བོད་རང་སྐྱོང་ལྗོངས་ཞིང་ལས་ཚན་རིག་ཞིབ་འཇུག་ཁང་གིས་སྙན་རོང་རྫོང་ཉི་མ་ཤང་དུ་ཁ་གཏད་རོགས་སྐྱོར་བྱས་ཚུན་ས་གནས་དེ་གའི་འབྲོག་པར་འབབ་འཕར་ཕྱུག་འགྱུར་བྱེད་རོགས་བྱས་པ་མ་ཟད། ད་དུང་ཤང་ཏང་ཨུད་ལ་གཞི་རིམ་གྱི་གཞུང་ལས་ཁང་དང་འཚོ་བའི་ཆ་རྐྱེན་ལེགས་སུ་ཧུར་ཐག་བཏང་རོགས་བྱས་པ་རེད། གཞི་རིམ་ཏང་འཛུགས་སྐྱོང་ལ་ཤུགས་སྣོན་ཏན་ཏིག་རྒྱག་ཆེད་རང་སྐྱོང་ལྗོངས་ཞིང་ལས་ཚན་རིག་ཞིབ་འཇུག་ཁང་གིས་ཤང་དུ་ཏང་ཡོན་གྱི་བྱེད་སྒོ་ཁང་བསྐྲུན་རོགས་བྱས་པ་དང་བྱེད་སྒོ་ཁང་དུ་ཏང་ཡོན་གྱི་འཚོ་བའི་ཚོགས་འདུ་སྒྲིག་འཛུགས་བྱས་ཏེ་ཤང་དང་གྲོང་ཚོའི་ལས་བྱེད་པར་ཁྱོན་ཡོངས་ནས་གསོ་སྦྱོང་བྱས་ཤིང་། འདི་ནི་ཤང་དེ་གའི་ཏང་ཡོན་ཁག་གཅིག་གིས་བྱེད་སྒོ་ཁང་དུ་སློབ་སྦྱོང་བྱེད་པའི་གནས་ཚུལ་ཡིན་པ།