བོད་ལྗོངས་ཉིན་རེའི་ཚགས་པར་ཁང་དུ་ལྷ་ས་ནས་གནས་ཚུལ་འབྱོར་གསལ། ཉེ་ཆར་གཞི་རིམ་འཛུགས་སྐྱོང་ལ་ཤུགས་སྣོན་རྒྱག་པའི་ལོའི་བྱེད་སྒོའི་ལྷ་ས་གྲོང་ཁྱེར་གྱི་འགོ་ཁྲིད་ཚོགས་ཆུང་གི་ཙུའུ་ཀྲང་གཞོན་པ་དང་། གྲོང་ཨུད་ཀྱི་རྒྱུན་ཨུ། སྒྲིག་བཤེར་ཨུ་ལྷན་གྱི་ཧྲུའུ་ཅི་བཅས་ཡིན་པའི་ཟླ་བ་དངོས་གྲུབ་གཞི་རིམ་དུ་བསྐྱོད་ནས་གཞི་རིམ་འཛུགས་སྐྱོང་ལ་ཤུགས་སྣོན་རྒྱག་པའི་ལོའི་བྱེད་སྒོ་སྤེལ་ཚུལ་ལ་ཞིབ་བཤེར་དང་མཛུབ་ཁྲིད་གནང་བ་རེད།
སྙེ་མོ་རྫོང་ཐོན་པ་ཤང་ཐོན་མདའ་གྲོང་ཚོར་ཞིབ་བཤེར་ཚོགས་ཆུང་གིས་གྲོང་ཚོ་དེར་བོད་སྤོས་ཀྱི་སྤུས་རྟགས་རྣམ་གྲངས་ལེགས་སུ་བཏང་སྟེ་གོམ་གང་མདུན་སྤོས་ཀྱིས་ཐོན་ཁུངས་བསྡུ་སྒྲིལ་བྱེད་པ་དང་། ཕུགས་ཡུན་ལ་དམིགས་པ། ལེགས་ཆ་འདོན་སྤེལ་བཅས་བྱས་ནས་སྤུས་རྟགས་གྲགས་ཅན་གཏོད་དེ་ཐོན་རྫས་ཀྱི་ལྟེ་བའི་འགྲན་རྩོད་ནུས་པ་ཆེ་རུ་བཏང་ནས་སྤོས་ཀྱི་ཐོན་རྫས་དེ་ལྗོངས་ཡོངས་དང་རྒྱལ་ཡོངས་དང་ཐ་ན་རྒྱལ་སྤྱིའི་ཁྲོམ་རར་རིམ་བཞིན་འདོན་ཐུབ་པ་བྱེད་དགོས་པའི་བླང་བྱ་བཏོན་པ་དང་རྒྱ་མཚོའི་ངོས་ལས་མཐོ་ཚད་སྨི་5100ཡིན་པའི་མར་རྐྱང་ཤང་གླང་སྟོད་གྲོང་ཚོར་ཞིབ་བཤེར་ཚོགས་ཆུང་གིས་ལས་དོན་ཚོགས་ཆུང་ལ་འཚམས་འདྲིའི་དངུལ་སྒོར་1000སྤྲད་པ་རེད།