ལྷོ་ཁ་ས་ཁུལ་གོང་དཀར་རྫོང་ལས་ཁུངས་ཀྱི་ལས་འཁྱུར་ངལ་གསོ་རྒྱག་མཁན་ཏང་ཀྲི་པུས་ཏང་གི་སྲོལ་རྒྱུན་བཟང་པོ་དར་སྤེལ་བཏང་ནས་སྔ་ཕྱི་བར་གསུམ་དུ་རྒྱུན་གཏན་ལས་ཀར་སེམས་ཤུགས་ཆེ་བ་དང་། བསམ་བློའི་ལས་དོན་ལ་བརྩེ་སེམས་བཅངས་པ། ལྷག་བསམ་ཟོལ་མེད་ཀྱིས་ཏང་ཡོན་རྒན་གྲས་ལ་སེམས་ཁུར་བྱེད་པ་བཅས་ཀྱི་ལས་ཀའི་བྱེད་ཕྱོགས་མཐའ་འཁྱོངས་བྱེད་པ་དང་ཏང་ཡོན་རྒན་གྲས་དང་བློ་མཐུན་རྒན་གྲས་ལ་མཐུན་སྒྲིལ་དང་སྣེ་ཁྲིད་ཀྱིས་གོང་དཀར་རྫོང་གི་དཔལ་འབྱོར་དང་སྤྱི་ཚོགས་ཚན་རིག་དང་མཐུན་པའི་སྒོ་ནས་གོང་འཕེལ་འགྲོ་བ་དང་སྤྱི་ཚོགས་དུས་བབ་ཡུན་རིང་བདེ་འཁོད་ཡོང་ཆེད་ནུས་ཤུགས་དང་སྟོབས་ཤུཌ་ལེགས་སྐྱེས་སུ་ཕུལ་བས “སྔོན་ཐོན་ཏང་ཀྲི་པུའུ ”སོཌ་ཀྱི་གཟི་བརྗིད་མཚན་སྙན་ཐེངས་མང་ཐོབ་ཡོད་པ་རེད།

    རྒྱུན་གཏན་ལས་ཀའི་ཐད་སེམས་ཤུགས་ལ་བརྟེན་པ།

    ལྷོ་ཁ་ས་ཁུལ་གོང་དཀར་རྫོང་ལས་ཁུངས་ཀྱི་ལས་འཁྱུར་ངལ་གསོ་རྒྱག་མཁན་ཏང་ཀྲི་པུའུ་ནི་1991ལོར་བཙུགས་པ་དང་ད་ཆ་ལས་བྲལ་དང་ལས་འཁྱུར་ངལ་གསོ་རྒྱག་མཁན་ལས་བཟོ་ཏང་ཡོན་69ཡོད།

