད་ཚང་དང་འབྲེལ་གཏུག་བྱས་ཏེ་ཡུལ་མི་མང་ཚོགས་ཁྲོད་བསྐྱོད་ནས་གྲངས་ཚད་ཁ་གསལ་དང་གནས་ཚུལ་གསལ་རྟོགས་ཐུབ་པ་དང་། ཚོགས་སྤྱིའི་རང་བཞིན་དང་ཐོལ་བྱུང་རང་བཞིན་གྱི་དོན་རྐྱེན་ཐོན་སྲིད་པའི་སྔོན་བརྡའི་ཆ་འཕྲིན་ལ་འགུལ་རྣམ་གྱི་ལྟ་སྐུལ་ཚོད་འཛིན་དང་རྗེས་འདེད་ཤེས་རྟོགས་བྱེད་པ། འཕེལ་རྒྱས་ཀྱི་འཕེལ་ཕྱོགས་སྔོན་དཔག་བྱེད་པ་དང་འབྲེལ་ཐབས་ཇུས་ཡང་དག་འདོན་པ་བཅས་བྱས་ནས་བརྟན་ལྷིང་སྲུང་སྐྱོང་ལས་ཀའི་རང་འགུལ་དབང་ཆ་ཁོང་དུ་བརྟན་པོ་ཆུད་ཡོད་པ་རེད།