བོད་ལྗོངས་ཉིན་རེའི་ཚགས་པར་ཁང་དུ་ལྷ་ས་ནས་གནས་ཚུལ་འབྱོར་གསལ། འདི་ལོ་ནས་བཟུང་འདམ་གཞུང་རྫོང་དབུ་མ་ཤང་གིས་རྣམ་པ་གསར་གཏོད་ཧུར་ཐག་བྱས་ནས་གཞི་རིམ་གྱི་སྡེ་ཚོགས་རྩ་འཛུགས་འཛུགས་སྐྱོང་དང་སྡེ་ཚོགས་ལས་བྱེད་པའི་ཁྱོན་ཡོངས་ཀྱི་བྱང་ཚད་འཛུགས་སྐྱོང་ལ་དམ་འཛིན་བྱས་པ་རེད། གཞི་རིམ་གྱི་སྡེ་ཚོགས་འཛུགས་སྐྱོང་གི་ལས་ཀའི་བསམ་ཕྱོགས་གསལ་པོ་བཟོས་ནས་ཏང་འཛུགས་སྐྱོང་དང་སྡེ་ཚོགས་འཛུགས་སྐྱོང་མཉམ་དུ་བཀོད་སྒྲིག་དང་མཉམ་དུ་ལག་བསྟར་མཉམ་དུ་དཔྱད་ཞིབ་བཅས་བྱས་པ་བརྒྱུད་ནས་སྡེ་ཚོགས་ཀྱི་བསམ་བློ་སློབ་གསོའི་ལས་དོན་དང་ཏང་གི་བསམ་བློ་སློབ་གསོའི་ལས་དོན་ཕན་ཚུན་འབྲེལ་བ་དམ་པོ་ཡོང་བ་བྱེད་པ་དང་། སྡེ་ཚོགས་ཀྱི་ལས་བྱེད་པའི་དཔུང་ཁག་འཛུགས་སྐྱོང་དང་ཏང་གི་ལས་བྱེད་པའི་དཔུང་ཁག་འཛུགས་སྐྱོང་ཕན་ཚུན་འབྲེལ་བ་དམ་པོ་ཡོང་བ་བྱེད་པ། སྡེ་ཚོགས་ཀྱི་དམིགས་ཚད་དཔྱད་ཞིབ་མ་ལག་དང་ཏང་འཛུགས་སྐྱོང་གི་དམིགས་ཚད་དཔྱད་ཞིབ་མ་ལག་ཕན་ཚུན་གཉིས་འབྲེལ་བ་དམ་པོ་བྱེད་པ་བཅས་ལ་བརྟེན་ནས་ཏང་འཛུགས་སྐྱོང་གི་དམིགས་ཚད་དཔྱད་ཞིབ་མ་ལག་ཕན་ཚུལ་འབྲེལ་བ་བཅས་བྱས་པར་ཕན་འབྲས་ལེགས་པོ་ཐོབ་ཡོད་པ་རེད།