བོད་ལྗོངས་ཉིན་རེའི་ཚགས་པར་ཁང་དུ་ལྷ་ས་ནས་གནས་ཚུལ་འབྱོར་གསལ། ཉེ་ཆར་རང་ལྗོངས་ཀྱི་གྲོང་ཚོའི་ཏང་ཀྲི་པུའི་ཧྲུའུ་ཅིའི་གསོ་སྦྱོང་ལག་ལེན་རྟེན་གཞི་དང་པོ་དེ་སྟོད་ལུང་བདེ་ཆེན་རྫོང་གདོང་དཀར་གྲོང་ཚོར་བཙུགས་པ་རེད།
ཉེ་བའི་ལོ་ཤས་ནང་གདོང་དཀར་གྲོང་ཚོའི་ཏང་ཀྲི་པུས་ཐོག་མཐའ་བར་གསུམ་དུ་ཏང་འཛུགས་སྐྱོང་ལ་དམ་འཛིན་བྱ་རྒྱུར་ལྷོད་གཡེང་མ་བཏང་བར་གྲོང་ཁྱེར་ཉེ་འདབས་ཀྱི་གྲོང་གསེབ་འཕེལ་རྒྱས་ཀྱི་ལམ་བུ་གསར་པ་ཞིག་འཚོལ་ཞིབ་ཀྱིས་ལྷ་ས་གྲོང་ཁྱེར་གྱི་གྲོང་ཚོ་ཁག་གི་མདུན་གྲལ་དུ་བསྐྱོད་ཡོད་པ་རེད།
གདོང་དཀར་གྲོང་ཚོའི་ཉམས་མྱོང་ཁྱབ་གདལ་གཏོང་ཆེད་སྟོད་ལུང་བདེ་ཆེན་རྫོང་གིས་གདོང་དཀར་གྲོང་ཚོར་གྲོང་ཚོའི་ཏང་ཀྲི་པུའི་ཧྲུའུ་ཅིའི་གསོ་སྦྱོང་ལག་ལེན་རྟེན་གཞི་བཙུགས་ནས་ཁག་བགོས་ཀྱིས་གསོ་སྦྱོང་བྱེད་པའི་རྣམ་པའི་ཐོག་ནས་གྲོང་ཚོ་གཞན་གྱི་ཏང་ཀྲི་པུའི་ཧྲུའུ་ཅིར་སྣེ་ཁྲིད་དེ་གདོང་དཀར་གྲོང་ཚོའི་ལས་དོན་ཁག་ནང་ཞུགས་ཏེ་ལག་ལེན་ནང་གདོང་དཀར་གྲོང་ཚོའི་དཔེ་མཚོན་རང་བཞིན་ལྡན་པའི་ཉམས་མྱོང་དང་གྲུབ་འབྲས་ཐོབ་པའི་བྱ་ཐབས་ལ་སློབ་སྦྱོང་བྱས་ནས་གྲོང་ཚོའི་ཏང་ཀྲི་པུའུ་ཧྲུའུ་ཅིའི་ཕྱོགས་བསྡུས་བྱང་ཚད་ཕྱོགས་ཡོངས་ནས་མཐོ་རུ་གཏོང་རྒྱུར་ཁྲིད་སྟོན་བྱ་རྒྱུ་ཡིན་པ་རེད།
འདི་ནི་ལྷ་ས་གྲོང་ཁྱེར་ནས་ཡོང་བའི་གྲོང་ཚོའི (སྡེ་ཁུལ )ཏང་ཀྲི་པུའུ་ཡི་ཧྲུའུ་ཅི་དང་གྲོང་དཔོན་ཁ་ཤས་ཀྱིས་གདོང་དཀར་གྲོང་ཚོའི་ཉམས་མྱོང་ཉམས་ལེན་དང་སློབ་སྦྱོང་བྱེད་པའི་གནས་ཚུལ་ཡིན་པ།