བོད་ལྗོངས་ཉིན་རེའི་ཚགས་པར་ཁང་དུ་ནག་ཆུ་ནས་གློག་འཕྲིན་འབྱོར་གསལ། ལྷ་རི་རྫོང་གིས “ཤང་གྲོང་ལས་ཁུངས་ཚད་གཞི་ཅན་དང་། ཤང་གྲོང་ལས་དོན་འཁོར་རྒྱུག་ཚད་ལྡན་ཅན། ཤང་གྲོང་ལས་བྱེད་དཔུང་ཁག་དངོས་གཞི་ཅན ”བཅས་སུ་འགྱུར་བའི་གོམ་སྟབས་མགྱོགས་སུ་གཏོང་རིང་ཚད་གཞི་ལྟར་སྒྲུབ་ཐུབ་པ་དང་། ངེས་པར་དུ་སྒྲུབ་དགོས་པ། སྒྲུབ་དགོས་ཤོས་བཅས་ཀྱི་བྱ་བ་བསྒྲུབ་རྒྱུར་དམིགས་ཏེ་གཙོ་གནད་དམ་འཛིན་དང་དཀའ་གནད་སེལ་ནས་ཤང་གྲོང “ཅན་གསུམ ”དུ་འགྱུར་བའི་ལས་དོན་ལ་སྐུལ་འདེད་བཏང་བ་རེད།

    དྲིལ་བསྒྲགས་ལ་བརྟེན་ནས་སྐུལ་ཁྲིད་བྱས་ཏེ་གླེང་ཕྱོགས་ཀྱི་ཁྲིད་སྟོན་ནུས་པ་མངོན་གསལ་དོད་པོ་ཡོང་བ་བྱས་ཤིང་། “ཅན་གསུམ ”དུ་འགྱུར་བའི་ལས་དོན་གྱི་གླེང་ཕྱོགས་སྣང་ཚུལ་ཟབ་མོ་གཏོད་དེ་ཤང་གྲོང་ཁག་དང་རྫོང་ཐད་གཏོགས་ལས་ཁུངས་ཁག་གིས་ཤང་གྲོང “ཅན་གསུམ ”དུ་སྒྱུར་བའི་ལས་དོན་གྱི་གལ་ཆེའི་རང་བཞིན་ཤེས་རྟོགས་ཡོང་བའི་འགན་ལེན་བྱ་ཆེད་ལྷ་རི་རྫོང་གིས་ཤང་གྲོང་ལས་དོན་ཚོགས་འདུ་དང་ཤང་གྲོང་ལས་དོན་གྱི་བཞུགས་མོལ་ཚོགས་འདུ་སྐོང་ཚོགས་བྱས་པའི་རྨང་གཞིའི་ཐོག་ད་དུང་ལྷ་རི་རྫོང་གི་བཪྙན་འཕྲིན་ལས་ཁུངས་དང་། དྲིལ་བསྒྲགས་ཡིག་སྒྲོམ། གསར་འགྱུར་གནད་བསྡུས་ཆ་འཕྲིན་སོགས་སྨྱན་སྦྱོར་བརྒྱུད་ཤང་གྲོང “ཅན་གསུམ ”དུ་འགྱུར་བའི་ལས་དོན་དྲིལ་བསྒྲགས་ཤུགས་ཆེན་བྱས་ཡོད།

