བོད་ལྗོངས་ཉིན་རེའི་ཚགས་པར་ཁང་དུ་ལྷ་ས་ནས་ཟླ་7ཚེས་5ཉིན་གནས་ཚུལ་འབྱོར་གསལ། མལ་གྲོ་གུང་དཀར་རྫོང་དུ་སློབ་ཆེན་ཐོན་པའི་གྲོང་དཔོན་10ཡོད་ཅིང་། རྫོང་དེས་སེམས་གནས་ཐུབ་པ་དང་། ཤེས་མྱུར་བ། བེད་སྤྱོད་ཡག་པོ་བྱེད་པ་བཅས་ཀྱི་་གནད་དོན་གསུམ་ལ་དམིགས་བཀར་དུ་ཐག་གཅོད་བྱས་ནས་སློབ་ཆེན་ཐོན་པའི་གྲོང་དཔོན་གྱིས་གང་མགྱོགས་རང་གི་ལས་གནས་གསར་པ་དང་འཚམ་ཐུབ་པ་བྱས་ནས་མང་ཚོགས་ལ་ཞབས་ཞུ་བྱེད་ཐུབ་པ་བྱས་པ་རེད།

    ལས་ཀ་དང་འཚོ་བའི་ཁོར་ཡུག་ལེགས་པོ་ཞིག་གཏོད་པའི་ཐད་མལ་གྲོ་གུང་དཀར་རྫོང་གི་འགོ་ཁྲིད་པས་རྟག་ཏུ་སློབ་ཆེན་ཐོན་པའི་གྲོང་དཔོན་དང་སྙིང་གཏམ་ཤོད་རེས་བྱས་ཏེ་སློབ་ཆེན་ཐོན་པའི་གྲོང་དཔོན་གཞི་རིམ་གྱི་ཁོར་ཡུག་དང་མགྱོགས་གྱུར་འཚམ་རྒྱུར་རོགས་རམ་བྱས་པ་དང་སྦྲགས་ཁོང་ཚོར་བཟའ་སྡོད་སྐྱོད་སོགས་ཕྱོགས་ཐད་ཀྱི་དངོས་ཡོད་གནད་དོན་ཐག་གཅོད་བྱེད་རོགས་བྱས་ཤིང་། ཤེས་ལྡན་པར་གྱུར་པའི་ཆ་རྐྱེན་གཏོད་པའི་ཐད་ན་ནིང་མལ་གྲོ་གུང་དཀར་རྫོང་གིས་དུས་ཚོད་ཟླ་བ་གཅིག་སྤྱད་དེ་སློབ་ཆེན་ཐོན་པའི་གྲོང་དཔོན་ལས་གནས་ཐོག་མ་བསྐྱོད་གོང་གི་གསོ་སྦྱོང་འཛིན་གྲྭ་གཉེར་ནས་སློབ་ཆེན་ཐོན་པའི་གྲོང་དཔོན་སྒྲིག་འཛུགས་ཀྱིས་བརྒྱུད་རིམ་ལྡན་པའི་ངང་ཏང་གི་ལམ་ཕྱོགས་དང་། བྱེད་ཕྱོགས། སྲིད་ཇུས། ཆབ་སྲིད། རིགས་པའི་གཞུང་ལུགས་ཀྱི་ཤེས་བྱ་བཅས་སློབ་སྦྱོང་བྱས་པ་དང་། རོགས་འཁྲིད་ཀྱི་ལམ་ལུགས་བཟོས་ཏེ་ཤང་གྲོང་འགོ་ཁྲིད་དང་གྲོང་ཚོའི་ཨུ་ལྷན་གཉིས་ཀྱི་ཚན་ཁག་གི་ཁོངས་མིས་སློབ་ཆེན་ཐོན་པའི་གྲོང་དཔོན་དང་རོགས་འཁྲིད་ཀྱི་ཆ་འགྲིགས་ནས་བརྒྱུད་རོགས་ཁྲིད་གསུམ་གྱི་ལས་དོན་ཡག་པོ་བསྒྲུབས་ཤིང་། བྱ་གཞག་གསར་གཏོད་ཀྱི་སྟེགས་བུ་གཏོད་པའི་ཐད་མལ་གྲོ་གུང་དཀར་རྫོང་གིས་སློབ་ཆེན་ཐོན་པའི་གྲོང་དཔོན་ཚོས་སྦྱངས་པའི་ཆེད་ལས་དང་ཁྱད་ཆོས་ལ་གཞིགས་ཏེ་ལུགས་མཐུན་ངང་ལས་ཀ་བཀོད་སྒྲིག་བྱས་པ་དང་འགན་འཁྲི་ཁ་གསལ་བཟོས་ནས་ཁོང་ཚོར་ལས་འགན་དང་ཁུར་པོ་སྤྲད་དེ་འཚར་ལོངས་ཡོང་རྒྱུར་སྐུལ་མ་བཏང་བ་དང་། མིག་སྔར་རྫོང་དེར་སློབ་གྲྭ་ཆེ་མོ་བ་4ཡིས་གྲོང་ཚོའི་ཏང་ཀྲི་པུའི་ཧྲུའུ་ཅིའི་ལས་རོགས་པ་བྱེད་པ་དང་། སློབ་གྲྭ་ཆེ་མོ་བ་6གིས་གྲོང་ཚོ་ཨུ་ལྷན་ཀྲུའུ་རེན་གྱི་ལས་རོགས་བྱེད་ཀྱི་ཡོད་པ་རེད།