ན་ནིང་སྤོ་བོ་རྫོང་གིས “ཤེས་ལྡན་པར་བརྟེན་ནས་དཔལ་འབྱོར་གྱི་རྫོང་སྟོབས་ཆེན་ཞིག་གཏོད་རྒྱུར་སྐུལ་འདེད་གཏོང་བའི ”འཐབ་ཇུས་བསམ་བློར་དམ་པོར་གཞིགས་པ་དང་། མི་རྩ་བར་འཛིན་རྒྱུ་སྔ་ཕྱི་བར་གསུམ་དུ་མཐའ་འཁྱོངས་བྱེད་པ། ཤེས་ལྡན་པའི་དཔུང་ཁག་འཛུགས་སྐྱོང་དང་མི་ཤུགས་ཐོན་ཁུངས་གསར་སྤེལ་དོ་དམ་ལས་དོན་གྱི་བསམ་ཕྱོགས་རྒྱུན་ཆད་མེད་པར་གསར་གཏོད་བྱེད་པ། ཤེས་ལྡན་པའི་ལས་དོན་གྱི་ལམ་སྲོལ་འཐུས་སྒོ་ཚང་དུ་གཏོང་བ། ཆབ་སྲིད་ཀྱི་ལངས་ཕྱོགས་བརྟན་པ་དང་། ཕྱོགས་བསྡུས་བྱང་ཚད་མཐོ་ཙམ་ཡོད་པ། ལེགས་སྐྱེས་འབུལ་ཕོད་པ་བཅས་ཀྱི་ཤེས་ལྡན་པའི་དཔུང་ཁག་གསུམ་ལེགས་པོ་གཏོད་པ་བཅས་བྱས་ནས་སྤོ་བོ་རྫོང་གི་དཔལ་འབྱོར་དང་སྤྱི་ཚོགས་དེ་བས་ལེགས་པ་དང་། དེ་བས་མགྱོགས་པ། དེ་བས་ཆེ་བ་བཅས་ཀྱི་སྒོ་ནས་འཕེལ་རྒྱས་འགྲོ་རྒྱུར་སྐུལ་འདེད་བཏང་ཡོད།

    ལས་བྱེད་པའི་དཔུང་ཁག་འཛུགས་སྐྱོང་ལ་དམ་འཛིན་བྱས་ནས་སྲིད་སྐྱོང་གི་ཆུ་ཚད་མཐོ་རུ་འགྲོ་རྒྱུར་སྐུལ་འདེད་བཏང་བ།

    གཞི་རིམ་གྱི་རྨང་གཞིར་ཤུགས་སྣོན་རྒྱག་པ་དང་གྲོང་ཚོའི་ཏང་ཀྲི་པུའི་གོང་བུ་སྒྲིལ་ཤུགས་ཆེ་རུ་གཏོང་བའི་ལས་དོན་ཁྲོད་དུ་སྤོ་བོ་རྫོང་གིས་གྲོང་ཚོའི “ཨུ་ཡོན་ལྷན་ཁང་གཉིས ”ཀྱི་ཚན་ཁག་ཧྲག་བསྡུས་བྱ་རྒྱུ་དེ་དམ་འཛིན་བྱ་གཞིར་བྱས་ནས་ནུས་མེད་ཟབ་ཟོབ་ཀྱི་གྲོང་ཚོ་ཨུ་ཡོན་ལྷན་ཁང་གི་ཚན་ཁག་16དང་ཚན་ཁག་གི་ཁོངས་མི་39སྔ་རྗེས་སུ་ལེགས་སྒྲིག་བྱས་པ་དང་གྲོང་ཚོ “ཨུ་ཡོན་ལྷན་ཁང་གཉིས ”ཀྱི་ཚན་ཁག་གི་མི་418ཧྲག་པོ་བདམས་སྟབས་གཞི་རིམ་དུ “དོ་དམ་བྱེད་མཁན་མེད་པའི ”གནས་ཚུལ་ཐག་གཅོད་ནུས་ལྡན་བྱུང་བ་རེད། གྲོང་ཚོའི་ལས་དོན་ཡོངས་བསྒྲགས་བྱ་རྒྱུ་དམ་འཛིན་བྱེད་གཞིར་བྱས་པ་དང་གྲོང་ཚོ་ཁག་ལ 《གྲོང་སྲོལ་དམངས་ཆིངས 》དང་། དམངས་གཙོའི་སྒོ་ནས་གནད་དོན་གླེང་བ་། གྲོང་ཚོའི་ལས་དོན་ཡོངས་བསྒྲགས་སོགས་ཀྱི་ལམ་ལུགས་འཛུགས་པ་དང་འཐུས་སྒོ་ཚང་དུ་གཏོང་རྒྱུར་ཁྲིད་སྟོན་དང་རོགས་རམ་བྱས་པས་གྲོང་ཚོའི་ལས་དོན་ཡོངས་བསྒྲགས་དང་དམངས་གཙོའི་དོ་དམ་ལས་དོན་ལ་སྐུལ་མ་ཐེབས་ལ “བྱ་བ་སྒྲུབ་སྐབས་སྒྲིག་སྲོལ་མེད་པའི ”སྣང་ཚུལ་ཐག་གཅོད་བྱུང་ཡོད། གྲོང་ཚོའི་ལས་བྱེད་པ་30ཀོང་ཏུང་ཞིང་ཆེན་གྱི་སྔོན་ཐོན་གྲོང་ཚོར་གཞི་རིམ་ཏང་འཛུགས་དང་། གྲོང་ཚོ་ཨུ་ཡོན་ལྷན་ཁང་འཛུགས་སྐྱོང་། དེ་བཞིན་གྲོང་ཚོའི་མཉམ་སྡེབ་ཀྱི་དཔལ་འབྱོར་འཕེལ་རྒྱས་གཏོང་བ་སོགས་ཀྱི་སྔོན་ཐོན་ཉམས་མྱོང་སློབ་སྦྱོང་བྱེད་པར་བཏང་བ་དང་གཞི་རིམ་དུ “བྱ་བ་སྒྲུབ་ནུས་མེད་པའི ”སྣང་ཚུལ་ཐག་གཅོད་བྱས་ཡོད། དེ་དང་ཆབས་ཅིག་གྲོང་ཚོའི་བྱེད་སྒོ་སྤེལ་ཡུལ་སྐྲུན་རྒྱུར་ཤུགས་སྣོན་བརྒྱབ་པ་དང་རྫོང་དེ་ཡོངས་ཀྱི་གྲོང་ཚོ་85ཚང་མར་བྱེད་སྒོ་སྤེལ་ཡུལ་76བསྐྲུན་ནས་གཞི་རིམ་དུ “གཞུང་དོན་སྒྲུབ་ས་མེད་པའི ”སྣང་ཚུལ་ཐག་གཅོད་བྱས་ཡོད།

