བོད་ལྗོངས་ཉིན་རེའི་ཚགས་པར་ཁང་དུ་རྩེད་ཐང་ནས་ཟླ་12ཚེས་16ཉིན་གློག་འཕྲིན་འབྱོར་གསལ། ཉིན་ཤས་གོང་ལྷོ་ཁ་ས་ཁུལ་གྱི་སྤྱི་ལ་དབང་བ་མིན་པའི་ལམ་ལུགས་དཔལ་འབྱོར་གྱི “ཏང་ཡོན་དཔེ་སྟོན་ཁང ”ཐོག་མ་དེའི་སྒོ་བྱང་དངོས་སུ་བཀལ་ནས་ལྷོ་ཁ་ས་ཁུལ་གྱི་སྤྱི་ལ་དབང་བ་མིན་པའི་ལམ་ལུགས་ཀྱི་དཔལ་འབྱོར་འཕེལ་རྒྱས་ཁྲོད་མི་རིགས་མཐུན་སྒྲིལ་ལ་སྲུང་སྐྱོང་བྱེད་པ་དང་། ཆབ་སྲིད་སློབ་སྦྱོང་ལ་ཤུགས་སྣོན་རྒྱག་པ། ཁྲིམས་ལྟར་ཁ་དན་ཚིག་གནས་ཀྱིས་གཉེར་སྐྱོང་བྱེད་པ། རང་འགུལ་ངང་སྤྱི་ཚོགས་ལ་ཞབས་འདེགས་ཞུ་བ་སོགས་ཀྱི་ཐད་གདོང་ལེན་དཔེ་བཟང་གི་ནུས་པ་འདོན་པའི་དར་ཆ་ཞིག་བཙུགས་ཡོད།
“ཏང་ཡོན་གྱི་དཔེ་སྟོན་ཁང ”དེ་ལྷོ་ཁ་ས་ཁུལ་དུ་དངོས་སུ་སྒོ་བྱང་བཀལ་བ་དེ་ནི་ལྷོ་ཁ་ས་ཁུལ་གྱི་སྤྱི་ལ་དབང་བ་མིན་པའི་ལམ་ལུགས་དཔལ་འབྱོར་རྩ་འཛུགས་ཁྲོད་སྔོན་གཏོད་ལེགས་བརྩོན་བྱེད་སྒོ་གཏིང་ཟབ་སྤེལ་བའི་འདྲེན་བརྟེན་ནུས་ལྡན་དང་ཞིབ་ཕྲའི་བྱ་སྤྱོད་ཅིག་ཡིན་པས་ལྷོ་ཁའི་སྤྱི་ལ་དབང་བ་མིན་པའི་ལམ་ལུགས་དཔལ་འབྱོར་རྩ་འཛུགས་ནང་ཏང་གི་གཞི་རིམ་རྩ་འཛུགས་འཛུགས་སྐྱོང་དང་ཏང་ཡོན་དཔུང་ཁག་འཛུགས་སྐྱོང་ལ་ཤུགས་སྣོན་རྒྱག་པའི་གལ་ཆེའི་ཚད་བརྒལ་ཞིག་དང་འགོ་འཛུགས་ས་གསར་པ་ཞིག་ཏུ་འགྱུར་པ་དེས་སྤྱི་ལ་དབང་བ་མིན་པའི་ལམ་ལུགས་དཔལ་འབྱོར་རྩ་འཛུགས་ཀྱི་སྔོན་གཏོད་ལེགས་བརྩོན་བྱེད་སྒོ་སྔར་བས་གཏིང་ཟབ་པའི་ཕྱོགས་སུ་སྤེལ་རྒྱུ་དང་། སྤྱི་ལ་དབང་བ་མིན་པའི་ལམ་ལུགས་དཔལ་འབྱོར་གྱི་ཏང་རྩ་འཛུགས་དང་། ཏང་ཡོན་གྱི་དམག་འཐབ་མཁར་རྫོང་དང་གདོང་ལེན་དཔེ་བཟང་གི་ནུས་པ་ཆེ་རུ་གཏོང་རྒྱུ། སྤྱི་ལ་དབང་བ་མིན་པའི་ལམ་ལུགས་དཔལ་འབྱོར་དེ་ཀྲུང་གོའི་ཁྱད་ཆོས་དང་བོད་ཀྱི་དམིགས་བསལ་ཁྱད་ཆོས་ལྡན་པའི་འཕེལ་རྒྱས་ཀྱི་ལམ་བུའི་ཐོག་སྐྱོད་པར་ལེགས་ལ་མྱུར་བའི་འཕེལ་རྒྱས་མངོན་འགྱུར་བྱ་རྒྱུར་སྐུལ་འདེད་གཏོང་རྒྱུ། ལྷོ་ཁའི་མཆོང་སྐྱོད་ལྟ་བུའི་འཕེལ་རྒྱས་དང་ཡུན་རིང་བདེ་འཁོད་ལ་སྐུལ་འདེད་གཏོང་རྒྱུ་བཅས་ལ་དོན་སྙིང་གལ་ཆེན་ལྡན་ཡོད་པ་རེད།
ཤེས་རྟོགས་བྱུང་བར་གཞིགས་ན། “ཏང་ཡོན་གྱི་དཔེ་སྟོན་ཁང ”བསྐྲུན་པ་དེ་རྨང་གཞིར་བྱས་ནས་གཙོ་གནད་མངོན་གསལ་དོད་པོ་ཡོད་པ་དང་། དཔེ་འོས་འཛུགས་པ། ཉམས་མྱོང་ཕྱོགས་སྡོམ། ཚང་མར་སྣེ་ཁྲིད་པ་བཅས་བྱེད་པ་དང་སྒྱུར་བཅོས་གསར་གཏོད་ཀྱི་སྙིང་སྟོབས་མཐའ་འཁྱོངས་བྱས་ཏེ་ལྷོ་ཁ་ས་ཁུལ་གྱི་སྤྱི་ལ་དབང་བ་མིན་པའི་ལམ་ལུགས་དཔལ་འབྱོར་གྱི་ཏང་འཛུགས་སྐྱོང་ལས་དོན་ལ་སྒོ་ཀུན་ནས་ཤུགས་སྣོན་རྒྱག་པ་དང་ལེགས་སུ་གཏོང་བ་དང་། ཏང་རྩ་འཛུགས་དང་ཏང་ཡོན་དཔུང་ཁག་འཛུགས་སྐྱོང་ལ་ཤུགས་སྣོན་ཧུར་ཐག་རྒྱག་པ། ཏང་རྩ་འཛུགས་དང་ཏང་ཡོན་གྱི་ནུས་པ་འདོན་སྤེལ་གང་ལེགས་བྱེད་པ། ཏང་གི་རྩ་འཛུགས་དང་ཏང་གྱི་ལས་དོན་ཁྱབ་ཚད་རྒྱུན་ཆད་མེད་པར་ཆེ་རུ་གཏོང་བ་བཅས་ཀྱི་ཐོག་ནས་སྤྱི་ལ་དབང་བ་མིན་པའི་ལམ་ལུགས་དཔལ་འབྱོར་རྩ་འཛུགས་ཀྱི་ཏང་འཛུགས་སྐྱོང་གི་ལས་དོན་དེ་སླར་ཡང་སྐས་རིམ་གསར་པ་ཞིག་ཏུ་སླེབས་པ་བྱ་རྒྱུ་ཡིན་པ་རེད།