    རྫོང་དང་ཤང་མཉམ་འགུལ་གྱིས་མཐུན་སྦྱོར་གཞོགས་འདེགས་ཀྱི་ནུས་པ་མངོན་གསལ་དོད་པོ་ཡོང་བ་བྱས་ཤིང་། ལྷ་རི་རྫོང་གིས “གཅིག་གྱུར་ཐོག་བཀོད་སྒྲིག་དང་གཅིག་གྱུར་ཐོག་སྐུལ་འདེད ”ཀྱི་སྤྱིའི་བླང་བྱ་ལྟར་ཤང་གྲོང “ཅན་གསུམ ”དུ་འགྱུར་བའི་ལས་དོན་གྱི་ལག་བསྟར་བྱ་ཐབས་ནང་གསེས་རེ་རེ་དང་དོན་ཚན་རེ་རེ་བཞིན་དབྱེ་འཕྲལ་བྱས་ཏེ་ལས་འགན་ཁག་བགོས་བྱས་པ་དང་། སྣེ་ཁྲིད་ཚན་པ་དང་འགོ་ཁྲིད་ཀྱི་ལས་འགན་རེ་རེ་བཞིན་ཁ་གསལ་བཟོས་ནས་ལས་ཁུངས་ཁག་ལ “ཅན་གསུམ ”དུ་འགྱུར་བའི་ལས་དོན་གྱི་ལས་འགན་ཡོད་པ་དང་ལས་བྱེད་ལས་བཟོའི་ཕྲག་ཐོག་ཏུ་འགན་འཁྲི་ཡོད་པ་བྱེད་ཐུབ་པ་བྱས་ཡོད། ཤང་གྲོང་ཁག་དང་རྫོང་ཐད་གཏོགས་ཀྱི་ཚན་པ་ཁག་གིས་བླང་བྱ་ལྟར་ཆ་བགོས་བྱས་པའི་ལས་འགན་དེ་དག་རེ་རེ་བཞིན་དབྱེ་འཕྲལ་བྱས་ནས་ལས་དོན་གྱི་འཆར་གཞི་བཟོ་བ་དང་ལས་ཀའི་འཕེལ་རིམ་རེའུ་མིག་བཟོས་ཏེ་ལས་དོན་གྱི་ལས་འགན་ཁག་དོན་ཐོག་ཏུ་འཁྱོལ་རྒྱུར་འགན་ལེན་བྱས་ཡོད།

    རྣམ་གྲངས་ལ་བརྟེན་ནས་སྐུལ་འདེད་དང་ཕན་འབྲས་དངོས་ཀྱི་ནུས་པ་འདོན་སྤེལ་བྱེད་ཅིང་། ལྷ་རི་རྫོང་གིས “རྣམ་གྲངས་ལ་བརྟེན་ནས་སྐུལ་འདེད་གཏོང་རྒྱུ ”དེ་དམ་འཛིན་བྱེད་སར་བྱེད་པ་དང་ཤང་གྲོང་གི་ལས་བཟོ་པའི་ལས་ཤག་དང་ཟ་ཁང་སོགས་ཀྱི་རྣམ་གྲངས་གསར་འཛུགས་བྱ་རྒྱུ་གཙོ་གནད་དུ་བྱས་ཏེ་ཤང་གྲོང་གི་རྨང་གཞིའི་སྒྲིག་བཀོད་འཛུགས་སྐྲུན་ལ་མུ་མཐུད་ཤུགས་སྣོན་བརྒྱབ་ནས་ཤང་གྲོང་ལས་ཁུངས་ཚད་གཞི་ཅན་དུ་འགྱུར་རྒྱུར་སྐུལ་འདེད་གཏོང་རྒྱུ་རེད། འདི་ལོ་ལྷ་རི་རྫོང་གིས་ནག་ཆུ་ས་ཁུལ་གྱིས་མ་དངུལ་སྒོར་ཁྲི་900བཏང་བའི་རྨང་གཞིའི་ཐོག་རྟ་སྒ་ཆ་སྒྲིག་གི་མ་དངུལ་སྒོར་ཁྲི་100བཏང་སྟེ་ཤང་གྲོང་ལས་བྱེད་ལས་བཟོའི་ལས་ཤག་སྟར་པ་20དང་ཁང་མིག་100དང་ཞོར་གཏོགས་སྒྲིག་ཆས་འཛུགས་སྐྲུན་བྱ་རྒྱུ་དང་། མ་དངུལ་སྒོར་ཁྲི་120བཏང་ནས་ཤང་གྲོང་གཞུང་ལས་ཐོག་བརྩེགས་ཁང་ཆེན་དང་ལས་བྱེད་ལས་བཟོའི་ལས་ཤག་ཉམས་གསོ་བྱ་རྒྱུ། གཞན་ཡང་ལྷ་རི་རྫོང་གིས་ད་དུང་ཤང་གྲོང་ལས་བྱེད་ལས་བཟོའི་ཟ་ཁང་10འཛུགས་སྐྲུན་བྱ་རྒྱུ་ཡིན་པ་རེད། རྣམ་གྲངས་མང་དག་ཅིག་ལག་བསྟར་བྱས་པ་བརྒྱུད་ཤང་གྲོང་ལས་བྱེད་ལས་བཟོ་ཚོའི་ལས་ཀ་དང་འཚོ་བའི་ཆ་རྐྱེན་རིམ་བཞིན་ལེགས་སུ་འགྲོ་རྒྱུ་ཡིན་པ་རེད།