ལས་བྱེད་ཆིག་ཁྲི་གྲོང་ཚོ་སྟོང་དུ་བསྐྱོད། ལས་བྱེད་མང་ཚོགས་སེམས་པ་གཅིག་ཏུ་སྦྲེལ།
—— གཞི་རིམ་འཛུགས་སྐྱོང་ལ་ཤུགས་སྣོན་རྒྱག་པའི་ལོའི་བྱེད་སྒོ་གཏིང་ཟབ་ངང་སྤེལ།
ཚེས་28ཉིན་གྱི་ཞོགས་པ་སྔ་པོ་ནས་ལྗོངས་ཏང་ཨུད་རྩ་འཛུགས་པུའི་ལས་ཁུངས་ཀྱི་ལས་བྱེད་པ་དང་ལས་བཟོ་ཚོས་གཞུང་ལས་ཐོག་བརྩེགས་ཁང་གི་མདུན་དུ་ལྷན་འཛོམས་བྱས་ནས་མལ་གྲོ་གུང་དཀར་རྫོང་རྒྱ་མ་ཤང་ཙི་ཙི་རོང་གྲོང་ཚོར་སྐྱོད་མཁན་གྲོང་ཚོར་བཅའ་སྡོད་ལས་དོན་ཚོགས་ཆུང་ལ་དགའ་སྐྱེལ་ཞུས་པ་རེད།
དགའ་སྐྱེལ་ཞུ་བའི་མཛད་སྒོའི་ཐོག་ལྗོངས་ཏང་ཨུད་རྩ་འཛུགས་པུའི་པུའུ་ཀྲང་གཞོན་པ་སྒྲིག་ཁོངས་གཞུང་ལས་ཁང་གི་ཀྲུའུ་རེན་ཐང་མིང་དབྱིང་གིས་གྲོང་ཚོར་བཅའ་སྡོད་ལས་དོན་ཚོགས་ཆུང་ལ་བྱམས་བརྩེའི་ངང “ལས་དོན་ཚོགས་ཆུང་གི་ཁོངས་མི་ཡོངས་ཀྱིས་ཏང་གི་བྱེད་ཕྱོགས་སྲིད་ཇུས་དྲིལ་བསྒྲགས་ཤུགས་ཆེན་བྱེད་པ་དང་། གནད་དོན་མངོན་གསལ་དོད་པོ་ཐག་གཅོད་ནུས་ལྡན་བྱེད་པ། ཏང་དང་མང་ཚོགས་དབར་དང་ལས་བྱེད་པ་དང་མང་ཚོགས་དབར་གྱི་འབྲེལ་བ་ཟབ་ཏུ་གཏོང་བ། གཞི་རིམ་རྩ་འཛུགས་འཛུགས་སྐྱོང་ལ་ཤུགས་སྣོན་རྒྱག་རོགས་བྱེད་པ་བཅས་བྱས་ནས་རྒྱ་ཆེའི་ཞིང་འབྲོག་མང་ཚོགས་ཚོས་ཏང་གི་ལས་བྱེད་པ་མཐོང་ཐུབ་པ་དང་། ཏང་གི་གསུང་སྒྲ་ཐོས་ཐུབ་པ། ཏང་གི་དྲོ་སྐྱིད་ཚོར་ཐུབ་པ་བཅས་བྱེད་པ་དང་། གཞི་རིམ་དུ་བྱ་བ་དངོས་བསྒྲུབ་པའི་ཆོད་སེམས་དང་ཡིད་ཆེས་ཆེ་རུ་བཏང་ནས་བསམ་བློ་དེ་ལས་དོན་ཐོག་བཞག་ནས་མང་ཚོགས་ཚོའི་སྙིང་ཉེ་བར་དངོས་འབྲེལ་འགྱུར་ཐུབ་པ་བྱེད་པ། མང་ཚོགས་ཁྲོད་བསྐྱོད་ནས་བརྟག་དཔྱད་དང་ཞིབ་འཇུག་བྱ་རྒྱུར་ཤུགས་སྣོན་རྒྱག་པ་དང་། གྲོང་ཚོའི་གནས་ཚུལ་དང་མང་ཚོགས་ཚོའི་དཀའ་ངལ་ཤེས་རྟོགས་བྱེད་པ། བྱ་བ་དངོས་ཏན་ཏིག་སྒྲུབ་པ་བཅས་བྱས་ནས་ལག་ལེན་གྱི་ཞིབ་དཔྱད་ཐེག་ཐུབ་པའི་གྲུབ་འབྲས་དངོས་འབྲེལ་གཏོད་པ། ཚོགས་པའི་སྙིང་སྟོབས་དར་སྤེལ་བཏང་ནས་མཉམ་སྡེབ་ཀྱི་སྟོབས་ཤུགས་ལ་བརྟེན་ནས་ལས་དོན་སྤེལ་བ། ལས་བྱེད་པའི་གཟུགས་བཪྙན་བཟང་པོ་བཏོད་དེ་གཞི་རིམ་དུ་སྤྱོད་ཚུལ་ཡག་པོ་འཛུགས་པ ”བཅས་བྱེད་དགོས་ཞེས་གསུངས་པ་རེད།
མལ་གྲོ་གུང་དཀར་རྫོང་རྒྱ་མ་ཤང་ཙི་ཙི་རོང་གྲོང་ཚོར་སྐྱོད་མཁན་ལས་དོན་ཚོགས་ཆུང་གི་ཙུའུ་ཀྲང་ལྗོངས་ཏང་ཨུད་རྩ་འཛུགས་པུའི་སྐོར་ཞིབ་པ་གཞོན་པ་ཕང་ཆི་མིང་གིས་གྲོང་ཚོར་བཅའ་སྡོད་ལས་དོན་ཚོགས་ཆུང་དང་བཅས་པས་ད་རེས་ཀྱི་ཏང་གཤིས་སྦྱོང་བརྡར་ལ་ཤུགས་སྣོན་རྒྱག་པ་དང་གཞི་རིམ་གྱི་ཉམས་མྱོང་ཕུན་སུམ་ཚོགས་སུ་གཏོང་བའི་གོ་སྐབས་དེ་དམ་འཛིན་གྱིས་གྲོང་ཚོར་བཅའ་སྡོད་ལས་དོན་ཚོགས་ཆུང་གི་སྒྲིག་ལམ་ལ་སྲུང་བརྩི་ནན་ཏན་ཞུ་བ་དང་གཟུགས་བཪྙན་བཟང་པོ་བཏོད་དེ་ས་གནས་དེ་གའི་ལས་བྱེད་པ་དང་མང་ཚོགས་དབར་འབྲེལ་གཏུག་དང་སྤེལ་རེས་བྱ་རྒྱུར་ཤུགས་སྣོན་བརྒྱབ་ནས་གང་མགྱོགས་ལས་དོན་ནང་ཞུགས་དགོས། གྲོང་ཚོར་བཅའ་སྡོད་བྱས་རྗེས་སེམས་རྣལ་དུ་ཕབ་ཐུབ་པ་བྱས་ནས་ཞིང་འབྲོག་པའི་ཁྱིམ་དུ་བསྐྱོད་པ་དང་ཞིང་ནང་དང་མུ་ཁར་བསྐྱོད་དེ་ལས་དོན་ཧུར་ཐག་སྤེལ་དགོས་ཞེས་གསུངས་པ་རེད།