སྔོན་གཏོད་ལེགས་བརྩོན་གྱི་བྱེད་སྒོ་གཏིང་ཟབ་ངང་སྤེལ།
བོད་ལྗོངས་ཉིན་རེའི་ཚགས་པར་ཁང་དུ་ནག་ཆུ་ནས་གློག་འཕྲིན་འབྱོར་གསལ། སྔོན་གཏོད་ལེགས་བརྩོན་གྱི་བྱེད་སྒོ་སྤེལ་ཚུན་ནག་ཆུ་ས་ཁུལ་གྱིས་ས་ཁུལ་གྱི་དོན་དངོས་དང་ཟུང་འབྲེལ་དམ་ཟབ་བྱས་ཏེ་སྔོན་གཏོད་ལེགས་བརྩོན་གྱི་བྱེད་སྒོ་དང་སློབ་སྦྱོང་རྣམ་པའི་ཏང་རྩ་འཛུགས་འཛུགས་སྐྱོང་བྱ་རྒྱུ་ཟུང་འབྲེལ་དམ་ཟབ་བྱེད་པ་དང “སློབ་སྦྱོང་ལྔ་དང་སྐུལ་འདེད་ལྔ ”དམ་འཛིན་བྱ་གཞིར་བྱས་པས་སྔོན་གཏོད་ལེགས་བརྩོན་གྱི་བྱེད་སྒོར་ཕན་འབྲས་མངོན་གསལ་དོད་པོ་ཐོབ་ཡོད་པ་རེད།
འགོ་ཁྲིད་ཀྱིས་སྣེ་ཁྲིད་དེ་སློབ་སྦྱོང་བྱེད་པ་དང་འདུ་ཤེས་གསར་བརྗེས་བྱ་རྒྱུར་སྐུལ་འདེད་བཏང་ཞིང་། ནག་ཆུ་ས་ཁུལ་གྱིས་རིགས་པའི་གཞུང་ལུགས་སློབ་སྦྱོང་ལྟེ་བའི་ཚོགས་ཆུང་གི་སློབ་སྦྱོང་སྣེ་འདྲེན་བྱ་རྒྱུ་མཐའ་འཁྱོངས་བྱས་པས་ཚན་ཁག་གི་ཁོངས་མིས་སྣེ་ཁྲིད་དེ་སློབ་སྦྱོང་བྱེད་པ་དང་ཏང་ཡོན་དཀྱུས་མས་ཕན་ཚུན་བསྡུར་བའི་སྒོ་ནས་སློབ་སྦྱོང་བྱེད་པའི་རྣམ་པ་བཟང་པོ་ཞིག་ཆགས་ཡོད་ཅིང་། མིག་སྔར་རྫོང (ཆུས )ཁག་དང་ཚན་པ་ཁག་གིས “འགོ་ཁྲིད་ཀྱི་འཆད་སྟེགས ”བཙུགས་པ་བརྒྱུད་འགོ་ཁྲིད་ལས་བྱེད་པས་ཕུལ་བའི་ཐབས་ཤེས་བཟང་པོ་ཁག་45དང་ཚན་རིག་དང་མཐུན་པའི་སྒོ་ནས་འཕེལ་རྒྱས་གཏོང་བའི་རིགས་པའི་གཞུང་ལུགས་ཀྱི་རྩོམ་ཡིག་24འབྱོར་བས་ས་ཁུལ་ཡོངས་སུ “ཚང་མས་ཚན་རིག་དང་མཐུན་པའི་སྒོ་ནས་འཕེལ་རྒྱས་གཏོང་རྒྱུ་གླེང་བ་དང་ཚང་མས་བརྟན་ལྷིང་སྲུང་སྐྱོང་བྱ་རྒྱུར་གྲོས་བསྡུར་བྱེད་པའི ”རྣམ་པ་བཟང་པོ་ཞིག་ཆགས་ཡོད་པ་རེད།
ཏང་ཡོན་ཆ་སྒྲིག་ངང་སློབ་སྦྱོང་བྱེད་པ་དང་ཐུན་མོང་ཐོག་ཡར་རྒྱས་འགྲོ་རྒྱུར་སྐུལ་འདེད་བཏང་ཞིང་། ནག་ཆུ་ས་ཁུལ་གྱིས་རྫོང (ཆུས )ཁག་ཏུ “མཉམ་འཛིན་དང་། མཉམ་གཏོད། མཉམ་སྤྱོད ”བཅས་བྱ་རྒྱུ་དམིགས་ཚད་དུ་བྱས་ནས་གཞི་རིམ་ཏང་རྩ་འཛུགས་སུ “གྲོང་ཁྱེར་གྱིས་གྲོང་གསེབ་ལ་སྣེ་ཁྲིད་བྱེད་པ་དང་སྟོབས་ལྡན་གྱིས་ཉམས་ཞན་ལ་སྣེ་ཁྲིད་བྱེད་པའི ”ཆ་སྒྲིག་དང་ཕན་ཚུན་སློབ་སྦྱོང་བྱེད་པའི་བྱེད་སྒོ་སྤེལ་ཐོག་རྫོང་རིམ་པའི་སྡེ་ཚན་ཚན་པའི་ཏང་རྩ་འཛུགས་དང་ཞིང་འབྲོག་ཁུལ་གྱི་ཏང་རྩ་འཛུགས་དབར་ཆ་སྒྲིག་སློབ་སྦྱོང་བྱེད་པ་དང “གཅིག་རེ་ལྔའི ”བྱེད་སྒོ་གཙོ་གནད་དུ་དམ་འཛིན་བྱས་པ་སྟེ། ཁྲིད་སྟོན་པ་ཞིག་གཤམ་གཏོང་དང་། བོད་ཡིག་གི་དཔེ་དེབ་ཁག་གཅིག་སྤྲོད་པ། བརྗོད་དོན་གཙོ་བོའི་བྱེད་སྒོ་ཐེངས་གཅིག་སྤེལ་བ། རྩ་འཛུགས་ཀྱི་འཚོ་བ་ཐེངས་གཅིག་སྐྱེལ་བ། སློབ་སྦྱོང་གི་ལམ་ལུགས་ཆ་ཚང་གཅིག་འཛུགས་པ་དང་འཐུས་ཚང་དུ་གཏོང་བ་བཅས་ཀྱི་ནང་དོན་གཙོ་བོར་བྱས་པའི་ཕན་ཚུན་སློབ་སྦྱོང་དང་མཉམ་གཏོད་ཀྱི་བྱེད་སྒོ་སྤེལ་བ་དེ་ཡིན། ཆ་སྒྲིག་མཉམ་གཏོད་བྱེད་པའི་བརྒྱུད་རིམ་ནང “ལས་ཁུངས་ཀྱི་ཏང་ཡོན་གྲོང་གསེབ་ཏུ་བསྐྱོད་པ ”དང “ཏང་ཡོན་གྱིས་དབུལ་སྐྱོར་དཀའ་སེལ་བྱས་ནས་དྲོ་སྐྱིད་མཚོན་པར་བྱེད་པ ” “ཏང་ཡོན་གྱི་འགན་འཁྲིའི་ཁུལ ”“ཏང་ཡོན་གྱི་གདོང་ལེན་ལས་གནས ”“ཏང་ཡོན་གྱི་ཁས་ལེན་དམ་བཅའ ”“ཏང་ཡོན་གྱི་དང་བླངས་པའི་ཞབས་ཞུ ”“ཏང་ཡོན་གྱི་ལེགས་སྐྱེས་འབུལ་བའི་ཉིན་མོ ”སོགས་རྣམ་པ་སྣ་ཚོགས་ཀྱི་བྱེད་སྒོ་རྒྱ་ཁྱབ་ངང་སྤེལ་བས་ལས་བྱེད་པ་དང་མང་ཚོགས་ཁྲོད་ཏང་ཡོན་གྱིས་དུས་དང་རྣམ་པ་ཀུན་དུ་དཔེ་སྟོན་སྣེ་ཁྲིད་ཀྱི་ནུས་པ་འདོན་རྒྱུར་ཁྲིད་སྟོན་བྱས་ཡོད་པ་རེད།
སློབ་སྦྱོང་གི་གྲུབ་འབྲས་སྲ་བརྟན་དང་རྒྱ་ཆེར་གཏོང་བ་དང་གྲུབ་འབྲས་གཞན་སྒྱུར་བྱ་རྒྱུར་སྐུལ་འདེད་བཏང་ཞིང་། ནག་ཆུ་ས་ཁུལ་གྱིས་སློབ་སྦྱོང་དང་ལག་ལེན་གྱི་བྱེད་སྒོའི་གྲུབ་འབྲས་སྲ་བརྟན་དང་རྒྱ་ཆེར་གཏོང་རྒྱུ་དེ་སྔོན་གཏོད་ལེགས་བརྩོན་གྱི་བྱེད་སྒོའི་གཙོ་གནད་ལས་འགན་ལ་བརྩིས་ནས་བཅོས་སྒྲིག་དོན་འཁྱོལ་གྱི “ཕྱིར་མིག་ལྟ་བའི ”བྱེད་སྒོ་ཏན་ཏིག་ངང་སྤེལ་བ་དང་། སྒྲིག་སྲོལ་དང་ལམ་སྲོལ་གསར་གཏོད་བྱ་རྒྱུར་གཞི་ཚུགས་པ། མང་ཚོགས་ཀྱིས་དོ་ཁུར་བྱེད་པའི་གླེང་མང་བ་དང་དཀའ་གནད་ཀྱི་གནད་དོན་ཐག་གཅོད་ཏན་ཏིག་བྱེད་རྒྱུར་དམིགས་པ། བྱེད་ཐབས་སྣ་ཚོགས་སྤྱད་དེ་གཞི་རིམ་དང་མང་ཚོགས་ཀྱི་གནས་ཚུལ་སྐད་ཆ་འདྲི་བ། བཅོས་སྒྲིག་དང་དོན་འཁྱོལ་གྱི་གྲུབ་འབྲས་ལ་སྤྱི་ཚོགས་ལས་རིགས་ཁག་དང་གཞི་རིམ་ལས་བྱེད་པ་དང་མང་ཚོགས་ཀྱིས་བཏོན་པའི་བསམ་འཆར་དང་གྲོས་འགོ་ཁེངས་སྐྱུང་ངང་ཉན་པ་བཅས་བྱས་ཡོད།
དོན་དངོས་དང་ཟུང་འབྲེལ་བྱས་ཏེ་སློབ་སྦྱོང་བྱེད་པ་དང་ཚན་རིག་དང་མཐུན་པའི་སྒོ་ནས་འཕེལ་རྒྱས་འགྲོ་རྒྱུར་སྐུལ་འདེད་བཏང་ཞིང་། སློབ་སྦྱོང་བྱེད་པའི་བརྒྱུད་རིམ་ནང་ནག་ཆུ་ས་ཁུལ་གྱི་རྫོང (ཆུས )ཁག་དང་སྡེ་ཚན་ཁག་གིས་རང་ངོས་ཀྱི་དོན་དངོས་དང་ཟུང་འབྲེལ་བྱས་ཏེ “ལོ་ལྔ་ཚན་བཅུ་གཉིས་པའི ”འཆར་འགོད་ལ་ཚན་རིག་དང་མཐུན་པའི་སྒོ་ནས་འཆར་འགོད་བྱེད་པའི་ཞིབ་ཕྲའི་དམིགས་ཚད་དང་། ལས་འགན། བྱེད་ཐབས་བཅས་བཟོས་པ་མ་ཟད་ཁྱབ་ཁོངས་མི་འདྲ་བ་དབྱེ་ནས་བླང་བྱ་མི་འདྲ་བ་ཡང་བཏོན་ཡོད། ཤང (གྲོང་རྡལ )དང་གྲོང་ཚོར “ཚན་ཁག་སྟོབས་ཆེར་གཏོང་བ་དང་མི་སེམས་གོང་བུར་འགྲིལ་ནས་ཕྱུག་འགྱུར་ལ་སྣེ་ཁྲིད་བྱེད་པའི་ཏང་རྩ་འཛུགས་གཏོད་པ་དང་། དཔུང་ཁག་སྟོབས་ཆེར་གཏོང་བ་དང་ལས་ལམ་གཏོད་ནས་ཕྱུག་འགྱུར་ལ་སྣེ་ཁྲིད་བྱེད་མཁན་བརྩོན་ལེན་བྱེད་པའི ”“སྟོབས་ཆེ་གཉིས་དང་སྣེ་ཁྲིད་གཉིས ”ཀྱི་ལག་ལེན་དངོས་ཀྱི་བྱེད་སྒོ་ཧུར་ཐག་སྤེལ་ནས་སྤྱི་ཚོགས་རིང་ལུགས་ཀྱི་གྲོང་གསེབ་གསར་པ་སྒོ་ཀུན་ནས་འཛུགས་སྐྲུན་བྱས་ཡོད་པ་རེད།
དཔེ་མཚོན་བདམས་ནས་སློབ་སྦྱོང་བྱེད་པ་དང་སྤྱོད་ཚུལ་ལེགས་སུ་འགྲོ་རྒྱུར་སྐུལ་འདེད་བཏང་ཞིང་། ནག་ཆུ་ས་ཁུལ་གྱིས “ལས་ཁུངས་ཀྱིས་གཞི་རིམ་ལ་ཞབས་འདེགས་ཞུ་བ་དང་ལས་བྱེད་པས་མང་ཚོགས་ལ་ཞབས་འདེགས་ཞུ་བའི ”བྱེད་སྒོ་གཏིང་ཟབ་སྤེལ་བ་དང “གནས་བབ་བརྗེས་ནས་མྱོང་རོལ་དང་བསམ་གཞིགས་བྱེད་པའི ”བྱེད་སྒོ་གཞི་རྟེན་དུ་བྱས་ནས་ཏང་ཡོན་ལས་བྱེད་པ་སྒྲིག་འཛུགས་ཀྱིས་གཞི་རིམ་དང་མང་ཚོགས་ཁྲོད་བསྐྱོད་ནས་རང་འགུལ་ངང་མང་ཚོགས་ལ་དཀའ་ངལ་དང་སེམས་ཁྲལ་སེལ་རོགས་བྱས་ཡོད་པ་རེད།