“མེ་འཁོར་མྱུར་པོ་བསྐྱོད་དགོས་ཚེ་མེ་འཁོར་ཨ་མར་བརྟེན་དགོས་པ་དང་ཀྲི་པུའུ་སྟོབས་ཆེན་ཡིན་མིན་དེ་ཀྲི་པུའི་འགོ་འཛིན་ལ་ཐུག་ཡོད ”གཞི་རིམ་མང་ཚོགས་ལ་སྐབས་གསར་པའི་གྲོང་ཚོ་ཨུ་ལྷན་དང་གྲོང་མི་ཨུ་ལྷན་གཉིས་ཀྱི་ཚན་ཁག་ཕུལ་བྱུང་ཅན་དང་འཇོན་ཐང་ཅན་འདེམས་རྒྱུར་མཛུབ་ཁྲིད་བྱ་ཆེད་གོང་དཀར་རྫོང་གིས “གསུམ་གསུམ ”བྱེད་ཐབས་སྤྱད་ནས་གྲོང་ཚོ་ཨུ་ལྷན་དང་གྲོང་མི་ཨུ་ལྷན་གཉིས་ཀྱི་སྐབས་བརྗེའི་ལས་དོན་ལ་སྐུལ་འདེད་བཏང་སྟེ་སྐབས་བརྗེའི་རྣམ་པ་ཟབ་པ་དང་། སྐབས་བརྗེའི་བརྒྱུད་རིམ་ཁ་གསལ་བ། ཞུགས་མཁན་མང་བ། ཞུགས་མཁན་ཕུལ་བྱུང་ཅན་བཅས་ཡིན་པའི་འགན་ལེན་བྱས་པ་རེད།

    “གཅིག་རེ་གསུམ ”གྱི་སྐབས་བརྗེའི་རྣམ་པ་བཏོད་ཅིང་། གཅིག་ནས། སྐུལ་སློང་གསོ་སྦྱོང་ཚོགས་འདུ་ཐེངས་གཅིག་འཚོགས་པ་དང་། ཟླ་8པའི་ཟླ་སྟོད་དུ་གོང་དཀར་རྫོང་གི་རྫོང་དང་། ཤང་། གྲོང་ཚོ་བཅས་རིམ་པ་གསུམ་གྱིས་སྐུལ་སློང་གསོ་སྦྱོང་ཚོགས་འདུ་རིམ་པ་སྟར་ཆགས་ཀྱིས་འཚོགས་ནས་གྲོང་ཚོ་ཨུ་ལྷན་དང (གྲོང་མི )ཨུ་ལྷན་གཉིས་ཀྱི་སྐབས་བརྗེའི་དགོངས་དོན་དྲིལ་བསྒྲགས་ཤུགས་ཆེན་བྱས་པ་དང་རྫོང་དེ་ཡོངས་ཀྱིས་ཤང་དང་གྲོང་རྡལ་8ཀྱི་གྲོང་ཚོ་ཨུ་ལྷན་དང་(གྲོང་མིར )ཨུ་ལྷན་ཁྱོན་41ལ་སྐུལ་སློང་གསོ་སྦྱོང་ཚོགས་འདུ་ཐེངས་50འཚོགས་པ། གསོ་སྦྱོང་ནང་ཞུགས་མཁན་མི་གྲངས་836ཟིན་པ་དང་། གཉིས་ནས། གྲོང་ཚོ་ཨུ་ལྷན་དང་(གྲོང་མི )ཨུ་ལྷན་གཉིས་ཀྱི་སྐབས་བརྗེའི་སྲིད་ཇུས་སྒྲོག་སྦྱངས་ཐེངས་གཅིག་བྱས་ཤིང་། རྫོང་གི་སྐབས་བརྗེའི་གཞུང་དོན་ཁང་གིས་ཆེད་མངགས་ས་ཁུལ་དམངས་སྲིད་ཅུས་ནས་ཡུན་རིང་གྲོང་ཚོ་ཨུ་ལྷན་དང་(གྲོང་མི )ཨུ་ལྷན་གཉིས་ཀྱི་སྐབས་བརྗེའི་ལས་དོན་བྱེད་མཁན་རིགས་གཅིག་མཁས་ཅན་གཅིག་གདན་ཞུས་ཀྱིས་ལས་བྱེད་པ་དང་ལས་བཟོ་ཚོར་སྐབས་བརྗེའི་སྲིད་ཇུས་སློབ་ཚན་འཚོགས་ཐེངས་གཅིག་འཚོགས་ཐོག་རྫོང་གི་སྐབས་བརྗེའི་གཞུང་དོན་ཁང་གི་མཛུབ་ཁྲིད་ཚོགས་ཆུང་གི་ཁོངས་མི་ནས་ཤང་དང་གྲོང་རྡལ་བར་དང་ཤང་དང་གྲོང་རྡལ་ནས་གྲོང་ཚོ་དང་གྲོང་མིའི་བར་བསྐྱོད་པའི་རྣམ་པ་སྤྱད་དེ་རིམ་པ་སྟར་ཆགས་ཀྱིས་སྒྲོག་སྦྱངས་སྤེལ་བ་གཞིར་བཟུང་མི་ཚང་མས་སྲིད་ཇུས་ཤེས་པ་དང་བརྒྱུད་རིམ་རྟོགས་པ་བྱས་ནས་རང་འགུལ་ངང་སྐབས་བརྗེའི་ལས་དོན་ནང་ཞུགས་པ། གསུམ་ནས། གཞི་རྟེན་ཞིག་བཏོད་ནས་དྲིལ་བསྒྲགས་ལ་གཞོགས་འདེགས་བྱས་ཤིང་། གོང་དཀར་རྫོང་ཨུད་རྩ་འཛུགས་པུས་རྫོང་བཪྙན་འཕྲིན་ལས་ཁུངས་སུ “ཏང་དར་ལྷབ་ལྷུབ་ཏུ་གཡོ ”ཞེས་པའི་ལེ་ཚན་བཏོད་ནས་སྔོན་ཐོན་གཞི་རིམ་ཏང་རྩ་འཛུགས་དང་ཕུལ་བྱུང་གུང་ཁྲན་ཏང་ཡོན་གྱི་སྔོན་ཐོན་བྱས་རྗེས་དྲིལ་བསྒྲགས་ཤུགས་ཆེན་གྱིས་གཞི་རིམ་ཏང་རྩ་འཛུགས་ཀྱི་ཕུལ་བྱུང་ཧྲུའུ་ཅི་དང་ཀྲུའུ་རེན་གྱི་མུ་མཐུད་ལས་འགན་འཁུར་རྒྱུར་ཡིད་དབང་བཀུག་པ་དང་རྒྱ་ཆེའི་ཕུལ་བྱུང་ཕྱུག་འགྱུར་སྣེ་ཁྲིད་པ་གྲོང་ཚོ་ཨུ་ལྷན་དང (གྲོང་མི )ཨུ་ལྷན་གཉིས་ཀྱི་ཚན་ཁག་ཏུ་འདེམས་འགྲན་བྱ་རྒྱུར་ཡིད་དབང་བཀུག་པ་བཅས་རེད།

    “གཅིག་རེ་གསུམ ”གྱིས་སྐབས་བརྗེའི་བརྒྱུད་རིམ་ཁ་གསལ་བཟོས་ཤིང་། རྫོང་ཨུད “འགོ་ཁྲིད་ཀྱིས་ཤང་ལ་འབྲེལ་གཏུགས་བྱེད་པ་དང་། སྡེ་ཚན་གྱིས་གྲོང་ཚོ་འགན་གཙང་བླངས་པ། ལས་བྱེད་པས་དུད་ཚང་ལ་རོགས་རམ་བྱེད་པ། གྲོང་ཁྱེར་དང་གྲོང་གསེབ་མཉམ་སྐྲུན་བྱེད་པ་བཅས་བྱས་ནས་ཞིང་འབྲོག་ཁུལ་གྱི་གཞི་རིམ་རྩ་འཛུགས་འཛུགས་སྐྱོང་ལ་ཤུགས་སྣོན་རྒྱག་པའི ”འབྲེལ་ཡོད་བླང་བྱ་གཞིར་བཟུང་། གོང་དཀར་རྫོང་གིས་ཁག་བགོས་འགན་ལེན་དང་། གོང་འོག་མཉམ་འགུལ། གཡས་གཡོན་མཉམ་སྐུལ་བཅས་ཀྱི་རྣམ་པ་གཞིར་བཟུང་གྲོང་ཚོ་ཨུ་ལྷན་དང (གྲོང་མི )ཨུ་ལྷན་གཉིས་ཀྱི་མཛུབ་ཁྲིད་ལས་དོན་ཡག་པོ་བསྒྲུབས་པ་སྟེ། གཅིག་ནས། གྲོང་ཚོ་ཚང་མར་རྫོང་རིམ་པའི་འགོ་ཁྲིད་ཅིག་བཏང་ནས་མཛུབ་ཁྲིད་བྱ་རྒྱུར་འབྲེལ་གཏུག་བྱས་ཤིང་། “ཆ་སྒྲིག ”དང “གཅིག་གཏད་གཉིས ”ཀྱི་བྱ་ཐབས་སྤྱད་དེ་རྫོང་དེ་ཡོངས་ཀྱི་རྫོང་རིམ་པའི་འགོ་ཁྲིད་ལས་བྱེད་པ་26དང་སྲིད་འཛིན་གྲོང་ཚོ་41དབར་བཀོད་སྒྲིག་དོ་མཉམ་བྱས་ནས་གྲོང་ཚོ་ཚང་མར་རྫོང་རིམ་པའི་འགོ་ཁྲིད་གཅིག་གིས་མཛུབ་ཁྲིད་བྱ་རྒྱུའི་འབྲེལ་གཏུག་བྱ་རྒྱུ་འགན་ལེན་བྱས་པ་དང་། གཉིས་ནས། གྲོང་ཚོ་ཚང་མར་ཁོའོ་རིམ་པའི་ལས་བྱེད་པ་བཏང་ནས་ཞིབ་ཕྲའི་མཛུབ་ཁྲིད་བྱས་ཤིང་། གོང་དཀར་རྫོང་གི་རྫོང (ཀྲུང་དབྱང )ཐད་གཏོགས་ཚན་པ་48དང་སྲིད་འཛིན་གྲོང་ཚོ་41དབར “གཅིག་རོགས་གཅིག ”དང “མང་པོས་གཅིག་ལ་རོགས་སྐྱོར ”གྱི་བྱེད་ཐབས་སྤྱད་ནས་གྲོང་ཚོ་འགན་གཙང་ལེན་ཏེ་གྲོང་ཚོ་འགན་གཙང་ལེན་མཁན་ཚན་པའི་འགན་འཁུར་མི་སྣ་ཞིབ་ཕྲའི་མཛུབ་ཁྲིད་མི་སྣ་ཡིན་པ་གཏན་འཁེལ་བྱས་པ། གསུམ་ནས། གྲོང་ཚོ་ཚང་མ་ནས་ཤང་གྲོང་ལས་བྱེད་པ་གཅིག་བཏང་ནས་དངོས་སྡོད་དང་མཛུབ་ཁྲིད་བྱས་ཤིང་། གྲོང་ཚོ་ཨུ་ལྷན་དང་(གྲོང་མི )ཨུ་ལྷན་གཉིས་ཀྱིས་ཚོགས་འདུ་ཁག་འཚོགས་ཏེ་གོང་གསལ་གྱི་མཛུབ་ཁྲིད་པ་གསུམ་ཚོགས་འདུར་ཟུར་ཞུགས་བྱས་པ་བཅས་རེད། “གཅིག་རེ་གསུམ ”གྱི་བྱེད་ཐབས་བརྒྱུད་རྫོང་དེ་ཡོངས་སུ་ལས་བྱེད་པ་300ཙམ་གྲོང་ཚོ་ཨུ་ལྷན་དང་(གྲོང་མི )ཨུ་ལྷན་གཉིས་ཀྱི་སྐབས་བརྗེའི་མཛུབ་ཁྲིད་ལས་དོན་ཁྲོད་ཞུགས་ནས་གྲོང་ཚོ་ཨུ་ལྷན་དང་(གྲོང་མི )ཨུ་ལྷན་གཉིས་ཀྱི་སྐབས་བརྗེའི་ལས་དོན་བདེ་བླག་ངང་བསྒྲུབ་རྒྱུར་རྨང་གཞི་ལེགས་པོ་ཞིག་བཏིང་ཡོད་པ་རེད།