    ཏང་ཀྲི་པུའུ་ཡི་འགོ་ཁྲིད་ཚན་ཁག་གིས་ཏང་ཡོན་རྒན་གྲས་ནི་ཏང་དང་རྒྱལ་ཁབ་ཀྱི་རྩ་ཆེའི་རྒྱུ་ནོར་ཡིན་པས་ཏང་ཡོན་རྒན་གྲས་ཀྱི་ནུས་པ་ལྷག་འཕྲོ་འདོན་སྤེལ་གང་ལེགས་བྱ་རྒྱུ་ནི་ཏང་ཀྲི་པུའི་ལས་ཀའི་ནང་གི་ནང་དོན་གལ་ཆེན་ཞིག་ཡིན་པར་ངོས་འཛིན་བྱེད་པ་དང་། བློ་མཐུན་རྒན་གྲས་ལ་སྤྱི་ཚོགས་ལ་ཕན་པ་ཡོད་པའི་ལས་ཀ་མང་ཙམ་བསྒྲུབ་རྒྱུའི་སྐུལ་མ་གཏོང་གི་ཡོད། ཏང་ཀྲི་པུས་དར་སྤེལ་དང་འབྲེལ་གཏུག་འོག་བློ་མཐུན་རྒན་གྲས་ཁག་གཅིག་གིས་སློབ་གྲྭའི་འོས་འགན་གྱི་ཆབ་སྲིད་དགེ་རྒན་བྱས་ཏེ་རྟག་ཏུ་སློབ་གྲྭ་ཁག་ཏུ་བསྐྱོད་ནས་རང་ཉིད་ཀྱི་མྱོང་ཚོར་དངོས་ཀྱི་ཐོག་ནས་རྒྱ་ཆེའི་དགེ་རྒན་དང་། ལས་བཟོ། སློབ་མ་བཅས་ལ་དྲིལ་བསྒྲགས་སློབ་གསོ་གཏོང་བ་དང། “གུང་ཁྲན་ཏང་ཡག སྤྱི་ཚོགས་རིང་ལུགས་ཡག གུང་ཁྲན་ཏང་ཁོ་ནས་མ་གཏོགས་བོད་སྐྱོབ་མི་ཐུབ་པ་དང་སྤྱི་ཚོགས་རིང་ལུགས་ཀྱི་འགྲོ་ལམ་ཁོ་ནའི་ཐོག་བསྐྱོད་ན་མ་གཏོགས་མཛེས་སྡུག་ལྡན་པའི་ཁྱིམ་གཞིས་འཛུགས་སྐྲུན་བྱེད་མི་ཐུབ་པའི ”བསམ་བློ་དྲིལ་བསྒྲགས་ཤུགས་ཆེན་བྱེད་ཀྱི་ཡོད།

    གོང་དཀར་རྫོང་དུ་ལས་བྱེད་པ་རྒན་གྲས་ཚོས་སྤྱི་ཚོགས་ཀྱི་བདེ་འཇགས་སྲུང་སྐྱོང་བྱེད་པ་དང་། ཁོར་ཡུག་སྔོ་འགྱུར་དང་མཛེས་བཟོ་བྱེད་པ། གྲོང་པ་ཁྱིམ་མཚེས་ལ་བྱ་བཟང་སྒྲུབ་རོགས་བྱེད་པ། རིག་གནས་བྱེད་སྒོའི་ནང་ཞུགས་པ་བཅས་ཀྱི་གཟུགས་བཪྙན་མཐོང་རྒྱུ་ཡོད། སི་ཁྲོན་གྱི་དབུན་ཁྲོན་དུ་ས་ཡོམ་ཆེན་པོ་དང་འདམ་གཞུང་དུ་ས་ཡོམ་བརྒྱབ་རྗེས་ཏང་ཀྲི་པུའི་སྒྲིག་འཛུགས་འོག་རྒྱ་ཆེའི་ལས་བྲལ་དང་ལས་འཁྱུར་ངལ་གསོ་རྒྱག་མཁན་ཏང་ཡོན་གྱིས་དམིགས་བསལ་ཏང་དངུལ་སྒོར་9500ཕུལ་བས་རྫོང་དེ་ཡོངས་ཀྱི་རྒྱ་ཆེའི་ལས་བྱེད་པ་དང་མང་ཚོགས་ཚོའི་གདེང་འཇོག་ཡག་པོ་ཐོབ་ཡོད་པ་རེད།

    བསམ་བློའི་ལས་དོན་ལ་བརྩེ་སེམས་བཅངས་པ།

    ཏང་ཀྲི་པུའུ་ཡིས་ལས་དོན་སྒྲུབ་རིང་བློ་མཐུན་རྒན་གྲས་ཚོའི་བསམ་བློ་ཆབ་སྲིད་ཀྱི་ལས་དོན་ནི་ཧ་ཅང་གལ་ཆེན་པོ་ཞིག་ཡིན་པ་ངོས་འཛིན་ཐུབ་སྟེ་སྔ་ཕྱི་བར་གསུམ་དུ་ལས་ཀའི་རྩ་དོན་ཞིག་མཐའ་འཁྱོངས་བྱེད་པ་ནི་བློ་གཅིག་སེམས་གཅིག་དང་བརྩེ་སེམས་ལ་བརྟེན་ནས་བྱ་བ་སྒྲུབ་པ་དེ་རེད།

