གཞི་རིམ་ཏང་འཛུགས་ལ་སྐོར་ཞིབ།
ཉིན་ཤས་གོང་གསར་འགོད་པས་ཉིང་ཁྲི་ས་ཨུད་རྩ་འཛུགས་པུའུ་ནས་ཤེས་རྟོགས་བྱས་པར་གཞིགས་ན། ཏང་གི་གཞི་རིམ་རྩ་འཛུགས་འཛུགས་སྐྱོང་ལ་ཤུགས་སྣོན་རྒྱག་རྒྱུའི་སྐོར་གྱི་ཀྲུང་དབྱང་དང་ལྗོངས་ཏང་ཨུད་ཀྱི་འཐབ་ཇུས་བཀོད་སྒྲིག་ལག་བསྟར་དོན་འཁྱོལ་གཏིང་ཟབ་བྱེད་པ་དང་། སྔོན་གཏོད་ལེགས་བརྩོན་དང་རྨང་བརྟན་དམངས་ཕན་གྱི་བྱེད་སྒོར་སྐུལ་འདེད་སྔར་ལྷག་གཏོང་བ། གཞི་རིམ་ཏང་རྩ་འཛུགས་འཛུགས་སྐྱོང་གི་ཚན་རིག་ཅན་གྱི་ཆུ་ཚད་རྒྱུན་ཆད་མེད་པར་མཐོ་རུ་གཏོང་བ། གཞི་རིམ་ཏང་རྩ་འཛུགས་གསར་གཏོད་བྱེད་ཤུགས་དང་གོང་བུ་འགྲིལ་ཤུགས་དང་དེ་བཞིན་འཐབ་ནུས་མཐོ་རུ་གཏོང་བ་བཅས་བྱས་ཏེ་ཕུལ་བྱུང་གྲུབ་འབྲས་ཀྱི་ཐོག་ནས་ཏང་གི་ཚོགས་ཆེན་བཅོ་བརྒྱད་པ་རྒྱལ་ཁའི་ངང་འཚོག་རྒྱུར་བསུ་བ་ཞུ་ཆེད་ཉིང་ཁྲི་ས་ཨུད་ཀྱིས “ཞིང་འབྲོག་ཁུལ་གྱི་གཞི་རིམ་ཏང་ཀྲི་པུའུ་རིམ་སྤོར་འདུ་འགོད ”ལག་བསྟར་བྱ་རྒྱུ་གཏན་འབེབས་བྱས་པ་དེ་ས་ཁུལ་ཡོངས་ཀྱི་ཞིང་འབྲོག་ཁུལ་གྱི་གཞི་རིམ་ཏང་རྩ་འཛུགས་ཁྲོད་ཚ་ཚ་འུར་འུར་ངང་སྤེལ་བ་རེད།
ཤེས་རྟོགས་བྱུང་བར་གཞིགས་ན། “ཞིང་འབྲོག་ཁུལ་གྱི་གཞི་རིམ་ཏང་ཀྲི་པུའུ་རིམ་སྤོར་འདུ་འགོད ”ཀྱི་དམིགས་ཚད་ལས་འགན་གཙོ་བོ་ནི་གཞི་རིམ་གྱི་ཏང་རྩ་འཛུགས་སྟོབས་ལྡན་ཞིག་འཛུགས་སྐྱོང་བྱ་རྒྱུ་བརྗོད་བྱ་གཅོ་བོ་བྱས་ཏེ “ལེགས་པོ་ལྔའི ”དམིགས་ཚད་དང་བླང་བྱར་གཞིགས་ནས་གྲོང་ཚོའི (གྲོང་ལྷན )ཏང་ཀྲི་པུའུ་ལྟེ་བར་བྱེད་པའི་གྲོང་ཚོ་རིམ་པའི་རྩ་འཛུགས་འཛུགས་སྐྱོང་དམ་འཛིན་བྱས་ཐོག་སྲ་ཞིང་བརྟན་པའི་འཐབ་འཛིང་གི་བཙན་རྫོང་ཞིག་ཆགས་ཡོད་པ་དང་། སྔོན་གཏོད་ལེགས་བརྩོན་དང་རྨང་བརྟན་དམངས་ཕན་གྱི་བྱེད་སྒོ་དེ་གོ་སྐབས་སུ་བརྩིས་ཏེ་གཞི་རིམ་རྩ་འཛུགས་འཛུགས་སྐྱོང་ལོའི་བྱེད་སྒོའི་བླང་བྱ་དང་ཟུང་འབྲེལ་བྱས་ཏེ་གྲོང་ཚོར་བཅའ་སྡོད་ལས་དོན་རུ་ཁག་གི་ནུས་པ་འདོན་སྤེལ་གང་ལེགས་བྱས་ནས “རིམ་སྤོར་གསར་པ་བརྒྱད ”ལ་གཙོ་གནད་དམིགས་པ་དང་། “ཞིང་འབྲོག་ཁུལ་གྱི་གཞི་རིམ་ཏང་ཀྲི་པུའུ་རིམ་སྤོར་འདུ་འགོད ”ཤུགས་ཆེན་སྤེལ་བ་བརྒྱུད་གཞི་རིམ་གྱི་ཏང་ཀྲི་པུའུ་ཁག་གིས་སྔར་ཡོད་ཀྱི་རྨང་གཞིའི་ཐོག་ཚང་མར་ཡར་རྒྱས་གསར་པ་བྱུང་ནས་ཁྱོན་ཡོངས་རིམ་སྤོར་བྱུང་ནས་སྔོན་ཐོན་ཏང་ཀྲི་པུའུ་40%ཡན་ཟིན་པ་དང་རྗེས་ལུས་ཀྱི་ཏང་ཀྲི་པུའུ་2%ལས་བརྒལ་མེད། ཞིང་འབྲོག་ཁུལ་གྱི་གཞི་རིམ་ཏང་ཀྲི་པུའི་རྩ་འཛུགས་ཀྱི་མ་ལག་འཛུགས་སྐྱོང་ཐད་རིམ་སྤོར་གསར་པ་དང་། སྣེ་ཁྲིད་པའི་དཔུང་ཁག་འཛུགས་སྐྱོང་ཐད་རིམ་སྤོར་གསར་པ་བྱུང་བ། “ཨུ་ལྷན་གཉིས ”ཀྱི་ཚན་པ་འཛུགས་སྐྱོང་ཐད་རིམ་སྤོར་གསར་པ་བྱུང་བ། ཏང་ཡོན་དཔུང་ཁག་འཛུགས་སྐྱོང་ཐད་རིམ་སྤོར་གསར་པ་བྱུང་བ། བསམ་ཕྱོགས་འཕེལ་རྒྱས་གཏོང་བའི་ཐད་རིམ་སྤོར་གསར་པ་བྱུང་བ། ལས་ཀའི་ལམ་སྲོལ་འཛུགས་སྐྱོང་ཐད་རིམ་སྤོར་གསར་པ་བྱུང་བ། བྱེད་སྒོ་སྤེལ་ཡུལ་འཛུགས་སྐྲུན་ཐད་རིམ་སྤོར་གསར་པ་བྱུང་བ། འགན་ལེན་ལམ་སྲོལ་འཛུགས་པའི་ཐད་རིམ་སྤོར་གསར་པ་བྱུང་བ་བཅས་རེད།
“ཞིང་འབྲོག་ཁུལ་གྱི་གཞི་རིམ་ཏང་ཀྲི་པུའུ་རིམ་སྤོར་འདུ་འགོད ”ཀྱི་དམིགས་ཚད་ལས་འགན་མངོན་འགྱུར་ཡོང་རྒྱུར་འགན་ལེན་བྱ་ཆེད་ཉིང་ཁྲི་ས་ཨུད་རྩ་འཛུགས་པུས་ད་དུང་བྱ་ཐབས་ལ་སྐུལ་འདེད་གཏོང་བ་དང་སྤེལ་རེས་ལམ་ལུགས་བརྡ་ཁྱབ་གཏོང་བ་དང་དེ་བཞིན་དཔྱད་ཞིབ་ལམ་སྲོལ་ནན་པོ་རབ་དང་རིམ་པ་བཏོན་ནས་དཔྱད་ཞིབ་ཀྱི་འབྲས་བུར་རིགས་དབྱེ་སྟེ་རིམ་པ་གཏན་འཁེལ་བྱེད་པ་དང་དཔྱད་ཞིབ་དཔྱད་འདེམས་ཀྱི་ཚད་གཞིར “སྔོན་ཐོན ”དང “སྤྱིར་བཏང ”“རྗེས་ལུས ”བཅས་རིམ་པ་གསུམ་དུ་དབྱེ་ནས་ལོ་རེར་དཔྱད་འདེམས་ཐེངས་གཅིག་བྱེད་པའི་ཐོག་བྱང་བུ་ངེས་མེད་འགེལ་བའི་དོ་དམ་བྱས་ཏེ་སྔོན་ཐོན་ལ་སྐུལ་ལྕག་དང་། སྤྱིར་བཏང་བར་སྐུལ་འདེད། རྗེས་ལུས་ལ་ལྕག་འདེབས་བཅས་བྱས་པ་བརྒྱུད་ཁྱོན་ཡོངས་རིམ་སྤོར་ཡོང་བའི་དམིགས་ཡུལ་བསྒྲུབས་ཡོད་པ་རེད།