ཉེ་དུས་གསར་འགོད་པས་ངམ་རིང་རྫོང་ནས་ཤེས་རྟོགས་བྱས་པར། རྫོང་དེས་གཞི་རིམ་རྩ་འཛུགས་འཛུགས་སྐྱོང་ལོའི་བྱེད་སྒོའི་ཁྲོད་གཞི་རིམ་ཏང་རྩ་འཛུགས་ཀྱི་འགོ་ཁྲིད་ལེགས་འདེམས་དང་སྟོབས་ཆེན་བཀོད་སྒྲིག་བྱ་རྒྱུ་དེ་གཙོ་གནད་དུ་བརྩིས་ནས་གཞི་རིམ་ཏང་ཡོན་ལས་བྱེད་དཔུང་ཁག་འཛུགས་སྐྱོང་ལ་དམ་འཛིན་བྱས་པས་རྫོང་དེ་ཡོངས་ཀྱི་གཞི་རིམ་རྩ་འཛུགས་ཀྱི་ལས་ཀའི་སྤུས་ཚད་དང་ཆུ་ཚད་མཐོ་རུ་ཕྱིན་ཡོད་པ་རེད།

    བསམ་བློ་ཆབ་སྲིད་འཛུགས་སྐྱོང་ལ་ཤུགས་སྣོན་ཧུར་ཐག་བརྒྱབ་ནས་ཁ་ཕྲལ་ལ་ངོ་རྒོལ་བྱེད་པའི་འཐབ་རྩོད་ཀྱི་བསམ་བློའི་འགོག་སྲུང་འཛིང་རགས་བརྟན་དུ་བཏང་ཞིང་། ངམ་རིང་རྫོང་གིས་གཞིས་རྩེ་ས་ཨུད་དང་ཏང་གི་སློབ་གྲྭའི་དགེ་རྒན་གདན་ཞུ་བྱས་ནས་རྫོང་ལས་ཁུངས་ཀྱི་ཏང་ཀྲི་པུའི་ཧྲུའུ་ཅི་དང་ཤང (གྲོང་རྡལ )ཏང་ཨུད་ཀྱི་ཧྲུའུ་ཅི་སྒྲིག་འཛུགས་བྱས་ཏེ་བསམ་བློ་ཆབ་སྲིད་སློབ་སྦྱོང་བྱས་ཤིང་། བྱེད་སྒོ་སྤེལ་ཚུན་སློབ་སྦྱོང་དང་གསོ་སྦྱོང་འཛིན་གྲྭ་དུས་ཐེངས་བཞི་མཉམ་གཉེར་བྱས་པ་རེད།

    སློབ་གསོའི་དོ་དམ་ལ་ཤུགས་སྣོན་ཧུར་ཐག་བརྒྱབ་ནས་ཏང་ཡོན་ལས་བྱེད་དཔུང་ཁག་གི་བྱང་ཚད་མཐོ་རུ་བཏང་ཞིང་། རྫོང་དེ་ཡོངས་ཀྱིས་རིམ་པ་དབྱེ་ནས་གསོ་སྦྱོང་བྱེད་པའི་བླང་བྱ་གཞིར་བཟུང་རྫོང་དེ་ཡོངས་ཀྱི་ཁོའོ་རིམ་པའི་ལས་བྱེད་པ་70ཡི་མཐུན་སྦྱོར་དང་གསོ་སྦྱོང་ལས་དོན་ལེགས་སྒྲུབ་བྱས་པ་དང་ཆབས་ཅིག་རྫོང་དེ་ཡོངས་ཀྱི་གྲོང་ཚོའི་ཀྲི་པུའི་ཧྲུའུ་ཅི་185གཅིག་སྡུད་གསོ་སྦྱོང་ཉིན་7བྱས་ནས་གནས་ངེས་མེད་ཀྱི་ཏང་གི་སློབ་གྲྭ་གཉེར་བའི་རྣམ་པའི་ཐོག་ནས་ཤང་གྲོང་དུ་བསྐྱོད་དེ་ཞིང་འབྲོག་པ་ཏང་ཡོན་མི་ཐེངས་322གསོ་སྦྱོང་བྱས་པ་རེད།