    བློ་མཐུན་རྒན་གྲས་རྣམས་ལས་གནས་ནས་བྲལ་ཟིན་རུང་ཁོང་ཚོས་མུ་མཐུད་ཆབ་སྲིད་དང་། རྒྱལ་ཁབ་ཀྱི་དོན་ཆེན། སྒྱུར་བཅོས་སྒོ་དབྱེ། གོང་དཀར་རྫོང་གི་འཕེལ་རྒྱས་བཅས་ལ་སེམས་ཁུར་ཧ་ཅང་ཆེན་པོ་བྱེད་ཀྱི་ཡོད། དངོས་ཡོད་གནས་ཚུལ་དེར་དམིགས་ནས་ཏང་ཀྲི་པུའུ་ཡིས་ཕྱོགས་གཅིག་ནས་བློ་མཐུན་རྒན་གྲས་སྒྲིག་འཛུགས་བྱས་ཏེ་ཆབ་སྲིད་དང་རིགས་པའི་གཞུང་ལུགས་ཀྱི་སློབ་སྦྱོང་ནང་ཧུར་ཐག་ཞུགས་ཏེ་ཏང་དང་རྒྱལ་ཁབ་ཀྱི་གལ་ཆེན་ཚོགས་འདུའི་དགོངས་དོན་གང་མགྱོགས་བློ་མཐུན་རྒན་གྲས་ཚོར་བརྒྱུད་བསྒྲགས་བྱེད་པ་དང་ཕྱོགས་གཞན་ཞིག་ནས་རྫོང་ཨུད་རྩ་འཛུགས་པུའུ་དང་རྫོང་ཨུད་ལས་བྱེད་རྒན་གྲས་ཅུས་ཀྱི་བློ་མཐུན་གདན་དྲངས་ནས་བློ་མཐུན་རྒན་གྲས་ཚོར་སློབ་ཚན་འཁྲིད་ཀྱི་ཡོད་པ་རེད།

    ལྷག་བསམ་ཟོལ་མེད་ཀྱིས་འཚོ་བར་སེམས་ཁུར་བྱེད་པ།

    ཏང་ཀྲི་པུའུ་ཡི་འགོ་ཁྲིད་ཚན་ཁག་ཁོངས་མིས་ལས་དོན་སྒྲུབ་སྐབས་ཀྱི་མྱོང་ཚོར་ཆེ་ཤོས་ནི་བློ་མཐུན་རྒན་གྲས་རྣམས་ཏང་གི་མཐའ་འཁོར་དུ་མཐུན་སྒྲིལ་དམ་ཟབ་བྱས་ནས་ལས་དོན་སྒྲུབ་རིང་བཅོས་མིན་ལྷག་བསམ་ལ་བརྟེན་ནས་བྱ་བ་བསྒྲུབས་ཏེ་བློ་མཐུན་རྒན་གྲས་ཚོར་ཏང་ཀྲི་པུའུ་ལ་ཡིད་ཆེས་བྱེད་པ་དང་དུས་དང་རྣམ་པ་ཀུན་ཏུ་ཏང་གི་རྩ་འཛུགས་ཀྱི་དྲོ་སྐྱིད་ཚོར་ཐུབ་པ་བྱེད་ཀྱི་ཡོད་པ་དང་། ཏང་ཀྲི་པུའི་ཏང་ཡོན་རྒན་གྲས་ཁག་གཅིག་དེ་སྔ་ལས་གནས་ཐོག་ཡོད་སྐབས་ལོ་འཁོར་མོར་ཤང་གྲོང་གི་འཐབ་ཕྱོགས་དང་པོར་ལས་ཀ་བྱས་སྟབས་དལ་བའི་རང་བཞིན་གྱི་ན་ཚ་ཕོག་མཁན་མང་ཙམ་ཡོད་པར་བརྟེན་ཏང་ཀྲི་པུའི་འགོ་ཁྲིད་ཚན་ཁག་གི་ཁོངས་མིས་རྒྱུན་དུ་ཏང་ཡོན་རྒན་གྲས་དེ་དག་གི་ཁྱིམ་དུ་ལྟ་བར་སྐྱོད་པ་དང་ལོ་གསར་དང་དུས་ཆེན་འཕྲད་རིམ་བཞིན་འཚམས་འདྲིའི་དངུལ་དང་དངོས་རྫས་སོགས་བསྐྱལ་བ་དང་འབྲེལ་སྨན་བཅོས་འཐབ་ཕྱོགས་ཀྱི་ལས་འཁྱུར་ངལ་གསོ་རྒྱག་མཁན་བློ་མཐུན་རྒན་གྲས་སྐུལ་སློང་བྱས་ནས་ན་ཚ་ཡོད་མཁན་ཏང་ཡོན་རྒན་གྲས་ཚོར་སྨན་བཅོས་བྱེད་ཀྱི་ཡོད།