    ཆེད་ལས་དཔུང་ཁག་འཛུགས་སྐྱོང་བྱ་རྒྱུ་དམ་འཛིན་བྱས་ནས་རང་རང་སོ་སོའི་འཕེལ་རྒྱས་ཀྱི་ནུས་པ་ཆེ་རུ་བཏང་བ།

    ཆེད་ལས་ཤེས་ལྡན་པའི་དཔུང་ཁག་འཛུགས་སྐྱོང་བྱེད་པའི་ཁྲོད་སྤོ་བོ་རྫོང་གིས་བོད་སྐྱོར་གྱི་དགེ་མཚན་ལྡན་པའི་ཆ་རྐྱེན་དམ་འཛིན་གང་ལེགས་བྱེད་པ་དང་། “མཛུབ་ཁྲིད་བྱེད་པར་གདན་འདྲེན་ཞུ་བ་དང་། སྦྱོང་བརྡར་བྱེད་པར་གཏོང་བ། སློབ་གྲྭར་ཟབ་སྦྱོང་བྱེད་པར་རྒྱུགས་སྤྲོད་པ ”སོགས་ཀྱི་བྱེད་ཐབས་སྤྱོད་པ། ཆེད་ལས་ཀྱི་ཤེས་ཡོན་ཕུན་སུམ་ཚོགས་པ་དང་། ལག་རྩལ་བྱང་ཆུབ་པ། སྤྱོད་ཚུལ་ལེགས་པ་བཅས་ཀྱི་ཆེད་ལས་ལག་རྩལ་ཤེས་ལྡན་པའི་དཔུང་ཁག་ཅིག་གསོ་སྐྱོང་བྱེད་པ་བཅས་བྱས་ཡོད། ཁ་གཏད་བོད་སྐྱོར་ཞིང་ཆེན་དང་གྲོང་ཁྱེར་དང་འབྲེལ་བ་ཧུར་ཐག་བྱས་ནས་འབྲེལ་ཡོད་ཆེད་ལས་ལག་རྩལ་རིགས་གཅིག་མཁས་ཅན་ལས་སྒོར་མཛུབ་ཁྲིད་བྱེད་པར་གདན་འདྲེན་ཞུས་ཡོད།

    རྫོང་དེའི་ལག་རྩལ་མི་སྣའི་ལས་སྒོའི་ནུས་པ་དང་བཀོལ་སྤྱོད་ཀྱི་ཆུ་ཚད་སྒོ་ཀུན་ནས་མཐོ་རུ་གཏོང་ཆེད་ཆེད་ལས་ལག་རྩལ་མི་སྣ་དར་མའི་མཐོ་རྒྱུགས་དང་ཆེད་ལས་གསོ་སྦྱོང་ནང་ཞུགས་པ་སོགས་ཀྱི་ཐབས་ཤེས་ལ་བརྟེན་ནས་ལྗོངས་ཕྱི་ནང་གི་ཆེད་ལས་སློབ་གྲྭར་ཟབ་སྦྱོང་བྱས་ཏེ་ཆེད་ལས་ཤེས་ཡོན་ཕྱོགས་ཡོངས་དང་རྒྱུད་རིམ་ལྡན་པའི་སྒོ་ནས་སློབ་སྦྱོང་བྱེད་པར་བསྐྱོད་རྒྱུར་སྐུལ་མ་ཧུར་ཐག་བཏང་ཡོད།

