བོད་ལྗོངས་ཉིན་རེའི་ཚགས་པར་ཁང་དུ་ནག་ཆུ་ནས་གློག་འཕྲིན་འབྱོར་གསལ། ད་ཕན་ལོ་ཤས་རིང་ནག་ཆུ་ས་ཁུལ་གྱིས་ཞིང་འབྲོག་ཁུལ་དུ “ཏང་འཛུགས་སྐྱོང་ལ་དམ་འཛིན་བྱེད་པ་དང་། ཚན་རྩལ་སློབ་སྦྱོང་བྱེད་པ། ལས་བརྩོན་ཕྱུག་འགྱུར་ཡོང་བ་བྱེད་པ། འབྱོར་འབྲིང་དུ་འགྱུར་རྒྱུར་འབད་བརྩོན་བྱེད་པ ”བཅས་ཀྱི་བྱེད་སྒོ་གཏིང་ཟབ་སྤེལ་ཏེ་དམིགས་ས་ཡོད་པའི་སྒོ་ནས་ལས་དོན་བསྒྲུབས་པ་དང་བྱ་ཐབས་གསར་གཏོད་བྱས་ནས་ཞིང་འབྲོག་པ་ཏང་ཡོན་གྱི་སྤྱོད་གོ་ཆོད་པའི་ལག་རྩལ་གསོ་སྦྱོང་བྱ་ཤུགས་ཆེ་རུ་གཏོང་རྒྱུ་དེ་ཏང་འཛུགས་སྐྱོང་དང་དཔལ་འབྱོར་ལས་དོན་གྱི་ཟུང་འབྲེལ་བྱ་ཡུལ་དུ་བརྩིས་ཏེ་ཞིང་འབྲོག་ཏང་ཡོན་གསོ་སྦྱོང་བྱ་རྒྱུའི་ལས་དོན་སྒོ་ཀུན་ནས་ཡག་པོ་བསྒྲུབས་ཡོད་པ་རེད།
ཤེས་རྟོགས་བྱུང་བར་གཞིགས་ན། 2008ལོ་ནས་བཟུང་ས་ཁུལ་དེ་ཡོངས་ལ་གསོ་སྦྱོང་ཁག་དུས་ཐེངས་80གཉེར་བར་ཞིང་འབྲོག་པ་ཏང་ཡོན་མི་ཐེངས་2400ལྷག་ཙམ་ཞུགས་པ་དང་ས་ཁུལ་དེ་ཡོངས་ཀྱི་ཞིང་འབྲོག་པ་ཏང་ཡོན་30%ཡན་གྱིས་སྤྱོད་གོ་ཆོད་པའི་ལག་རྩལ་གཅིག་ནས་གཉིས་བར་ཤེས་ཏེ་སྔོན་དུ་ཕྱུག་པོ་ཆགས་ནས་མང་ཚོགས་ཀྱི་སྣེ་ཁྲིད་དེ་ཐུན་མོང་ཐོག་ཕྱུག་འགྱུར་ཡོང་བའི་བྱེད་པའི་གདོང་ལེན་དཔེ་བཟང་གི་ནུས་པ་ཐོན་ཡོད་པ་རེད།
ས་ཁུལ་དེ་ཡོངས་ཀྱི་ཞིང་འབྲོག་ཏང་ཡོན་གྱི་གནས་ཚུལ་ལ་བརྟག་ཞིབ་བྱས་ཏེ་དམིགས་ས་ཡོད་པའི་སྒོ་ནས་གསོ་སྦྱོང་བྱས་ཤིང་། བརྟག་དཔྱད་དང་མཐིལ་རྟོགས་བྱས་པ་བརྒྱུད་ས་ཁུལ་དེ་ཡོངས་ཀྱིས་ཞིང་འབྲོག་པ་ཏང་ཡོན་གྱི་རིག་གནས་ཆུ་ཚད་དང་། ལག་རྩལ་ཁོང་དུ་ཆུད་ཚད། རྣམ་གྲངས་གང་ཞིག་འཕེལ་རྒྱས་གཏོང་རྒྱུའི་འཆར་གཞི་འགོད་རྒྱུ་དང་། གསོ་སྦྱོང་གང་ཞིག་བྱེད་དགོས་མིན་སོགས་རྟོགས་པ་བྱས་པ་དང་འབྲེལ་དེར་དམིགས་ནས་གསོ་སྦྱོང་གི་འཆར་གཞི་བཏིང་བ་དང་ས་ཁུལ་དང་རྫོང་རིམ་པ་གཉིས་ཀྱི་ལས་དོན་གྱི་འགོ་ཁྲིད་ཚོགས་ཆུང་བཙུགས་ནས་གསོ་སྦྱོང་གི་ཐོན་ཁུངས་ཁག་བསྡུ་སྒྲིལ་བྱས་ཏེ་ཞིང་འབྲོག་པ་ཏང་ཡོན་གསོ་སྦྱོང་བྱས་པ་རེད། “ཀྲི་པུའི་ཧྲུའུ་ཅི་བརྒྱ་གསོ་སྦྱོང་བྱེད་པའི ”བྱེད་སྒོ་སྤེལ་རིང་ས་ཁུལ་དེས་གྲོང་ཚོའི་གནས་ཚུལ་མི་འདྲ་བར་གཞིགས་ནས་དཔལ་འབྱོར་རྗེས་ལུས་ཐེབས་པའི་གྲོང་ཚོ་དང་། བརྟན་ལྷིང་སྲུང་སྐྱོང་བྱ་རྒྱུའི་གྲོང་ཚོ་གཙོ་བོ། སྤྱི་ཚོགས་ཀྱི་བདེ་སྲུང་བྱེད་དཀའ་བའི་གྲོང་ཚོ། འབྲོག་ལས་ཐོན་སྐྱེད་ཀྱི་མི་མངོན་པའི་སྟོབས་ཤུགས་ལྡན་པའི་གྲོང་ཚོ་བཅས་རིགས་དབྱེ་ནས་ས་ཁུལ་དེ་ཡོངས་ཀྱི་གྲོང་ཚོའི་ཏང་ཀྲི་པུའི་ཧྲུའུ་ཅི་བརྒྱ་གསོ་སྦྱོང་འཛིན་གྲྭ་ཁག་ནང་ཞུགས་རྒྱུའི་སྒྲིག་འཛུགས་བྱས་པས་ཚན་རིག་དང་མཐུན་པའི་ངང་འཕེལ་རྒྱས་གཏོང་རྒྱུར་སྐུལ་འདེད་བཏང་སྟེ་གནད་དོན་ཐག་གཅོད་བྱེད་པའི་གྲོང་ཚོའི་ཏང་ཀྲི་པུའི་ཧྲུའུ་ཅིའི་འཇོན་ཐང་ཆེ་རུ་ཕྱིན་པ་རེད།