    “གཅིག་རེ་གསུམ ”གྱིས་གྲ་སྒྲིག་འོས་མི་གྲབས་གསོག་བྱས་པ་སྟེ། གཅིག་ནས། ཕུལ་བྱུང་ལས་བྱེད་པ་ཁག་གཅིག་མུ་མཐུད་ལས་འགན་འཁུར་དུ་བཅུག་ཅིང་། ལས་ཀའི་རྒྱུན་མཐུད་རང་བཞིན་ལ་འགན་ལེན་བྱ་ཆེད་ད་ཡོད་ཀྱི་ཚན་ཁག་ལ་ཚད་ལེན་དཔྱད་དཔོག་དང་དཔྱད་ཞིབ་བྱས་པ་བརྒྱུད་མང་ཚོགས་ཀྱི་བློ་ཡིད་ཚིམས་ཚད་ཆེ་བར་རྫོང་དང་ཤང་གིས་སྐུལ་ལྕག་བྱེད་ཐབས་ལག་བསྟར་བྱས་ནས་ཁོང་ཚོ་མུ་མཐུད་འདེམས་བསྐོའི་ནང་ཞུགས་རྒྱུར་ལྕག་སྐུལ་བྱས་པ་དང་། གཉིས་ནས། ལས་ཁུངས་ལས་བྱེད་པ་ཁག་གཅིག་གཤམ་གཏོང་བྱས་ཤིང་། དཔལ་འབྱོར་འཁོས་ཀ་ཞན་པའི་གྲོང་ཚོ་དང་ལས་ཀ་རྗེས་ལུས་ཀྱི་གྲོང་ཚོ་ཁག་གཅིག་ལ་གཞི་རིམ་རྩ་འཛུགས་ཀྱི་ལས་དོན་ཡག་པོ་བསྒྲུབ་རྒྱུར་རོགས་རམ་བྱ་ཆེད་རྫོང་ཨུད་ཀྱིས 《རྫོང་དང་ཤང་གི་ལས་དོན་མི་སྣ་གྲོང་ཚོ་དང་(གྲོང་མི་ཨུ་ལྷན )གཉིས་སུ་ལས་འགན་འཁུར་རྒྱུར་བདམས་མངགས་བྱེད་པའི་སྐོར་གྱི་བརྡ་ཐོ 》བཏང་ནས་སྔ་སྣུར་དུ་ཆབ་སྲིད་བྱང་ཚད་མཐོ་བ་དང་། ལོ་ན་གཞོན་ཞིང་འཇོན་ཐང་ཆེ་བ། གསོ་སྦྱོང་གི་མདུན་ལམ་ངེས་ཅན་ལྡན་པ། ཤང་གྲོང་ལས་ཀའི་ཉམས་མྱོང་ལྡན་པ་བཅས་ཀྱི་ལས་བྱེད་པ་ཞིང་འབྲོག་ཁུལ་གྱི་ལས་ཡུལ་མདུན་མར་མངགས་གཏོང་བྱས་ནས་གྲོང་ཚོའི་ལས་བྱེད་པའི་འོས་མིར་བརྩིས་ཏེ་གསོ་སྦྱོང་བྱས་པ། དེ་དང་ཆབས་ཅིག་རྟ་སྒ་ཆ་འགྲིག་གི་ཡིག་ཆ་བཏོན་ནས་གྲོང་ཚོར་ལས་འགན་འཁུར་མཁན་ལས་བྱེད་པ་གཤམ་སྐྱོད་བྱེད་ཐུབ་པ་དང་། སྡོད་ཐུབ་པ། ལས་ཀ་ཡག་པོ་བྱེད་ཐུབ་པ། མདུན་ལམ་ཡོད་པ་བཅས་ཀྱི་འགན་ལེན་བྱས་པ། གསུམ་ནས། ཕྱུག་འགྱུར་འཇོན་ཐང་ཅན་ཁག་གཅིག་བདམས་སྦྱོར་བྱས་ཤིང་། “གསོ་སྦྱོང་གསུམ ”གྱི་བླང་བྱ་གཞིར་བཟུང་ཕྱུག་འགྱུར་སྣེ་ཁྲིད་ཅན་དང་ཕྱིར་བསྐྱོད་པའི་ཕུལ་བྱུང་གི་སྐོར་སྐྱོད་ཏང་ཡོན་གདན་དྲངས་ནས་ཁོང་ཚོས་རང་འགུལ་ངང་ཕ་ཡུལ་དུ་ལོག་ནས་བྱ་གཞག་གསར་གཏོད་བྱེད་པ་དང་གྲོང་ཚོ་ཨུ་ལྷན་དང་(གྲོང་མི )ཨུ་ལྷན་གཉིས་ཀྱི་ཚན་ཁག་གི་འདེམས་བསྐོའི་ནང་ཞུགས་རྒྱུར་སྐུལ་སློང་བྱས་པ་བཅས་རེད།