བཅའ་སྡོད་ལས་དོན་གྲོང་ཚོ་ཡོངས་ལ་ཁྱབ། ལས་བྱེད་མང་ཚོགས་གཅིག་སེམས་གཅིག་ལ་སྦྲེལ།

      སྔོན་གཏོད་ལེགས་བརྩོན་དང་། རྨང་གཞི་བརྟན་གཏོང་། དམངས་འཚོར་ཕན་འདོགས་པ་བཅས་ཀྱི་བྱེད་སྒོ་གཏིང་ཟབ་སྤེལ།

    བསྟུད་མར་ཉིན་ཤས་རིང་ཉིང་ཁྲི་ས་ཁུལ་གྱི་རིམ་ཁག་སྔོན་གཏོད་ལེགས་བརྩོན་དང་། རྨང་གཞི་བརྟན་གཏོང་། དམངས་འཚོར་ཕན་འདོགས་པ་བཅས་ཀྱི་བྱེད་སྒོའི་ལས་དོན་རུ་ཁག་ཚང་མ་སྲིད་འཛིན་གྲོང་ཚོ་དང་གྲོང་མི་ཨུ་ཡོན་ལྷན་ཁང་ཁག་ཏུ་བཅའ་སྡོད་བྱས་ནས་ལས་དོན་སྤེལ་འགོ་ཚུགས་པར་ཞིང་འབྲོག་མང་ཚོགས་ཀྱི་དགའ་བསུ་དང་བརྩི་བཀུར་ཐོབ་ཡོད་པ་རེད།

    ཉིང་ཁྲི་ས་ཁུལ་གྱི་རྨང་གཞི་བརྟན་གཏོང་དང་དམངས་འཚོར་ཕན་འདོགས་པའི་གཞུང་དོན་ཁང་གི་འགན་ཁུར་བས་ངོ་སྤྲོད་བྱས་པར་གཞིགས་ན། ས་ཨུད་ཀྱིས་སྔོན་གཏོད་ལེགས་བརྩོན་དང་། རྨང་གཞི་བརྟན་གཏོང་། དམངས་འཚོར་ཕན་འདོགས་པ་བཅས་ཀྱི་བྱེད་སྒོ་གཏིང་ཟབ་སྤེལ་རྒྱུར་ཚད་མཐོའི་མཐོང་ཆེན་གྱིས་ཧྲུའུ་ཅི་ཁྲེན་ཆོན་གོའི་གལ་ཆེའི་གསུང་བཤད་ཀྱི་དགོངས་དོན་བརྒྱུད་བསྒྲགས་དང་སློབ་སྦྱོང་ཐེངས་མང་བྱེད་པ་དང་བྱེད་སྒོའི་འབྲེལ་ཡོད་ལས་དོན་ལ་ཆེད་མངགས་ཞིབ་འཇུག་དང་བཀོད་སྒྲིག་བྱས་ཏེ་ས་ཁུལ་ཡོངས་ཀྱིས་ཁྱོན་ལས་བྱེད་པ་1824སྐོང་འཐེན་བྱས་ནས་གྲོང་ཚོར་བཅའ་སྡོད་ལས་དོན་རུ་ཁག་456བཙུགས་པ་རེད། དུས་མཚུངས་ས་ཁུལ་རིམ་པའི་ཏང་ཡོན་ལས་བྱེད་པ་1གིས་ཤང (གྲོང་རྡལ )གཉིས་དང་འབྲེལ་བ་བྱེད་པའི་ཐབས་ལ་བརྟེན་ནས་ས་ཁུལ་རིམ་པའི་ཏང་ཡོན་ལས་བྱེད་པ་27གྱིས་ཁག་བགོས་ངང་ཤང (གྲོང་རྡལ )གི་འགན་གཙང་བླངས་ཏེ་གྲོང་ཚོར་བཅའ་སྡོད་ལས་དོན་རུ་ཁག་ཁག་གིས་བྱེད་སྒོའི “ལས་འགན་གཙོ་བོ་ལྔ ”དང་འཕེལ་རྒྱས་དང་བརྟན་ལྷིང་གི་ལས་དོན་ཁག་ཡག་པོ་བསྒྲུབ་རྒྱུར་མཛུབ་ཁྲིད་བྱེད་ཀྱི་ཡོད། ས་ཁུལ་ནོར་སྲིད་ཀྱིས་ཆེད་དོན་མ་དངུལ་སྒོར་ཁྲི་1563.3གཅིག་གྱུར་ངང་བཀོད་སྒྲིག་བྱས་ནས་གྲོང་ཚོར་བཅའ་སྡོད་ལས་དོན་རུ་ཁག་དང་ཤང (གྲོང་རྡལ )འགན་གཙང་ལེན་མཁན་ཏང་ཡོན་ལས་བྱེད་པས་མང་ཚོགས་ཆེད་དཀའ་གནད་སེལ་བ་དང་དོན་བཟང་བསྒྲུབ་པའི་ནུས་པ་མཐོ་རུ་གཏོང་གི་ཡོད་པ་རེད།

    མིག་སྔར་སྔོན་དུ་འབྱོར་བའི་ལས་དོན་རུ་ཁག་གིས་གྲོང་ཚོ་ཁག་ཏུ་བདེ་བླག་ངང “གཞིས་ཆགས ”ནས “གྲོང་ཚོའི་ཨུ་ལྷན་གཉིས ”ཀྱི་ཚན་ཁག་གི་ཁོངས་མི་དང་ཕན་ཚུན་སྦྲེལ་མཐུད་དང་སྤེལ་རེས་བྱེད་པ་དང་གྲོང་མིའི་སྐུལ་སློང་ཚོགས་འདུ་འཚོགས་པ། འཚམས་འདྲི་དང་བརྟག་ཞིབ་ལས་དོན་བསྒྲུབ་པ་སོགས་བྱེད་ཀྱི་ཡོད་པ་རེད།