    ཕྱུག་འགྱུར་སྣེ་ཁྲིད་པ་གསོ་སྐྱོང་བྱ་རྒྱུ་དམ་འཛིན་བྱས་ནས་གྲོང་གསེབ་གསར་པ་འཛུགས་སྐྲུན་བྱེད་ཚད་མགྱོགས་སུ་བཏང་བ།

    སྤོ་བོ་རྫོང་གིས “གསོ་སྐྱོང་གསུམ་”གྱི་འདུ་འགོད་ལག་བསྟར་བྱ་རྒྱུ་གོ་སྐབས་སུ་བརྩིས་ཏེ་ཕུལ་བྱུང་གིས་ཕྱུག་འགྱུར་སྣེ་ཁྲིད་པ་ཏང་ཡོན་ལ་གསོ་སྐྱོང་བྱེད་པ་དང་། ཏང་ཡོན་རྣམས་ཕྱུག་འགྱུར་སྣེ་ཁྲིད་པར་གསོ་སྐྱོང་བྱེད་པ། ཏང་ཡོན་ཕྱུག་འགྱུར་སྣེ་ཁྲིད་པ་རྣམས་གྲོང་ཚོའི་ལས་བྱེད་པར་གསོ་སྐྱོང་བྱེད་པ་བཅས་བྱས་ཏེ་གྲོང་ཚོར་རིག་གནས་ཡོད་པ་དང་། ལག་རྩལ་ཤེས་པ། དོ་དམ་བྱེད་མཁས་པ་བཅས་ཀྱི་ཤེས་ལྡན་པ་གསོ་སྦྱོང་བྱས་པ་རེད།

    དངོས་སྤྱོད་ལག་རྩལ་གསོ་སྦྱོང་བྱ་རྒྱུར་དམ་འཛིན་ཡག་པོ་བྱས་ཏེ། ཕྱུག་འགྱུར་སྣེ་ཁྲིད་པའི་དཔུང་ཁག་གསོ་སྐྱོང་བྱས་ཤིང་། ན་ནིང་སྤོ་བོ་རྫོང་གིས་འཆར་གཞི་དང་གོ་རིམ་ཡོད་པའི་སྒོ་ནས་ཞིང་པ་དང་འབྲོག་པ་མི་ཐེངས་3000ལྷག་ཙམ་སྒྲིག་འཛུགས་བྱས་ནས་སྡོང་ཕུང་དང་། མ་རྨོས་ལོ་ཏོག་འདེབས་འཛུགས། བཞོན་མ་གསོ་ཚགས་སོགས་ཁྱད་ལྡན་ཐོན་ལས་འཕེལ་རྒྱས་བཏང་བ་དང་ཞིང་འཕྲུལ་གཏོང་སྟངས་དང་ཡུལ་སྐོར་སྤྲོ་འཆམ་ཞབས་ཞུ་སོགས་དངོས་སྤྱོད་ལག་རྩལ་གསོ་སྦྱོང་བྱས་ནས་ཞིང་པ་དང་འབྲོག་པའི་སྲོལ་རྒྱུན་གྱི་འདེབས་འཛུགས་དང་གསོ་སྤེལ་གྱི་འདུ་ཤེས་ལ་འགྱུར་ལྡོག་བཏང་བ་རེད། གྲོང་ཚོ་ཁག་གི་འཕེལ་རྒྱས་འཇོན་ཐང་ཅན་མཉམ་འབྲེལ་བྱས་ནས་ལག་རྩལ་སྲོག་ཤིང་ལ་བརྩིས་བ་དང་ཞིང་པ་དང་འབྲོག་པའི་ཆེད་ལས་མཉམ་ལས་དཔལ་འབྱོར་རྩ་འཛུགས་10ཙམ་བཙུགས་ཏེ་སྡོང་ཕུང་དང་། བེ་ཤ པད་ཁ། སྦྲང་རྩི་བཅས་ཁྱད་ལྡན་ཐོན་ལས་ཆེད་ལས་ཤང་གྲོང་8དང་ཆེད་ལས་གྲོང་ཚོ་26འཕེལ་རྒྱས་བཏང་བ་དེ་དག་མང་ཚོགས་ཁྲི་གཅིག་ཙམ་ལ་ཁྱབ་ནས་ཞིང་འབྲོག་དུད་ཚང་སོ་སོའི་ལས་ཀའི་བྱེད་སྟངས་ལ་འགྱུར་ལྡོག་བྱུང་བ་དང་རྒྱ་ཆེའི་ཞིང་འབྲོག་ཁུལ་དུ་གྲོང་གསེབ་ཀྱི་ཕྱུག་འགྱུར་སྣེ་ཁྲིད་པ་ཁག་གཅིག་ཐོན་ཡོད།