    “མི་སེམས་ལ་ཟུག་པ་དྲུག ”གི་འདུ་འགོད་སྒྲིག་འཛུགས་ཡོད་པའི་སྒོ་ནས་ལག་བསྟར་ཧུར་ཐག་བྱས་ཏེ་ཏང་ནང་ཁུལ་གྱི་རོགས་སྐྱོར་ལས་དོན་སྤེལ་ཤུགས་ཆེ་རུ་བཏང་ཞིང་། ཉེ་བའི་ལོ་ཤས་ནང་ངམ་རིང་རྫོང་གིས་ཁྱོན་དཀའ་ངལ་ཡོད་པའི་ཏང་ཡོན་29ལ་མ་དངུལ་སྒོར་ཁྲི་31.4རོགས་སྐྱོར་བྱས་པ་དང་རོགས་སྐྱོར་མ་དངུལ་ཁྲོད་ནས་སྒོར་ཁྲི་11.9བཏང་ནས་རྣམ་གྲངས་ལག་བསྟར་བྱས་ཏེ་དཀའ་ངལ་ཡོད་པའི་ཏང་ཡོན་13དབུལ་སྒྲོལ་བྱས་པ་དང་། རྫོང་ནས་མ་དངུལ་སྒོར་ཁྲི་10བཏང་སྟེ་གད་ཁ་གྲོང་རྡལ་འགྱངས་མཁར་གྲོང་ཚོའི་ཁྲོ་ཐབ་ལས་སྣོན་བཟོ་གྲྭའི་རྣམ་གྲངས་ལག་བསྟར་བྱས་ནས་དཀའ་ངལ་ཡོད་པའི་ཏང་ཡོན་3དབུལ་སྒྲོལ་བྱས་པ། ཤང (གྲོང་རྡལ )ཁག་གིས་མ་དངུལ་སྒོར་ཁྲི་9.5གྲབས་གསོག་བྱས་ཏེ་ཆུ་འོག་ཤང་སེང་སྒང་གྲོང་ཚོའི་རྡོ་གཤག་བཟོ་གྲྭ་སོགས་རྣམ་གྲངས་ལག་བསྟར་བྱས་ནས་དཀའ་ངལ་ཡོད་པའི་ཏང་ཡོན་13དབུལ་སྒྲོལ་བྱས་པ་བཅས་རེད།

    བྱེད་སྒོ་སྤེལ་ཡུལ་བསྐྲུན་རྒྱུར་ཤུགས་སྣོན་བརྒྱབ་སྟེ་གཞི་རིམ་ཏང་ཡོན་ལས་བྱེད་པའི་ལས་ཀ་དང་འཚོ་བའི་ཆ་རྐྱེན་ལེགས་སུ་བཏང་ཞིང་། ཉེ་བའི་ལོ་ཤས་ནང་ངམ་རིང་གིས་མ་དངུལ་སྒོར་ཁྲི་1340བཏང་ནས་གྲོང་ཚོ་རིམ་པའི་བྱེད་སྒོ་སྤེལ་ཡུལ་67སྐྲུན་ཏེ་གྲོང་ཚོ་རིམ་པའི་རྩ་འཛུགས་ལ་བྱེད་སྒོ་སྤེལ་ཡུལ་གཙོ་བོ་མཁོ་འདོན་བྱས་པ་དང་མ་དངུལ་སྒོར་ཁྲི་102ཁ་བཤད་ལག་བསྟར་བྱས་ནས་རྫོང་དེ་ཡོངས་ཀྱི་ཤང (གྲོང་རྡལ )17གྱི་ཏང་ཨུད་དང་སྲིད་གཞུང་ལ་གཞུང་ལས་སྒྲིག་ཆས་ཉོ་སྒྲུབ་བྱས་པ་རེད།