    བློ་མཐུན་རྒན་གྲས་རེ་ཟུང་གི་བཟའ་ཟླར་ལས་ཀ་མེད་ཁར་བུ་ཕྲུག་འཁྲིས་སུ་མེད་རྐྱེན་ཁྱིམ་ཚང་གི་འཚོ་བར་དཀའ་ངལ་ངེས་ཅན་འཕྲད་ཀྱི་ཡོད། ཁོང་ཚོས་དུས་ཐོག་ཏུ་གོང་རིམ་ལ་གནས་ཚུལ་སྙན་སེང་ཞུས་ཏེ་ཁོང་ཚོའི་དཀའ་ངལ་དངོས་སེལ་རོགས་ཧུར་ཐག་བྱེད་ཀྱི་ཡོད་པ་དང་ཆབས་ཅིག་རྒྱལ་ཁབ་ཀྱིས་བློ་མཐུན་རྒན་གྲས་ལ་སེམས་ཁུར་བྱེད་པའི་སྲིད་ཇུས་བཏོན་ཕྱིན་ཏང་ཀྲི་པུའུ་ཡིས་དོན་ཚན་རེ་རེ་བཞིན་ལྟ་བསྡུར་བྱས་ནས་བློ་མཐུན་རྒན་གྲས་ལ་དོན་འཁྱོལ་བྱུང་མིན་ལྟ་བ་དང་དུས་ཐོག་ཏུ་ཏང་གི་སྲིད་ཇུས་བཟང་པོ་ཚང་མར་དོན་ཐོག་ཏུ་འཁྱོལ་ཐུབ་པ་བྱེད་ཀྱི་ཡོད་པ་རེད།

    ཏང་ཀྲི་པུའུ་བཙུགས་པ་ནས་ད་བར་འགོ་ཁྲིད་ཚན་ཁག་ཐེངས་འགའ་བརྗེས་རུང་འོན་ཏེ་ཚང་མས་སྔ་ཕྱི་བར་གསུམ་དུ་ཏང་ཡོན་རྒན་གྲས་ཀྱི་ལས་དོན་ལེགས་པར་བསྒྲུབས་པ་དང་ཏང་ཡོན་རྒན་གྲས་རྣམས་ཏང་གི་མཐའ་འཁོར་དུ་དམ་དུ་སྦྲེལ་བས་དཔལ་འབྱོར་འཕེལ་རྒྱས་ལ་སྐུལ་མ་གཏོང་བ་དང་སྤྱི་ཚོགས་ཀྱི་དུས་བབ་ཡུན་རིང་བདེ་འཁོད་ཡོང་བ་བྱེད་པའི་ནང་གི་བློ་མཐུན་རྒན་གྲས་ཚོའི་ནུས་པ་གང་ཡོད་འདོན་སྤེལ་བྱེད་ཐུབ་པ་བྱུང་ཡོད།