བོད་ལྗོངས་ཉིན་རེའི་ཚགས་པར་ཁང་དུ་ལྷོ་ཁ་ནས་གློག་འཕྲིན་འབྱོར་གསལ། ཉེ་བའི་ལོ་ཤས་ནང་ལྷོ་ཁ་ས་ཁུལ་གྱིས་གཞི་རིམ་ཏང་རྩ་འཛུགས་ཀྱི་ནུས་པ་འདོན་སྤེལ་གང་ལེགས་བྱས་ནས་གཞི་རིམ་གྱི་རྨང་གཞིའི་ལས་དོན་ལ་སྔར་བས་ཤུགས་སྣོན་བརྒྱབ་པ་རེད།
གཅིག་ནི་གཞི་རིམ་ཏང་རྩ་འཛུགས་ཀྱི་ལས་ཀའི་ཁྱབ་ཚད་ཟམ་མི་ཆད་པར་རྒྱ་ཆེར་བཏང་ཞིང་། ཏང་རྩ་འཛུགས་འཛུགས་སྟངས་གསར་གཏོད་བྱས་པ་དང་། འགོ་ཁྲིད་ལ་ཤུགས་སྣོན་རྒྱག་པ། གཞི་རིམ་ལ་གསོན་ཤུགས་ལྡན་པ། ནུས་པ་འདོན་སྤེལ་བྱ་རྒྱུ་བཅས་ལ་ཕན་པའི་རྩ་དོན་མཐའ་འཁྱོངས་བྱས་ཏེ་ཡུལ་བབ་དང་བསྟུན་ནས་ཏང་རྩ་འཛུགས་བཙུགས་པ་རེད། སྤྱི་དབང་མིན་པའི་ལམ་ལུགས་ཀྱི་དཔལ་འབྱོར་རྩ་འཛུགས་དང་སྤྱི་ཚོགས་ཀྱི་རྩ་འཛུགས་གསར་པའི་ཁྲོད་གཞི་རིམ་ཏང་རྩ་འཛུགས་འཛུགས་སྐབས་རྩ་འཛུགས་གཅིག་ལ་ཆ་རྐྱེན་འཛོམས་ཚེ་གཅིག་འཛུགས་པ་དང་རྩ་འཛུགས་གཅིག་བཙུགས་རྗེས་རྩ་འཛུགས་ཁག་གཅིག་སྣེ་འཁྲིད་རྒྱུར་སྣང་ཆེན་བྱས་པ་དང་།
གཉིས་ནི་གཞི་རིམ་ཏང་རྩ་འཛུགས་ཀྱི་གསོན་ཤུགས་རྒྱུན་ཆད་མེད་པར་ཆེ་རུ་བཏང་ཞིང་། འདྲེན་རྟེན་གསར་གཏོད་བྱེད་པར་དུས་སྐབས་མི་འདྲ་བའི་ལས་འགན་དང་བླང་བྱ་མི་འདྲ་བར་དམིགས་ནས། བྱེད་སྒོའི་ནང་དོན་ཕུན་སུམ་ཚོགས་སུ་གཏོང་དང་། བརྗོད་བྱ་གཙོ་བོ་མངོན་གསལ་དོད་པོ་ཡོང་བ་བྱེད་པ། རྣམ་པ་འདྲ་མིན་སྣ་ཚོགས་ཀྱི་བརྗོད་བྱ་གཙོ་བོའི་སློབ་གསོ། སློབ་སྦྱོང་ལག་ལེན་དང་སྔོན་གཏོད་ལེགས་བརྩོན་གྱི་བྱེད་སྒོ་སྤེལ་བ་བཅས་བྱས་ནས “རིམ་གསུམ་མཉམ་གཏོད ”ཀྱི་བྱེད་སྒོ་རྒྱུན་ཆད་མེད་པར་གཏིང་ཟབ་ཏུ་བཏང་བ་རེད། བྱ་ཐབས་གསར་གཏོད་དང་། གཙོ་གནད་དང་། དཔེ་མཚོན། དཔེ་སྟོན་བཅས་དམ་འཛིན་བྱེད་མཁས་པོ་བྱེད་པ། ཞིང་འབྲོག་ཁུལ་གྱི་གཞི་རིམ་གྱི་འགོ་ཁྲིད་ཚན་ཁག་ལེགས་འདེམས་དང་བསྐོ་བཞག་བྱ་རྒྱུར་ཤུགས་སྣོན་རྒྱག་པ། གཞི་རིམ་ལས་དོན་གྱི་སྟོབས་ཤུགས་འཐུས་སྒོ་ཚང་དུ་གཏོང་བ། གཞི་རིམ་དམངས་གཙོ་འཛུགས་སྐྱོང་བྱ་རྒྱུར་སྐུལ་འདེད་གཏོང་བ་བཅས་བྱས་ནས་གཞི་རིམ་རྩ་འཛུགས་ཀྱི་དངོས་པོའི་རྨང་གཞི་བརྟན་དུ་བཏང་བ་རེད། གཞི་རིམ་ཏང་འཛུགས་སྐྱོང་གི་ལས་དོན་གྱི་འགན་སྲུང་ལམ་སྲོལ་དང་། གཞི་རིམ་ཏང་འཛུགས་སྐྱོང་གི་དམིགས་ཚད་དཔྱད་ཞིབ་ལམ་སྲོལ། ལྟ་སྐུལ་ཚོད་འཛིན་ལམ་སྲོལ་བཅས་ཚན་རིག་དང་མཐུན་ལ་འཐུས་སྒོ་ཚང་བའི་སྒོ་ནས་ཧུར་ཐག་འཛུགས་པ། ཏང་ཡོན་གྱིས་མང་ཚོགས་དང་འབྲེལ་བ་བྱེད་པ་དང་ཞབས་འདེགས་ཞུ་བ་དང་། སྔོན་གཏོད་ལེགས་བརྩོན། ལས་ཀའི་འགན་འཁྲི་སོགས་ཀྱི་ལམ་སྲོལ་གཙོ་གནད་དུ་གསར་འཛུགས་དང་འཐུས་སྒོ་ཚང་དུ་གཏོང་བ། ལམ་ལུགས་མ་ལག་གི་ཚན་རིག་དང་མཐུན་པའི་རང་བཞིན་ལ་བརྟེན་ནས་གཞི་རིམ་ཏང་འཛུགས་སྐྱོང་གི་ལས་དོན་ཕན་འབྲས་ཐོན་པའི་ངང་སྤེལ་རྒྱུར་སྐུལ་སྤེལ་བཏང་བ་བཅས་བྱས་པ།
གསུམ་ནི་ཏང་ཡོན་དཔུང་ཁག་གི་སྔོན་ཐོན་རང་བཞིན་ཐོག་མཐའ་བར་གསུམ་དུ་རྒྱུན་འཁྱོངས་བྱས་ཤིང་། ཏང་ཡོན་ལ་སྔོན་ཐོན་རང་བཞིན་གྱི་འདུ་ཤེས་ཆེ་རུ་འགྲོ་རྒྱུར་སློབ་གསོ་དང་ཁྲིད་སྟོན་བྱེད་པ་དང་ཏང་ཡོན་དཔུང་ཁག་ལ་དོ་དམ་བྱ་རྒྱུར་ཤུགས་སྣོན་བརྒྱབ་ནས་རྒྱ་ཆེའི་ཏང་ཡོན་གྱིས་ལྷོ་ཁའི་བྱ་གཞག་ཁག་འཕེལ་རྒྱས་འགྲོ་རྒྱུར་སྐུལ་འདེད་གཏོང་བའི་ཁྲོད་གདོང་ལེན་དཔེ་བཟང་གི་ནུས་པ་འདོན་སྤེལ་གང་ལེགས་བྱས་པ་རེད།